ସପ୍ତାହବ୍ୟାପୀ ଆଜାଦୀ କା ଡିଜିଟାଲ ମହୋତ୍ସବ ଆଜି (୨୯.୧୧.୨୦୨୧) ନୂଆଦିଲ୍ଳୀର ଇଣ୍ଡିଆ ହାବିଟାଟ କେନ୍ଦ୍ରରେ ଉଦ୍‌ଘାଟିତ ହୋଇଛି । କେନ୍ଦ୍ର କୌଶଳ ବିକାଶ, ଔଦ୍ୟୋଗିକତା ଏବଂ ଇଲେକ୍‌ଟ୍ରୋନିକ୍ସ ଓ ଆଇଟି ରାଷ୍ଟ୍ରମନ୍ତ୍ରୀ ଶ୍ରୀ ରାଜୀବ ଚନ୍ଦ୍ରଶେଖର ଏହାକୁ ଉଦ୍‌ଘାଟନ କରିଛନ୍ତି । ଅନ୍ୟ ଗଣ୍ୟମାନ୍ୟ ଅତିଥିଙ୍କ ମଧ୍ୟରେ -ଗରସଗ୍ଧଣ ସଚିବ ଶ୍ରୀ ଅଜୟ ସିନୋଇ, ଅତିରିକ୍ତ ସଚିବ ଡକ୍ଟର ରାଜେନ୍ଦ୍ର କୁମାର, ନାସକମ୍ ସଭାପତି ଶ୍ରୀମତୀ ଦେବଯାନୀ ଘୋଷ, ମାଇଁ ଗଭ୍ ଓ MeitY ମୁଖ୍ୟ କାର୍ଯ୍ୟ ନିର୍ବାହୀ ଶ୍ରୀ ଅଭିଷେକ ସିଂ ମଞ୍ଚରେ ଉପସ୍ଥିତ ଥିଲେ।

ଶ୍ରୀ ରାଜୀବ ଚନ୍ଦ୍ରଶେଖର ତାଙ୍କ ଅଭିଭାଷଣରେ କହିଥିଲେ ଯେ ୨୦୨୧ ଏକ ଉଲ୍ଲେଖନୀୟ ବର୍ଷ । ଡିଜିଟାଲ ଇଣ୍ଡିଆ ଏହାର ଡିଜିଟାଲ ଭିତ୍ତିଭୂମିର ନମନୀୟତାକୁ ପ୍ରମାଣିତ କରିଛି ଏବଂ ବୈଶ୍ୱିକ ମହାମାରୀ ପରିବର୍ତ୍ତୀ ସମୟରେ ଭାରତ ଏକ ବିଶ୍ୱସନୀୟ ଓ ଆଶାବାଦୀ ଦେଶରେ ପରିଣତ ହୋଇଛି । ସେ କହିଛନ୍ତି ଯେ ଜନସାଧାରଣଙ୍କ ଜୀବନରେ ପରିବର୍ତ୍ତନ ଆଣିବାରେ ଡିଜିଟାଲ ଭାରତର ଅନବଦ୍ୟ ଅବଦାନ ରହିଛି  । ଡିଜିଟାଲ ଆର୍ଥିକ ବ୍ୟବସ୍ଥା ସୃଷ୍ଟି ସହ ଦେଶର ରଣନୀତିକ ସୁବିଧାରେ ମଧ୍ୟ ସହାୟକ ହୋଇଛି । କ୍ରମବର୍ଦ୍ଦିଷ୍ଣୁ ବୈଷୟିକ ଜ୍ଞାନର ଉପଯୋଗ ଓ ଭବିଷ୍ୟତରେ ନାଗରିକମାନଙ୍କ ଆକାଂକ୍ଷାକୁ ୬ଟି ବିଷୟରେ ଦୃଷ୍ଟି ଦେବାକୁ ହେବ । ସେଗୁଡିକ ହେଲା ସମସ୍ତଙ୍କ ପାଇଁ ସଂଯୋଗ ସୁବିଧା, ସରକାରୀ ସେବା ଓ ସାମଗ୍ରୀର ଡିଜିଟାଇଜେସନ ପ୍ରେରିତ ସ୍ମାର୍ଟସ୍ଥପତି, ଭାରତରେ ଟ୍ରିଲିୟନ ଡଲାର ଡିଜିଟାଲ ଅର୍ଥନୀତିକ ବ୍ୟବସ୍ଥା, ବୈଶ୍ୱିକ ମାନ୍ୟତାଯୁକ୍ତ ଆଇନ, ଅତ୍ୟାଧୁନିକ ପ୍ରଯୁକ୍ତିବିଦ୍ୟାରେ ନେତୃତ୍ୱ ବିଶେଷକିର କୃତ୍ରିମ ମେଧା, ଓ ୫ଜି ଓ ବିସ୍ତୃତ ମେଧାଯୁକ୍ତ କୌଶଳ । ଏହାକୁ ତ୍ୱରାନ୍ୱିତ କରିବା ପାଇଁ ସବ୍‌କାସାଥ, ସବ୍‌କା ବିକାଶ, ସବ୍‌କା ବିଶ୍ୱାସ ଓ ସବ୍‌କା ପ୍ରୟାସର ଆବଶ୍ୟକତା ଅଛି ବୋଲି ସେ ମନ୍ତବ୍ୟ ଦେଇଥିଲେ ।

ଶ୍ରୀ ଅଜୟ ସିନୋଇ କହିଥିଲେ ଯେ ଆମେ କ’ଣ ହାସଲ କରୁଛୁ ଓ ଭବିଷ୍ୟତ ନବଭାରତ ଗଠନ ପାଇଁ ଯୋଜନା କରିବାର ଏହି ହେଉଛି ସମୟ । ସେ କହିଥିଲେ ଯେ ବହୁଳ ଡିଜିଟାଲ ସେବା ଆଜି କାର୍ଯ୍ୟକାରୀ ହୋଇଛି ଓ ବର୍ତ୍ତମାନ ସାମାଜିକ କ୍ଷେତ୍ରରେ ପବ୍ଲିକ ଡିଜିଟାଲ ପ୍ଲାଟଫର୍ମ ଓ  ଶିଳ୍ପ ସହ ଭାଗିଦାର ହୋଇ ସିଲୋ ପ୍ରକଳ୍ପଗୁଡିକୁ କାର୍ଯ୍ୟକାରୀ କରିବାର ବେଳ ଆସିଛି । ସେ ସିଙ୍ଗଲ ସାଇନ୍‌ଅନ୍ ଓ ବହୁମୁଖୀ ୱିଣ୍ଡୋ ଜରିଆରେ ସମ୍ପୂର୍ଣ୍ଣ ସେବା ପାଇବା ଉପରେ ଗୁରୁତ୍ୱାରୋପ କରିଛନ୍ତି । ଆସୁଥିବା ବୈଷୟିକ ଜ୍ଞାନର ଉପଯୋଗ କରି ଦେଶରେ ଡିଜିଟାଲ ସାମଗ୍ରୀ ପ୍ରସ୍ତୁତ କରିବା ଉପରେ ସେ ଆଲୋକପାତ କରିଥିଲେ ।

ଏଥିରେ ଉଦ୍‌ବୋଧନ ଦେଇ ମାଇଁ ଗଭ୍ ଆଣ୍ଡ  NeGD  ମୁଖ୍ୟ କାର୍ଯ୍ୟ ନିର୍ବାହୀ ଶ୍ରୀ ଅଭିଷେକ ସିଂ ଡିଜିଟାଲ ଅବସ୍ଥାନ୍ତର ପଦକ୍ଷେପ ଉପରେ ଆଲୋକପାତ କରି ବର୍ତ୍ତମାନ ଡିଜିଟାଲ ଦୃଶ୍ୟପଟ ଭବିଷ୍ୟତ ପାଇଁ ମାର୍ଗଦର୍ଶକ ହେବ ଓ ସେ ଦିଗରେ କାର୍ଯ୍ୟମାନ ଆଗେଇ ଚାଲିଛି ବୋଲି କହିଥିଲେ । ସାତଦିନ ପାଇଁ ହୋଇଥିବା କାର୍ଯ୍ୟକ୍ରମ ସୂଚୀ ପାଇଁ ସେ ଧନ୍ୟବାଦ ଜଣାଇ ସେ ଡିଜିଟାଲ ଇଣ୍ଡିଆ, ପବ୍ଲିକ ପ୍ଲାଟଫର୍ମ ଓ ରାଜ୍ୟମାନଙ୍କ ପଦକ୍ଷେପ, କୃତ୍ରିମ ମେଧା ସମେତ ନୂଆକରି ଆସୁଥିବା ପ୍ରଯୁକ୍ତିବିଦ୍ୟା, MeitY ଷ୍ଟାର୍ଟଅପ୍ ହବ୍‌, ଇଲେକ୍‌ଟ୍ରୋନିକ୍ସ ନିର୍ମାଣରେ ଭାରତର ଆତ୍ମନିର୍ଭରଶୀଳତା ସିଏସି ଜରିଆରେ ନାଗରିକ ସଶକ୍ତିକରଣ, ସ୍ୱଦେଶୀ ମାଇକ୍ରୋପ୍ରେସେସର ଏବଂ ଜାତୀୟ ସୁପର କମ୍ପ୍ୟୁଟିଂ ମିଶନ, ମାଇ ଗଭ ଓ ଡିଜିଟାଲ ଦେଣନେଣ ଉତ୍ସବ ଇତ୍ୟାଦି ଉପରେ କାର୍ଯ୍ୟକ୍ରମମାନ ହେଉଥିବାର ସୂଚନା ଦେଇଥିଲେ । ୫୦ଟି ମଣ୍ଡପକୁ ନେଇ ଏକ ପ୍ରଦର୍ଶନୀ ଆୟୋଜିତ ହୋଇଛି ଓ ସରକାରୀ ବିଦ୍ୟାଳୟରେ ଶ୍ରେଷ୍ଠ ୨୦ଟି ଦଳ କୃତ୍ରିମ ମେଧାଯୁକ୍ତ ସମାଧାନ ଉପରେ ପ୍ରଦର୍ଶନୀ କରିଥିବା ସେ କହିଥିଲେ ।

ଡକ୍ଟର ରାଜେନ୍ଦ୍ର କୁମାର କହିଥିଲେ ଯେ ବିଭିନ୍ନ ଡିଜିଟାଲ ମହାକାଶରେ ଭାରତ ଏବେ ପହଞ୍ଚିଯାଇଛି ଓ ଭାରତ ଏବେ ବିଶ୍ୱର ବୃହତମ ମୋବାଇଲ ନିର୍ମାଣକାରୀ ଦେଶ ହୋଇପାରିଛି । ସେ କହିଥିଲେ ଯେ ଏବେ ପ୍ରୟୋଗରୁ ପ୍ଲାଟଫର୍ମକୁ ଯିବା ପାଇଁ ପ୍ରୟାସ ଜାରି ରହିଛି ଓ ଇଲେକଟ୍ରୋନିକ୍ସ ନିର୍ମାଣରେ ଭାରତ ଆତ୍ମନିର୍ଭର ହେବ । ଏହାଛଡା ଏଆଇ ଓ୫ଜି ଆସୁଥିବା ନୂତନ ପ୍ରଯୁକ୍ତିବିଦ୍ୟା ସାଇବର  ସୁରକ୍ଷାରେ ଅଗ୍ରଗତି ଓ ତଥ୍ୟ ନିରାପତ୍ତା ଦିଗରେ ସେ ଗୁରୁତ୍ୱଆରୋପ କରିଥିଲେ ।

ଏଥିରେ ଉପସ୍ଥିତ ଶ୍ରୀମତୀ ଦେବଯାନୀ ଘୋଷ ବୈଷୟିକ ଜ୍ଞାନ ମହାକାଶରେ ଭାରତର ବିକାଶ ଅନ୍ତର୍ଭୁକ୍ତୀକରଣର ପ୍ରଶଂସା କରିଥିଲେ । ସେ କହିଥିଲେ ଯେ ଭାରତ ବିଶ୍ୱକୁ ପ୍ରଯୁକ୍ତି ବିଦ୍ୟା ଅର୍ଥ କ’ଣ ପ୍ରଦର୍ଶନ କରାଇଛି ଓ ଏହାର ଉଦାହରଣ ହେଲା ସାମଗ୍ରିକ ବିକାଶ ଓ ଜନସାଧାରଣଙ୍କ ନିମନ୍ତେ ଆମୂଳଚୂଳ ବୈଷୟିକ ଜ୍ଞାନର ଉପଯୋଗ ।

ଉଦଘାଟନୀ ଅଧିବେଶନରେ ଡିଜିଟାଲ ଇଣ୍ଡିଆ ଅଧୀନରେ ୭୫ଟି ସଫଳ କାହାଣୀ, ଡିଜିଟାଲ ଇଣ୍ଡିଆ ସଫଳତାର ଚଳଚ୍ଚିତ୍ର,ଓ 75@75 ଭାରତର ଏଆଇ ଯାତ୍ରା, ଉମଙ୍ଗ ସେବା ନୀତି ପ୍ରତ୍ୟାର୍ପଣ ନୀତି ଘୋଷଣା । ଉଦ୍‌ଘାଟନ ପୂର୍ବରୁ ସରକାର ଏବଂ ଷ୍ଟାର୍ଟ ଅଫ ସଂକ୍ରାନ୍ତ ୫୦ଟି ମଣ୍ଡପକୁ ନେଇ ଏକ ପ୍ରଦର୍ଶନୀ ମଧ୍ୟ ଖୋଲାଯାଇଥିଲା । କାର୍ଯ୍ୟକ୍ରମର ସବିଶେଷ ୱେବସାଇଟ୍ https://amritmahotsav.negd.in/ ରେ ଉପଲବ୍ଧ ।

ଡିଜିଟାଲ ଇଣ୍ଡିଆ ସରକାରୀ ଓ୍‌ବସାଇଟ୍‌. : https://www.youtube.com/DigitalIndiaofficial ରେ ସିଧାସଳଖ ଦେଖିହେବ ।

*****

SM/SLP