প্রধানমন্ত্রীগী লোইশঙ
পি.এম.না আই.সি.আর.আই.এস.এ.তি.গী চহি ৫০ শুরকপগী কুমওন থৌরম হৌদোকখ্রে অমসুং রিসর্চ ফেসিলিতী অনি শঙ্গাখ্রে
“অদোমগী রিসর্চ অমসুং তেক্নোলোজীনা লৌউ-শিংউবু লায়থোকহনবা অমসুং সস্তেনেবল ওইহনবদা মতেং পাংখি”
“প্রো প্লানেৎ পিপল মুফমেন্ত অসি শুপ্নগী ৱাহৈ খক্তা নত্তে, অদুবু মসি ভারত সরকারগী খোঙথাংশিংদসু মমি তারি”
“ভারতনা মাগী লৌমীশিংবু অইং-অশাগী খল কাইথরকপগী শীংনবদগী ঙাকথোক্নবা ‘বেক তু বেসিক’ অমসুং ‘মার্চ তু ফ্যুচর’গী ফ্যুজন্দা মীৎয়েং থম্মি”
“দিজিতেল তেক্নোলোজীগী খুত্থাংদা লৌমীশিংবু শক্তি পীনবা ভারতনা লেপ্পা লৈতনা খোঙথাং পাইখৎপা হেল্লক্লি”
“অমৃত কাল মনুংদা ভারতনা লৌউ-শিংউ হেন্না চাউখৎহনবগা লোয়ননা ইনক্লুসিব গ্রোথতা মীৎয়েং থম্লি”
“ঐখোয়না অপীকপা লৌমীশিংবু এফ.পি.ও. লিশিং কয়া ওইনা শিন্দোক্তুনা মীৎনা শিংবা অমসুং তৌবা ঙম্বা মার্কেৎ ফোর্স শেম্বা পাম্মি”
“ঐখোয়না ফুদ সেক্যুরিতী লোয়ননা ন্যুত্রিসন সেক্যুরিতীদা মীৎয়েং থম্লি। বিজন অসিগা লোয়ননা ঐখোয়না হৌখিবা চহি ৭ অসিদা বাইও-ফোর্তিফাইদ ভেরাইতী কয়া দিবেলপ তৌখ্রে”
Posted On:
05 FEB 2022 4:47PM by PIB Imphal
প্রধান মন্ত্রী, শ্রী নরেন্দ্র মোদীনা হায়দরাবাদকী পতনচেরুদা লৈবা ইন্তরনেস্নেল ক্রোপ্স রিসর্চ ইন্সতিত্যুত ফোর দি সেমি-এরিদ ত্রোপিক্স (আই.সি.আর.আই.এস.এ.তি.)গী কেম্পসতা চৎখ্রে অমসুং আই.সি.আর.আই.এস.এ.তি.গী চহি ৫০ শুরকপগী কুমওন থৌরম হৌদোকখ্রে। প্রধান মন্ত্রীনা আই.সি.আর.আই.এস.এ.তি.গী প্লান্ত প্রোতেক্সনগী ক্লাইমেৎ চেঞ্জ রিসর্চ ফেসিলিতী অমসুং আই.সি.আর.আই.এস.এ.তি.গী রেপিদ জেনরেসন এদভান্সমেন্ত ফেসিলিতীসু শঙ্গাখ্রে। ফেসিলিতী অনি অসি এসিয়া অমসুং সব-সাহারন এফ্রিকাগী স্মোলহোল্দর লৌমীশিংদা কত্থোক্লি। প্রধান মন্ত্রীনা অখন্ননা দিজাইন তৌবা আই.সি.আর.আই.এস.এ.তি.গী লোগো মাইখুম হাংদোকখি অমসুং থৌরম অসিদা ইস্যু তৌবা কোমেমোরেতিব স্তাম্প অমসু লোঞ্চ তৌখি। থৌরম অসিদা তেলঙ্গনাগী রাজ্যপাল শ্রীমতি তামিলিসাই সৌন্দরারাজন, কেন্দ্রগী মন্ত্রী শ্রী নরেন্দ্র সিংহ তোমর অমসুং শ্রী জি. কিশন রেদ্দীসু শরুক য়াখি।
প্রধান মন্ত্রীনা বসন্ত পঞ্চমীগী য়াইফরবা থৌরম অসি পল্লদুনা আই.সি.আর.আই.এস.এ.তি.গী চহি ৫০ শুরকপদা নুংঙাইবা ফোঙদোকখ্রে। লৈবাক অসিগী অমদি আই.সি.আর.আই.এস.এ.তি.গী ওইনা মথংগী চহি ২৫ অসি মরু ওই হায়না ফোঙদোক্লদুনা প্রধান মন্ত্রীনা অনৌবা পান্দমশিং থম্বা অমদি মখোয়গীদমক থবক পাঙথোকপা মথৌ তাই হায়না অকনবা ৱাফম ফোঙদোকখ্রে। ভারত য়াওনা মালেমগী অচৌবা শরুক্কী লৌউ-শিংউদা মতেং পাংলিবা অসিদা আই.সি.আর.আই.এস.এ.তি.না শরুক তমখিবা অসিগীদমক প্রধান মন্ত্রীনা থাগৎখ্রে। মখোয়না ৱাতর অমসুং সোইল মেনেজমেন্তদা, ক্রোপ ভেরাইতী, ওন-ফার্ম দাইভর্সিতী অমসুং লাইবস্তোক ইন্তিগ্রেসন হেনগৎহনবদা শরুক তমখিবগীদমকসু মহাক্না থাগৎখি। মখোয়গী মার্কেৎশিংদা লৌমীশিং ইন্তিগ্রেৎ তৌনবা অমসুং অন্ধ্র প্রদেশ অমদি তেলঙ্গানাদা হৱায়শিং অমদি চানা প্রোমোৎ তৌবগী হোলিস্তিক এপ্রোচ অসিসু থাগৎখি। “অদোমগী রিসর্চ অমসুং তেক্নোলোজীনা লৌউ-শিংউবু লায়থোকহনবা অমসুং সস্তেনেবল ওইহনবদা মতেং পাংখি” হায়না মোদীনা ফোঙদোকখ্রে।
অইং-অশাগী খল কাইথরকপনা খ্বাইদগী চাউনা শাফু পীরিবা অসি রিসোর্স য়াম্না লৈজদবা চাউখৎ-থৌরাংদগী শোত্থনা লৈহৌরবা মীওইশিং অসিনা ওইরি হায়না প্রধান মন্ত্রীনা হায়খ্রে। মরম অসিনা প্রধান মন্ত্রীনা ভারতনা মালেমদা অইং-অশলদা অহোংবা লাকপা অসিদা অখন্নবা মীৎয়েং চংনবা হায়জখিবা অদু নৌহৌনা নীংশিংখি। মহাক্না লাইফ- লাইফস্তাইল ফোর এনভাইরনমেন্ত; পি৩ – প্রো প্লানেৎ পিপল মুফমেন্ত অমসুং ২০৭০ ফাওবাদা ভারতকী নেৎ জিরোগী পান্দম ফংনবা হোৎনবগী মতাংদা ৱা ঙাংখি। “প্রো প্লানেৎ পিপল অসি অইং-অশাগী খল কাইথরকপনা থোকহনবা শীংনবা লাকশিন্নবা ক্লাইমেৎকী থৌদাং অসি লৌবগা লোয়ননা কম্ম্যুনিতী খুদিংমক, মীওই খুদিংমক কন্নেক্ত তৌনবা মুফমেন্ত অমনি। মসি শুপ্নগী ৱাহৈ খক্তা নত্তে, অদুবু মসি ভারত সরকারগী খোঙথাংশিংদসু মমি তারি” হায়না মহাক্না মখা তাখি।
লৈবাক অসিগী এগ্রো-ক্লাইমেৎ জোন ১৫ অমসুং পন্থা ৬কী মতাংদা পল্লদুনা প্রধান মন্ত্রীনা ভারতকী লৌউ-শিংউগী অরিবা এক্সপরিয়েন্সকী মনুং হঞ্জিনবা লৌশিং অসি পনখি। মহাক্না ভারতনা মাগী লৌমীশিংবু অইং-অশাগী খল কাইথরকপগী শীংনবদগী ঙাকথোক্নবা ‘বেক তু বেসিক’ অমসুং ‘মার্চ তু ফ্যুচর’গী ফ্যুজন্দা মীৎয়েং থম্মি হায়না ফোঙদোকখি। “ঐখোয়না অপীকপা অমদি ঐখোয়গী মতেং খ্বাইদগী মথৌ তারিবা লৌমী চাদা ৮০ হেনবদা মীৎয়েং থম্মি”, হায়না প্রধান মন্ত্রীনা ফোঙদোকখ্রে।
ভারতকী হোংলক্লিবা অতোপ্পা হীরম অমা হায়বদি দিজিতেল এগ্রিকলচর অসি পল্লদুনা মহাক্না মসি ভারতকী তুংলমচৎনি হায়খি অমসুং তেলেন্ত লৈবা ভারতকী নহারোলশিংনা মসিদা চাউনা শরুক তম্বা য়াই হায়খি। মহাক্না ক্রোপ এসেমেন্ত, লেন্দ রেকোর্দ দিজিতাইজেসন তৌবা, তিল-হীদাক অমসুং হার দ্রোনশিং শীজিন্নদুনা চাইবা অসিগুম্বা লমশিং অসি পল্লদুনা মখোয়দা তেক্নোলোজী অমসুং আর্তিফিসিএল ইন্তেলিজেন্স শীজিন্নবা হেনগৎলকপা উবা ফংলি হায়না ফোঙদোকখ্রে। “দিজিতেল তেক্নোলোজীগী খুত্থাংদা লৌমীশিংবু শক্তি পীনবা ভারতনা লেপ্পা লৈতনা খোঙথাং পাইখৎপা হেল্লক্লি”, হায়না মহাক্না হায়খি।
প্রধান মন্ত্রীনা অমৃত কাল মনুংদা ভারতনা লৌউ-শিংউ হেন্না চাউখৎহনবগা লোয়ননা ইনক্লুসিব গ্রোথতা মীৎয়েং থম্লি হায়খ্রে। সেল্ফ-হেল্প গ্রুপশিংগী খুত্থাংদা এগ্রি-সেক্তরদা নুপীশিংবু শৌগৎপীরি। “লৌউ-শিংউনা ঐখোয়গী মীশিংগী য়াম্লবা শরুক অমা লায়রবদগী কোকহনবা অমসুং হেন্না ফবা পুন্সি মহিং অমা পীনবা মাংদা পুখৎপা ঙমগনি। মসিগী অমৃত কাল অসিনা লৌউ-শিংউ তৌবদা খুদোংচাদবা মফমশিংদা লৈরিবা লৌমীশিংদা অনৌবা পাম্বৈশিং পীরগনি”, হায়না মহাক্না হায়খি।
প্রধান মন্ত্রীনা ভারতনা লালোং অনি পাইখৎলি হায়খ্রে। অমনা, ঈশিং তুংশিনবা অমদি তুরেলশিং শম্নহনবগী খুত্থাংদা অচৌবা লম শরুক অমা ইরিগেসনগী মখাদা লৈহল্লি। নাকল অমদা ইরিগেসন নীংথিনা লৈতবা মফমশিংদা মাইক্রো ইরিগেসনগী খুত্থাংদা ঈশিং নীংথিনা শীজিন্নহল্লি।
প্রধান মন্ত্রীনা হায়খি মদুদি অচাথাওদা মীপাল তাংদবা ওইনবা নেস্নেল মিসন অসিনা ভারতকী অনৌবা এপ্রোচ অদু তাক্লি। মিসন অসিনা লম হেক্তা লাখ ৬তা পাম এরিয়া হেনগৎহন্নবা পান্দম থম্মি। “মসিনা থাক খুদিংমক্তা ভারতকী লৌমীশিংবু মতেং পাংলগনি অমসুং অন্ধ্র প্রদেশ অমদি তেলঙ্গনাগী লৌমীশিংদা চাউনা কান্নবা পীরগনি”, হায়না প্রধা মন্ত্রীনা ফোঙদোকখি। মহাক্না মিলিয়ন তন ৩৫গী কোল্দ চেন স্তোরেজ কেপাসিতী লৈহনবা অসিগুম্বা পোস্ত-হরভেস্ত ইনফ্রাস্ত্রকচর মপাঙ্গল কনখৎনবা অমসুং এগ্রিকলচর ইনফ্রাস্ত্রকচর ফন্দ লুপা করোর লাখ ১ থম্নবা পাইখৎখিবা খোঙথাংশিংগী মতাংদা পনখি।
ভারতনা এফ.পি.ও.শিং এগ্রিকলচর ভেল্যু চেন লৈহন্নবা মীৎয়েং চংলি। “ঐখোয়না অপীকপা লৌমীশিংবু এফ.পি.ও. লিশিং কয়া ওইনা শিন্দোক্তুনা মীৎনা শিংবা অমসুং তৌবা ঙম্বা মার্কেৎ ফোর্স শেম্বা পাম্মি”, হায়না মহাক্না ফোঙদোকখি।
প্রধান মন্ত্রীনা ভারতকী পান্দম অসি শুপ্নগী চেং-হৱায় পুথোকপা নত্তে হায়খ্রে। ভারতনা মালেমগী অচৌবা ফুদ সেক্যুরিতী প্রোগ্রাম চল্লাইনবা চেং-হৱায় মরাং কাইনা লৈ। “ঐখোয়না ফুদ সেক্যুরিতী লোয়ননা ন্যুত্রিসন সেক্যুরিতীদা মীৎয়েং থম্লি। বিজন অসিগা লোয়ননা ঐখোয়না হৌখিবা চহি ৭ অসিদা বাইও-ফোর্তিফাইদ ভেরাইতী কয়া দিবেলপ তৌখ্রে”।
আই.সি.আর.আই.এস.এ.তি. অসি এসিয়া অমসুং সব-সাহারন এফ্রিকাদা চাউখৎ-থৌরাংগীদমক এগ্রিকলচরেল রিসর্চ পাঙথোক্লিবা ইন্তরনেস্নেল ওর্গনাইজেসন অনি। মসিনা লৌমীশিংদা অফবা মহৈ-মরোং মখলশিং অমসুং হায়ব্রিদশিং ফংহন্দুনা মতেং পাংলি অমসুং অকবা মফমশিংদা লৈরিবা স্মোল হোল্দর লৌমীশিংবু অইং-অশাদা অহোংবা লাকপা অসি মায়োক্নবদা মতেং পাংলি।
*****
(Release ID: 1795803)
Visitor Counter : 170
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam