খুরুমজরি,

হন্দক্কী চহি অসিগী বজেতনা ২১শুবা চহি চাগী ভারত অসিগী চাউখৎপগী খোংজেল লেপখ্রে। “ইনফ্রাস্ত্রকচরদা য়ুমফম ওইবা চাউখৎ-থৌরাং”গী মাইকৈ অসিনা ঐখোয়গী শেন্মিৎলোনবু থোইদোক-হেন্দোকপা মওংদা চাউখৎহল্লগনি। মসিনা মরম ওইরগা লৈবাক অসিদা থবক ফংবগী চাং হেনগৎহল্লগনি।

মরুপশিং,

অনম্বনা ঐখোয়গী লমদম অসিদা চৎনবী ওইনা মথৌ তাবা মতমদা অমসুং মথৌ তাবগী মতুং ইন্না ইনফ্রস্ত্রকচরশিং শেমগৎ-শাগৎপগী হৈনবী ওইদুনা লৈরে। হায়বদি মথৌ তাবগী মতুং ইন্না মচিৎ-মচিৎ শেম্বা। অমসুং মসিদসু কেন্দ্র-রাজ্য, লোকেল বোদী অমসুং প্রাইভেত সেক্তরদা চুশিন্নদবদগী লৈবাক অসিদা অকাইবা কয়া অমা থোক্লি।খুদম ওইনা  রেলগী থবক ওইগেরা নত্রগা লম্বিগী থবক্তা মখোয় অনিগী মরক্তা চুশিন্নদবা অমসুং য়ানদবা অসি ঐখোয়না মফম কয়াদা উবা ফংঙি। ঐখোয়গী অসিদসু অসুম্না থোক্তুনদা লৈরি, মদুদি মফম অমদা লম্বি শেম্বগা মথংগী নুমিত্তা ঈশিংগী পাইপ ফুম্নবগীদমক্তা মদুবু অমুক তৌথোকপা। লম্বি অদু অমুক হন্না শেম্লবা মতুংদা সীৱর লাইন ফুম্নবশিংনা লাক্লগা অদুবু অমুক তৌথোকই। অসুম্না থোক্লিবা অসিগী মরমদি তোঙান-তোঙানবা দিপার্তমেন্তশিং ময়েক শেংনা পাউ-ই অমত্তা ফংদে। পি.এম. গতিশক্তিনা মরম ওইরগা হৌজিক্তি মীপুম খুদিংমক্না পাউ-ই ময়েক শেংনা খঙলবা মতুংদা মখোয়না থবক্কী থৌরাং তৌবা ঙম্লগনি। মসিনা লৈবাক অসিগী রিসোর্সপুসু খ্বাইদগী হেন্না ফবা মওংদা শিজিন্নবা ঙম্লগনি।  

মরুপশিং,

ঙসি অচৌবা থাক্তা, ঐখোয়গী সরকার অসিনা ইনফ্রস্ত্রকচর দেবেলপমেন্তদা থবক তৌরিবা অসিদা পি.এম. গতিশক্তি অসি ঐখোয়গীদি য়াম্না তঙাইফদবা অমনি। চহি ২০১৩-৪১দা ভারত সরকারগী দাইরেক্ত কেপিতল এক্সপেন্দিচর অদু চাউরাকনা লুপা করোর লাখ অমগা হুমফুদ্রা মঙা ওইখি, হায়রিবা অসি চহি ২০২২-২৩দা হেনগৎলক্তুনা লুপা করোর লাখ তরেত মখাই ওইখি।  হাবরিবা অসি চাউরাক্না শরুক মরি থোক্না হেনগৎপনি। নেস্নেল হাইৱে, রেলৱে ,এয়রৱে-ৱাতরৱে, ওপ্তিকেল ফাইবর কেনক্তিবিতী, গ্যাস গ্রিদ, রিন্যুৱেবল ইনর্জী ওইগেরা সরকার অসিনা সেক্তর খুদিংমক্তা ইনভেস্তমেন্ত হেনগৎখি। মসিগী লমশিং অসিদা ঐখোয়গী সরকার অসিনা য়াম্না চাউরবা পান্দম অমগা লোইননা খোং থাংজিল্লি। পি.এম গতিশক্তিদগী ঐখোয়না ইনফ্রস্ত্রকচর প্লানিং, ইমপ্লিমেন্তেশন অমসুং মোনিতরিংগী য়াম্না কোওর্দিনেতেদ ওইবা মওংদা ঐখোয়না খুমাং চাউশিনবা ঙমগনি অমসুং অনৌবা মাইকৈ অমদা থবক তৌবা ঙমগনি। মসিনা প্রোজেক্তশিংগী তাইম অমসুং কোস্ত ওভর রনদসু হন্থহনবা ঙমগনি।

