ਨੈਸ਼ਨਲ ਰੈਗੂਲੇਟਰ, ਡ੍ਰੱਗਸ ਕੰਟਰੋਲਰ ਜਨਰਲ ਆਵ੍ ਇੰਡੀਆ (DCGI) ਨੇ ਅੱਜ ਇੱਥੇ ਕੁਝ ਸ਼ਰਤਾਂ ਦੇ ਅਧੀਨ, ਦੋ ਕੋਵਿਡ-19 ਟੀਕਿਆਂ, ਕੋਵੈਕਸਿਨ ਅਤੇ ਕੋਵੀਸ਼ੀਲਡ ਦੇ ਬਜ਼ਾਰ ਅਧਿਕਾਰ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸੈਂਟਰਲ ਡ੍ਰੱਗਸ ਸਟੈਂਡਰਡ ਕੰਟਰੋਲ ਆਰਗੇਨਾਈਜ਼ੇਸ਼ਨ (CDSCO) ਦੀ ਵਿਸ਼ਾ ਮਾਹਿਰ ਕਮੇਟੀ (SEC) ਨੇ 19 ਜਨਵਰੀ 2022 ਨੂੰ ਬਾਲਗ ਆਬਾਦੀ ਵਿੱਚ ਸਥਿਤੀਆਂ ਦੇ ਨਾਲ ਨਵੀਂ ਦਵਾਈ ਦੀ ਇਜਾਜ਼ਤ ਦੇਣ ਲਈ ਐਮਰਜੈਂਸੀ ਸਥਿਤੀਆਂ ਵਿੱਚ ਪਾਬੰਦੀਸ਼ੁਦਾ ਵਰਤੋਂ ਤੋਂ ਵੈਕਸੀਨ ਦੀ ਸਥਿਤੀ ਨੂੰ ਅੱਪਗ੍ਰੇਡ ਕਰਨ ਦੀ ਸਿਫ਼ਾਰਸ਼ ਕੀਤੀ ਸੀ।

ਡ੍ਰੱਗਸ ਕੰਟਰੋਲਰ ਜਨਰਲ ਆਵ੍ ਇੰਡੀਆ (DCGI) ਦੁਆਰਾ ਦੇਸ਼ ਵਿੱਚ ਦੋ ਕੋਵਿਡ-19 ਟੀਕਿਆਂ, ਕੋਵੈਕਸਿਨ ਅਤੇ ਕੋਵਿਸ਼ੀਲਡ ਦਾ ਬਜ਼ਾਰ ਅਧਿਕਾਰ ਹੇਠ ਲਿਖੀਆਂ ਸ਼ਰਤਾਂ ਦੇ ਅਧੀਨ ਹੈ:

1. ਫਰਮ ਉਤਪਾਦ ਦੇ ਵਿਦੇਸ਼ਾਂ ਵਿੱਚ ਚਲ ਰਹੇ ਕਲੀਨਿਕਲ ਪਰੀਖਣਾਂ ਦੇ ਡਾਟਾ ਨੂੰ ਛਮਾਹੀ ਅਧਾਰ 'ਤੇ ਉਚਿਤ ਵਿਸ਼ਲੇਸ਼ਣ ਦੇ ਨਾਲ ਜਾਂ ਜਦੋਂ ਵੀ ਉਪਲਬਧ ਹੋਵੇ, ਜੋ ਵੀ ਪਹਿਲਾਂ ਹੋਵੇ, ਜਮ੍ਹਾਂ ਕਰਾਏਗੀ।

2. ਟੀਕਾ ਪ੍ਰੋਗਰਾਮੈਟਿਕ ਸੈਟਿੰਗ ਲਈ ਸਪਲਾਈ ਕੀਤਾ ਜਾਵੇਗਾ ਅਤੇ ਦੇਸ਼ ਦੇ ਅੰਦਰ ਕੀਤੇ ਗਏ ਸਾਰੇ ਟੀਕਾਕਰਣ CoWIN ਪਲੈਟਫਾਰਮ 'ਤੇ ਦਰਜ ਕੀਤੇ ਜਾਣਗੇ ਅਤੇ ਪ੍ਰਤੀਕੂਲ ਘਟਨਾ ਤੋਂ ਬਾਅਦ ਟੀਕਾਕਰਣ [AEFI], ਵਿਸ਼ੇਸ਼ ਦਿਲਚਸਪੀ ਦੀ ਪ੍ਰਤੀਕੂਲ ਘਟਨਾ [AESI] ਦੀ ਨਿਗਰਾਨੀ ਕੀਤੀ ਜਾਂਦੀ ਰਹੇਗੀ। ਫਰਮ ਨੂੰ AEFI ਅਤੇ AESI ਸਮੇਤ ਸੁਰੱਖਿਆ ਡਾਟਾ ਨੂੰ ਛਮਾਹੀ ਅਧਾਰ 'ਤੇ ਜਾਂ ਜਦੋਂ ਵੀ ਉਪਲਬਧ ਹੋਵੇ, NDCT ਨਿਯਮਾਂ, 2019 ਦੇ ਅਨੁਸਾਰ, ਜੋ ਵੀ ਪਹਿਲਾਂ ਹੋਵੇ, ਉਚਿਤ ਵਿਸ਼ਲੇਸ਼ਣ ਦੇ ਨਾਲ ਜਮ੍ਹਾ ਕਰਨਾ ਹੋਵੇਗਾ।

ਭਾਰਤ ਸਰਕਾਰ ਦੁਆਰਾ ਅਪਣਾਈ ਗਈ ਕਿਰਿਆਸ਼ੀਲ ਅਤੇ ਚੁਸਤ ਪਹੁੰਚ ਕੋਵਿਡ-19 ਦੇ ਪ੍ਰਬੰਧਨ ਇਸ ਦੀ ਰਣਨੀਤੀ ਦੀ ਵਿਸ਼ੇਸ਼ਤਾ ਰਹੀ ਹੈ। ਡ੍ਰੱਗਸ ਕੰਟਰੋਲਰ ਜਨਰਲ ਆਵ੍ ਇੰਡੀਆ (DCGI) ਦੁਆਰਾ ਦੇਸ਼ ਵਿੱਚ ਦੋ ਕੋਵਿਡ-19 ਟੀਕਿਆਂ ਨੂੰ ਬਾਸ਼ਰਤ ਬਜ਼ਾਰ ਅਧਿਕਾਰ ਦੇਣ ਲਈ ਦਿੱਤੀ ਗਈ ਨਵੀਨਤਮ ਮਨਜ਼ੂਰੀ ਉਸ ਮੁਸਤੈਦੀ ਅਤੇ ਸਮਾਂਬੱਧਤਾ ਨੂੰ ਦਰਸਾਉਂਦੀ ਹੈ, ਜਿਸ ਨਾਲ ਦੇਸ਼ ਦੀ ਜਨਤਕ ਪ੍ਰਤੀਕਿਰਿਆ ਰਣਨੀਤੀ ਅਤੇ ਫੈਸਲੇ ਲੈਣ ਵਾਲੇ ਉਪਕਰਣ ਨੇ ਮਹਾਮਾਰੀ ਦੇ ਦੌਰਾਨ ਉਭਰਦੀਆਂ ਜ਼ਰੂਰਤਾਂ ਦਾ ਜਵਾਬ ਦਿੱਤਾ ਹੈ।

ਇਹ ਨੋਟ ਕੀਤਾ ਜਾ ਸਕਦਾ ਹੈ ਕਿ ਵਿਸ਼ਵ–ਪੱਧਰੀ ਸਖ਼ਤ ਰੈਗੂਲੇਟਰੀ ਅਥਾਰਟੀਆਂ ਵਿੱਚੋਂ, ਸਿਰਫ਼ ਯੂਨਾਈਟਿਡ ਸਟੇਟਸ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ (USFDA) ਦਵਾਈਆਂ ਅਤੇ ਯੂਕੇ ਦੀ ਹੈਲਥਕੇਅਰ ਉਤਪਾਦ ਰੈਗੂਲੇਟਰੀ ਏਜੰਸੀ (MHRA) ਨੇ ਕ੍ਰਮਵਾਰ Pfizer ਅਤੇ AstraZeneca ਨੂੰ ਉਨ੍ਹਾਂ ਦੀਆਂ ਕੋਵਿਡ-19 ਵੈਕਸੀਨਾਂ ਲਈ "ਬਾਸ਼ਰਤ ਬਾਜ਼ਾਰ ਅਧਿਕਾਰ" ਦਿੱਤਾ ਹੈ।

“ਕੰਡੀਸ਼ਨਲ ਮਾਰਕਿਟ ਅਥਾਰਾਈਜ਼ੇਸ਼ਨ” ਮਾਰਕਿਟ ਅਧਿਕਾਰ ਦੀ ਇੱਕ ਨਵੀਂ ਸ਼੍ਰੇਣੀ ਹੈ, ਜੋ ਮੌਜੂਦਾ ਕੋਵਿਡ-19 ਦੀ ਗਲੋਬਲ ਮਹਾਮਾਰੀ ਦੌਰਾਨ ਉਭਰ ਕੇ ਸਾਹਮਣੇ ਆਈ ਹੈ। ਦਵਾਈਆਂ ਜਾਂ ਵੈਕਸੀਨ ਦੀਆਂ ਉਭਰਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਕੁਝ ਫਾਰਮਾਸਿਊਟੀਕਲਸ ਤੱਕ ਪਹੁੰਚ ਨੂੰ ਵਧਾਉਣ ਲਈ ਇਸ ਰੂਟ ਰਾਹੀਂ ਮਨਜ਼ੂਰੀ ਦੇ ਰਸਤੇ ਕੁਝ ਸ਼ਰਤਾਂ ਦੇ ਨਾਲ ਤੇਜ਼ੀ ਨਾਲ ਟਰੈਕ ਕੀਤੇ ਜਾਂਦੇ ਹਨ।

ਭਾਰਤ ਦਾ ਰਾਸ਼ਟਰ-ਵਿਆਪੀ ਕੋਵਿਡ-19 ਟੀਕਾਕਰਣ ਪ੍ਰੋਗਰਾਮ 16 ਜਨਵਰੀ, 2021 ਨੂੰ ਸ਼ੁਰੂ ਕੀਤਾ ਗਿਆ ਸੀ। ਅੱਜ ਤੱਕ, 160 ਕਰੋੜ ਤੋਂ ਵੱਧ ਖੁਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ। ਕੇਂਦਰ ਸਰਕਾਰ ਦੇਸ਼ ਭਰ ਵਿੱਚ ਕੋਵਿਡ-19 ਟੀਕਾਕਰਣ ਦੀ ਗਤੀ ਨੂੰ ਤੇਜ਼ ਕਰਨ ਅਤੇ ਘੇਰੇ ਨੂੰ ਵਧਾਉਣ ਲਈ ਵਚਨਬੱਧ ਹੈ। 3 ਜਨਵਰੀ 2022 ਤੋਂ ਸ਼ੁਰੂ ਹੋਣ ਵਾਲੀ ਰਾਸ਼ਟਰੀ ਕੋਵਿਡ-19 ਟੀਕਾਕਰਣ ਮੁਹਿੰਮ ਵਿੱਚ ਆਬਾਦੀ ਦੀਆਂ ਨਵੀਆਂ ਸ਼੍ਰੇਣੀਆਂ ਸ਼ਾਮਲ ਕੀਤੀਆਂ ਗਈਆਂ ਹਨ।

*****

ਐੱਮਵੀ/ਏਐੱਲ