ঙসি পার্লিয়ামেন্তদা য়ুনিয়ন বজেত ২০২২-২৩ পুথোকপদা, ফাইনান্স অমসুং কোরপোরেত এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না হায়খি “রবি ২০২১-২২দা গেহু লৈবা অমসুং খারিফ ২০২১-২২দা চেং লৈবা চাওরাক্না পাবদা লৌমী লাখ ১৬৩দগী গেহু অমসুং চেং মেত্রীক তন লাখ ১২০৮ ওইগনি অমসুং মখোয়গী মশাগী একাউন্দা এম.এস.পি. ভেল্যুদা লুপা করোর লাখ ২.৩৭ দাইরেক্ত পেমেন্ত তৌরগনি”।

মখাদা পীরিবা অসি লৌউ-শিংউবগী সেক্তরগা মরী লৈননা মরুওইনা লাউথোকখিবশিং:

লৌমীশিংগী দিজিতেল অমসুং হায়-তেক্ত সর্বিসশিং

ফাইনান্স মন্ত্রীনা হায়খি মদুদি লৌমীশিংনা দিজিতেল অমসুং হায়-তেক্তকী থবকশিং ফংনবগী মখাদা পি.পি.পি. মোদতা অনৌবা স্কীম অমা হৌদোক্লগনি। হায়রিবা অসিদা পব্লিক সেক্তর রিসর্স য়াওগনি অমসুং এগ্রী-ভেল্যু চেনগী লনাইগী এগ্রী-তেক্ত প্লেয়র অমসুং স্তেকহোল্দরশিংগা লোয়ননা ইন্সতিত্যুসনশিং হেন্না চাউথোকহল্লগনি।

এগ্রীকলচর অমসুং রুরেল এন্তরপ্রাইসকী স্তার্ত-অপ ফন্দ

লৌউ-শিংউবদা স্তার্ত-অপকী ইকোসিস্তেমদা মরুওইবা পীদুনা, শ্রীমতি নির্মলা সিতারমন্না হায়খি মদুদি কো-ইনভেস্তমেন্ত মোদেলগী মখাদা অপুনবা কেপিতেলগা লোয়ননা ফন্দ অমা নাবার্দকী খুত্থাংদা পীরগনি। ফন্দ অসিগী পান্দমদি, “ফার্মনা পুথোকপা ভেল্যু চেনগা মরী লৈননা, এগ্রীকলচর অমসুং রুরেল এন্তরপ্রাইসকী স্তার্তঅপতা ফাইনান্স” ওইরি। মসিগী স্তার্তঅপকী থবকশিং অসিদা ইন্তর এলিয়া, ফার্মগী থাক্তা রেন্তেল বেসিস্তা লৌমীশিংগী মেচিন্নরী অমসুং এফ.পি.ও.শিংগী মতেং ওইনবা আই.তি.দা-য়ুমফম ওইবা তেক্নোলোজী য়াওনা মনুং চনগনি।   

কেন-বেত্বা লিঙ্ক প্রোজেক্ত

ফাইনান্স মন্ত্রীনা হায়খি, “করোর ৪৪,৬০৫কী শেনফম ওইগবা কেন-বেত্বা লিঙ্ক প্রোজেক্ত হাপ্পগী থবক লৌখৎলগনি”। মসিগী পান্দম অসি লৌমীগী লম হেক্তর লাখ ৯.০৮দা ইখোঙগী কান্নবা পীবা অসিনি। মসিনা “মীওই লাখ ৬২দা থক্নবা ঈশিং ফংহনবা, অমদি মসিগী মথক্তা অহেনবা হায়দ্রোদা মেগা ৱাত ১০৩ অমসুং সোলর পাৱরদা মেগা ৱাত ২৭” পীবা অসিসুনি। মহাক্না মখা তানা হায়খি মদুদি মসিগী প্রোজেক্ত অসিদা  ২০২১-২২দা লুপা করোর ৪,৩০০ অমসুং ২০২২-২৩দা লুপা করোর ১,৪০০ পীথখ্রে। মহাক্না মখা তানা হন্না হায়খি মদুদি তুরেল লিঙ্ক মঙা – দমানঙ্গা-পিঞ্জল, পার-তাপি-নর্মদা, গোদাবরী-কৃষ্ণ, কৃষ্ণ-পেন্নর অমসুং পেন্নর-কবেরীগী দি.পি.আর.গী দ্রাফ লোইশিল্লে। কেন্দ্রনা বেনিফিসরী ওইবা রাজ্যশিংগী মরক্তা কন্সেসসকী মতুংদা হাপ্পগী মতেং পীগনি।  

কিসান দ্রোনশিং

অনৌবা তেক্নোলোজী শিজিন্নবা উৎলদুনা ফাইনান্স মন্ত্রীনা হায়খি মদুদি মহৈ-মরোংগী এসেসমেন্ত, লমগী রেকোর্দশিংগী দিজিতাইজেসন তৌনবা, তিলহিদাক চাইথোক্নবা অমসুং ন্যুত্রেন্তকীদমক ‘কিসান দ্রোনশিং’ শিজিন্নবা পুক্নিং থৌগৎলগনি।

কেমিকেল য়াওদবা মহৌশাগী লৌউবা

বজেত অসিনা কেমিকেল শিজিন্নবা য়াওদনা মহৌশাগী ওইবা লৌউবদা মিৎয়েং থম্লি। ফাইনান্স মন্ত্রীনা হায়খি, “অহানবা থাক্কী ওইনা গঙ্গা তুরেলগী কোরিদুরদা লৌমীশিংগী লম কি.মি. ৫গী মফমদা মিৎয়েং অমা থম্বগা লোয়ননা, কেমিকেল য়াওদবা মহৌশাগী ওইবা লৌউবা লৈবাক শিনবা থুংনা পুক্নিং থৌগৎলগনি”।  

মিলেত পোত্থোকশিংগী মতেং তৌবা

বজেত অসিদা পোস্ত-হার্বেস্ত ভেল্যু এদ্দিসন, দোমেস্তিক কঞ্জুমসন হেনগৎহনবা অমসুং মিলেতকী পোত্থোকশিং লৈবাক অমসুং মালেমগী ওইনা ব্রান্দ পীনবা য়াওরি।

ওইলসীদ পোত্থোক্কী স্কীম

ফাইনান্স মন্ত্রীনা দোমেস্তিক ওইলসীদ পোত্থোক হেন্না ফগৎনবা মপুং ফাবা স্কীম অমা হাপ্নবা লাওথোকখ্রে। মহাক্না হায়খি, “মপাল লমদগী ওইলসীদ পুশিল্লকপা মিপাল তাংবা হন্থনবা, দোমেস্তিক ওইলসীদ পোত্থোক হেন্না ফগৎনবা হেন্না ফবা অমসুং মপুং ফারবা স্কীম অমা হাপ্লগনি”।

চীঞ্জাক লীবা

ফাইনান্স মন্ত্রীনা লাওথোকখি মদুদি সরকারনা রাজ্য সরকারগা লোয়ননা শরুক য়াদুনা লৌমীশিংনা “উহৈ অমসুং মনা-মশীংশিংগী চুনবা ভেরাইতী” ফংবা ঙম্নবা অমসুং “চপ চাবা পোত্থোক অমসুং হার্বেস্তিং তেক্নিকশিং” শিজিন্নবা ঙম্নবা মপুং ফাবা পেকেজ অমা পীরগনি।

ফাইনান্স মন্ত্রীনা মখা তানা লাওথোকখি মদুদি মহৌশাগী ওইবা, জেরো-বজেত অমসুং ওর্গামিক ফার্মিং, মতমগা চুনরবা লৌউ-শিংউবা, ভেল্যু এদ্দিসন অমসুং মেনেজমেন্তশিং অসি ফংবা ঙম্নবা রাজ্যশিংবু এগ্রীকলচরেল য়ুনিভর্সিতীশিংদা সেল্লবি রিভাইস তৌনবা পুক্নিং থৌগৎলগনি।

******