প্রধান মন্ত্রী, শ্রী নরেন্দ্র মোদীনা ভেক্সিন দ্রাইবকী চহি ১ অমা মপুং ফাবদা ভেক্সিনেশন দ্রাইবকা মরী লৈনবা মীওই খুদিংমকপু ইকাইখুম্নবা উৎখি। প্রধান মন্ত্রীনা ভেক্সিনেশন দ্রাইবকীদমক্তা দোক্তরশিং, নর্সশিং অমসুং হেল্থকেয়র ৱার্করশিংনা লৌখিবা থৌদাং অদুগীদমক্তা থাগৎপা ফোংদোকখি। মহাক্না হায়খি মদুদি ইন্দিয়াগী ভেক্সিনেশন প্রোগ্রাম অসিনা কোবিদ-১৯গী মায়োক্তা লান্থেংনবদা য়াম্না চাউনা পাঙ্গল হাপখি।

মাইগোবইন্দিয়ানা তৌরকপা ত্বীত অমগী পাউখুম ওইনা, প্রধান মন্ত্রীনা ত্বীত কয়া অমদা হায়খি;

“ ঙসি ঐখোয়গী # ভেক্সিন দ্রাইবকী চহি ১ মপুং ফারে।

ঐহাক্না ভেক্সিনেশন দ্রাইব অদুদা শরুক য়াখিবা মীপুম খুদিংমকপু ইকাই খুম্নবা উৎলি।

ঐখোয়গী ভেক্সিনেশন প্রোগ্রাম অসিনা কোবিদ-১৯গী মায়োক্তা লান্থেংনবদা য়াম্না চাউনা পাঙ্গল হাপখি। মসিনা পুনশি কয়া কনবা ঙমহল্লে অমসুং হিংননবগী পাম্বৈশিং অদুবুসু ঙাক-শেনদুনা থম্বিরে।

তৌইগুম্বসুং, ঐখোয়গী দোক্তরশিং, নর্সশিং অমসুং হেল্থকিয়র ৱার্করশিংনা লৌখিবা থৌদাং অদু হেন্দোক-থোইদোকপা ওই। ঐখোয়না অধাপ্পা মফমশিংদা মীওইশিংনা ভেক্সিন কাপথোকপা, নত্রগা ঐখোয়গী হেল্থকিয়র ৱার্করশিংনা ভেক্সিন অদুবু মফম অদুদা পুদুনা চৎপা উবা মতমদা, ঐখোয়গী পুক্নিং অমসুং ৱাখল অসি য়াম্না চাউথোকচৈ। 

লাইচৎ অসিগা লান্থেংনবদা ভারতকী খোংজং অসি মতম পুম্বদা সাইন্সতা য়ুমফম ওইগনি। ঐখোয়গী প্রজাশিংনা মতিকচাবা কিয়র ফংনবগীদমক্তা হেল্থ ইনফ্রাস্ত্রকচরসু হেনগৎহল্লগনি।

ঐখোয় পুম্নমক্না কোবিদকা মরী লৈনবা চৎন-কাংলোনশিং নিংথিনা ইনসি অমসুং লাইচৎ অসিবু মাইথিবা পীসি।”

Today we mark #1YearOfVaccineDrive.

I salute each and every individual who is associated with the vaccination drive.

Our vaccination programme has added great strength to the fight against COVID-19. It has led to saving lives and thus protecting livelihoods. https://t.co/7ch0CAarIf

— Narendra Modi (@narendramodi) January 16, 2022

*****