মরুপশিং,

নখোয় ময়াম্না খঙই মদুদি ইনফ্রস্ত্রকচর ইনভেস্তমেন্তকী য়াম্না চাউবা মল্তিপ্লায়র ইফেক্ত লৈ। মসিনা ইজ ওফ লিভিংগা লোইননা ইজ ওফ দুয়িং বিজনেসতসু অহোংবা পুরকপা ঙমগনি। মসিনা সেক্তর খুদিংমক্কী ইকোনোমিক প্রোদক্তিবিতীদা মপাঙ্গল হাপ্লি। ঙসি লৈবাক অসিনা  িনফ্রাস্ত্রকচর দেবেলপমেন্তদা খোংজেল হাপ্লি, মসিনা একোনোমিক এক্তিবিতীসু হেনগৎহল্লগনি অমসুং জোব ক্রিয়েশনশু অদুকী মতিক হেনগৎহল্লগনি।

মরুপশিং,

ঐখোয়গী সরকার অসিনা কোওপরেতিব ফেদরেলিজমগী প্রিন্সিপল অসিবু মপাঙ্গল কনখৎহন্দুনা হন্দক্কী চহি অসিগী বজেত অসিদা রাজ্যশিংগী মতেং পাংনবগীদমক্তা লুপা করোর লাখ অমগী প্রোভিজন পীখ্রে। রাজ্য সরকারশিংনা মসিগী শেন্থং অসিবু মল্তিমোদল ইনফ্রস্ত্রকচর অমসুং অতোপ্পা প্রোদক্তিব এসেতশিংদা শিজিন্নবা য়াগনি। লৈবাক অসিগী য়ৌশিনবা ঙমদবা চিংগী মফমশিংদা কনেক্তিবিতী ফগৎহন্নবা নেস্নেল রোপৱে দেবেলপমেন্ত প্রোগ্রাম হৌদোক্লগনি। ঐখোয়গী সরকার অসিনা নোর্থ ইস্ততা চাং মান্ননা চাউখৎপা পুরক্নবগীদমক্তা কমিতেদ ওই। রাজ্যশিং অসিগী তঙাইফদবা অদু য়েংলগা লুপা করোর ১৫০০গী শেন্থং কাথদুনা পি.এম দিভাইন স্কীমগী মতাংদসু লাউথোকখ্রে। ইনফ্রস্ত্রকচরগী লমদা সরকারসরকারগী মাইকৈদগী তৌরিবা ইভেস্তমেন্ত অদু মসিগা লোইননা প্রোদক্সন লিঙ্কদ ইন্সেন্তিব স্কীম, অসিনা লাক্কদবা চহিশিং অসিদা লৈবাক অসিবগী চাউখৎ-থৌরাংগী লমদা অনৌবা অৱাংবা থাক অমদা পুখৎলগনি। হৌৎনরিবশিং অসিনা, ইনফ্রস্ত্রকচর ক্রিয়েশনগী অনৌবা য়ুগ অসিদা, নখোয় ময়ামগীদমক্তা অনৌবা ইকোনোমিক্কী ওইবা খুদোংচাবা কয়া অমগী থোং হাংগদৌরিবনি। ঐহাক্না কোর্পোরেত ৱার্ল্দদা, লৈবাক অসিগী প্রাইভেত সেক্তরদা হায়রি মদুদি সরকারগা লোইননা ইনভেস্ত তৌদুনা অমসুং লৈবাক অসিগী চাউখৎ-থৌরাংদা চাউথোক্নিংঙাই ওইবা মওংদা শরুক য়াননবা হায়রি।  

মরুপশিং,

নখোয় ময়াম্না হেন্না খঙলম্লগনি মদুদি পি.এম গতি-শক্তি নেস্নেল মাস্তর প্লানদা হৌজিক ৪০০দগী হেবা দেতা-লেয়র ফংলি। মসিদা শপ্নতগী একজিস্তিং অমসুং প্লান্দ ইনফ্রস্ত্রকচরগী মতাংদা ইনফোর্মেশন ফংবদা নত্তনা মসিদা ফোরেস্ত লেন্দ, এভলেবল ইন্দস্ত্রিয়েল এস্তেতগুম্বা ইনফোর্মেশনসু য়াওরি। ঐনা মসিদা হাবনিংবদি মসিবু প্রাইভেত সেক্তরনা মখোয়গী প্লানিংগীদমক্তা য়ারিবমখৈ শিজিন্নগদবনি। নেস্নেল মাস্তর প্লানদা মথৌতাবা ইনফোর্মেশন পুম্নমক সিঙ্গল প্লেতফোর্ম অমদা ফংহল্লগনি। মসিনা প্রোজেক্ত এলাইনমেন্ত অমসুং তোঙান-তোঙান মখলগী ক্লিয়রেন্স, দি.পি.আর. স্তেজদা ফংবা ঙম্লগনি। মসিনা অদোমগী কমপ্লায়েন্স বর্দনবু হন্থহনবদা মতেং ওইগনি। ঐহাক্না রাজ্য সরকারশিংদসু হায়রি মদুদি মখোয়না মখোয়গী প্রোজেক্ত অমসুং ইকোনোমিক জোনশিং লিংখত্তুনা পি.এম. গতিশক্তি নেস্নেল মাস্তর প্লানবু মখোয়গী য়ুমফম ওইহন্নবা হায়রি।

মরুপশিং,

ঙসিসু ভারত্তা লোজিস্তিক কোস্ত অসি জি.দি.পি. চাদা ১৩দগীনা ১৪ ফাওবা ওই হায়না পানরি। হায়রিবা অসি অতোপ্পা লৈবাকশিংগা চাংদম্নবদা হেল্লি। ইনফ্রস্ত্রকচর এফিসিয়েন্সী ফগৎহনবদা পি.এম.গতি-শক্তিগী য়াম্না চাউরবা থৌদাং য়াওরি। লৈবাক অসিদা লোজিস্তিক কোস্ত হন্থহন্নবা হন্দক্কী বজেত অসিদা য়ুনিফাইদ লোজিস্তিক ইন্তর্ফেস প্লেতফোর্ম – য়ু.এল.আই.পি. শেম্নবগী প্রোভিজন থমখ্রে। ণখোয় মবাম্না খঙই মদুদি হৌজিক-হৌজিক তোঙান-তোঙানবা মন্ত্রালয়শিংগী দিদজিতেল সীস্তেম অদু মখোয়-মখোয়গী মথৌ তাবগী মতুং ইন্না  মথৌ তৌরি।.এল.আই.পি.গী খুত্থাংদা মন্ত্রালয় ৬কী দিজিতেল সীস্তেম ২৪বু ইন্তিগ্রেত তৌরি। মসিনা লৈবাক অসিগী ওইবা সিঙ্গল ৱিন্দো লোজিস্তিক পোর্তল অমা শেম্লগনি, মসিনা লোজিস্তিক কোস্তপু হন্থহনবদা মতেং পাংলগনি। পি.এম গতি-শক্তিনা ঐখোয়গী এক্সপোর্তশিংদসু য়াম্না মতেং ওইগনি, ঐখোয়গী এম.এস.এম.ই. গ্লোবেল্লী কমপেতিতিব ওইবা ঙম্লগনি। ঐখোয়গী সরকার না লোজিস্তিক এফিসিয়েন্সী হেন্না ফগৎহন্নবা লোজিস্তিক দিভিজন অমসুং সরকার দিপার্তমেন্তশিংদা হেন্না ফবা কোওর্দিনেশন লৈহন্নবা এমপাৱর্দ গ্রুপ ওফ সেক্রেতরীসসু লিংখৎখি। পি.এম গতি-শক্তিদা তেক্নোলোজীনা লৌরিবা য়াম্না চাউবা থৌদাং অদু নখোয়না উরি। অমসুং ঐহাক্না মসিগী মতাংদসু নখোয়দা হায়রি মদুদি সরকার অমসুং প্রাইভেত সেক্তরশিংনসু মতম অসিগী খ্বাইদগী নৌবা তেক্নোলোজীবু ঐখোয়গী ইনফ্রস্ত্রকচর প্রোজেক্তকীদমক্তা করম্না পুরক্কনি হায়বগী ৱাফম অসি য়াম্না মরু ওইনা লৌগদবনি। ক্বালিতীসু অমসুং কোস্ত ইফেক্তিব অমসুং তাইমগী মতাংদসু য়াম্না কান্নগনি। অমসুং হৌজিক্তি ঐখোয়না না মসিমসু খঙলে মদুদি ভারতনা লীদ তৌদুনা চৎলি মদুদি মালেম অসিদা থোক্লিবা দিজাস্ত্রশিং, নেচরেল দিজাস্তরশিংদা মীওইবদা শোকহনবদগী হেন্না ইনফ্রস্ত্রকচর অমাং-অতা থোকপনা হেন্না মতম শাংনা শোকহল্লি। থোং কয়া অমা কাইদুনা অমাং-অতা থোকই, মসিবু অমুক শমে্বদা চহি ২০-২০ চংঙি। অমসুং মরম অদুনা দিজাস্তর রেজিলিয়েন্স ইনফ্রাস্ত্রকচর অসি হৌজিক্তি য়াম্না তঙাইফদ্রে। মরম অদুনা তেক্নোলোজী লৈত্রিবা ফাওবা ঐখোয়না মদুগী মাইকৈদা থবক অমত্তা পাংথোকপা ঙম্লোই। অমসুং মরম অদুনা ঐখোয়না মসিবু য়ারিবমখৈ শিজিন্নগদবনি। মলোজিস্তিক সেক্তরদা থবক তৌরিবা কমপনীশিংদা মসিগী মতাংদা ৱার্লদ ক্লাস নোলেজ অমসুং তুলশিং লৈ। মসি শিজিন্নদুনা লৈবাক অসিদা ফংলিবা দেতাবু খ্বাইদগী হেন্না ফবা মওংদা শিজিন্নগদবনি।

