য়ুমলৈ-কৈরৈ মন্ত্রালয়

প্রধান মন্ত্রীগী পঞ্জাব খোংচৎ মনুংদা সিক্যুরিতীগী অহোবা লৈখ্রে

Posted On: 05 JAN 2022 3:02PM by PIB Imphal

ঙসি অয়ুক প্রধান মন্ত্রী, শ্রী নরেন্দ্র মোদীনা বথিন্দাদা থুংখ্রে অদুগা মফম অসিদগী মহাক্না হেলিকোপ্তরদা হুসৈনিৱালাদা লৈবা নেস্নেল মার্তিয়র্স মেমোরিএলদা চৎকদবনি। নোং অমসুং উবা ৱাৎপনা মরম ওইরগা প্রধান মন্ত্রীনা নোংজু নুংশাগী ফীভম ফগৎলকপা চাউরাক্না মিনিৎ ২০ মুক ঙাইখি। 

নোংজু নুংশাগী ফীভম অদু ফগৎলক্তবদগী মহাক্না নেস্নেল মার্তিয়র্স মেমোরিএল অদু পুং অনিগী মথক্তা চংগদবা বাইয়া রোদতা চৎনবা ৱারেপ লৌখি। তঙাইফদবা সিক্যুরিতীগী শিল লাংলিবশিং অদুগী মথৌ তাবা কনফর্মেসন অদু পঞ্জাব পুলিসকী দি.জি.পি.দগী লৌরবা মতুংদা মহাক্না খোংচৎ অদু বাই রোদতা চৎপা হৌখি। 

হুসৈনিৱালাদা লৈবা নেস্নেল মার্তিয়র্স মেমোরিএল য়ৌগদবা চাউরাক্না কি.মি. ৩০ মুক ৱাৎলিঙৈ, প্রধান মন্ত্রী কনভোই অদুনা ফ্লাইওভর অমা য়ৌবা মতমদা প্রোতেস্তর খরনা লম্বী অদু থিংবা থেংনখি।

প্রধান মন্ত্রীনা ফ্লাইওভর অদুদা মিনিৎ ১৫-২০ ফাওবা পন্দুনা লৈখি। মসি প্রধান মন্ত্রীগী সিক্যুরিতীদা খ্বাইদগী চাউনা অহোবা অমনি।

প্রধান মন্ত্রীগী স্কেদ্যুল অমসুং ত্রাভেল প্লান অসি মাংজৌননা পঞ্জাব সরকারগা পাউ ফাওনখি। প্রোসিদ্যুরগী মতুং ইন্না লোজিস্তিক্স, সিক্যুরিতীগী তঙাইফদবশিং শিল-লাংবগা লোয়ননা কন্তিজেন্সী প্লান অমা শেম শাদুনা থমগদবনি। কন্তিজেন্সী প্লান অসিগী য়েংলগা পঞ্জাব সরকারনা লম্বীদা চৎথোক চৎশিন অহেক্তা তৌবা মতমদা ঙাক শেন্নবা অহেনবা সিক্যুরিতী দিপ্লোই তৌগদবনি অদুবু মদু তশেংনা তৌখিবগী মমি তাখিদে। 

সিক্যুরিতীগী অহোবা লৈরবা মতুংদা বথিন্দা এয়র্পোর্ত্তা হন্নবা ৱারেপ লৌখি। 

মসিগী সিক্যুরিতীগী অহোবা অসিবু হকচিন্না লৌরিবা হোম এফিয়র্স মন্ত্রালয় (এম.ঐচ.এ.)না রাজ্য সরকারদগী অকুপ্পা রিপোর্ত কৌখ্রে। রাজ্য সরকারনা মসিগী অহোবা অসিগী থৌদাং লৌনবা অমসুং অকনবা এক্সন লৌখৎনবা খংহনখ্রে।   

*****



(Release ID: 1787678) Visitor Counter : 218