মন্ত্রী-মন্দলনা ইন্দিয়ন রেনিৱেবর ইনর্জী দিবেলপমেন্ত এজেন্সী লিমিতেদ (আই.আর.ই.দি.এ.)তা লুপা কোতি ১৫০০গী ইনফ্যুজন অয়াবা পীখ্রে

প্রধান মন্ত্রী শ্রী নরেন্দ্র মোদীগী লুচিং মখাদা ফমখিবা ইকোনোমিক এফিয়র্সকী কেবিনেত কম্মিতীনা ঙসি ইন্দিয়ন রেনিৱেবল ইনর্জী দিবেলপমেন্ত এজেন্সী লিমিতেদ(আই.আর.ই.দি.এ.)তা লুপা কোতি ১৫০০গী ইক্বুইতী ইনফ্যুজন অয়াবা পীখ্রে৷

মসিগী ইক্বুইতী ইনফ্যুজন অসিনা চহিদা চাওরাক্না থবক ১০২০০রোম ফংহনবদা মতেং পাংগনি অমদি চাওরাক্না চহিদা সি.ও.২ মিলিয়ন তন ৭.৪৯গী চাংদা সি.ও.২ থাদোকপা হন্থহনবদা মতেং পাংগনি৷

ভারত সরকারগী লুপা কোতি ১৫০০গী অহেনবা ইক্বুইতী ইনফ্যুজন অসিনা আই.আর.ই.দি.এ.না মখাগীশিং অসি পাংথোকপা ঙমহনগনি:

1. আর.ই. সেক্তরদা চাওরাক্না লুপা কোতি ১২০০০ থাদবা ঙমহল্লগনি, মদুনা চাওরাক্না এম.দবল্যু. ৩৫০০-৪০০০গী অহেনবা কেপাসিতীগা মরী লৈনবা  আর.ই.গী শেন্দোলগী দরকার ওইবশিং কোকহল্লগনি৷
2. মসিগী নেতৱর্থ হেনগৎহনবদা মতেং ওইরগনি, মদুনা অহেনবা আর.ই. ফাইনান্সিংদা মতেং পাংদুনা আর.ই.গীদমক ভারত সরকারনা পান্দম থম্লিবা অসিদা হেন্না ফবা মওং অমদা শরুক য়াবা ঙমহনগনি৷
3. মসিগী লেন্দিং অমদি বোরোৱিং ওপরেসনশিং অসি লাইথোকহন্নবা কেপিতেল-তু-রিস্ক ৱেতেদ এসেতস রেসিও(সি.আর.এ.আর.) ফগৎহনবা ঙমগনি৷

মিনি রত্ন(কেতিগোরী-১) অমা ওইরিবা, আই.আর.ই.দি.এ. অসি এম.এন.আর.ই.গী সাসন মখাদা রেনিৱেবল ইনর্জী (আর.ই.) সেক্তরগীদমক স্পেসিয়েলাইস নন-বেঙ্কিং ফাইনান্স এজেন্সী অমা ওইনা থবক তৌনবা ১৯৮৭তা লিংখৎখিবনি৷ চহি ৩৪ হেন্না তেক্নো-কম্মর্সিয়েল এক্সপর্তাইস লৈরবা আই.আর.ই.দি.এ.না আর.ই. প্রোজেক্ত ফাইনান্সিংদা কেতলাইতিক রোল অমা লৌদুনা এফ.আই.শিং/বেঙ্কশিংনা সেক্তর অসিদা শেল থাদবদা অচেৎপা থাজবা পীরি৷

******