মরুপশিং,

গতি শক্তিনা ইনফ্রস্ত্রকচর প্লানিংদগী হৌরগা দেবেলপমেন্ত অসমুং য়ুতিলাইজেশন স্তেজ ফাওবা ইনফ্রস্ত্রকচর ক্রিয়েশনদা তশেংনা পব্লিক প্রাইভেত পার্তনরশিপ মপুং ফানা পাংথোকপা ঙমহল্লগনি। মসিগী ৱেবিনার অসিদা করম্না প্রাইভেত সেক্তরনা সরকারগী সীস্তেমগা লোইননা খুৎশম্নদুনা হেন্না ফবা আউৎকমশিং ফংবা ঙমগনি হায়বগী মতাংদা খন্ন-নৈনবা মথৌ তাই। নখোয় পুম্নমক্না ৱেবিনার অসিগী মনুংদা হীরম কয়া অমদা কুপথনা খন্ন-নৈনগনি হায়বসি ঐগী থাজবনি। ইনফ্রাস্ত্রকচরদা নত্তনা করম্বা রুলশিংঅমসুং পোলিসীশিংদা অহোংবা পুরকপগী মথৌ তাবগে হায়বগী মতাংদা নখোয়গী সজেসনশিং অদুসু য়াম্না মরু ওইগনি। লৈবাক অসিদা মতম অসিগী ওইবা ইনফ্রস্ত্রকচর লিংখৎপনা ভারতকী ফাউন্দেশন অসিবু হেন্না লিংহনগদৌরিবনি অমসুং পি.এম. গতিশক্তি নেস্নেল মাস্তর প্লান্না মসিগী য়াম্না মরু ওইবা মীদিয়ম অমা ওইরিবনি। ঐহাক্না মসিগী ৱেবিনার অসিগী মাইপাকপগী ওইরসনু হায়না থৌনিজরি অমসুং নখোয় ময়াম্না থেংনরকপশিং অদুদগী ঐখোয় ময়াম্না কান্নবা ফংগনি হায়না আশা তৌরি।

ঐহাক্না নখোয় ময়ামগী পুক্নিং চিংশিনবা পাম্লি মদুদি ঐখোয়গী ঙসিগী ৱেবিনার অসিদা  ঐখোয়গী সরকারগী মাইকৈদগী ভাশন পীবগী ৱাফম নত্তে। ঐহাক্না নখোয় ময়ামদগী তাবা পাম্লি, বজেত্তা থমখিবা ৱাফমশিং অদুগী মতুং ইন্না হায়রক্লবদি হেন্না ফগনি। অদোমগী সজেসনশিং লৈরবদি ঐখোয়না মথংগী বজেত শেম্বা মতমদা খন্নরগনি। মতম অদুদা নখোয়না শোইদনা ইদুনা পীবীয়ু। হৌজিক্তি পার্লিয়ামেন্তনা ঐখোয়দা বজেতকী মতাংদা পীরিবা অয়াবা অদুদা ওইনা ঐখোয়না মরু ওইবা মীৎয়েং থমসি। মদুবু ঐখোয়না করম্না খ্বাইদগী হেন্না ফবা মওংদা তৌগনি। হৌজিক ঐখোয়দা মার্চ থা অসি লৈরি। এপ্রিল ১দগী অনৌবা বজেত চৎনবা হৌরগনি। ঐখোয়না অসিগী মার্চ থা অসিবু খ্বাইদগী হেন্না ফবা মওংদা শিজিন্নদুনা অহানবা তরিক্তগী পুম্নমক অদুবু চৎনবা হৌগদবনি। মসি ঐখোয়না তৌবা ঙম্লোইদ্রা?

অমরোমদা, ইনফ্রস্ত্রকচর শেম্লবদি, থাইনগী মতমদগী হৌনা মালেম পুম্বগী মীয়াম্না তুরেলগী মপান্দা লৈবা হায়বসি মহৌশানি। তুরেল লৈবা মফমদা মদুগী মনাক্তা নত্রগা সমুদ্রগী মনাক্তা অচৌবা সহর দেবেলপ তৌখি। সীস্তেমশিং দেবেলপ তৌখি। তপ্না-তপ্না মফম অদুদগী শিফ্ত তৌদুনা অচৌ-অচৌবা হাইৱেশিং লৈবা মফমদা মালেম অসিদা লৈরিবা মীশিংনা দেবেলপ তৌবা হৌরকখি। অমসুং হৌজিক্তি ওপ্তিকেল ফাইবর লৈবা মফমদা মালেম পুম্বনা লেপ্তনা দেবেলপ তৌবগী ফিভমদা লৈরে। মতমগী মতুং ইন্না অহোংবা কয়া অমা লাক্লি। মসিনা তাক্লিবসি ইনফ্রস্ত্রকচর অসি ইনফ্রস্ত্রকচর আইসোলেতেদ খক্তমক নত্তে। মসি হেক লৈবা মফমদা, মসিগী অকোইবদা পুম্নৌ-নৌবা ইকো সীস্তেম দেবেলপ তৌখৎলকই। মসিবুসু খঙজিন্দুনা মসিগী গতি-শক্তি মাস্তর প্লান্না ঐখোয়দা য়াম্না কান্নবা পীগনি। অমসুং মরম অদুনা নখোয়না বজেত্তা লৈরিবা অসিগী মতুং ইন্না তৌনবা হায়রি। করম্না খ্বাইদগী হেন্না ফবা মওংদা তৌগদবনো?  সরকারদসু ফুল স্তোপ, কোমাগী মফম অমদগী অমদা অসোইবা য়াওরি। মসিনা থা তরুক-তরুক ফাইলশিং অদু মখা চত্থৈ। মতম অসি লোইরকপদদি অনৌবা বজেত অমুক লাক্লে। নখোয় ময়ামদা হান্নদগী হৌনা ৱারী শাহৌবগী কান্নবনা মসিনা মরম ওইরগা মসিগী খুদোংচাদবা অসি মায়োক্নগনি হায়বসি নখোয় ময়াম্না হান্নদগী খঙলগনি অমসুং নখোয়না পুক্নিং চিংশিল্লবদি সীস্তেম্না হৌজিক্তগী হৌনা মদুবু পোজিতিব রেসপোন্দ তৌরগনি। অমসুং মমরম অদুনা মসিদা নখোয় ময়ামগী য়াম্না চাউরবা থৌদাং লৈরিবনি। মসিনি ঐনা নিংজরিবসি। নখোয় ময়াম্বু য়াইফ-পাউজেল পীরি! হন্না-হন্না থাগৎচরি!

*****