প্রধানমন্ত্রীগী লোইশঙ
জি২০ লিদর্স সম্মিতকী সাইদলাইন্সতা প্রধান মন্ত্রী অমদি ফ্রাঞ্চকী রাস্ত্রপতিগী বাইলেতরেল মীফম
Posted On:
30 OCT 2021 10:55PM by PIB Imphal
২০২১, ওক্তোবর ৩০দা ইতালীগী রোমদা পাংথোকখিবা জি২০ সম্মিতকী সাইন্দলাইন্সতা প্রধান মন্ত্রী শ্রী নরেন্দ্র মোদীনা ফ্রাঞ্চকী রাস্ত্রপতি ঐচ.ই. শ্রী ইমানুএল মেক্রোনগা লোইননা বাইলেতরেল মীফম অমা পাংথোকখি৷
ৱাইদ-রেঞ্জিং ইন্দিয়া-ফ্রাঞ্চ স্ত্রাতিজিক পার্তনরশিপকী মওং-মতৌ অসিদা লিদর অনিনা অপেনবা ফোংদোকখি৷
২০২১গী সেপ্তেম্বরদা রিলিজ তৌখিবা য়ুরোপিয়ন যুনিয়নগী ইন্দো-পেসিফিক স্ত্রাতিজী অদুসু প্রধান মন্ত্রীনা তরাম্না ওকখি অমদি হায়রিবা অদুমক্তদা ফ্রাঞ্চকী লিদরশিপ রোল অদুগীদমক ফ্রাঞ্চকী রাস্ত্রপতিবু থাগৎখি৷ ইন্দো-পেসিফিকতা কোওপরেসন পীননবা অমদি লমদম অসি ফ্রী, ওপন অমসুং রুল্স-বেজ ওর্দর অমা লৈহনবদা শরুক য়াহন্নবা অনৌবা অমসুং ইন্নোবেতিব ওইবা লম্বীশিং পুথোক্নবা হোৎনগনি হায়না লিদর অনিনা ফোংদোকখি৷
লাক্লিবা সি.ও.পি.২৬কী মতাংদা অমদি ক্লাইমেত ফাইনান্সকী ইসুশিং অসিদা মীৎয়েং চংবগী তঙাই ফদবা লৈরিবা অসিদা লিদর অনিনা খন্ন-নৈনখি৷
অথুবা মতমদা খুদোংচাবা হেক ফংবগা রাস্ত্রপতি মেক্রোননা ভারত্তা লাকপিনবসু প্রধান মন্ত্রীনা হায়জখি৷
******
(Release ID: 1768165)
Visitor Counter : 158
Read this release in:
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam