প্রধানমন্ত্রীগী লোইশঙ
পন্দিত জসরাজ কলচরেল ফাউন্দেশন হৌদোকপদা পি.এম.না থমখিবা ৱারোল
“ম্যুজিক অসি ঐখোয়বু ঐখোয়গী তাইবংগী শিন্থাবু মশক খঙহল্লিবা পাম্বৈ অমনি অমসুং মসিনা ঐখোয়বু তাংবংপান অসিগা লৈনরিবা মরীশিং অসিদগী অহেনবা অমা তানবদা মতেং পাংঙি”
“য়োগাগী নুমিত্তা থেংনরকখিবা অদুনা তাক্লি মদুদি মালেম অসিনা ইন্দিয়ন হেরিতেজতগী কান্নবা ফংখি অমসুং ইন্দিয়ন ম্যুজিক অসিদসু মীওইবগী ৱাখলগী নুংদা ফাওরিবা অদুবুসু হোংহনবগী কেপাসিতী লৈ”
“মালেম অসিদা লৈরিবা মীপুম খদিংমক্না ইন্দিয়ন ম্যিুজিক্কী মতাংদা খঙবা , তম্বা অমসুং কান্নবা লৌবগী হক লৈ। মসিবু য়েংশিনবা হায়বসি ঐখোয়গী ইথৌদাংনি”
“তেক্নোলোজীগী ইনফ্লুয়েন্সনা মাইকৈ খুদিংমক্তা থল্লবা হৌজিক্কী মতম অসিদা, ম্যুজিক্কী লম অসিদসু তেক্নোলোজী অমসুং আই.তি.গী অহোংবা অমা পুরক্কদবনি”
“ঙসিদি ঐখোয়না কাশিগুম্বা ঐখোয়গী আর্ত অমসুং কলচরগী সেন্তর অমা অমুক হন্না শেমগৎলি”
Posted On:
28 JAN 2022 4:36PM by PIB Imphal
প্রধান মন্ত্রী, শ্রী নরেন্দ্র মোদীনা ইন্দিয়ন ক্লাসিকেল ম্যুজিক্কী শক্নাইরবা লুচিংবা পান্দিৎ জসরাজপু মহাক্কী জয়েন্তি থৌরম অসিদা ইকাইখুম্নবা উৎখ্রে। প্রধান মন্ত্রীনা পন্দিত জসরাজনা ম্যুজিক অসিবু অমর ওইহৌরগদবা শক্লোন অমা পীবগী মতাংদা ঙাংখি অমসুং মাইস্ত্রো অসিগী য়াম্না ফজরবা লিগেসী অসিবু হিংহন্দুনা থম্বগীদমক্তা দুরগা জসরাজ অমসুং পন্দিত শারাং দেবপু থাগৎখি। প্রধান মন্ত্রীনা ভীদিও কনফরেন্সিংগী খুত্থাংদা পন্দিত জসরাজ কলচরেল ফাউন্দেশন হৌদোকপগী থৌরমদা ৱা ঙাংখি।
প্রধান মন্ত্রীনা ইন্দিয়ন ম্যুজিক ত্রেদিশনগী গুরুশিংনা তাকপীরম্বা য়াম্না পাক-চাউরবা মহৈ-মশিং অদুগী মতাংদা পন্দুনা ঙাংখি। শ্রী মোদীনা হায়খি মদুদি কোস্মিক ইনর্জীবু ফাওবা ঙম্বগী পাঙ্গল লৈহনবা অমসুং তাইবংপাল অসিগী ঈচেলদা ম্যুজিকপু উবা ঙমহনবা অসিনা ইন্দিয়ন ক্লাসিকেল ম্যুজিক অসিবু খ্বাইদগী হেন্না তোপ-তোপ্পা ঔইহল্লিবনি। “ম্যুজিক অসি ঐখোয়বু ঐখোয়গী তাইবংগী শিন্থাবু মশক খঙহল্লিবা পাম্বৈ অমনি অমসুং মসিনা ঐখোয়বু তাংবংপান অসিগা লৈনরিবা মরীশিং অসিদগী অহেনবা অমা তানবদা মতেং পাংঙি” হায়না প্রধান মন্ত্রীনা হায়খি।
প্রধান মন্ত্রীনা ভারতকী ফজরবা আর্ত অমসুং কলচরগী হেরিতেজ অসিবু ঙাক-শেন্দুনা থম্নবগী পান্দম থম্বগীদমক্তা পন্দিত জসরাজ কলচরেল ফাউন্দেশনবু থাগৎখি। ফাউন্সেশন অসিনা তেক্নোলোজীগী মতম অসিগী মরু ওইবা এসপেক্ত অনিদা মীৎয়েং থম্নবা হায়না মহাক্না হায়খি। অহানবদা, ইন্দিয়ন ম্যুজিক্না গ্লোবেলাইজেশনগী মতম অসিদা মশাগী ওইবা শক্তম অমা শেমগদবনি হায়না মহাক্না হায়খি। য়োগাগী নুমিত্তা থেংনরকখিবা অদুনা তাক্লি মদুদি মালেম অসিনা ইন্দিয়ন হেরিতেজতগী কান্নবা ফংখি অমসুং ইন্দিয়ন ম্যুজিক অসিদসু মীওইবগী ৱাখলগী নুংদা ফাওরিবা অদুবুসু হোংহনবগী কেপাসিতী লৈ হায়না মহাক্না হায়খি। “মালেম অসিদা লৈরিবা মীপুম খদিংমক্না ইন্দিয়ন ম্যিুজিক্কী মতাংদা খঙবা , তম্বা অমসুং কান্নবা লৌবগী হক লৈ। মদুবু য়েংশিনবা হায়বসি ঐখোয়গী ইথৌদাংনি” হায়না মহাক্না হায়খি।
অনিশুবদা, তেক্নোলোজীগী ইনফ্লুয়েন্সনা মাইকৈ খুদিংমক্তা থল্লবা হৌজিক্কী মতম অসিদা, ম্যুজিক্কী লম অসিদসু তেক্নোলোজী অমসুং আই.তি.গী অহোংবা অমা পুরক্কদবনি হায়না প্রধান মন্ত্রীনা হায়খি। মহাক্না ভারতকী ইন্সত্রুমেন্তশিং অমসুং চৎনবীশিংদা য়ুমফম ওইবা, ম্যুজিক খক্কীদমক্তা কত্থোক্লবা স্তার্তঅপশিংগীদমক্তা হায়রকখি।
কাশিগুম্বা কলচর অমসুং আর্তকী সেন্তরশিং অমুক হন্না শেমগৎনবা হন্দক মরক হৌৎনরকখিবশিং অদুগী মতাংদসু মহাক্না হায়খি। ভারতনা মহৌশাগী অইং-অশাগী ফিভম কাইদনা থম্বা অমসুং মহৌশাগীদমক্তা নুংশিবা অদুদা থাজবা থমদুনা মালেমদা অশোই-অঙাম য়াওদবা তুংগীদমক্তা লম্বি উৎখ্রে হায়না প্রধান মন্ত্রীনা হায়খি। “এরিতেজকা লোইননা ভারতকী চাউখৎপগী খোংচৎ অসিদা, ‘সবকা প্রয়াস’সু য়াওহনগদবনি” হায়না হায়রদুনা মহাক্না লোইশিনখি।
*****
(Release ID: 1793362)
Visitor Counter : 175
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam