প্রধান মন্ত্রী শ্রী নরেন্দ্র মোদীনা নবেম্বর ১৯, ২০২১দা উত্তর প্রদেশতা ঝান্সীগী মহাক্কী খোংচৎ মনুংদা, নুমিদাং ৱাইরম চাউরাক্না পুং ৫:১৫ তাবা মতমদা, ‘রাস্ত্র রক্ষা সমর্পন পর্ব’দা ঙাকশেলগী লমগী ইনিসিএতিব কয়ামরুম হৌদোক্কনি অমসুং লৈবাক মীয়ামদা কৎথোক্কনি, মসি নবেম্বর ১৭তগী ১৯ ফাওবা ‘অজাদী কা অমৃত মহোৎসব’ থৌরমগী শরুক অমা ওইনা পাংথোক্লি।

ঙাকশেলগী লমদা আত্মনির্ভর ভারত্তা ইনোৎ পীনবগীদমক্তা, প্রধান মন্ত্রীনা ফোর্মেল ওইবা মওংদা লমদম অসিদা দিজাইন তৌজবা অমসুং পুথোকচবা খুৎশু-খুৎলাইশিং আর্ম ফোর্সেসকী সর্বিস চীফশিংদা শিন্নরগনি। মসিগী মনুংদা হিন্দুস্তান এরোনোতিক্স লিমিতেদ (ঐচ.এ.এল.)পু দিজাইন অমসুং দিবেলপ লাইৎ কোম্বেৎ হেলিকোপ্তর (এল.সি.ঐচ.)পু এয়র স্তাফকী চীফতা; আর্মী স্তাফকী চীফতা ভারতকী স্তার্তঅফশিংনা দিজাইন অমসুং পুথোকপা দ্রোন/য়ু.এ.ভি.শিং; অমসুং দি.আর.দি.ও.না দিজাইন তৌবা অমসুং ভারত ইলেক্ত্রোনিক্স লিমিতেদ (বি.ই.এল.)না নেবেলগী জহাজশিংগীদমক্তা শাবা খুমাং চাউশিল্লবা ইলেক্ত্রোনিক ৱেলফিয়র সুইৎ নেবেল স্তাফকী চীফতা খুৎশিন্নবা য়াওরি। এল.সি.ঐচ.তা মগুন লৈবা কোম্বেৎকী থৌদাংশিংগীদমক্তা খুমাং য়াওশিল্লবা তেক্নিকশিং অমসুং চেকশিল্লবা মগুনশিং য়াওরি। ভারতকী আর্ম ফোর্সেস্না পাংথোকপা ভারতকী য়ু.এ.ভি.শিংগী দিপ্লোইমেন্ত অসিসু ভারতকী দ্রোন ইন্দস্ত্রী ইকোসিস্তেমগী শাহৌরক্লিবা মপুং ফাবগী প্রমান্নি। খুমাং চাউশিল্লবা ই.দবল্যু. সুইৎ অসি তোঙান তোঙানবা নেবেলগী জহাজশিংদা শিজিন্নগনি, মসিদা দেস্ত্রোয়রশিং, ফ্রিগেৎশিং অসিনচিংবা য়াওরি।

প্রধান মন্ত্রীনা য়ু.পি. দিফেন্স ইন্দস্ত্রিএল কোর্রিদোরগী ঝান্সীগী শরুক্তা লুপা করোর ৪০০গী প্রোজেক্তকী উরেপ-উয়ুং তমগনি। এন্তি-তেঙ্ক গাইদেদ মিশাইলশিংগীদমক্তা প্রোপলসন সিস্তেমশিং পুথোক্নবগীদমক্তা থৌরাং অমা শেমগৎনবা ভারত দাইনামিক্স লিমিতেদনা প্রোজেক্ত অসিবু থবক্তা ওন্থোক্লি।

এন.সি.সি.গী এলুমনীবু এন.সি.সি.গা অমুক হন্না শম্নবা ঙমহন্নবগীদমক ফোর্মেল প্লেৎফোর্ম অমা ফংহন্নবগী পান্দমদা প্রধান মন্ত্রী এন.সি.সি. এলুমনী এসোসিএসন হৌদোক্লগনি। এসোসিএসন অসিনা এন.সি.সি.গী পান্দম অদু মখা তানা পুখৎকনি অমসুং লৈবাক শেমগৎপদা মতেং পাংগনি। এসোসিএসন অসিদা প্রধান মন্ত্রীবু হান্নগী কেদেৎ অমা ওইনা এসোসিএসনগী অহানবা মেম্বর ওইনা মিং চনগনি।

প্রধান মন্ত্রীনা এন.সি.সি.গী ৱিং অহুমগীদমক্তা সিমুলেসন ত্রেনিংগী খুদোংচাবশিং হেনগৎহন্নবগী পান্দমদা এন.সি.সি. কেদেৎশিংগীদমক্তা সিমুলেসন ত্রেনিং গী নেস্নেল প্রোগ্রাম হৌদোক্লগনি। মসিদা এন.সি.সি.গী আর্মী ৱিংগীদমক্তা রাইফল ফায়রিং সিমুলেতর লিংখৎপা, এয়র ৱিংগীদমক্তা মাইক্রোলাইৎ ফ্লাইং সিমুলেতর অমসুং নেবেল ৱিংগীদমক্তা রোইং সিমুলেতর য়াওরি।

প্রধান মন্ত্রীনা নেস্নেল ৱার মেমোরিএলদা ওগমেন্তেদ রিএলিতী পাৱর ইলেক্ত্রোনিক কিওস্ক লৈবাক মীয়ামদা কৎথোক্কনি মসি কনাগুম্বনা বতন্দা ইচম চম্না ক্লিক তৌরগা অথৌবশিংদা ইকাইখুম্নবা উৎপা ঙমহনগনি।

*****