প্রধানমন্ত্রীগী লোইশঙ

পি.এম.না শ্রী রামানুজাচার্য়বু নীংশিংবা ওইনা ফুত ২১৬ ৱাংবা ‘স্তেচু ওফ ইক্বেলিতী’ জাতিদা কত্থোকখ্রে


“জগদগুরু শ্রী রামানুজাচার্য়গী অচৌবা মীতম অসিগী খুত্থাংদা ভারতনা মাগী হ্যুমেন ইনর্জী অমদি ইথিলদা মশক থোক্না পাঙ্গল হাপ্পি”

“ঐখোয়না রামানুজাচার্য়জী উবা মতমদা ঐখোয়না চাউখৎপগী খোঙজেল অমসুং এন্তিক্যুতীগী মরক্তা য়েৎনবা অমত্তা লৈতে হায়বা খঙবা ঙম্মি”

“অহোংবা পুরক্নবা অদোমগী হৌরকফম অদুদগী লাপ্না চৎপগী মথৌ তাদে। মসিগী মহুৎ ঐখোয়গী অশেংবা হৌরকফম অদুগা শম্নবা, ঐখোয়গী অশেংবা শক্তি অদু খঙবা মথৌ তাই”

“শ্রী রামানুজাচার্য়গী পাউজেলগা লোয়ননা ঙসি লৈবাক অসিনা ‘সবকা সাথ, সবকা বিকাস, সবকা বিশ্বাস, অমসুং সবকা প্রয়াস’কী লাইৱাগা লোয়ননা অনৌবা তুংলমচৎকী য়ুম্ফম থোল্লি'

“ভারতকী নীংতম ইহৌ অসি ঋসিশিংদগী ফংখিবা ইক্বেলিতী, হ্যুমেনিতী অমসুং স্পিরিচুএলিজমগী ইনর্জীনা থৌজানখি”

“করিগুম্বা সরদার সাহিবকী ‘স্তেচু ওফ য়ুনিতী’না লৈবাক অসিদা অমত্তা ওইবগী ৱাশক অদু নীংশিংহল্লবদি রামানজুআচার্য়গী ‘স্তেচু ওফ ইক্বেলিতী’না চপ মান্নবা হায়বা পাউজেল অসি পীরি। মসি জাতি অমা ওইনা ভারতকী থোইদোক-হেন্দোকপা মগুন অদুনি”

“তেলুগুগী কলচর অসিনা ভারতকী দাইভর্সিতীদা মগুন হাপ্পি”

“তেলুগুগী ফিল্ম ইন্দস্ত্রীনা তেলুগুগী কলচরগী ফজরবা

Posted On: 05 FEB 2022 8:50PM by PIB Imphal

প্রধান মন্ত্রী, শ্রী নরেন্দ্র মোদীনা জাতিদা ঙসি হায়দরাবাদতা লৈবা ‘স্তেচু ওফ ইক্বেলিতী’ কত্থোকখ্রে। ফু ২১৬ ৱাংবা স্তেচু ওফ ইক্বেলিতী অসি লাইনিং-লাইশোন, জাৎ-বিজাৎ য়াওনা হিংবগী হীরম পুম্নমক্তা মান্নবা হায়বা ৱাখল্লোন অসিবু থৌগৎখিবা, ১১শুবা চহিচাগী ভক্তি ঋসি শ্রী রামানুজাচার্য়বু নীংশিংবনি। তেলঙ্গনাগী রাজ্যপাল শ্রীমতি তামিলসাই সৌন্দরারজন, কেন্দ্রগী মন্ত্রী শ্রী কিশন রেদ্দীনা থৌরম অদুদা শরুক য়াখি।

থৌরম অদুদা ৱা ঙাংলদুনা প্রধান মন্ত্রীনা বসন্ত পঞ্চমীগী য়াইফরবা থৌরম অসিদা মীপুম খুদিংমক্তা য়াইফ-পাউজেল পীখি অমসুং শেংলবা নুমিৎ অসিদা মীতম অসি কত্থোকচবা ফংবদা নুংঙাইবা ফোঙদোকখি। মহাক্না হায়খি “জগদগুরু শ্রী রামানুজাচার্য়গী অচৌবা মীতম অসিগী খুত্থাংদা ভারতনা মাগী হ্যুমেন ইনর্জী অমদি ইথিলদা মশক থোক্না পাঙ্গল হাপ্পি। শ্রী রামানুজাচার্য়গী মীতম অসি মহাক্কী লৌশিং, অপাম-মীহৌবা থাদোকপা অমসুং ৱাখল্লোনশিং অদুগী খুদম অমনি”।

