ইং ২০২১-২২দা রীএল তর্মদা ৯.২%কী শাহৌ লৌগনি থাজনরি

ইং ২০২২-২৩দা জি.দি.পি.না চাদা ৮.০-৮.৫ ফাওবা শাহৌ লৌগনি হায়রি

লাইচৎ:  সরকারগী সপ্লাই সাইদ রিফোর্মশিংনা শেন্মিৎলোনবু তুং কোইনা চৎকদবা লোং-তর্ম এক্সপান্সনগীদমক্তা শেম-শারি

কেপেক্সনা এপ্রিল-নবেম্বর, ২০২১গী মনুংদা ১৩.৫%কী চাংদা (ৱাই-ও- ৱাই) শাহৌ লৌখি

ফোরেন এক্সচেঞ্জ রিজর্বনা দিসেম্বর ৩১, ২০২১দা য়ু.এস. দোল্লর বিলিয়ন ৬৩৩.৬ য়ৌখি

মেক্রোইকোনোমিক স্তেবিলিতী ইন্দিকেতরশিংনা শেন্মিৎলোন অসিনা ২০২২-২৩গী শিংনবশিং নীংথিনা থেংনবা ঙম্নবা শেম শারে হায়বা তাক্লি
রেভেন্যু রিসিপ্তা চাউনা শাহৌ লৌখিবা

সোসিএল সেক্তরঃ জি.দি.পি.গী প্রোপোর্সনগী মতুং ইন্না সোসিএল সর্ভিসকী এক্সপেন্দিচরনা ইং ২০১৪-১৫দা ওইখিবা ৬.২%কা চাংদম্নবদা ইং ২০২১-২২ (বি.ই.)দা ৮.৬% হেনগৎখি

শেন্মিৎলোন হিংগৎলকপগা লোয়ননা, ইমপ্লোয়মেন্ত ইন্দিকেতরশিংনা ইং ২০২০-২১গী অরোইবা ক্বার্তরগী মনুংদা লাইচৎ মমাঙগী লৈরম্বা থাক্তা ফগৎলকখি

মর্চেন্দাইস এক্সপোরত  অমসুং ইম্পোর্তনা নীংথিনা ফগৎলক্তুনা কোবিদ মমাংগী থাক্তগী হেনখি

বেঙ্ক ক্রেদিৎনা দিসেম্বর ৩১, ২০২১ ফাওবদা ৯.২%গী চাংদা হেনগৎলকখি

আই.পি.ও. ৭৫গী খুত্থাংদা লুপা করোর ৮৯,০৬৬ শাগৎপা ঙমখি; মসিনা মমাংগী দিকেদকী চহি অমা হেক্তদগী শরুক য়াম্না হেনবা ওইখি

সি.পি.আই.-সি. ইনফ্লেসন্না ইং ২০২১-২২দা  (এপ্রিল-দিসেম্বর) ৫.২%কী চাংদা ময়াই ওইরপ্না ফনা লৈখি

ফুদ ইনফ্লেসন্না খ্বাইদগী নেম্বা ২.৯%কী চাং য়ৌরুদুনা ইং ২০২১-২২গী (এপ্রিল-দিসেম্বর) মনুংদা চাংচৎকী চাংদা ফনা লৈখি

সপ্লাই সাইদ মেনেজমেন্ত নীংথিজনা পাংথোকপনা তঙাই ফদবা পোৎলম অয়াম্বগী মমলবু লাকশিন্দুনা থম্বা ঙমখি

লৌউ-শিংউঃ জি.ভি.এ.না ইং ২০২১-২২দা ৩.৯%কী বোয়েন্ত গ্রোথ লৌবা ঙমখি

রেলৱেজঃ কেপিতেল এক্সপেন্দিচরনা ইং ২০২০-২১দা লুপা করোর ১৫৫,১৮১ ফাওবা মশক থোক্না হেনগৎপগী ফিভম উখি; ইং ২০১৪গী চাংগা চাংদম্নবদা শরুক মঙা হেন্দুনা লুপা করোর ২১৫,০৫৮ ফাওবা য়ৌনবা শেল থাদরি

নোংমদা শোরোক শেম্বগী চাংনা ইং ২০২০-২১দা কিমি ৩৬.৫ য়ৌখি, মসিনা মমাংগী চহিগা চাংদম্নবদা ৩০.৪%কী চাং হেনবনি

এস.দি.জি.: নিতি আয়োগ দেশবোর্দতা লৈবা মপুং ওইবা স্কোরনা ইং ২০২০-২১দা ৬৬তা ফগৎখি

ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা ইকোনোমিক সর্ভে ২০২১-২২ লান্থোকখি। ইকোনোমিক সর্ভে অসিগী মরু ওইবা ৱাফমশিং মখাদা পীরিঃ

শেন্মিৎলোনগী ফিভমঃ

• ভারতকী শেন্মিৎলোন্না ইং ২০২০-২১দা ৭.৩%গী চাংদা হন্থরুরবা তুংদা ইং ২০২১-২২দা রীএল তর্মদা ৯.২%কী (অহানবা এদভান্স ইস্তিমেতকী মতুং ইন্না) শাহৌ লৌগনি থাজনরি
• ইং ২০২২-২৩দা জি.দি.পি.না রীএল তর্মদা চাদা ৮.০-৮.৫ ফাওবা শাহৌ লৌগনি হায়রি
• শেন্মিৎলোন হিংগৎহনবদা তেংবাংনবা ঙম্নবা ফাইনেন্সিএল সীস্তেম্না অফবা ফিভমদা লৈদুনা মাংদা লৈরিবা চহিসিদা প্রাইভেত সেক্তর ইনভেস্তমেন্তনা ফগৎলক্নবা শেম শাদুনা লৈরে
• ৱর্ল্দ বেঙ্ক অমসুং এসিয়ন দিভেলপমেন্তকী খ্বাইদগী নৌবা ফোর্কাস্তকা চাংদম্নবা য়াবা প্রোজেক্সন্না ইং ২০২২-২৩গী রীএল জি.দি.পি. গ্রোথনা মথংশিৎনা ৮.৭% অমসুং ৭.৫% ওইগনি তাক্লি।
• আই.এম.এফ.কী খ্বাইদগী নৌবা ৱর্ল্দ ইকোনোমিক আউতলুক প্রোজেক্সনগী মতুং ইন্না, ভারতকী রীএল জি.দি.পি.না ইং ২০২১-২২ অমসুং ২০২২-২৩দা ৯%গী শাহৌ লৌগনি তাক্লি অমসুং ইং ২০২৩-২০২৪দা ৭.১%গী শাহৌ লৌদুনা ভারতপু চহি ৩ পুম্বগী ওইনা মালেমগী খ্বাইদগী চাউনা শাহৌ লৌরিবা শেন্মিৎলোন অমা ওইহনগনি।
• ইং ২০২১-২২দা লৌউ-শিংউ অমসুং মরী লৈনবা সেক্তরনা ৩.৯%, ইন্দস্ত্রীনা ১১.৮% অমসুং সর্ভিস সেক্তরনা ৮.২%গী চাংদা শাহৌ লৌগনি হায়বগী থাজবা লৈরি।
• ইং ২০২১-২২দা দিমান্দ সাইদকী ওইনদি, কঞ্জম্পসন ইস্তিমেৎনা ৭%; গ্রোস ফিক্স কেপিতেল ফোর্মেসন্না (জি.এফ.সি.এফ.)না ১৫%, এক্সপোর্তনা ১৬.৫% অমসুং ইম্পোর্তনা ২৯.৪%গী চাংদা শাহৌ লৌবা য়াই।
• মেক্রোইকোনোমিক স্তেবিলিতী ইন্দিকেতরশিংনা ভারতকী শেন্মিৎলোন অসিনা ২০২২-২৩গী শিংনবশিং নীংথিনা থেংনবা ঙম্নবা শেম শারে হায়বা তাক্লি।
• ফোরেন এক্সচেঞ্জ রিজর্ব ৱাংবা, তুং কোইনা চৎপা ফোরেন দাইরেক্ত ইনভেস্তমেন্তকী অপুনবা অমসুং এক্সপোর্ত্তগী শেল তানবা হেনগৎলকপনা ইং ২০২২-২৩দা মালেমগী ওইনা লিক্বিদিতীদা শিংনবা লাকপগী মাইয়োক্তা থেংননবা মতিক চাবা বফর পীগনি।
• ইং ২০২০-২১গী মপুং ফানা লোকদাউন তৌখিবা মতমদগী অনিশুবা ৱেবতা থেংনখিবা শেন্মিৎলোনগী চৈথেংনা হন্থখি, অদুবু হকশেলগী ফিভমদদি য়াম্না শোকহনখি।
• ভারত সরকারনা তোপ তোপ্পা মওংদা মাইয়োক্নখিবগী থৌওংদা খুন্নাইগী অৱাবা নংবা য়াবা কাঙলুপ অমসুং ব্যুজিনেস সেক্তরনা চৈথেং ফংবা হন্থহন্নবা সেফতী নেত কয়া য়াওখি, কেপিতেল এক্সপেন্দিচরদা মশক থোক্না হেনগৎখিবনা তুং কোইনা চৎকদবা লোং তর্ম এক্সপান্সন পাংথোক্নবগীদমক্তা গ্রোথ অমসুং সপ্লাই সাইদ রিফোর্মশিংবু পুক্নিং থৌগৎকনি।
• সরকারগী ফ্লেক্সিবল অমসুং থাক য়াম্বা রেস্পোন্স অসি ফীদবেক লুপ শিজিন্নবা ‘এজাইল’ ফ্রেমৱর্ক অমসুং তম্বা ঙমদবা ফিভম অমগীদমক্তা হাই ফ্রিক্বেন্সী ইন্দিকেতর (ঐচ.এফ.আই.) মরিফু শিজিন্নবগী থৌওংদা শরুক খরা য়ুম্ফম ওইদুনা পাংথোকখিবনি।

ফিস্কেল দিভেলমপমেন্তঃ

• কেন্দ্র সরকারদগী ফংবা (এপ্রিলদগী নবেম্বর ২০২১ ফাওবা) রেভেন্যু রিসিপ্না ইং ২০২১-২২গী বজেৎ ইন্সতিমেত্তা (২০২১-২২ প্রোভিজনেল একচুএলদা য়ুফম ওইবা) শাহৌ লৌগনি থাজবা থমখিবা ৯.৬%কা চাংদম্নবদা ৬৭.২%গী (ৱাই-ও- ৱাই) চাংদা হেনগৎখি।
• গ্রোস তেক্স রেভেন্যুনা ৱাই-ও- ৱাইগী ওইনা ২০২১গী এপ্রিলদগী নবেম্বর ফাওবদা ৫০% হেনবগী শাহৌ লৌখি। মসিগী পরফোর্মেন্স অসিনা ২০১৯-২০২০গী লাইচৎ মমাঙগী চাংগা চাংদম্নবদসু ফিভম য়াম্না ফনা লৈখি।
• কেপেক্সনা এপ্রিল-নবেম্বর, ২০২১গী মনুংদা ইনফ্রাস্ত্রকচর-ইন্তেন্সিব সেক্তরদা মিৎয়েং চঙদুনা ১৩.৫%কী চাংদা (ৱাই-ও- ৱাই) শাহৌ লৌখি।
• রেভেন্যু কলেক্সন্দা শোইদবা অমসুং পান্দম অমগা লোয়ননা পাংথোকপা এক্সপেন্দিচর পোলিসীনা বি.ই.গী ৪৬.২%কী চাংদা লৈদুনা ২০২১গী এপ্রিলদগী নবেম্বর ফাওবগী ফিস্কেল দিফিসিৎপু লাকশিনখি।
• কোবিদ-১৯না মরম ওইদুনা বোরোৱিং হেনগৎখিবগা লোয়ননা, কেন্দ্র সরকারগী দেৎনা ২০১৯-২০গী জি.দি.পি.গী ৪৯.১%দগী ২০২০-২১দা  জি.দি.পি.গী ৫৯.৩%দা হেনগৎখি, অদুবু, শেন্মিৎলোন্না ফগৎলকপগা লোয়ননা মসিগী ত্রাজেক্তরীদা হন্থরক্কনি হায়বগী থাজবা থম্নরি।

এক্সতর্নেল সেক্তরশিং:

• ভারতকী মর্চেন্দাইস এক্সপোরত  অমসুং ইম্পোর্তনা নীংথিনা ফগৎলক্তুনা হৌজিক্কী শেনবা চহিগী মনুংদা কোবিদ মমাংগী থাক্তগী হেনখি।
• শেল ফংবা অমসুং পীবগী ফিভম্না তুরিজমদগী রেভেন্যু লাকপদা খরা নেম্লবসু লাইচৎ মমাঙগী থাক্তগী হেন্দুনা নেত সর্ভিসশিংদা মশক থোক্না ফগৎখি।
• ফোরেন ইনভেস্তমেন্ত লেপ্তনা চঙলকখিবা, নেত এক্সতর্নেল কম্মর্সিএল বোরোৱিং হান্নগী ফিভমদা লাকপা, বেঙ্কিং কেপিতেল ৱাংবা অমসুং অহেনবা অখন্নবা দ্রোৱিং রাইত (এস.দি.আর.) এলোকেসন লৈবনা মরম ওইদুনা ইং ২০২১-২২গী অহানবা তংখায়দা নেত কেপিতেল ফ্লোনা US$ বিলিয়ন ৬৫.৬তগী হেনখি।
• ভারতকী এক্সতর্নেল দেৎনা চহি অমগী মমাংদা লৈরম্বা য়ু.এস. দোল্লর বিলিয়ন ৫৫৬.৮তগী হেনগত্তুনা সেপ্তেম্বর ২০২১ লোইরকপা ফাওবদা য়ু.এস. দোল্লর বিলিয়ন ৫৯৩.১ ওইখি, মসিনা আই.এম.এফ.না অহেনবা এস.দি.আর. এলোকেসন তৌরকখিববু তাকখি।
• ফোরেন এক্সচেঞ্জ রিজর্বনা ২০২১-২২গী অহানবা তংখায়দা য়ু.এস. দোল্লর বিলিয়ন ৬০০ হেনখি অমসুং দিসেম্বর ৩১, ২০২১ ফাওবদা য়ু.এস. দোল্লর বিলিয়ন ৬৩৩.৬ য়ৌখি।
• নবেম্বর ২০২১ লোইরকপা ফাওবদা, ভারতনা মালেমগী ওইনা চাইনা, জাপান অমসুং স্বিৎজর্লেন্দগী মথংদা খ্বাইদগী মরিশুবা চাউবা ফোরেক্স রিজর্ব লৈবা ওইখি।

শেল থুমগী ফিভম শেন্নবা অমসুং মসিগী মতাংদা থবক পায়খৎপাঃ

• পথাপ মনুংদা লৈবা লিক্বিদিতীনা হেন্না লৈখি।
  • রেপো রেত্না ২০২১-২২দা ৪%গী চাংদা লেঙদনা লৈখি।
  • আর.বি.আই.না লিক্বিদিতী হেনগৎহন্নবগীদমক্তা জি.-সেক এক্বিজিসন প্রোগ্রাম অমসুং স্পিসিএল লোং তর্ম রেপো ওপরেসনগুম্বা তোঙানবা খোঙথাং কয়া পায়খৎখি।
• কম্মর্সিএল বেঙ্কিং সীস্তেম্না লাইচৎনা লাকহনখিবা শেন্মিৎলোনগী চৈথেংবু নীংথিনা মাইয়োক্নখি।
  • ৱাই-ও- ৱাই বেঙ্ক ক্রেদিৎ গ্রোথনা ২০২১-২২দা এপ্রিল ২০২১দা ওইরম্বা ৫.৩%তগী দিসেম্বর ৩১, ২০২১ ফাওবদা ৯.২% ওইদুনা তপ্না অমসুং লেপ্তনা হেনগৎলকখি।
  • সেদ্যুল কম্মর্সিএল বেঙ্কশিংগী গ্রোস নন-পরফোর্মিং এদভান্স রেসিও (এস.সি.বি.)না ২০১৭-১৮গী লোইরকপদা লৈরম্বা ১১.২%দগী সেপ্তেম্বর ২০২১ লোইরকপা ফাওবদা ৬.৯%গী চাংদা হন্থখি।
  • নেত নন-পরফোর্মিং এদভান্স রেসিওনা মান্নবা মতমগী মনুংসিদা ৬%তগী ২.২%দা হন্থখি।
  • এস.সি.বি.শিংগী কেপিতেল তু রিস্ক-ৱেৎ এসেত রেসিওনা ২০১৩-১৪দা ওইরম্বা ১৩%গী চাংদগী সেপ্তেম্বর ২০২১গী লোইরকপদা ১৬.৫৪%গী চাংদা য়ৌদুনা লেপ্তনা হেনগৎখি।
  • পব্লিক সেক্তর বেঙ্কশিংগী রিতর্ন ওন এসেত অমসুং রিতর্ন ওন ইক্বিতীনা সেপ্তেম্বর ২০২১দা লোইবা মতমগী মনুংদা ফিভম ফনা লৈখি।
• কেপিতেল মার্কেতশিংগীদি য়াম্না মশক থোকপা চহি ওইখিঃ
• এপ্রিল-নবেম্বর ২০২১দা আই.পি.ও. ৭৫গী খুত্থাংদা লুপা করোর ৮৯,০৬৬ শাগৎপা ঙমখি; মসিনা মমাংগী দিকেদকী চহি অমা হেক্তদগী শরুক য়াম্না হেনবা ওইখি।
  • সেনসেক্স অমসুং নিফতীনা ওক্তোবর ১৮, ২০২১দা ৬১,৭৬৬ অমসুং ১৮,৪৭৭ মথংশিৎনা য়ৌদুনা খ্বাইদগী ৱাংবা ওইখি।
  • মরু ওইবা ইমর্জিং মার্কেত ইকোনোমীশিংগী মরক্তা ভারতনা এপ্রিল-দিসেম্বর ২০২১দা খ্বাইদগী হেন্না নীংথিজনা পরফোর্ম তৌখি।

মমলশিং অমসুং ইনফ্লেসন:

• সি.পি.আই.-কম্বাইন্দ ইনফ্লেসনগী এভরেজ হেদলাইন অসি ২০২০-২১গী চপ মান্নবা মতমদা চাদা ৬.৬ ওইরম্বদগী ২০২১-২২ (এপ্রিল-দিসেম্বর)দা চাদা ৫.২ দা হন্থরকখি।
  • রিতেল ইনফ্লেসন্দা হন্থরকপা অসু ফুদ ইনফ্লেসন্দা কোমথোকপনা থোকহনবনি।
  • মমাংগী চহি চপ মান্নবা মতমদা চাদা .১ ওইরম্বদগী ২০২১-২২দা (এপ্রিলদগী দিসেম্বর) ফুদ ইনফ্লেসন অসি চাদা ২.৯দা হন্থরকখি।
  • নীংথিনা সপ্লাই-সাইদ মেনেজমেন্ত তৌবনা চহি অসিগী মনুংদা অয়াম্বা তঙাই ফদবা পোৎলমশিংগী মমলশিং কন্ত্রোল তৌদুনা থমখি।
  • হৱাইশিং অমসুং অচাথাওশিংগী মমল ৱাংখৎলকপা লাকশিন্নবা প্রোএক্তিব ওইবা খোঙথাংশিং পাইখৎখি।
  • সেন্ত্রেল এক্সাইজতা হন্থরকপা অমসুং অয়াম্বা রাজ্যশিংনা ভেল্যু এদেদ তেক্সতা ককথখিবনা পেত্রোল অমসুং দিজলগী মমলশিংদা হন্থহনবদা মতেং পাংখি।
• ২০২১-২২ (এপ্রিলদগী দিসেম্বর ফাওবা)গী মনুংদা হোলসেল প্রাইস ইন্দেক্সদা (দবল্যু.পি.আই.) য়ুম্ফম ওইবা হোলসেল ইনফ্লেসন অসি হাইগৎলকখি।
  • মসিনা পীরিবা অসিদা এত্রিব্যুৎ তৌখি:
    • হৌখিবা চহিদা লো বেজ ওইবা,
    • শেন্মীৎলোনগী থবক-থৌরমদা হেনগৎলকপা,
    • ক্রুদ ওইল অমসুং অতোপ্পা ইম্পোর্ত তৌখিবা ইনপুৎশিংগী মালেমগী ওইনা লৈরিবা মমলশিংদা চাউনা হেনগৎলকখি, অমসুং
    • ফ্রৈৎ কোস্তশিং ৱাংখৎলকপা.
• সি.পি.আই.-সি অমসুং দবল্যু.পি.আই. ইনফ্লেসনগী মরক্তা দাইভর্জেন্স লৈবা:
  • দাইভর্জেন্স অসি মে ২০২০দা পর্সেন্তেজ পোইন্ত ৯.৬তা হাইগৎখি।
  • অদুম ওইনমক, চহি অসিদা রিতেল ইনফ্লেসন অসি দিসেম্বর ২০২১দা পর্সেন্তেজ পোইন্ত ৮.০দা হোলসেল ইনফ্লেসনগী মখাদা লৈখিবা অসিগা লোয়ননা দাইভর্জেন্সতা রিভর্সেল অমা লাকখি।
  • মসিগী দাইভর্জেন্স অসি অসিগুম্বা ফেক্তরশিংনা শন্দোক্না তাকপা ঙমগনি:
    • বেস ইফেক্তনা মরম ওইরগা ভেরিএসনশিং লৈবা,
    • ইন্দেক্স অনিগী স্কোপ অমসুং কবরেজতা খেন্নবা,
    • প্রাইস কলেক্সনশিং,
    • কবর তৌখিবা আইতেমশিং,
    • কম্মোদিতীগী ৱেথশিংদা খেন্নবা লৈবা, অমসুং
    • ইম্পোর্ত তৌখিবা ইনপুৎশিংনা মরম ওইরগা দবল্যু.পি.আই. অসি কোস্ত-পুশ ইনফ্লেসনদা হেন্না সেন্সিতিব ওইবা।
  • দবল্যু.পি.আই.দা বেজ ইফেক্ত তপ্না হন্থরকপগা লোয়ননা সি.পি.আই.-সি. অমসুং দবল্যু.পি.আই.দা দাইভর্জেন্স তৌবা অসি হন্থরক্লবা য়াই হায়নসু পান্নখি।

সস্তেনেবল দিবেলপমেন্ত অমসুং ক্লাইমেৎ চেঞ্জ:

• নিতি আয়োগ এস.দি.জি. ইন্দিয়া ইন্দেক্স অমসুং দেশবোর্দকী ভারতকী অপুনবা স্কোর অসি ২০১৯-২০দা ৬০ অমসুং ২০১৮-১৯দা ৫৭ ওইরম্বদগী ২০২০-২১দা ৬৬তা হেনগৎলকখি।
• ২০১৯-২০দা ১০দা ওইরম্বদগী ২০২০-২১দা ফ্রন্ত রন্নরশিংগী মশিং অসি (৬৫-৯৯ স্কোর তৌবা) রাজ্য অমসুং য়ু.তি. ২২দা হেনগৎলকখি।
• অৱাং নোংপোক ভারত্তা, নিতি আয়োগ নোর্থ-ইস্তর্ন রিজন দিস্ত্রিক্ত এস.দি.জি. ইন্দেক্স ২০২১-২২দা জিলা ৬৪না ফ্রন্ত রনর ওইখি অমসউং জিলা ৩৯না পর্ফোর্মরশিং ওইখি।

• ভারত অসি মালেমগী ওইনা ফোরেস্ত এরিয়া চাউবদা তরাশুবা ওইখি।
• ২০২০দা ভারতনা ২০১০দগী ২০২০গী মনুংদা ফোরেস্ত এরিয়া হেনগৎহনবদা মালেমগী ওইনা অহুমশুবা রেঙ্ক চনখি।
• ২০২০দা ভারতকী অপুনবা জিওগ্রাফিকেলগী ২৪% উমংনা কবর তৌখি, মালেমগী অপুনবা ফোরেস্ত এরিয়াগী ২% শরুক তমখি।

• ওগস্ত ২০২১দা, প্লাস্তিক ৱেস্ত মেনেজমেন্ত অমেন্দমেন্ত রুল, ২০২১ অসি ২০২২ ফাওবদা সিঙ্গল য়ুজ প্লাস্তিক মুত্থৎনবা পান্দমদা নোতিফাইদ তৌখি।

• এক্সতেন্দেদ প্রদ্যুসর রেস্পোন্সিবিলিতী ফোর প্লাস্তিক পেকেজিংদা দ্রাফ রিগ্যুলেসন নোতিফাইদ তৌখি।

• গঙ্গাগী মেন স্তেম অমসুং মাগী ত্রিব্যুতরীশিংদা লৈরিবা গ্রোসলী পোলুতিং ইন্দস্ত্রীজ (জি.পি.আই.)গী কমপ্লাইয়েন্স স্তেতস অসি ২০১৭দা ৩৯% ওইরম্বদগী ২০২০দা ৮১%দা হেনগৎলকখি।
• ইফ্যুএন্ত দিসচার্জ অসি ২০১৭দা মিলিয়নস ওফ লিতর পর দে (এম.এল.দি.) ৩৪৯.১৩. ওইরম্বদগী চাউনা হন্থরক্তুনা ২০২০দা এম.এল.দি. ২৮০.২০ ওইখি।

• নবেম্বর ২০২১দা গ্লাসগোদা পাংথোকপা ২৬শুবা কনফরেন্স ওফ পার্তীজ (সি.ও.পি.২৬) তা প্রধান মন্ত্রীনা পীখিবা জাতিগী ওইবা ৱারোলগী শরুক অমা ওইনা, ইমিসন হন্থহনবা ঙম্নবা ২০৩০ ফাওবদা অচৌবা পান্দমশিং থুংহন্নবা লাউথোকখি।
• ৱাখল য়াওদনা অমসুং মাংহন-তাকহনগবা মওংদা কঞ্জুম্পসন তৌবগী মহুৎ নীংথিনা অমসুং হৈশিংনা য়ুতিলাইজেসন তৌনবা হায়রিবা ৱাহৈ-অমগী ইহৌ ‘লাইফ’ (লাইস্তাইল ফোর এনভাইরনমেন্ত) হৌবা মথৌ তাবা অদু পুথোকখি।

লৌউ-শিংউ অমসুং ফুদ মেনেজমেন্ত:

• ২০২০-২১দা ৩.৬% অমসুং ২০২১-২২দা ৩.৯%গী গ্রোথ রেজিস্তর তৌদুনা লৈবাক অসিগী গ্রোস ভেল্যু এদেদ (জি.ভি.এ.)দা ১৮.৮%(২০২১-২২) ওইদুনা চাউনা শরুক তমদুনা হৌখিবা চহি অনি অসিদা এগ্রিকলচর সেক্তরনা বাৱেন্ত গ্রোথ অমা এক্সপরিয়েন্স তৌখি।
• ক্রোপ দাইভর্সিফিকেসন প্রমোৎ তৌনবা মিনিমম সপ্পোর্ত প্রাইস (এম.এস.পি.) পোলিসী শিজিন্নখি।
• ২০১৪গী এস.এ.এস. রিপোর্তকা চাংদম্নবদা খ্বাইদগী নৌবা সিচ্যুএসন এসেসমেন্ত সর্ভে (এস.এ.এস.)তা ক্রোপ প্রদক্সনদগী লাকপা নেৎ রিসিপ্তশিং অসি ২২.৬% হেনগৎলকখি।

• এনিমেল হসবেন্দরী, দাইরিয়িং অমসুং ফিশরীজ য়াওনা এলাইদ সেক্তরশিং  অসিনা এগ্রিকলচর সেক্তরদা হায় গ্রোথ সেক্তরশিং অমসুং ওভরওল গ্রোথকী মরু ওইবা দ্রাইভরশিং তপ্না-তপ্না ওইরক্লি।
• লাইবস্তোক সেক্তর অসি ২০১৯-২০না লোইশিনখিবা হৌখিবা চহি মঙা অসিদা সি.এ.জি.আর.দা ৮.১৫% হেনগৎখি। মসিনা লৌউ-শিংউ তৌরিবা য়ুমথোংশিংগী কাংলুপ কয়াগী স্তেবল ওইবা ইনকমগী পাম্বৈ অমা ওইদুনা চাংচৎ ওইনা মাখোয়গী থাগী ইনকমগী ১৫% ওইরি।

• ইনফ্রাস্ত্রকচর শেমগৎপা, সবসিদাইজ ওইবা ত্রান্সপোর্তেসন অমসুং মাইক্রো ফুদ এন্তরপ্রাইসশিংগী ফোর্মেলাইজেসনগীদমক মতেং পাংবা অসিগুম্বা তোঙান-তোঙানবা খোঙথাংশিংগী খুত্থাংদা সরকারনা ফুদ প্রোসেসিংবু মতেং পাংলি।

• ভারতনা মালেমগী ওইনা খ্বাইদগী চাউবা ফুদ মেনেজমেন্ত প্রোগ্রামশিংগী মনুংদা অমা ওইরি।
• সরকারনা পি.এম. গরীব কল্যান য়োজনা (পি.এম.জি.কে.ৱাই.)গুম্বা স্কিমশিংগী খুত্থাংদা ফুদ সেক্যুরিতী নেৎৱর্ক্কী কবরেজ হেনগৎহনখি।

ইন্দস্ত্রী অমসুং ইনফ্রাস্ত্রকচর:

• এপ্রিল-নবেম্বর ২০২০দা চাদা (-)১৫.৩ ওইরম্বা অদুগা চাংদম্নবদা এপ্রিল-নবেম্বর ২০২১দা ইন্দেক্স ওফ ইন্দস্ত্রিএল প্রদক্সন (আই.আই.পি.) অসি চাদা ১৭.৪ (ৱাই-ও-ৱাই)দা হেনগৎলকখি।

· ২০০৯-১৪দা ইন্দিয়ন রেলৱেজকী কেপিতেল এক্ষপেন্দিচর অসি চাংচৎ ওইনা চহিদা লুপা করোর ৪৫,৯৮০ ওইরম্বদগী ২০২০-২১দা লুপা করোর ১৫৫,১৮১দা হেনগৎলকখি অমসুং ২০২১-২২দা অমুক হেন্না ৱাংনা লুপা করোর ২১৫,০৫৮ তা হেনগৎলকখি – ২০১৪গী লেবেলগা চাংদম্নবদা শরুক মঙা হেন্না হেনগৎলকখি।

· নোংমদা শেম্বা লম্বীগী এক্সতেন্ত অসি ২০১৯-২০দা নোংমদা কিমি২৮ ওইরম্বদগী ২০২০-২১দা নোংমদা কিমি ৩৬.৫ ওইদুনা চাউনা হেনগৎলকখি – চাদা ৩০.৪ হেনগৎলকপা।

· লাইচৎ লৈজরবসু ২০২১-২২গী উলাই-সেপ্তেম্বর ক্বাতরদা খ্বাইদগী ৱাংবা ওইনা অচৌবা কোর্পোরেৎশিংগী নেৎ প্রোফিৎকা সেল্সকী এসিও অসি চাদা ১০.৬ য়ৌনা ৱাংখি(আর.বি.আই.গী স্তদী)।

• প্রদক্সন লিঙ্ক ইন্সেন্তিব (পি.এল.আই.) সজকিম চৎনবনা, ইনফ্রাস্ত্রকচর-ফিজিকেল লোয়ননা দিজিতেল অনিমক্তা, লোয়ননা ত্রাঞ্জেক্সন কোস্তশিং হন্থহন্নবা খোঙথাংশিং অচৌবা শাহৌ পীখি অমসুং ইজ ওফ দুইং বিজিনেস হেনগৎহনবা অসিনা রিকভরীগী খোঙজেল য়াংখৎহনবদা মতেং ওইরগনি।

সর্ভিসেস:

• সর্ভিসেস কী জি.ভি.এ. অসি ২০২১-২২গী জলাই-সেপ্তেম্বর ক্বাতরদা প্রি-পেন্দেমিক লেবেল হেনখি; অদুম ওইনমক,  ত্রেদ, ত্রান্সপোর্ত অসিনচিংবা কন্তেক্ত ইন্তেন্সিব সেক্তরশিংগী জি.ভি.এ. অসি অদুমক প্রি-পেন্দেমিক লেবেলগী মখাদা লৈখি।

· ২০২১-২২দা সর্ভিস সেক্তরগী জি.ভি.এ. অসি অপুনবা ওইনা চাদা ৮.২ হেনগৎলকপা য়ান্না লৈ।

· এপ্রিল-দিসেম্বর ২০২১দা রেল ফ্রৈৎ অসি প্রি-পেন্দেমিক লেবেল হেনখি অদুগা এয়র ফ্রৈৎ অমসিং পোর্ত ত্রাফিকনা মখোয়গী প্রি-পেন্দেমিক লেবেলশিং য়ৌখি, দোমেস্তিক এয়র অমসুং রেল পেসেঞ্জর ত্রাফিক অসিনা তপ্না-তপ্না হেনগৎলক্লি – মসিনা অহানবা ৱেবনা পীখিবা শাফুগা চাংদম্নবা মতমদা অনিশুবা ৱেব অসিগী শাফুনা খরা মখৈ হন্থখৈ উৎলি।

· ২০২১-২২গী ফর্স্ত হাফতা সর্ভিস সেক্তর অসি য়ু,এস. দোলর বিলিয়ন ১৬.৭ গী এফ.দি.আই. ফংখি – ভারত্তা লাকখিবা অপুনবা এফ.দি.আই. ইনফ্লোশিংগী চাদা ৫৪রোম ওইখি।

· আই.তি.-বি.পি.এম. সর্ভিসেসকী রিভেন্যু অসি ২০২১-২২দা য়ু,এস. দোলর বিলিয়ন ১৯৪ য়ৌখি, হায়রিবা মতম অসিদা কর্মচারী লাখ ১.৩৮ হাপচিনখি।

· মরু ওইবা সরকারগী রিফোর্মশিংদা আই.তি.-বি.পি.ও. সেক্তরদা তেলিকোম রিগ্যুলেসনশিং লৌথোকখিবা অমসুং প্রাইবেৎ প্লেয়রশিংগীদমক স্পেস সেক্তরগী থোং হাংখিবা য়াওখি।

· ২০২০-২১গী জনুৱারী-মার্চকী ক্বাতরদা সর্ভিসেসকী এক্সপোর্তশিংনা প্রি-পেন্দেমিক লেবেল হেনখি অমসুং ২০২১-২২গী ফর্স‌ত হাফতা চাদা ২১.৬ হেনগৎখি – সোফৱেয়রগী গ্লোবেল দিমান্দ অমসুং আই.তি. সর্ভিসেস এক্সপোর্তশিংনা হেনগৎহনখি।

· ভারত অসি য়ু.এস. অমসুং চিনাগী মতুংদা মালেমগী ওইবা খ্বাইদগী চাউবা স্তার্ত-অপ ইকোসিস্তেমদা ৩শুবা ওইখি। অনৌবা শকখঙলবা স্তার্ত-অপশিংগী মশিং অসি ২০১৬-১৭দা ৭৩৩ ওইরম্বদগী ২০২১-২২দা ১৪০০০ হেন্না হেনখি।

· ভারতকী স্তার্ত-অপ ৪৪না ২০২১দা য়ুনিকোর্ন স্তেতস ফংবা ঙমদুনা য়ুনিকোর্নগী অপুনবা তেলী অসি ৮৩ য়ৌহনখি, অয়াম্বনা সর্ভিসেস সেক্তরদা ওইখি।

সোসিএল ইনফ্রাস্ত্রকচর অমসুং এমপ্লোইমেন্ত:

• জনুৱারী ১৬, ২০২২ ফাওবদা কোবিদ-১৯গী দোজ করোর ১৫৭.৯৪ কাপখ্রে; অহানবা দোজনা করোর ৯১.৩৯ অমসুং অনিশুবা দোজনা করোর ৬৬.০৫নি।

· শেন্মীৎলোন ফগৎলকপনা মরম ওইরগা ২০২০-২১গী অরোইবা ক্বাতরগী মনুংদা এম্প্লোইমেন্ত ইন্দিকেতরশিং অসি লাইচৎ মমাংগী ফীভম অদুদা অমুক হল্লকখি।

· থা অহুমগী ওইনা পাংথোকপা পেরিওদিক লেবর ফোর্স সর্ভে (পি.এফ.এল.এস.)কী মার্চ ফাওবগী দেতাগী মতুং ইন্না অর্বান সেক্তরদা লাইচৎ অসিনা শোকহনখিবা এম্প্লোইমেন্ত অদু লাইচৎ মমাংগী ফীফম অদুগা মান্ননা ফগৎলকখি।

· এম্প্লোইয়ীজ প্রোবিদেন্ত ফন্দ (ই.পি.এফ.ও.)গী দেতাগী মতুং ইন্না কোবিদকী অনিশুবা ৱেব মনুং ফাওবদা থবকশিং পীখি; কোবিদকী অহানবা ৱেবকী মনুংদা পীখিবা থবকশিংগী ফোর্মেলাইজেসন তৌবদা কোবিদনা পীখিবা অচৌবা শাফু অদু য়াম্না হন্থখি।

· জি.দি.পি.গী প্রপোর্সন অমা ওইনা কেন্দ্র অমদি রাজ্যশিংনা সোসিএল সর্ভিসেসতা (হকশেল, এজুকেসন অমসুং অতোপ্পশিং) তৌবা চাদিং অসি ২০১৪-১৫দা ৬.২%দগী ২০২১-২২(বি.ই.)দা ৮.৬%দা হেনগৎলকখি।

· নেস্নেল ফেমিলী হেল্থ সর্ভে-৫গী মতুং ইন্না:

• • ২০১৫-১৬দা ২.২ ওইরম্বদগী ২০১৯-২১দা তোতেল ফর্তিলিতী রেৎ (তি.এফ.আর.) অসি ২ দা হন্থরকখি।
  • ২০১৫-১৬গা য়েংনবদা ২০১৯-২১দা ইনফেন্ত মোর্তেলিতী রেৎ (আই.এম.আর.), চহি মঙাগী মখাগী মোর্তেলিতী রেৎ অমসুং ইন্সতিত্যুস্নেল বর্থশিং অসি হেনগৎলকখি।

· জল জীবন মিসন (জে.জে.এম.)গী মখাদা জিলা ৮৩বু ‘হর ঘর জল’ দিস্ত্রিক্তশিং ওইহনখ্রে।

• লাইচৎ মনুংদা খুঙ্গংগী মফমশিংদা অনওর্গনাইজ লেবরগীদমক বফ্ফর পীনবা মহাত্মা গান্ধী নেস্নেল রুরেল এমপ্লোইমেন্ত গরেন্তী স্কিম (এম.এন.আর.ই.জি.এস.)কী ফন্দশিংগী এলোৎমেন্ত হেনগৎহনখি।

*****