লাক্কদৌরিবা চহি ২৫গী অমৃত কাল অসিদা-ভারতনা ৭৫শুরকপদগী ভারতনা ১০০শুবা ফাওবদা ইকোনোমী অসি শেমগৎনবা অমদি শেল-থুমগী ফিভম অসি য়েংশিন্নবগী ব্লু প্রিন্ত অমা পীনবা য়ুনিয়ন বজেৎ ২০২২-২৩না হোৎনরি৷ য়ুনিয়ন বজেৎ অসিবু পুথোক্লদুনা, ফাইনান্স অমদি কোর্পোরেৎ এফিয়র্স মন্ত্রী শ্রীমতি নির্মলা সিথারমননা অসুম্না ফোংদোকখি, “২০২১-২২গী বজেৎতা থম্লিবা মংলান অদুগী মতুং ইন্না শেন্মীৎলোনগী ফিভম অসি লেপ্প-লৈতনা শেমগৎলি৷ ফাইনান্সিয়েল স্তেতমেন্ত অমদি ফিস্কেল পোজিসনবু ত্রান্সপরেন্সী লৈহনবা য়াওনা মরু ওইবা প্রিন্সিপলশিংনা সরকারগী পান্দম, মথৌনা অমদি চেলেঞ্জশিং অদুবু উৎলি৷”

দিজিতেল ইকোনোমী অমদি ফিন্তেক প্রমোত তৌনবগী মংলান অদু মংফাওনবা ঙম্নবা অমদি অমিৃত কালগী মতমদা অখন্নবা পান্দমশিং থমদুনা তেক্নোলোজীনা চাওখৎপা পুরকহন্নবগী মংলান অদু মংফাওনবা ঙম্নবা সরকার অসিনা মীৎয়েং থম্লি৷

তেলিকোম সেক্তর:

প্রদক্সন লিঙ্ক ইন্সেন্তিব (পি.এল.আই.) স্কিমগী শরুক ওইনা ৫জি.গীদমক অকনবা ইকোসিস্তেম অমা শেমগৎনবা দিজাইন য়াওনা মেনুফেকচর তৌনবগী স্কিম অমা হৌদোক্নবা য়ুনিয়ন বজেৎ ২০২২-২৩না পুথোকখ্রে৷ অত্মনির্ভর ভারতকী মংলান অদু মংফাওনবা ঙম্নবগীদমক সেক্তর ১৪দা লৈরিবা প্রদক্তিবিতী লিঙ্ক ইন্সেন্তিব অসিনা শিন্থানিংঙাই ওইরবা রেস্পোন্স ফংখ্রে, অমদি মসিদা লাক্কদৌরিবা চহি ৫গী মতম অসিদা লুপা কোতি লাখ ৩০গী অহেনবা শেনফম অমা পুথোক্নবা অমদি অনৌবা থবক লাখ ৬০ পীনবগী শক্তি লৈরি হায়না কেন্দ্রগী শেল-থুম মন্ত্রীনা ফোংদোকখ্রে৷

তেলিকম্ম্যুনিকেসন মরু ওইনা ৫জি.না চাওখৎপা পুরকপা ঙমগনি অমদি থবক্কী খুদোংচাবশিং ফংহনবা ঙমগনি হায়না শ্রীমতি নির্মলা সিথারমননা ফোংদোকখি৷ প্রাইভেৎ তেলিকোম প্রোভাইদরশিংনা ২০২২-২৩গী মনুংদা ৫জি. মোবাইল সর্ভিসশিং লাইনা লৈহন্নবা দরকার ওইরিবা স্পেক্ত্রম ওক্সনশিং ২০২২দা পাংথোক্লগনি৷

মখাতানা, খুঙ্গং অমসুং মনুং হঞ্জিনবা মফমশিংদা এফোর্দেবল ব্রোদবেন্দ অমদি মোবাইল সর্ভিস ফংহন্নবগীদমক, বজেৎ অসিনা য়ুনিভর্সেল সর্ভিস ওব্লিগেসন ফন্দ(য়ু.এস.ও.এফ.)গী মখাদা চহিগী ওইনা খোমজিনবশিংগী চাদা মঙা কাইথনবা হৌদোরকখ্রে৷ মসিনা আর. অমসুং দি. প্রমোত তৌরগনি অমদি তেক্নোলোজীশিং অমসুং সোলুসনশিং কম্মর্সিয়েলাইজেসন তৌবদা মতেং পাংলগনি৷

শহরগী মফমশিংদা ফংহল্লিবা অসিগা চপ মান্নবা থাক্তা খুঙ্গং পুম্নমক্তা ই-সর্ভিসশিং, কম্ম্যুনিকেসন ফেসিলিতীশিং, অমদি দিজিতেল রিসোর্সশিং ফংহন্নবা, মনুং হঞ্জিনবা মফমশিং য়াওনা খুঙ্গং পুম্নমক্তা ওপ্তিকেল ফাইবর তিংনবগী কন্ত্রেক্তশিং অদু য়ুনিয়ন বজেৎনা লাওথোকখ্রে অমদি মদু ২০২২-২৩দা পি.পি.পি.গী খুৎথাংদা ভারতনেত প্রোজেক্তকী মখাদা খুৎশিন্নরগনি৷ ২০২৫দা লোইশিল্লগনি হায়না পানরি৷ ওপ্তিকেল ফাইবর অসি হেন্না ফবা মওং অমদা অমদি হেন্না ইফিসিয়েন্ত ওইনা শিজিন্নহন্নবা খোংথাংশিং লৌখৎলগনি৷

******