প্রধান মন্ত্রীনা ‘বিশ্বাকসেনা ইস্তি য়াজ্ঞ’গী ‘পুর্নাহুতি’দা শরুক য়াখি। য়াজ্ঞ অসি ফিরেপ অমদি পান্দমশিং থুংহন্নবনি। প্রধান মন্ত্রীনা লৈবাক্কী ‘অমৃত’ সঙ্কল্পকীদমক য়াজ্ঞ অসিগী ‘সঙ্কল্প’ তৌখি অসুং য়াজ্ঞ অসি ইরৈবাকচা করোর ১৩০দা কত্থোকখি।

প্রধান মন্ত্রীনা য়ানীংদবা অমসুং অয়াবা-য়াদবা অসিদগী লৌশিংনা হেল্লি হায়বনা ৱাখল্লোন লৈরিবা লৈবাক অসিগী স্কোলরশিংগী ভারতকী ওইবা চৎনবী অদুবু নীংশিংখি। “করিগুম্বা ঐখোয়দা ‘অদ্বৈৎ’ লৈরবদি ঐখোয়দা ‘দ্বৈৎ’সু লৈ অমসুং ‘দ্বৈৎ-অদ্বৈৎ’ অনিমক কোল্লিবা শ্রী রামানুজাচার্য়গী ‘বিশিশ্তাদ্বৈৎ’ অসি ঐখোয়দা লৈরি, হায়না প্রধান মন্ত্রীনা ফোঙদোকখি। শ্রী রামানুজাচার্য়না জ্ঞানগী অরোইবা পনখৈ য়ৌবা ঙমখিবগআ লোননা মহাক্না ভক্তি মার্গসু লিংখৎলমখি। নাকল অমরোমদা মহাক অসি ‘সনয়াস’ চৎনবীগী ঋসি অমনি, অমরোমদনা মহাক্না গীরা ভাশ্যদা য়াওরিবা খোঙথাংগী মরু ওইবা অদু খঙহনখি। প্রধান মন্ত্রীনা মখাদা তারদুনা হায়খি, “ঙসিগী মালেম অসিদা খুন্নাইদা অওনবা পুরকপা, প্রোগ্রেসিভিজমগী মতাংদা লাকপদা, অওনবা হায়বা অসি হৌরকফমদগী য়াম্না লাপ্না লৈরগা পুরকই হায়না থাজনৈ। অদুবু ঐখোয়না রামানুজাচার্য়জী উবা মতমদা ঐখোয়না চাউখৎপগী খোঙজেল অমসুং এন্তিক্যুতীগী মরক্তা য়েৎনবা অমত্তা লৈতে হায়বা খঙবা ঙম্মি। অহোংবা পুরক্নবা অদোমগী হৌরকফম অদুদগী লাপ্না চৎপগী মথৌ তাদে। মসিগী মহুৎ ঐখোয়গী অশেংবা হৌরকফম অদুগা শম্নবা, ঐখোয়গী অশেংবা শক্তি অদু খঙবা মথৌ তাই”।

প্রধান মন্ত্রীনা হৌজিক পাইখৎলিবা খোঙথাংশিং অমদি ঐখোয়গী ঋসিশিংগী লৌশিংগী মরক্তা লৈরিবিবা মরী অদু শন্দোক্না হায়খি। শ্রী রামানুজাচার্য়না লৈবাক অসিদা খুন্নাইদা অওনবা পুরকপা হায়বগী তশেংবা ৱাখল্লোন অদু খঙহনখি অমসুং দলিত অমদি শোত্থরবশিংগীদমক থবক তৌখি। মহাক্না হায়খি, শ্রী রামানুজাচার্য়না ঐখোয়দা অচৌবা স্তেচ ওফ ইক্বেলিতী মওংদা মান্নবা ৱাখল্লোনগী পাউজেল অদু পীরি। পাউজেল অসিগা লোয়ননা ঙসি লৈবাক অসিনা ‘সবকা সাথ. সবকা বিকাস, সবকা বিশ্বাস, অমসুং সবকা প্রয়াস’কী লাইৱাগা লোয়ননা অনৌবা তুংলমচৎকী য়ুম্ফম থোল্লি'। ভারতনা ঙসি খেৎনবা লৈরনা পুম্নমক্কী ওইনা অপুনবগী চাউখৎ-থৌরাংগীদমক থবক তৌরি; লৈবাক অসিগী চাউখৎ-থৌরাংদা মপুং ফানা ইকাই খুম্নবা পীদুনা পার্তনর ওইনবা চহিচা কয়া নমথদুনা লৈরুরবশিংদা সোসিএল জস্তিস পীরি হায়না ফোঙদোকখি। পক্কাগী য়ুমশিং, উজ্জ্বালা কন্নেক্সনশিং, লুপা লাখ ৫ ফাওবগী লেম্না অনা লায়েং পীবা নত্ত্রগা লেম্না ইলেক্ত্রিসিতী কন্নেক্সনশিং পীবা, জন ধন একাউন্তশিং, স্বচ্ছ ভারত অভিয়ান অসিগুম্বা স্কিমশিং অসিনা দলিত, শোত্থরবা অমসুং খুদোংচাবা ফংদ্রবশিংগী মপাঙ্গল কনখৎহনখি।

প্রধান মন্ত্রীনা শ্রী রামানুজাচার্য়বু ‘ভারতকী য়ুনিতী অমসুং ইন্তিগ্রিতী অচৌবা ইথিল’ অমনি হায়খ্রে। “মহাক অসি খা থংবদা পোকখি অদুবু খাদগী অৱাং অমসুং নোংপোক্তগী নোংচুপ ফাওবা ভারত পুম্বদা মহাক্না ইথিল পীখি”, হায়না মহাক্না হায়খ্রে।

প্রধান মন্ত্রীনা ভারতকী নীংতম ইহৌ অসি শুপ্নগী মাগী শক্তি অমদি হকশিংগী খক্তা ওইখিদে। লাঞ্জং অসিদা নাকল অমদা ‘সুপনম শাসনগী ৱাখল্লোন’ অমা য়াওখি অমসুং নাকল অমদা ‘হিংসি অমসুং হিংহনসি’ হায়বগী ৱাখল্লোন অসি লৈখি। নাকল অমরোমদনা মসি জাৎ-বিজাৎকী সুপেরিওরিতী অমসুং মেতরিএলিজমগী খৌরাংবা অমসুং অমরোমদনা হ্যুমেনিতী অমসুং স্পিরিচ্যুএলিতদা থাজবা থম্বা অসিনা ওইখি। অমসুং লাঞ্জং অসিদা ভারত অমসুং মাগী চৎনবীনা থোইখি, হায়না মহাক্না হায়খ্রে। “ভারতকী নীংতম ইহৌ অসি ঋসিশিংদগী ফংখিবা ইক্বেলিতী, হ্যুমেনিতী অমসুং স্পিরিচুএলিজমগী ইনর্জীনা থৌজানখি” হায়না মহাক্না মখা তাখি।

সরদার পতেলগী হায়দরাবাদকা লৈনবা মরীগী মতাংদা প্রধান মন্ত্রীনা হায়খি, “করিগুম্বা সরদার সাহিবকী ‘স্তেচু ওফ য়ুনিতী’না লৈবাক অসিদা অমত্তা ওইবগী ৱাশক অদু নীংশিংহল্লবদি রামানজুআচার্য়গী ‘স্তেচু ওফ ইক্বেলিতী’না চপ মান্নবা হায়বা পাউজেল অসি পীরি। মসি জাতি অমা ওইনা ভারতকী থোইদোক-হেন্দোকপা মগুন অদুনি”।

প্রধান মন্ত্রীনা তেলুগু কলচর অমসুং মসিনা ভারতকী আইভর্সিতীবু করম্না মগুন হাপখি হায়বগী মতাংদা ফোঙদোকখি। মহাক্না ফজবা চৎনবী অসিবু লমজিংখিবা নীংথৌ অমদি মহারানীশিংগী মতম শাংনা লাক্লবা চৎনবী অদুবু নীংশিংখি। ভারতকী লাইনীং-লাইশোনগী মফমশিং শেমজিন-শাজিনবা অমসুং মশক খঙবা হায়বা হীরম অসিদা প্রধান মন্ত্রীনা ১৩শুবা চহিচাগী কাকাতিয়া রুদ্রেশ্বর রামপ্পা মন্দির অসি য়ুনেস্কো ৱর্ল্দ এরিতেজ সাইৎ ওইনা লাউথোকখিবা অমসুং পোচমপল্লিবু ৱর্ল্দ তুরিজম ওর্গনাইজেসন্না ভারতকী খ্বাইদগী ফবা তুরিজম ভিলেজ ওইনা শকখঙখিবা অসিগী মতাংদা পনখি।

প্রধান মন্ত্রীনা তেলুগু ফিল্ম ইন্দস্ত্রীনা চাউনা শরুক মদুনা মসিবু মালেম শিনবা থুংবদা অমদি তেলুগু ঙাংবা মফমশিংতা নত্তনা মসিগী ৱাংমদা মশক তাক্লিবা অসিসু পনখি। “মসিগী ক্রিএতিবিতী অসি সিলভর স্ক্রীন অমসুং ও.তি.তি. প্লেৎফোর্মশিংদা খুদুম চল্লি। মসি ভারতকী ৱাংমদসু থাগৎনরকখি। তেলুগু ঙাংবা মীওইশিংনা মখোয়গী আর্ত অমসুং কলচরদা কত্থোক্লিবা অসি পুম্নমক্কী ওইনদি ইথিলগী হৌরকফম অমা ওইরি”, হায়না প্রধান মন্ত্রীনা মখা তাখি।

মীতম অসি সনা. লুপা, শেঞ্জেং, কোরি অমসুং জিঙ্ক: ধাতু মঙা অসিগী অপুনবা, ‘পঞ্চলোহা’না শাবনি অমসুং মালেমগী ওইনা খ্বাইদগী ৱাংবা ধাতুনা শাবা মীতমশিংগী মনুংদা অমা ওইরি। মসি ‘ভাদ্র ভেদি’ কৌবা, ফিৎ ৫৪ ৱাংবা বেজ বিল্দিং অমনা শাবনি, মসিদা ভেদিক দিজিতেল লাইব্রেরী অমসুং রিসর্চ সেন্তর, অরিবা ভারতকী তেক্তশিং, থিএতর, শ্রী রামানুজাচার্য়না তৌরম্বা থবক কয়া তাক্লিবা এজুকেস্নেল গেলরী অমা লৈবা ফ্লোরশিং য়াওরি। স্তেচু অসি শ্রী রামানুজাচার্য় অশ্রমগী শ্রী চিন্না জীয়র স্বামিনা ৱাখল্লোন পুথোকপনি।

প্রোগ্রাম অসিদা শ্রী রামানুজাচার্য়গী পুন্সি খোঙচৎ অমসুং তাকপী-তম্বীরম্বা অদুগী ৩দি প্রজেন্তেসন মেপ্পিং অমা উৎখি। প্রধান মন্ত্রীনা স্তেচু ওফ ইক্বেলিতীবু কোইশিল্লিবা দিব্যা দেসম (নীংথিনা হকলবা মন্দিরশিং) ১০৮গী চপ মান্নবা রিক্রিএসনশিং অদু চৎতুনা য়েংখি।

শ্রী রামানুজাচার্য়না নেস্নেলিতী, জেন্দর, ফুরুপ, জাৎ-বিজাৎকী খেন্নবা থমদনা মীওইবা খুদিংমক চপ মান্নৈ হায়বা ৱাখল্লোনগা লোয়ননা মীয়ামবু চাউখৎনবা চোকথবা লৈতনা হোৎনখি। স্তেচু ওফ ইক্বেলিতী শঙ্গাবা অসি শ্রী রামানুজাচার্য়গী ১০০০ শুবা মপোক কুমওন থৌরম পালন তৌরিবা অসিগী নুমিৎ ১২ চুপ্না পাঙথোক্লিবা শ্রী রামানুজা সহস্রাবদী সমারোহগী শরুক অমনি।

*****



(Release ID: 1795871) Visitor Counter : 138


Read this release in: English , Urdu , Marathi , Hindi , Bengali , Assamese , Punjabi , Gujarati , Odia , Tamil , Telugu , Kannada , Malayalam