প্রধানমন্ত্রীগী লোইশঙ
পি.এম.না ফেব্রুৱারী ১৮দা থানে অমসুং দিবা শম্নহল্লিবা নেস্নেল রেলৱে লাইনশিং জাতিদা খুৎশিন্নগনি
পি.এম.না মুম্বাই সবঅর্বান রেলৱেগী সবঅর্বান ত্রেন অনিসু লমথাগনি
লুপা করোর ৬২০রোমগী শেনফম অমদা শাখি, এদিস্নেল রেলৱে লাইনশিং অসিনা লমশাং চেনবা ত্রেনকী ত্রাফিক লোয়ননা সবঅর্বান ত্রেন ত্রাফিক্কী অপনবা চাউনা লাউথোক্লগনি
ত্রেকশিং অসিনা অনৌবা সবঅর্বান ত্রেন ৩৬ চেলহনবসু ঙম্লগনি
Posted On:
17 FEB 2022 12:42PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুত্থাংদা ফেব্রুৱারী ১৮, ২০২২গী নুমিদাং ৱাইরম পুং ৪:৩০ তাবা মতমদা থানে অমসুং দিবা শম্নহল্লিবা অহেনবা রেলৱে লাইন অনি জাতিদা খুৎশিন্নগনি। মহাক্না থৌরম অসিদা ৱা ঙাংবা লোইরবা মতুংদা মুম্বাই সবঅর্বান রেলৱেগী সবঅর্বান ত্রেন অনিসু লমথাগনি।
কল্যান অসি সেন্ত্রেল রেলৱেগী মেন জঙ্কসন ওইরি। লৈবাক অসিগী অৱাং থংবা অমসুং খা থংবা মাইকৈশিংদগী লাকপা ত্রাফিক অসি কল্যান্দা মর্জ তৌরি অমসুং সি.এস.এম.তি. (ছত্রপতি শিবাজী মহারাজ তর্মিনস) তম্না চৎলি। কল্যান অমসুং সি.এস.তি.এম.গী মরক্তা লৈরিবা ত্রেক মরিগী মনুংদা ত্রেক অনিদা স্লো লোকেল ত্রেনশিংগীদমক অমসুং ত্রেক অনিনা ফাস্ত লোকেল, মেল এক্সপ্রেস অমসুং গুদস ত্রেনগীদমক শীজিন্নরি। সবঅর্বান অমসুং লমশাং চৎপা ত্রেনশিং খাইদোক্নবা অহেনবা ত্রেক অনি থৌরাং তৌখি।
থানে অমসুং দিবা শম্নহল্লিবা অহেনবা রেলৱে লাইন অনি অসি চাউরাক্না লুপা করো ৬২০ চংনা শাখি অমসুং কিমি ১.৪ শাংবা রেল ফ্লাইওভর, অচৌবা থোং ৩, থোং মচা ২১ য়াওরি। লাইনশিং অসিনা মুম্বাইদা লমশাং চেনবা ত্রেনকী ত্রাফিক লোয়ননা সবঅর্বান ত্রেন ত্রাফিক্কী অপনবা চাউনা লাউথোক্লগনি। লাইনশিং অসিনা শহর অসিদা অনৌবা সবঅর্বান ত্রেন ৩৬ চেলহনবসু ঙমগনি।
***
(Release ID: 1799048)
Visitor Counter : 120
Read this release in:
Gujarati
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Odia
,
Tamil
,
Telugu
,
Kannada
,
Malayalam