প্রধানমন্ত্রীগী লোইশঙ
প্রধান মন্ত্রীনা ৱর্ল্দ ইকোনোমিক ফোরমগী দাবোস এজেন্দাদা ‘স্তেত ওফ দি ৱর্ল্দ’গী অখন্নবা ৱারোল থমখ্রে
“ভারতনা কোরোনাগী মনুংদা ‘ৱান আর্থ, ৱান হেল্থ’কী মশাগী পান্দম ইন্দুনা তঙাইফদবা হিদাক অমসুং ভেক্সিন পীদুনা পুন্সি কয়া কনখি”
“ভারতনা গ্লোবেল সপ্লাই চেন্দা মালেমগী খ্বাইদগী থাজনীংঙাই ওইবা খোঙলোই ওইনবা খোঙফম চেৎলি”
“হৌজিক অসি ভারত্তা ইনভেস্ত তৌবগে খ্বাইদগী চুনবা মতম্নি”
“ভারতনা মরোমদোম লেপচবা ঙম্নবা হোৎনরিবা অসিগী থৌওংশিংদা লাইহন্নবা মিৎয়েং চঙবতা নতনা মসিনা ইনভেস্তমেন্ত অমসুং প্রদক্সনবুসু ইন্সেন্তিবাইজ তৌরি”
“ভারতনা মথংগী চহি ২৫গী পান্দম খঙদুনা পোলিসী কয়া শেম্লি। মতমসিগী মনুংদা, লৈবাক অসিনা অৱাংবা শাহৌ লৌবা অমদি য়াইফ য়ুম্বাল অমসুং হকশেল ফববু মাইকৈ খুদিংদা লৈহনবগী পান্দমসু থম্লি। মসিগী শাহৌ লৌবগী মতমসিদি গ্রীন, ক্লিন, সস্তেনেবল ওইবগা লোয়ননা রিলাইএবলসু ওইগনি”
“লংথোকপগী চৎনবী অমসুং কঞ্জ্যুমরিজম্না ক্লাইমেত চেঞ্জপু হেন্না লুশিনহল্লে। ঙসিগী ‘তেক-মেক-য়ুজ-দিজপোজ’কী শেন্মিৎলোন্দগী য়াম্না থুনা থোক্লক্তুনা সর্ক্যুলর ইকোনোমীদা চঙবগী মথৌ তারে”
“এল.আই.এফ.ই.বু মীয়ামগী ইহৌ ওইহনবনা পি.-৩, হায়বদি ‘প্রো প্লানেত পীপল’গী অচৌবা য়ুম্বী ওইবা য়াই”
“হৌজিক অমসুং তুংগী শিংনবশিংগা থেংনবা ঙম্নবা
Posted On:
17 JAN 2022 10:27PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা ৱর্ল্দ ইকোনোমিক ফোরমগী দাবোস এজেন্দাদা ‘স্তেত ওফ দি ৱর্ল্দ’গী অখন্নবা ৱারোল থমখ্রে।
ভারতনা লাইচৎকী অনৌবা ৱেব অমগা য়াম্না চেকশিন্না অমসুং থাজবগা লোয়ননা মাইয়োক্নরি অমসুং শোইদনা ফংগনি খনবা পান্দম কয়াগা লোয়ননা শেন্মিৎলোনগী হীরমদসু মাং থানা চঙশিল্লি হায়না প্রধান মন্ত্রীনা ফোংদোকখ্রে। ভারতনা মপাঙ্গল লৈবা গনতন্ত্রা চৎপা লৈবাক অমা ওইনা ২১শুবা চহি-চা, ভারতকী হৈথোই-শিংথোইবা অমসুং তৌবা ঙম্বগী মতিকপু মপাঙ্গল হেন্না হাপ্লিবা গনতন্ত্রগী পথাপ্ত অমসুং তেক্নোলোজীদা থাজবগী থম্বগী মতৌগা লোয়ননা মীওইবা খুন্নাইদা নুংঙাইবা থাজবা কয়া পীখ্রে। ভারতনা কোরোনাগী মনুংদা ‘ৱান আর্থ, ৱান হেল্থ’কী মশাগী পান্দম ইন্দুনা তঙাইফদবা হিদাক অমসুং ভেক্সিন কয়া মীরমদা পীদুনা পুন্সি কয়া কনখি হায়না প্রধান মন্ত্রীনা হায়খি। ভারতনা মালেমগী অহুমশুবা খ্বাইদগী চাউবা ফার্মাস্যুতিকেল প্রোভাইদর অমা ওইরি অমসুং ‘মালেমগী ফার্মাসী’ হায়না খঙনরি হায়না মহাক্না মখা তাখি।
ভারতনা ঙসিদি সোফৱেয়র ইঞ্জিনিয়রগী রেকোর্দ ওইরবা মশিং পুথোক্লি হায়না প্রধান মন্ত্রীনা ফোংদোকখি। সোফৱেয়র ইঞ্জিনিয়র লাখ ৫০ হেনবনা ভারত্তা হৌজিক থবক তৌরি। খ্বাইদগী অহুমশুবা য়াম্বা য়ুনিকোর্ন মশিং অসি ভারত্তা লৈরি হায়না মহাক্না পাউদমখি। হৌখিবা থা তরুক্তা, স্তার্ত-অপ লিশিং ১০ হেনবনা রেজিস্তর তৌরকখি। ভারতকী চাউরবা, শোই-ঙামদবা অমসুং মায় পাকপা দিজিতেল পেমেন্ত প্লেৎফোর্মগী মতাংদা মহাক্না পল্লদুনা হৌখিবা থামক্তদা বিলিয়ন ৪.৪ হেনবা ত্রাঞ্জেক্সনসু য়ুনিফাইদ পেমেন্ত ইন্তর্ফেসকী খুত্থাংদা পাংথোকখি হায়নসু মহাক্না পাউদমখি। প্রধান মন্ত্রীনা কারবার তৌববু হেন্না নুংঙাইহনবা অমসুং সরকারনা খুৎ থিংজিনবগী থৌওং হন্থহনবগী খোঙথাং পায়খৎখিবশিংগী মতাংদসু ৱাফম থমখি। কোর্পোরেত তেক্স রেৎ লায়থোকহনবা অমসুং মখোয়বু মালেমগী ওইনা খ্বাইদগী চাংয়েংনীংঙাই ওইহন্নবা হোৎনখিবগী মতাংদসু মহাক্না পনখি। ভারতনা দ্রোন, স্পেস, জিও স্পাতিএল মেপিংগুম্বা হীরমশিংবু দিরিগ্যুলেত তৌখ্রে অমসুং আই.তি. অমসুং বি.পি.ও. সেক্তরগা মরী লৈনবা চৎনদ্রবা তেলিকোমগী কাঙলোনশিংদসু অহোংবা পুরকখি। “ঐখোয়না হৌখিবা চহিশিংদা কাঙলোন লিশিং ২৫ হেনববু লৌথোকখ্রে”, হায়না মহাক্না মখা তানা ফোংদোকখি।
প্রধান মন্ত্রীনা অতোপ্পনা ভারতকা খোঙলোই ওইমিন্ননীংবগী থৌওং হেনগৎলক্লিবা অসিবু পল্লদুনা ভারতনা গ্লোবেল সপ্লাই চেন্দা মালেমগী খ্বাইদগী থাজনীংঙাই ওইবা খোঙলোই ওইনবা খোঙফম চেৎলি অমসুং লৈবাক কয়া অমগা ফ্রী ত্রেদ এগ্রীমেন্ত লৈহন্নবা লম্বী য়াৎলি হায়না ফোংদোকখি। ভারতনা ইন্নোভেসন, তেক্নোলোজী শিজিন্নবা অমসুং ওন্তোপ্রিনর্শিপ স্পিরিত্তা লৈরিবা তৌবা ঙম্বগী মতিক অসিনা ভারতপু গ্লোবেল পার্তনর ওইহল্লিবনি। “মরম অদুনা হৌজিক অসি ভারত্তা ইনভেস্ত তৌবগে খ্বাইদগী চুনবা মতম্নি”, হায়না মহাক্না হায়খি। ভারতকী নহাশিংনা ওন্তোপ্রিনর্শিপকী অনৌবা থাক্তা য়ৌরক্লি হায়না মহাক্না পাউদমখি। ইং ২০১৪দা লৈরম্বা শুপ্নগী স্তার্ত-অপ ১০০গা চাংদম্নবদা ঙসিদি ভারত্তা স্তার্ত-অপ লিশিং ৬০ হেন্না লৈরে হায়না মহাক্না থমখি। মসিগী মনুংদগী ৮০ অমদি য়ুনিকোর্ন ওইরে অমসুং ইং ২০২১ খক্তদা য়ুনিকোর্ন ৪০ হেন্না থোক্লকখি।
