২০১৯গী ওগস্ত থাদা জল জীবন মিসন (জে.জে.এম.) হৌদোকখিবদগী হৌরগা হাউসহোল্দ করোর ৫.৫ হেনবদা তোতি ইশিং সপ্লাই ফংহনখ্রে। ফাইনান্স অমসুং কোর্পোরেৎ এফিয়ার্সকী মন্ত্রী শ্রীমতী নির্মলা সিথারমন্না ঙসি পার্লিয়ামেন্তদা লান্থোকখিবা ইকোনোমিক সর্ভে ২০২১-২২দা ফোংদোকখি মদুদি জে.জে.এম.না ২০২৪ ফাওবদা রুরেল ইন্দিয়াদা লৈরিবা য়ুমথোং খুদিংদা ইন্দিভিজুএল হাউসহোল্দ তেপ কনেক্সনগী থোংদো সেফ দ্রিঙ্কিং ৱাতর ফংহন্নবা হোৎনরি অমদি রুরেল ফেমিলী করোর ১৯ হেন্না নত্রগা রুরেল পোপুলেসন করোর ৯০ হেন্না কানবা ফংহল্লগনি।

২০১৯দা ওবজর্ব তৌখিবা সর্ভেগী অকুপ্পা ৱারোল পীরদুনা, রুরেল এরিয়াদা লৈরিবা ইমুং চাউরাক্না করোর ১৮.৯৩গী মনুংদা রুরেল ফেমিলী চাউরাক্না করোর ৩.২৩ (চাদা ১৭)না মখোয়গী ময়ুমদা তোতি ইশিং কনেক্সন লৈরে। ২০২২গী জনুৱারী ২ ফাওবদা, মিসন অসি হৌরকপদগী য়ুমথোং ৫,৫১,৯৩,৮৮৫দা তেপ ৱাতর সপ্লাই ফংহনখ্রে। রাজ্য/য়ু.তি. তরুক হায়বদি গৱা, তেলঙ্গনা, অন্দমান অমসুং নিকোবর ইথৎ, পুদুচেরী, দাদ্রা অমসুং নগর হভেলি অমদি দামন অমসুং দ্যু অমসুং হরিয়ানানা য়ুমথোং চাদা ১০০দা তেপ ৱাতর সপ্লাইগী কোভতেদ স্তেতস ফংবা ঙমখ্রে। মদুগা মান্ননা জিলা ৮৩, ব্লোক ১০১৬, পঞ্চায়ৎ ৬২,৭৪৯ অমসুং খুঙ্গং ১,২৮,২৯৩না য়ুমথোং চাদা ১০০দা তেপ ৱাতর সপ্লাইগী স্তেতস ফংবা ঙমখ্রে। ১৯.০১.২০২২দা, জল জীবন মিসনগী মখাদা স্কুল ৮,৩৯,৪৪৩দা ৱাতর সপ্লাই ফংহনখ্রে।

জে.জে.এম.গী মখাদা, ক্বালিতী এফেক্তেদ এরিয়াশিং, ইকং থোকপা অমসুং মরুভুমি লমদমশিংগী খুঙ্গংশিং, সনসদ অদর্শ গ্রাম য়োজনা (এস.এ.জি.ৱাই.) খুঙ্গংশিং, স্কুলশিং, অঙ্গনৱাদী সেন্তরশিং, জি.পি. বিলদিংশিং, হেল্থ সেন্তরশিং, ৱেলনেস সেন্তরশিং অমসুং কম্ম্যুনিতী বিলদিংশিংদা ফঙ্কস্নেল তেপ কনেক্সন ফংহনবা অসি প্রায়োরিতীনি। মিসন অসিগী অপুনবা আউৎলে অসি লুপা করোর লাখ ৩.৬০নি।

জে.জে.এম.না ত্রান্সপরেন্সী অমসুং একাউন্তেবিলিতীগীদমক তেক্নোলোজিকেল ইন্তরভেন্সনশিং এমপ্লোই তৌগনি (i) ফিজিকেল অমসুং ফাইনান্সিএল প্রোগ্রেস কেপচর তৌনবা আই.এম.আই.এস.; (ii) ‘দাশবোর্দ’; (iii) ‘মোবাইল এপ’; (iv) রিএল তাইম বিসিসতা খুঙ্গংশিংদা ক্বান্তিতী, ক্বালিতী অমসুং রেগুলেরিতীগীদমক ৱাতর সপ্লাই মেজরমেন্ত অমসুং মোনিতরীং তৌনবগীদমক সেন্সর-বেজ আই.ও.তি. সোলুসন; (v) এসেৎ খুদিংমক জিও-তেগিং ক্রিয়েৎ তৌবা; (vi) তেপ কনেক্সন আধার কার্দকা লোয়ননা লিঙ্ক তৌবা; (vii) পব্লিক ফাইনান্স মেনেজমেন্ত সিস্তেম (পি.এফ.এম.এস.)গী থোংদা ত্রাঞ্জেক্সন।

স্বচ্ছ ভারত মিসন (গ্রামীন) [এস.বি.এম.-জি]:

২০১৪গী ওক্তোবর ২দা হৌদোকখিবদগী হৌরগা এস.বি.এম.-জি.গী মখাদা রুরেল সেনিতেসন্না অচৌবা প্রোগ্রেস লৈখ্রে। হৌদোকখিবদগী হৌরগা ২৮.১২.২০২১ ফাওবদা রুরেল ইন্দিয়াদা তোইলেৎ করোর ১০.৮৬ হেন্না শাখ্রে।

এস.বি.এম.গী ফেজ IIগী মখাদা ওপন দেফিকেসন ফ্রী (ও.দি.এফ.) অসি ২০২০-২১দগী ২০২৪-২৫ ফাওবা খুঙ্গং পুম্নমক ওপন দেফিকেসন ফ্রী ওইহনবগী পান্দম অমগা লোয়ননা ইমপ্লিমেন্ত তৌরে। ২০২১-২২ মনুংদা (২৫.১০.২০২১ ফাওবদা) নৌনা শাগৎলক্লিবা য়ুমশিংগীদমক ইন্দিভিজুএল হাউসহোল্দ লেত্রিন পুন্না লাখ ৭.১৬ অমসুং কম্ম্যুনিতী সেনিতরী কমপ্লেক্স ১৯,০৬১ শাখ্রে। খুঙ্গং ২,১৯৪সু ও.দি.এফ. প্লস ওইনা লাউথোকখ্রে।

নেস্নেল ফেমিলী হেল্থ সর্ভে, ২০১৯-২১ (এন.এফ.ঐচ.এস.-৫)গী মঙাশুবা রাউন্দগী হন্দক্তা থোকখিবা ফাইন্দিংগী মতুং ইন্না, ইমপ্রুব তৌরবা সেনিতেসন ফেসিলিতী অমা শিজিন্নবা হাউসহোল্দশিংদা লৈরিবা পোপুলেসন অসি ২০১৫-১৬দা চাদা ৪৮.৫দগী ২০১৯-২১দা চাদা ৭০.২দা হেনগৎলে।

*****