হকশেল অমসুং য়াইফ-য়ুম্বাল মন্ত্রালয়

কোবিদ-১৯: লান্না থাজনবা অমদি অচুম্বা ৱাফম


কোবিদ-১৯গী মোর্তেলিতী অসি ওফিসিএল ওইবা মশিংদগী হেন্না ৱাংই হায়না মীদিয়া রিপোর্তশিংনা ফোঙদোক্লিবা অসি অরানবা পাউনি অমসুং ভাবনা শাগৎপনি

স্তেচ্যুতরী ফ্রেমৱার্ক অমদা য়ুম্ফম ওইরগা কোবিদ-১৯না শীহনখিবশিং রেকোর্দ তৌনবা ভারতকী মপাঙ্গল কনবা সিস্তেম অমা লৈ

কোবিদ-১৯না শীহনখিবশিং চাং নাইনা অপদেৎ তৌবদা ত্রান্সপরেন্সী লৈহনখি

Posted On: 17 FEB 2022 3:02PM by PIB Imphal

পব্লিশ তৌখিবা রিসর্চ পেপর অমদা য়ুম্ফম ওইরগা ভারত্তা কোবিদ১৯গী মোর্তেলিতী অসি ওফিসিএলগী মশিংদগী হেন্না ৱাংই অমসুং তশেংবা মশিং অসি শুনা থিদ্রে হায়না মীদিয়া রিপোর্ত খরানা মরাল শীরি। স্তদী অদুনা নভেম্বর ২০২১দা মিলিয়ন ০.৪৬(লাখ ৪.৬) ওইখিবা ওফিসিএলগী মশিং অদুগা চাংদম্নবদা লৈবাক অসিদা নবেম্বর ২০২১গী অঙনবা শরুক ফাওবদা মীওই মিলিয়ন ৩.২দগী মিলিয়ন ৩.৭ ফাওবা কোবিদ১৯না মরম ওইনা লৈখিদে হায়না পান্নখি।

মান্নবা মীদিয়া রিপোর্তশিং অসিগী মতাংদা মমাংদসু ফোঙদোকখিবা লৈখ্রে, অমদি রিপোর্তশিং অসি অরানবনি অমসুং য়ুম্ফম য়াওদবনি হায়না অমুক্কা হন্না শেংদোক্লি। মখোয় অসি অচুম্বা ৱাফমশিংদা য়ুম্ফম ওইবা নত্তে অমসুং ভাবনা শাগৎপনি।

গ্রাম পঞ্চায়ৎকী থাক্তগী জিলাগী থাক অমসুং রাজ্যগী থাকশিংদা লৈরিবা গভর্নান্সকী তোঙান-তোঙানবা থাকশিং অসিদা চাং নাইনা কলপাইল তৌরিবা কোবিদ-১৯না লৈখিদবা য়াওনা লৈখিদবশিং রিপোর্ত তৌনবা মপাঙ্গল কনবা সিস্তেম অমা ভারত্তা লৈ। লৈখিদবশিংগী রিপোর্ত তৌবা অসি ত্রান্সপরেন্ত ওইবা মওং অমদা চাং নাইনা তৌরি। লৈখিদবা পুম্নমক রাজ্যশিংনা তোখাই তোখাইনা রিপোর্ত তৌরক্লবা মতুংদা কেন্দ্রনা কমপাইল তৌখি। মালেমগী থাক্তা চৎনবা য়াবা কেতগোরাইজেসন অমদা য়ুম্ফম ওইরগা ভারত সরকারনা রাজ্যশিংনা শিয়র তৌরকপা কোবিদনা লৈখিদবশিং অসি কাইদোক্নবা কমপ্রিহেনসিব দেফিনিসন অমা লৈ অমসুং রাজ্যশিংনা মসি ঙাক্না চৎলি। মখা তানা ভারত সরকারনা করিগুম্বা ফিল্দ লেবেলদা মতম চানা রিপোর্ত তৌহৌদবা লৈখিদবশিং লৈরবদি রাজ্যশিংদা মখোয়গী মোর্তেলিতীগী মশিং অদু অপদেৎ তৌনবসু খঙহনখি অমসুং অসুম্না লাইচৎকা মরী লৈননা লৈখিদবশিংগী অচুম্বা মশিং অদু ফংনবা মপুং ফাওনা হোৎনরি। ভারত সরকারনা রাজ্যশিং অমসুং য়ু.তি.শিংদা ফোর্মেল কম্ম্যুনিকেসন কয়ামরুম, ভিদিও কনফরেন্স কয়া অমসুং সেন্ত্রেল তীম কয়া দিপ্লোই তৌদুনা পীরিবা গাইদলাইনশিংগী মতুং ইন্না লৈখিদবশিং চুম্না রিকোর্দ তৌনবা হায়খি। কেন্দ্রগী হকশেল মন্ত্রালয়না নুমিৎ খুদিংগী ওইনা জিলা-জিলাগী কেস অমদি লৈখিদবশিং মোনিতর তৌনবগী মপাঙ্গল কনবা রিপোর্তিং মেকানিজম অমা মথৌ তাই হায়না চাং নাইনা অকনবা ৱাফমসু থমখি। মরম অসিনা কোবিদনা লৈখিদবশিং অসি অন্দর-রিপোর্তেদ ওই হায়না প্রোজেক্ত তৌনবা হোৎনরিবা অসি য়ুম্ফম য়াওদবনি অমসুং অরানবা ৱাফমনি।

মীদিয়া রিপোর্তশিংদা য়ারিবা স্তদী অসি সবপোপুলেসন মরিদগী লৌবনি – কেরলাগী মীশিং, ইন্দিয়ন রেলৱেজকী কর্মচারীশিং, এম.এল.এ. অমদি এম.পি.শিং অমসুং কর্নাতকাগী স্কুল ওজাশিং, অমসুং লৈবাকশিনবা থুংবদা লৈখিদবশিং অসি হোৎনবা ত্রাইএঙ্গুলেসন প্রোসেস শীজিন্নখি। অকক্নবা দেতা সেৎশিং অমসুং অখন্নবা ৱাখলনা শাগৎপা খরদা য়ুম্ফম ওইরগা তৌবা অসিগুম্বা প্রোজেক্সনশিং অসি রাজ্য পুম্নমক অমসুং ভারতকী পাকচাউবা অসি পুন্না হাপচিল্লগা মশিং হোৎনত্রিঙৈ মমাংদা য়াম্না চেকশিন্না তৌগদবনি। মসিগী থৌওং অসিনা আউতলায়রশিংগী স্ক্যুদ দেতা পুন্না মেপ্পিং তৌবগী খুদোংথিবা লৈ অমসুং অরানবা এস্তিমেসন পীবা য়াই অসুম তৌবনা অরানবা ৱারোইশিন অমা পীরক্কনিখ স্তদী অসিগী ফাইন্দিং/এস্তিমেৎশিং অসি অতোপ্পা স্তদীগা পুল্লি অদুনা মস অচুম্বনি হায়না ফোঙদোক্লিবা অসি লান্না লমজিংনীংঙাই ওই, য়ুম্ফম য়াওদে অমসুং আর্তিকল অসি অসি ইখিবদা বাইয়স লৈখি হায়বা তাক্লি।

মীদিয়া রিপোর্ত অসিনা মখা তানা “এক্সপর্তশিংনা ভারতকী সিভিল রেজিস্ত্রেসন সিস্তেম অসি গেপশিং লৈরম্বা য়াই হায়না থাজনরি। হৌজিক লৈরিবা সিভিল রেজিস্ত্রেসন সিস্তেম অসি হেল্থ ইনফোর্মেসন সিস্তেমগা খজিক ইন্তেরোপেরাবিলিতী ওই, লৈখিদবশিং রেকোর্দ তৌবদা গেপশিং লৈরম্বা য়াই” হায়না ফোঙদোকখি। কেন্দ্র সরকারনা কোবিদ দেতা মেনেজমেন্তগী মতাংদা ত্রান্সপরেন্ত এপ্রোচ অসি ঙাক্না চৎলি অমসুং কোবিদ-১৯গা মরী লৈননা লৈখিদবশিং রেকোর্দ তৌনবা মপাঙ্গল কনবা সিস্তেম অমা হান্নদগী লৈরে হায়না অমুক হন্না ফোঙদোক্লি।  রিপোর্ত তৌরকপা লৈখিদবশিংগী মশিংদা ইনকনসিস্তেন্সী লৈহনদনবা, ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)না ৱর্ল্দ হেল্থ ওর্গনাইজেসন (দবল্যু.ঐচ.ও.)না রিকম্মেন্দ তৌবা আই.সি.দি.-১০ কোদশিংগী মতুং ইন্না লৈখিদবশিং চুম্না রেকোর্দ তৌনবগী ‘গাইদেন্স ফোর এপ্রোপ্রিএৎ রেকোর্দিং ওফ কোবিদ-১৯ রিলেতেদ দেথস ইন ইন্দিয়া’ ফোঙখি। কোবিদ-১৯গী কেসশিং অমসুং লৈখিদবশিংগী তাং অসি লাইচৎ হৌবদগী হৌনা নুমিৎ খুদিংগী ওইনা পব্লিক দোমেনদা থম্লি, অমসুং মসিগা মান্ননা রাজ্য পুম্নমক, জিলাশিং য়াওনা নুমিৎ খুদিংগী অকুপ্পা মরোল পুম্নমক্কা লোয়ননা চাং নাইনা বুলেতিনশিং থোক্লি হায়রিবা অসিসু পব্লিক দোমেন্দ ফংহল্লি।

কোবিদ-১৯ লাইচৎকুম্বা পব্লিক হেল্থ ক্রাইসিস অমা থোকপা অমসুং মতম শাংনা মায়োক্নবদা তৌখিবা মোর্তেলিতীগী রেকোর্দ অসিদা মতম চুপ্পদা খেন্নবশিং লৈগনি হায়বা অসি খঙনরবা ৱাফম অমনি অমসুং থাজবা য়াবা সোর্সশিংদগী মোর্তেলিতীশিংগী মতাংদা দেতা ফংলবা মতুংদা অয়াম্বনা মোর্তেলিতীশিং অসিদা রিসর্চ স্তদীশিং পাঙথোকই। অসিগুম্বা স্তদীশিং অসিফগী মেথোদোলোজীশিং অসি নীংথিনা এস্তাব্লিশ তৌই, দেতা সোর্সশিং অসি মোর্তেলিতী কম্প্যুতিং তৌনবগীদমক অচুম্বা ৱাফমশিংনা দিফাইন তৌই।

ভারত্তা কোবিদ১৯ মোর্তেলিতীগী এনলাইসিস তৌবদা, ভারতকী ওইনা কোবিদ১৯না লৈখিদবা মীওই খুদিংমক্কী ইমুং-মনুংগী মীওইদা শেলগী কম্পেন্সেসন পীবনা মরম ওইরগা কোবিদ১৯না লৈখিদবা পুম্নমক খঙদোক্নবা অমসুং রিপোর্ত তৌনবা হোৎনরি। থৌওং পুম্নমক অসি ইকাই খুম্নরবা সুপ্রিম কোর্ত ওফ ইন্দিয়ানা লেপ্তনা মোনিতর তৌরি। মরম অসিনা লৈবাক অসিদা কোবিদনা লৈখিদবশিং অন্দররিপোর্তিং তৌবগী ওইথোকপা য়াবা অসি য়াম্না হন্থৈ। মরম অসিনা “অন্দরকাউন্ত” অসি ইমং-মনুংশিং অমসুং লোকেল ওথোরিতীশিংনা ফোঙদোক্নীংদবগী হায়বা ৱাফম অসি অরানবা অমসুং অচুম্বা নত্তে।

****



(Release ID: 1799172) Visitor Counter : 173