প্রধান মন্ত্রীন ভারতনা মশাদা থাজবগা লোয়ননা থবক পাংথোকপগী মতৌদা মিৎয়েং চঙলদুনা কোরোনাগী মতমদা মালেম্না চাং হন্থহন্নবা খোঙথাং কয়াদা মিৎয়েং চঙলিঙৈদা ভারতনা রিফোর্মশিংবু মপাঙ্গল হাপ্নবা ওইনা হোৎনখিববু মীয়াম মাঙদা খঙহনখি। খুঙ্গং লাখ ৬তা ওপ্তিকেল ফাইবর কেবল য়ৌহনখিবা, কন্নেক্তিবিতীগা মরী লৈনবা ইনফ্রাস্ত্রকচরদা ত্রিলিয়ন দোল্লর ১.৩ ইনভেস্ত তৌখিবা, এসেত মনীতাইজেসনগী খুত্থাংদা বিলিয়ন দোল্লর ৮০ তাখৎপগী পান্দম থমখিবা অমসুং গুদ্স, পীপল অমসুং সর্ভিস্তা পরিং নাইবা কন্নেক্তিবিতী লৈহন্নবগীদমক্তা অনৌবা মতিক লৈহন্নবা স্তেকহোলদরশিংবু সিঙ্গল প্লেৎফোর্ম অমদা পুশিল্লক্নবা গতিশক্তি নেস্নেল মাস্তর প্লান লৈহনখিবগী ফিজিকেল অমসুং দিজিতেল ইনফ্রাস্ত্রকচরগী হীরমদা মায় পাকখিবশিংগী মতাংদা প্রধান মন্ত্রীনা পাউদমখি। শ্রী মোদীনা ভারতনা মরোমদোম লেপচবা ঙম্নবা হোৎনরিবা অসিগী থৌওংশিংদা লাইহন্নবা মিৎয়েং চঙবতা নতনা মসিনা ইনভেস্তমেন্ত অমসুং প্রদক্সনবুসু ইন্সেন্তিবাইজ তৌরি হায়না ফোরমগী মমাংদা থমখি। মসিগী খ্বাইদগী মশক থোকপা মহৈদি সেক্তর ১৪দা পায়খৎখিবা বিলিয়ন দোল্লর ২৬কী শেনফমগী প্রদক্সন লিঙ্ক ইন্সেন্তিব স্কিম অসিনি হায়না মহাক্না ফোংদোকখি। ভারতনা মথংগী চহি ২৫গী পান্দম খঙদুনা পোলিসী কয়া শেম্লি। মতমসিগী মনুংদা, লৈবাক অসিনা অৱাংবা শাহৌ লৌবা অমদি য়াইফ য়ুম্বাল অমসুং হকশেল ফববু মাইকৈ খুদিংদা লৈহনবগী পান্দমসু থম্লি। মসিগী শাহৌ লৌবগী মতমসিদি গ্রীন, ক্লিন, সস্তেনেবল ওইবগা লোয়ননা রিলাইএবলসু ওইগনি হায়না প্রধান মন্ত্রীনা মিৎয়েং চঙখি।
