প্রধানমন্ত্রীগী লোইশঙ
পি.এম.না জনুৱারী ১৫দা স্তার্তঅপশিংগা লোয়ননা ৱারী-ৱাতাই শাগনি
থিম তরুক্তা স্তার্তঅপশিংনা পি.এম.গী মমাংদা প্রজেন্তেসনশিং পীগনি
লৈবাক অসিদা স্তার্তঅপ ইকোসিস্তেমদা শাহৌ পীনবা পি.এম.না লেপ্তনা হোৎনরিবা অসিগী মতাংদা ৱারী-ৱাতাই শাবগী শরুক য়াওরি
Posted On:
14 JAN 2022 3:11PM by PIB Imphal
প্রধান মন্ত্রী শ্রী নরেন্দ্র মোদীনা জনুৱারী ১৫, ২০২২গী অয়ুক পুং ১০:৩০ তাবা মতমদা ভিদিও কনফরেন্সিংগী থোংদা স্তার্তঅপশিংগা লোয়ননা ৱারী-ৱাতাই শাগনি।
লৌউ-শিংউ, হকশেল, ইন্তর্প্রাইস সিস্তেমশিং, স্পেস, ইন্দস্ত্রী ৪.০, সেক্যুরিতী, ফিনতেক, এনভাইর্নমেন্ত অসিনচিংবা য়াওনা সেক্তর কয়ামরুমদগী স্তার্তঅপশিংনা ৱারী-ৱাতাই শানবা অসিদা শরুক য়াগনি। গ্রোৱিং ফ্রোম রুৎস; নদজিং দি দি.এন.এ.; ফ্রোম লোকেল তু গ্লোবেল; তেক্নোলোজী ওফ ফ্যুচর; বিল্দিং চেম্পিয়ন্স ইন মেন্যুফেকচরিং; অমসুং সস্তেনেবল দিবেলপমেন্ত য়াওনা থিমশিং অসিদা য়ুম্ফম ওইরগা স্তার্তঅপ ১৫০ হেনবা অসি ৱার্কিং গ্রুপ তরুক থোক্না খাইদোকখ্রে। গ্রুপ অমমমনা ৱারী-ৱাতাই শাবা অসিদা মখোয়দা পীরিবা থিম অদুদা প্রধান মন্ত্রীগী মমাংদা প্রজেন্তেসন অমা পীগনি। ৱারী-ৱাতাই শাবা অসিগী পান্দমদি লৈবাক অসিদা ইনোবেসন তৌদুনা লৈবাক্কী মথৌ তাবশিং থুংহনবদা স্তার্তঅপশিংনা করম্না শরুক তম্বগে হায়বা খঙহনবনি।
আজাদী কা অমৃত মহোৎসবকী শরুক ওইনা, চয়োল অমা চুপ্না চত্থবা থৌরম, “সেলেব্রেতিং ইনোবেতিব ইকোসিস্তেম” অসি জনুৱারী ১০দগী ১৬, ২০২২ ফাওবা কম্মর্স অমসুং ইন্দস্ত্রী মন্ত্রালয়গী দি.পি.আই.আই.তি.না পাঙথোক্লি। থৌরম অসিনা স্তার্তঅপ ইন্দিয়া ইনিসিএতিব হৌদোকখিবগী ৬শুবা কুমওন পালন তৌরি।
প্রধান মন্ত্রীনা স্তার্তঅপশিংগী তৌবা ঙম্বা অসিনা লৈবাক অসিগী চাউখৎ-থৌরাংদা চাউনা শরুক তম্বা ঙমগনি হায়না চেৎনা থাজবা থমখি। মসি ইং কুমজা ২০১৬দা হৌদোকখিবা মরু ওইবা ইনিসিএতিব স্তার্তঅপ ইন্দিয়াদা মমি তাখি। সরকারনা স্তার্তঅপশিংগী গ্রোথ অমসুং দিবেলপমেন্তদা শাহৌ পীবা এতমোস্ফিয়র অমা লৈহন্নবা থবক পাইখৎখি। মসিনা লৈবাক্কী স্তার্তঅপ ইকোসিস্তেমদা চাউনা শাফু পীখি, অমসুং লৈবাক অসিদা য়ুনিকোর্নশিং তাঙ্কক নাইনা মথং-মথং গ্রোথ লাকহনখি।
***
(Release ID: 1789956)
Visitor Counter : 145
Read this release in:
Telugu
,
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam