প্রধান মন্ত্রী শ্রী নরেন্দ্র মোদীনা ঙসি জাতী মীয়ামদা ৱা ঙাংখ্রে। ২০২২গী জানুৱারী ৩, নিংথৌকাবা নুমিৎতগী চহি ১৫-১৮ ফাওবদা লৈবা অঙাংশিংগী ভেক্সিনেসন হৌরগনি হায়না প্রধান মন্ত্রীনা লাউথোকখ্রে। খোঙথাং অসিনা স্কুলশিংদা নোর্মল ওইনা মহৈ তম্বদা মতেং পাংলগনি অমসুং স্কুল কারিবা মহৈরোয়শিংগী মমা মপাগী অৱাবা হন্থহল্লগনি। মহাক্না ২০২২, জনুৱারী ১০ নিংথৌকাবা নুমিৎতগী হেল্থকিয়র অমসুং ফ্রন্তলাইন ৱর্করশিংগী প্রিকোসন দোজসু লাউথোকখ্রে। মসি ফ্রন্তলাইন ৱর্করশিং অমসুং হেল্থকিয়র ৱর্করশিংনা কোবিদ অনাবশিংগী শেবা তৌবদা মতম কাইথোক্লিবা অসিগী য়েংলগা পাইখৎপনি। মসি ভারত্তা ‘প্রিকোসন দোজ’ হায়না কৌগনি ‘বুস্তর দোজ’ হায়না কৌরোই। প্রিকোসন দোজগী ৱারেপ অসিনা হেল্থকিয়র অমসুং ফ্রন্তলাইন ৱর্করশিংগী থাজবা হেনগৎহল্লগনি। চহি ৬০গী মথক্তা লৈবা কো-মোর্বিদিতী ওইরবা সিনিয়র সিতিজেনশিংনা মখোয়গী দোক্তরগী এদভাইসকী মতুং ইন্না ২০২২গী জানুৱারী ১০দগী প্রিকোসন দোজগী খুদোংচাবা ফংলগনি হায়না প্রধান মন্ত্রীনা লাউথোকখি।

ভারত্তা ওমিক্রোন শন্দোরক্লিবা অসিগী য়েংলগা প্রধান মন্ত্রীনা মীয়াম্না মীপাইদনবা অমসুং মাস্ক উপ্পা অমসুং খুৎ-শা তোয়না হাম্বনচিংবা চেকশিন থৌরাংশিং লৌখৎনবা খংহনখি। লাইচৎ অসি লান্থেংনবদা মালেম পুম্বনা খংনরবা উপাই হায়বদি চৎন-কাংলোন খুদিংমক ঙাক্না চৎপা হায়বসিনা কোরোনাগা লান্থেংনবগী খ্বাইদগী মতিক চারবা খুৎলাই অমনি হায়না প্রধান মন্ত্রীনা ফোঙদোকখি। অনিশুবা খুৎলায়না ভেক্সিনেসন্নি হায়না মহাক্না ফোঙদোকখি।  

চহি অসিগী জানুৱারী ১৬তগী হৌখিবা ভেক্সিনেসনগী কেম্পেন অসিনা দোজ করোর ১৪১ হেন্না কাপথোকখ্রে হায়না প্রধান মন্ত্রীনা ফোঙদোকখি। মসিগী মাই পাকপগী মহৈ অসি প্রজাশিং, সাইন্তিস্তশিং অমসুং হেল্থ ৱার্করশিং অমসুং দোক্তরশিংনা পুন্না হোৎনবদগী ফংবনি হায়না মহাক্না ফোঙদোকখি। ভেক্সিনগী কান্নবা অসি য়াম্না ঙন্না মশক খঙদোকখি অমসুং ভেক্সিন্দা রিসর্চ তৌবগা লোয়ননা এপ্রুবেল পীবগী থৌওং, সপ্লাই চেন, দিস্ত্রিব্যুসন, ত্রেনিং, আই.তি. সপ্পোর্ত সিস্তেম অমসুং সর্তিফিকেসনগী থবক্তা মীৎয়েং চংখি, হায়না মহাক্না ফোঙদোকখি। খোঙথাংশিং অসিনা মরম ওইরগা লৈবাক অসিগী মীয়াই চল্লবা মীওইগী মীশিংগী চাদা ৬১না ভেক্সিন অনিমক কাপখি অমসুং মীয়াই চল্লবা মীওইগী চাদা ০না দোজ অমা কাপখি।

ঙসি ভাইরস অসিনা ম্যুতেৎ তৌরকপা অসিদা ঐখোয়গী ইন্নোভেতিব ওইবা থৌনা-লিংজেল অসিগা লোয়ননা শীংনবা মায়োক্ননবা ঐখোয়গী তৌবা ঙম্বা অমদি থাজবা অসিসু হেনগৎলক্লি হায়না প্রধান মন্ত্রীনা ফোঙদোকখি। মহাক্না হায়খি ঙসি লৈবাক অসিদা আইসোলেসন বেদ লাখ ১৮, ওক্সিজেন সপ্পোর্ত য়াওবা বেদ লাখ ৫, আই.সি.য়ু. বেদ লাখ ১গা লিশিং ৪০, অঙাংশিংগী অখন্নবা আই.সি.য়ু. অমসুং নন-আই.সি.য়ু. বেদ লিশিং ৯০, পি.এস.এ. ওক্সিজেন প্লান্ত লিশিং ৩ হেন্না, ওক্সিজেন সিলিন্দর লাখ ৪ লৈরে অমসুং বফ্ফর দোজশিং অমসুং তেস্ত তৌনবা রাজ্যশিংদা মতেং ফংহল্লি।

প্রধান মন্ত্রীনা অথুবদা লৈবাক অসিনা নেজল বেক্সিন অমসুং মালেমগী অহানবা দি.এন.এ. ভেক্সিন পুথোক্লগনি হায়না থাজবা পীখ্রে। প্রধান মন্ত্রীনা হায়খি অহৌবদগী হৌনা ভারতনা কোরোনাগী মায়োক্তা লান্থেংনবা অসি সাইন্তিফিক প্রিন্সিপলশিং, সাইন্তিফিক কন্সলতেসন অমসুং সাইন্তিফিক ওইবা পাম্বৈদা য়ুম্ফম ওইদুনা লাকখি। থা ১১গী ভেক্সিন কেম্পেন অসিনা ইরৈবাকচাশিংগী নুংতিগী পুন্সিদা অৱাবা কোকহনখি অমসুং হান্নগুম্না হল্লকপা ঙমহনখি হায়না প্রধান মন্ত্রীনা ফোঙদোকখি। মালেমগী লৈবাক কয়াগা চাংদম্নবা মমদা শেন্মীৎলোনগী থবক-থৌরমশিং অসি খুমাং চাউশিল্লি। অদুম ওইনমক কোরোনা অসি লোইদ্রি অমসুং চেকশিনবা হায়বা অসি য়াম্নমক মরু ওই হায়না প্রধান মন্ত্রীনা চেকশিলৱা থমখি।

শ্রী মোদীনা তোকঙাশিং শন্দোক্নবা, চম্মনবা অমসুং অকিবা পোকহন্নবা হোৎনরিবশিংগী মায়োক্তা চেকশিলৱা থমখি। মহাক্না তুংদা লাক্কদৌরিবা মতমশিংদা মালেমগী খ্বাইদগী চাউবা ভেক্সিনেসন কেম্পেন অসিগী খোঙজেল য়াংখৎহন্নবা অপীল তৌখি।

*******