প্রধান মন্ত্রীনা হৌজিক্কী মতমগী পুন্সি মহিং অমসুং পোলিশীশিংনা ইকোলোজীদা শোকহল্লিবা অসিদা মিৎয়েং চঙখি। ঐখোয়গী পুন্সি মহিংনা ক্লাইমেত্তা শোকহনবগী শিংনবশিংবু মহাক্না খুদম ওইনা পনখি। লংথোকপগী চৎনবী অমসুং কঞ্জ্যুমরিজম্না ক্লাইমেত চেঞ্জপু হেন্না লুশিনহল্লে। ঙসিগী ‘তেক-মেক-য়ুজ-দিজপোজ’কী শেন্মিৎলোন্দগী য়াম্না থুনা থোক্লক্তুনা সর্ক্যুলর ইকোনোমীদা চঙবগী মথৌ তারে হায়না মহাক্না ফোংদোকখি। মহাক্না কোপ২৬তা হৌদোকখিবা মিসন এল.আই.এফ.ই.গী মতাংদা পল্লদুনা প্রধান মন্ত্রীনা এল.আই.এফ.ই.বু মীয়ামগী ইহৌ ওইহনবনা পি.-৩, হায়বদি ‘প্রো প্লানেত পীপল’গী অচৌবা য়ুম্বী ওইবা য়াই হায়না ফোংদোকখি। এল.আই.এফ.ই., হায়বদি ‘লাইফস্তাইল ফোর ইনভাইরনমেন্ত’, অসি ক্লাইমেত ক্রাইসিস অমসুং তুংদা থোক্লকপা য়াবা তম্বা ঙমদবা মহৌশাগী অমাঙ-অতা কয়াগা মাইয়োক্নবদা তেংবাংবগদবা নীংহন্নদবা অমসুং তুং কোইনা চৎপা পুন্সি মহিং অমগী পান্দম্নি। শ্রী মোদীনা ফোরমগী মাংদা ভারতনা পান্দম থমখিবা মতমদগী য়াম্না ঙনখৎনা ক্লাইমেৎকী হায়রিবা পান্দমশিংবু ফংবা ঙম্বগী মশক থোক্লবা থৌওংশিং পাংথোকখিবগী মতাংদা খঙহনখি।
মালেমগী চৎন-কাঙলোন্দা অহোংবা লাকপগী মতুং ইন্না চুননবা হোৎনবগী তঙাই ফদবা লৈবসিদা প্রধান মন্ত্রীনা মিৎয়েং চঙখি। মালেমগী হোংলক্লিবা চৎন-কাংলোন অসিগী মতুং ইন্না মালেমগী ইমুংনা অনৌবা শিংনবা কয়া থেংনরি হায়রদুনা লৈবাক খুদিং অমসুং মালেমগী এজেন্সী খুদিংনা অমত্তা ওইবা থৌওং পাংথোক্তুনা হায়রিবসিগা মাইয়োক্নসি হায়না হৌদোকখি। সপ্লাই চেনফা অকায়বা লাকপা, পোৎ-চৈ মমল হেনগৎলকপা অমসুং অইং-অশা হোংলকপবু খ্বাইদগী মরু ওইবা মরম ওইনা মহাক্না পীখি। মহাক্না মরী লৈনবা তেক্নোলোজী অমসুং মখোয়গী শিংনবশিংনা লৈবাক অমগী ৱারেপ অমদা তেংবাংদবা কৃপ্তোকরেন্সীগুম্বা থৌওংগী খুদমসু পীখি। হীরম অসিগী মতাংদা ঐখোয়না নাকল অমদা লৈমিন্নসি হায়না মহাক্না হৌদোকখি। মলতিলেতরেল ওর্গনাইজেসন অমনা মখোয়না হেক লৈরকপা মতমদগী মালেমদা অহোংবা লাক্তুনা হান্নগী মতৌদগী হোংলকপা ফিভম অমা লাকপা মতমদা মালেমগী চৎন-কাংলোনগী শিংনবশিংগা থেংনবা ঙমগদরা হায়না মহাক্না হংখি। “মরম অদুনা, হৌজিক অমসুং তুংগী শিংনবশিংগা থেংনবা ঙম্নবা থৌওং পুথোক্নবগীদমক্তা মলতিলেতরেল বোদীশিংদা রিফোর্ম লৈহন্নবা গনতন্ত্রা চৎপা লৈবাকশিংনা হোৎনবসি মথৌ য়াম্না তারে”, হায়না মহাক্কী ৱারোল লোইশিনখি।
*****
(Release ID: 1790749)
Visitor Counter : 165
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam