ভারত ইমানা য়াইফরে, ভারত ইমানা য়াইফরে উত্তরাখন্দগী রাজ্যপাল গুরমীৎ সিংহ জী, নহা ওইরিবা অমসুং করমথ মফম অসিগী মীয়ামনা নুংশিবীবা মুখ্য মন্ত্রী শ্রী পুস্কর সিংহ ধামী জী, ভারতীয় জনতা পার্তীগী প্রদেশ অধ্যক্ষ শ্রী মদন কৌশিক জী, কেন্দ্রগী মন্ত্রী শ্রী অজয় ভত্ত জী, ঐহাক্কী মরূপ রমেশ পোখরিয়াল নিশঙ্ক জী, শ্রী ত্রিবেন্দ্র সিংহ রাৱত জী, তীরথ সিংহ রাৱত জী, শ্রী বিজয় বহুগুনা জী, উত্তরাখন্দ সরকারদা মন্ত্রী ওইবীরিবা শ্রী সতপাল মহারাজ জী, শ্রী হরক সিংহ রাৱত জী, শ্রী সুবোধ উনিয়াল জী, শ্রী বন্সীধর ভগৎ জী, সংসদতা ঐখোয়গী মরূপ শ্রীমতী মালা রাজ্যলক্ষ্মী জী, শ্রী অজয় তমতা জী, অতোপ্পা পার্লিয়ামেন্তরীয়ানশিং অমদি এম.এল.এ.শিং অমসুং কুমাউনগী ঐহাক্কী নুংশিরবা ইচিল-ইনাও অমসুং ইচল-ইচেশিং!

মফমদুদা মথক্তা লৈরিবা পুম্নমক য়াইফরিবা নত্রা। অদোম তাবা ফংবীরমগনি। অদোম ময়াম অদুক য়াম্না মফমদুদা করিগুম্বা কান্দা অকীবা ফাওই, অদোম ময়াম মাংলোমদা চংশিনবীরক্কনু। মায়কৈ মরিমক্তা বিল্দিং পুম্নমক্তা... অদোম ময়ামনা নুংশিবীরিবা অসি, অদোমগী আর্শীবাদ মসিগীদমক অদোমগী লমন তোনশিনজরে। শেংলবা লমদম কুমাউনদা লৈরিবা গোলজ্যুকিদা, অদোম পুম্নমক, ইচিল-ইনাও অমসুং ইচল-ইচেশিং ঐহাক্না খুরুমজরী! জাগেশ্বর-বাগেশ্বর-সোমেশ্বর-রামেশ্বর তীর্থস্থলীশিং অসিগী শিবস্থলীশিং অসিবু ঐহাক্না হন্না-হন্না খুরুমজরী! লৈবাক অসিগী নিংতম্বদসু কুমাউন্না য়াম্না চাউবা থৌদাং লৌখি। মফম অসিদা পন্দিৎ বদ্রীদত্ত পান্দে জী মহাক্কী লুচিং মখাদা, উত্তরায়নী মেলেদা কুলী বেগার প্রথা থুপচিনখি।

মরূপশিং,

ঙসি কুমাউনদা লাকচবগী লাইবক ফবা তাঞ্জা ফংজবা অসিদা মহৌশানা অদোম ময়াম পুম্নমক্কা লোয়ননা ঐহাক্কী লীরবা মরী অদু অচেৎপা মরী অদু নৌহৌনা নিংশিংবা অসি মহৌশানি। অমদি অদোম্না ঙসি উত্তরাখন্দগী তোপি উপ্পীরিবা অসি ঐহাক্কী ওইনা মসিদগী হেন্না চাউথোকচনিঙাই করি লৈরিবগে। ঐহাক্না মসি ইচম চম্বা ইকায় খুম্নবীবনি হায়না লৌদে। উত্তরাখন্দগী চাউথোকচবগা লোয়ননা ঐহাক্কী পুক্নিং ৱাখলয়ু লোয়নরি। ঙসি মফম অসিদা লুপা করোর লিশিং ১৭ হেনবগী চাউখৎ থৌরাংগী থবকশিং শঙ্গাখ্রে অমসুং উরেপ উয়ুং তমখ্রে। প্রোজেক্তশিং অসি কুমাউনগী মরূপ পুম্নমকপু হেন্না ফবা কনেক্তিবিতী, হেন্না ফবা হকশেলগী কানবশিং ফংহল্লগনি। হলদ্বানি শহরগী ওবরওল ইনফ্রাস্ত্রকচরগীদমক দিবলপমেন্তকীদমক ঐখোয়না চাউরাক্না লুপা করোর লিশিং অনিগী স্কিমশিং পুদুনা লাক্লি। হৌজিক্তি হলদ্বানিদা ইশিং, সীৱরেজ, লম্বী-থোং, পার্কিং, স্ত্রীৎ লাইতশিং, মফম পুম্নমক মমাংদা ওইখিদ্রিবা মওংদা ফগৎলগনি।

মরূপশিং,

দিকেদ অসি ওত্তরাখন্দগী দিকেদ ওইহন্নবগীদমক খোংজেল য়াংনা মতৌ অসুম্না দিবলপমেন্তকী থবকশিংদা থবক কয়া অমা তৌবগী মথৌ তাবশিংদা ঐখোয়না অকনবা থবক লৌখৎলি। অমদি ঐহাক্না হায়রি মদুদি উত্তরাখন্দগী দিকেদনি, ইচম চম্না হায়বা নত্তে। ঐহাক্না হায়রিবা অসিগী মরম কয়া অমা লৈরি। উত্তরাখন্দ মীয়ামগী পাঙ্গল শক্তিনা দিকেদ অসি উত্তরাখন্দগী দিকেদ ওইহল্লগনি, মসি ঐহাক্কী লেংদবা থাজবনি। মরূপশিং ঐহাক লমদম অসিগী লিংজিল খংজৈ। উত্তরাখন্দদা হেনগৎলক্লিবা মোদর্ন ইনফ্রাস্ত্রকচর, চার ধাম মহাপরিয়োজনা, নৌনা শেমগৎলক্লিবা রেলগী লম্বীশিং, দিকেদ অসি উত্তরাখন্দগী দিকেদ ওইহল্লগনি। উত্তরাখন্দদা শাগৎলিবা অনৌবা হাইদ্রো প্রোজেক্তশিং, উত্তরাখন্দগী হেনগৎলক্লিবা ইন্দস্ত্রীয়েল কেপাসিতী, দিকেদ অসি উত্তরাখন্দগী দিকেদ ওইহল্লগনি। উত্তরাখন্দদা তুরিজম সেক্তরগী ওইবা চাউখৎলক্লিবা, মালেম পুম্বদা য়োগগীদমক পুক্নিং চিংশিনবা হেনগৎলক্লিবা অদু উত্তরাখন্দগী লৈপাক লৈহাওদা চিংদুনা পুরক্লগনি। লমকোইবশিংগীদমক হেনগৎলক্লিবা খুদোংচাবশিং- হোম স্তে কেম্পেইন, দিকেদ অসিবু উত্তরাখন্দগী দিকেদ ওইহন্দুনা লৈরগনি। উত্তরাখন্দদা হেনগৎলক্লিবা মহৌশাগী লৌউ-শিংউবা, নেচরেল ফার্মিং মফম অসিগী হর্বল প্রদক্ত, এগ্রীকলচরগী লমদসু দিকেদ অসি উত্তরাখন্দগী ওইরগনি, উত্তরাখন্দগী দিকেদ অসি ইকায় খুম্নরবা ওইরগনি। ঙসিগী প্রোজেক্তশিং অসি ময়াম পুম্নমক অসিগা মরী লৈনরি। ঐহাক্না উত্তরাখন্দগী মীয়াম্বু ঙসি হলদ্বানীগী লৈপাক লৈহাও অসিদগী হন্না-হন্না য়াইফ পাউজেল পীজরি।

মরূপশিং,

ঐখোয়দি খংঙি, হিমালয়গী মপাঙ্গল অদু খংঙি। ঐখোয়না মসিমসু খংঙি মদুদি উত্তরাখন্দদগী তুরেল কয়া য়াম্না হৌরকপগে হায়বা। নিংতম্লবা মতুংদগী মফম অসিগী মীয়াম্না ধারা অনি অমগা উরে। ধারা অমনা – চিংশিংবু দিবলপমেন্তদগী তোঙান্না থম্মু অমদি অতোপ্পা ধারা অমনা চিংগী দিবলপমেন্তকীদমক অহিং-নুংথিল অমত্তা ওইহল্লু। অহানবা ধারাগী মীওইশিংনা অদোম্বু মতম পুম্নমক্তা দিবলপমেন্তদগী লাপথোকনা লৈহন্নিংঙি। চিংশিংদা লম্বী-থোং, ইলেক্ত্রিসিতী অমসুং ইশিং য়ৌহন্নবগীদমক হোৎনগদবশিং অদুদগী মতম পুম্নমক্তা চেন্দুনা লৈরক্লি। মফম অসিগী খুঙ্গং কয়াগী চারোল কয়া অফবা লম্বী থোংগী অপাম্বদা, অফবা ফেসিলিতীগী অপাম্বদা মখোয় ঐখোয়গী নুংশিরবা উত্তরাখন্দ থাদোক্তুনা অতোপ্পা মফম অমদা খুন্দাখি। ঙসি ঐহাক অপেনবা ফাওই মদুদি উত্তরাখন্দগী মীয়াম, লৈবাক্কী মীয়াম্না মীওইশিং অসিগী অচুম্বদু খংলে। ঙসি ঐখোয়গী সরকারনা, সবকা সাথ - সবকা বিকাসকী মন্ত্রগা লোয়ননা খোংজেল য়াংনা লৈবাক অসিবু অনৌবা অৱাংবা থাক্তা পুখৎনবা হোৎনরি। ঙসি উধম সিংহ নগর জিলাদা এম্স রিশিকেশকী সেতেলাইত কেন্দ্র অমসুং পিথৌরাগরদা জগজীবন রাম গবর্নমেন্ত মেদিকেল কোলেজকী উরেপ উয়ুং তমখ্রে। হোস্পিতাল অনি অসিদগী কুমাউন অমসুং তরাই লমদমগী মীয়ামদা চাউনা তেংবাং ফংলগনি। অল্মোরা মেদিকেল কোলেজপুসু অথুবা মতমদা হৌহন্নবা খোংজেল য়াংনা থবক তৌরি। ঙসি থৌরম অসিদসু চাউরাক্না লুপা করোর লিশিং ৯গী প্রোজেক্ততি লম্বী-থোং শেম্বগা মরী লৈনরি। প্রধান মন্ত্রী গ্রাম সরক য়োজনাগী মখাদা কিলোমীতর ১২০০ শাংবা খুঙ্গংগী লম্বী-থোং শেম্বগী থবকসু হৌখ্রে।  লম্বীশিং অসিগী মথক্তা থোং ১৫১ শানবা থবকসু পায়খৎলগনি।

ইচিল-ইনাও অমসুং ইচল-ইচেশিং, 

অদোম্বু অফ-নুংঙাইদগী লাপথোকহন্নবা ৱাখল্লোন চেনবশিং অদুনা মরম ওইদুনা মানস-খন্দ, মানসরোবরগী শনথোং অদু, লম্বী-থোংদগী তামহনখি। ঐখোয়না তনকপুর পিথৌরাগর ওল ৱেদর রোদতা থবক তৌবতা নত্তনা লিপুলেখ ফাওবসু লম্বী শেমখি অমদি মসিদসু মখা তাবা থবক পায়খৎলি।

মরূপশিং,

তনকপুর-বাগেশ্বর রেল লাইনগী ফাইনেল লোকেসন সর্বে, প্রোজেক্ত অসিগী য়াম্না চাউবা য়ুমফমনি। রেল লাইন অসিদা অথুবা মতমদা থবক তৌবা য়ানবনি।  অমদি ঐহাক ময়াম পুম্নমক্তা ঙসি মফম অসিদা লাক্তুনা থাজবা পীনবা লাক্লিবনি। ঙসি রিশিকেশ কর্নপ্রয়াগ রেল রুত শেমগৎলি, হয়েংনা তনকপুর বাগেশ্বর রুতসু মতৌ অসুম্না শেমলগনি। ঐহাক্কী উত্তরাখন্দগী ইচিল-ইনাও অমসুং ইচল-ইচেশিং, মসি উরেপ উয়ুং তম্বগী নুং খক্তা নত্তে, নুং অসি খক্তা নত্তে, মসি দবল ইঞ্জীন সরকারনা অচুম্বা ওইনা উৎকদৌরিবা সঙ্কল্প শিলাশিং অদুনি।

মরূপশিং,

উত্তরাখন্দ শেমখিবা দিকেদ অনি চহি ২০ মপুং ফাখ্রে। চহিশিং অসিদা অদোম্না অদুগুম্লবা সরকার পায়বশিং অদু উবীরমগনি, মখোয়না হায়খি- উত্তরাখন্দবু লুত তৌগে তৌবীয়ু, ঐহাক্কী সরকারবু কায়হনবীগনু। মীওইশিং অদুনা মখুৎ অনি চংদুনা উত্তরাখন্দবু লুত তৌখি। উত্তরাখন্দবু নুংশিজবশিংনা অসিগুম্বা ৱাখল্লোন চেল্লোই। কুমাউন নুংশিজবশিংনা কুমাউন থাদোক্তুনা চৎলোই। মসিদি লাইরৈবাক্নি। মফম অসিগী মীওইশিংগী সেবা তৌবা অসি উত্তরাখন্দগী সেবা তৌবনি, দেবী-দেবতাশিংগী সেবা তৌবগা মান্নৈ। ৱাখল্লোন অসিগা লোয়ননা ঐখোয়গী সরকারনা থবক তৌরি। ঐহাক ইশামক থৱায় হকচাং য়াওনা হোৎনরি।

ইচিল-ইনাও অমসুং ইচল-ইচেশিং,

অপাম্বদা থম্বগী রাজনীতিগী খ্বাইদগী অৱাবা খংলিবা অসি ঐখোয়গী ইমাশিং, ঐখোয়গী ইচল-ইচেশিং, ঐখোয়গী ইচা নুপীশিংনি।  চাকখুমদা মৈখুগী সমস্যা অসি ইমাশিং – ইচল ইচেশিংগীনি। লেত্রিন লৈত্রবদি খ্বাইদগী য়াম্না অৱাবা মায়োক্নরিবা অসি ইচল ইচেশিং – ইচা নুপীশিংনি। য়ুমথক মওং তাদবনা মরম ওইদুনা নোং য়ুবগী খ্বাইদগী য়াম্না ৱাজরিবদি মমাশিংনি। অঙাং নারকপদা লায়েংনবা শেল লৈতবা, খুদোংচাবা ফংদবা – থৱায় খ্বাইদগী য়াম্না ৱারিবা অসি মমা ওইবীশিংগীনি। ইশিংগীদমক খ্বাইদগী য়াম্না হোৎনবা অমসুং মতম চংই – ঐখোয়গী ইমাশিং অমসুং ইচল ইচেশিংগী। হৌখিবা চহি ৭তা মমা ওইবীশিংগী শক্তিগী সমস্যাশিং অসি ঐখোয়না মরু ফুক্তুনা লংথোকখিনবা হোৎনরি। জল জীবন মিশন – হর ঘর জল, হর ঘর নলদগী ইশিং অসিগুম্লবা হোৎনরিবা অমনি। চহি অনিদা মিশন অসিগী মখাদা লৈবাক অসিগী ইমুং করোর ৫ হেনবদা পাইপলাইদগী ইশিং ফংহনখ্রে। ঙসিসু প্রোজেক্ত ৭০দগী হেন্না শঙ্গাখিবা অসিদগী জিলা ১৩গী ইচল-ইচেশিংগী পুন্সী মহিং লাইথোকহল্লগনি। মসিদসু নত্তনা হল্দ্বানি অমসুং জগজীতপুরগী মনাক নকপা মফংশিংদসু থক্নবা ইশিং ফংহল্লগনি।

মরূপশিং,

করিগুম্বা মতমদা ঐখোয়না পুৱারী ওইরবা মফমদা চৎপা মতমদা, মফমদুদা ঐখোয়দা তাকপীরে মদুদি মফম অসি চহি কয়াগী মমাংদগী শাখিবনি, য়ুম অসি অসুক য়াম্না কুইরে। অদুবু দিকেদ কয়া অমা লৈবাক্কী ফিভম অসি লৈরম্মি মদুদি অচৌবা প্রোজেক্তশিংগী ৱাফম লাকপা মতমদা ঐখোয়না করি হায়নবগে, ঐখোয়গী মফম অসিদদি হায়নবা লৈ – স্কিম অসিদি চহি কয়াদগী পন্দুনা লৈরিবনি, প্রোজেক্ত অসি দিকেদ কয়াদগী লোইশিন্দনা লৈরিবনি। মমাংদা সরকার পায়রম্বশিং অদুগী মসি ত্রেদমার্ক ওইদুনা লৈরবনি। ঙসি মফম অসিদা উত্তরাখন্দদা থবক হৌরিবা লখৱার প্রোজেক্ত অসিগীসু অসিগুম্বা পুৱারী লৈরি। স্কিম অসিগী মরমদা অহানবা ওইনা ১৯৭৬দা খনখিবা লৈরে। ৱাফম অসি হৌজিক চাউরাক্না চহি ৫০ মপুং ফাখ্রে। ঙসি চহি ৪৬কী মতুংদা ঐখোয়গী সরকারনা মসি মথৌ পাংথোক্নবা শঙ্গারে। ঐহাক্না উত্তরাখন্দগী ইচিল ইনাও অমসুং ইচল ইচেশিংদা হংনিংলিবদি, ১৯৭৪দা খনখিবা থবক চহি ৪৬ হৌখ্রে, মসি মরাল লংজবা নত্রবদি করিনো। অসিগুম্বা মরাল লংজবশিং অদুবু চৈরাক ফংফম থোকপরা নত্রগা থোক্তবরা। মতৌ অসুম্না থেংথবনা অদোমদা মাংজবরা নত্রগা মাংজদব্রা। উত্তরাখন্দগী মাংজবা নত্রা। অসিগুম্বা পাপ তৌবশিং অদুবু কাওথোক্লসিরা, অসিগুম্বা মরল লংজবশিং অদুবা কাওথোক্লসিরা, নত্রগা মখোয়গী শেমজিন শাজিনবা ৱাফমশিংদা লুপ্লগদ্রা। 

মরূপশিং,

হৌখিবা চহি তরেৎ অসিদা, ভারতনা মহাক্কী অকোইবগী ফিভমবু ঙাক শেন্দুনা লাক্লি অমদি মহাক্কী নেচরেল পোতেন্সিয়েলবু খ্বাইদগী ফবা মওংদা শিজিন্নরি৷ ঙসি লোঞ্চ তৌখ্রবা প্রোজেক্তশিং অসিনা পৱার সর্প্লস রাজ্য অমা ওইনা উত্তরখন্দগী আইদেন্তিতী মপাঙ্গল লৈহনবতা নত্তনা লৌমীশিংদা ইরিগেসন ফেসিলিতীশিংসু নিংথিনা ফংহল্লগনি৷ মসিগী ইলেক্ত্রিসিতী অসি ঐখোয়গী ইন্দস্ত্রীশিং, স্কুলশিং অমসুং কোলেজশিং, হোস্পিতালশিং অমদি ইমুং খুদিংমক্তা ফংহল্লগনি৷

মরুপশিং,

উত্তরখন্দদা লৈরিবা গঙ্গা-য়ামুনাগী ফিভম অসিনা মফম অদুদা লৈরিবা মীয়াম অমদি লৈবাক অসিগী মশিং য়াম্লবা প্রজাগী হকশেলদা অমদি চাওখৎ খোংজেলদা অকাইবা পীরি৷ মরম অদুনা, গঙ্গোত্রিদগী গঙ্গাসাগর ফাওবগী মিসন অমদা ঐখোয়না য়াওরি৷ তোইলেতশিং শারক্তুনা, হেন্না ফবা সিৱেরেজ সিস্তেম থম্লক্তুনা অমদি ইশিং ত্রিতমেন্ত তৌবগী মতমগা চুনরবা ফেসিলিতীশিং ফংহল্লকপদগী, গঙ্গা জীদা তারিবা অমোৎপা দ্রেনশিংগী মশিং অসি থুনা হন্থরক্লি৷ ঙসি ঙসি ফাওবদা, নমামি গঙ্গা স্কিমগী মখাদা উধম সিংহ নগর, রামনগর অমসুং নাইনিতালদা সিৱর লাইন অমদি সিৱর ত্রিতমেন্ত প্লান্তশিং শঙ্গাখ্রে অমদি উরেপ-উয়ুং তমখ্রে৷ মমাংগী মতমদা কনা অমতনা থৌশাদনা লৈরুরবা নাইনিতালগী ফজরবা পাৎ ঙাক-শেনবগী থবক হৌজিক্তি পাইখৎলগনি৷

মরুপশিং,

মফম অমদা তুরিস্তশিংদা হেন্না খুদোংচাবা ফংহন্দ্রিবা মখৈ মফম অদুদা তুরিজম চাওখৎপা য়ারোই৷ মমাংগী মতমদা সরকার পাইরম্বা মীওইশিংনা মাইকৈ অসিগী মতাংদা খন্নখিবা লৈতে৷ শারিবা অনৌবা লম্বীশিং, লম্বীশিং পাকথোকহল্লিবা অমদি অনৌবা রেল রুতশিং শেমগৎলিবা অসিনা উত্তরখন্দদা অনৌবা তুরিস্তশিংগী পুক্নিং চিংশিল্লগনি৷ উত্তরখন্দগী মরু ওইবা মফমশিংদা লৈরিবা রোপৱেজশিং অসিনা অনৌবা তুরিস্তশিং পুরকপদা মতেং পাংলগনি৷ কাশি বিস্বানাথ ধম শারকপদগী থৱাই লুপচরবা মীওইশিংগী মশিং চাওনা হেনগৎলকপা লৈবাক অসিনা উরি৷ কুমাউনদা লৈরিবা বগেস্বর অমসুং জগেস্বর ধমগুম্বা ধর্মগী ওইবা শেংলবা মফম কয়া অমা মফম অসিদা লৈরি৷

মরুপশিং,

দিবেলপমেন্ত প্রোজেক্তশিংদা দবল ইঞ্জিন সরকারনা থাদরিবা শেনফমগী চাং অসি মমাংগী মতমদা অমুক্তা থাদখিদ্রিবা মওং অমনি৷ পি.এম. অৱাস য়োজনাগী মখাদা অনৌবা লম্বীশিং, বিল্দিংশিং, য়ুমশিং শারক্তুনা, অমদি অনৌবা রেল রুতশিং শারকপদগী, লোকেল ইন্দস্ত্রীশিং অমদি ঐখোয়গী উত্তরখন্দগী ওল্তরপ্রিনরশিংগী ওইনা অনৌবা পোজিবিলিতীশিং থোক্লক্লি৷ মুদ্রা য়োজনাগী মখাদা, বেঙ্গ গরেন্তীশিং য়াওদনা নাহাদা এফোর্দেবল লোনশিং ফংহল্লি৷ লৌউ-শিংউবদা শরুক য়ারিবা নহাশিংদা কিসান ক্রেদিৎ কার্দশিংগী খুৎথাংদা মতেং পাংলি৷ এস.ভি.এ.নিধি য়োজনাগী মখাদা অপিকপা দুকানশিং ফম্লিবা ইয়াম্বা-ইনাউশিং অমদি ইচল-ইচেশিংসু মতেং ফংলি৷ উত্তরখন্দগী লাইরবা অমদি মিদল-ক্লাসকী নহাগীদমক ঐখোয়গী সরকারনা বেঙ্কশিংগী থোংশিং হাংদুনা থমখ্রে৷

ইয়াম্বা-ইনাউশিং অমসুং ইচল-ইচেশিং,

দিল্লী অমসুং দেরাদুনদা পাল্লিবা সরকারশিং অসিনা শক্তি খক্তমক ইন্নদুনা চৎতে; মখোয়না ময়ামগী সেবাদা থৱাই কৎথোকখি৷ নেস্নেল সেক্যুরিতীদা মচা-মশুশিংবু কৎথোকখ্রবা কুমাউনগী থৌনা লৈরবা মমাশিংনা লমদম অদুবু ফ্রন্তিয়র রাজ্য অমা ওইরবসু মফম অদুবু মমাংগী সরকারশিংনা মীরাইবিখিবা অদু কাওবা ঙম্লোই৷ কন্নেক্তিবিতীদগী হৌরগা নেস্নেল সেক্যুরিতী ফাওবদা লৈরিবা এস্পেক্ত খুদিং মীরাইবিখি৷ মখোয়না ঐখোয়গী আর্মী অমদি লান্মীশিংবু চহি কয়া অমা ঙাইহন্দুনা থমখিবা খক্তনি৷ ৱান রেঙ্ক ৱান পেন্সন ঙাইহন্দুনা থমখিবা, মতমগা চুনরবা খুৎলাইশিং পীদনা ঙাইহন্দুনা থমখিবা, বুল্লেতপ্রুফ জেকেৎশিংগুম্বা তঙাই ফদবা প্রোজেক্তিব আর্মর ফংহন্দনা ঙাইহন্দুনা থমখিবা অমদি তেরোরিস্তশিংদা মতিক চাবা পাউখুম পীবদসু থিন্থহনবা অসিনি!

মরুপশিং,

উত্তরখন্দনা খোংজেল য়াংনা চাওখৎলকপগী লম্বী অসি হেন্না য়াংখৎহনবা পাম্লি৷ অদোমগী মংলানশিং অদুনা ঐখোয়গী রিজোলুসনশিংনি; অদোমগী অখাং-কনবা অদুনা ঐখোয়গী থৌনা ওইরিবনি, অমদি অদোমগী তঙাই ফদবা খুদিংমক থুংহনবা হায়বসিনা ঐখোয়গী থৌদাং ওইরিবনি৷ দবল ইঞ্জিন সরকারদা অদোমগী থৌজালশিং অসিনা মসিগী চহি খুজিং  অসি উত্তরখন্দগী চহি খুজিং ওইহল্লগনি৷ অমুক্কা হন্না, প্রোজেক্তশিং শেমগৎ-শাগৎলকপা অসিগীদমক ঐনা ময়াম পুম্নমকপু অমদি উত্তরখন্দগী প্রজাবু থাগৎপা ফোংদোকচরি৷ থমোই শেংনা থাগৎপা ফোংদোকচরি৷ ২০২২ চহি অসি য়ৌশিল্লক্কদবা খজিক্তা ঙাইরে৷ উত্তরখন্দগী প্রজাদা নুংঙাই-য়াইফবা অনৌবা চহি অমা ওইরসনু অমদি ঘুঘুতিয়া ত্যার কুহ্মৈ অসিগীদমক ঐনা য়াইফ-মঙ্গোল নিজরি৷

ভারত ইমানা য়াইফরে! ভারত ইমানা য়াইফরে! ভারত ইমানা য়াইফরে! হন্ন-হন্না থাগৎচরি৷

******