প্রধানমন্ত্রীগী লোইশঙ

ইনর্জী ত্রাঞ্জিসনদা ইতালী-ইন্দিয়া স্ত্রাতিজিক পার্তনরশিপকী জোইন্ত স্তেতমেন্ত

Posted On: 30 OCT 2021 2:24PM by PIB Imphal

২০২১, ওক্তোবর ৩০-৩১দা রোমদা ইতালীনা হোস্ত তৌখিবা জি২০ লিদর্স সম্মিতকী সাইদলাইনদা ইতালিয়ন রিপ্রব্লিক্কী কাউন্সিল ওফ মিনিস্তরশিংগী প্রসিদেন্ত ঐচ.ই. শ্রী মারিও দ্রেগি অমদি ভারতকী প্রধান মন্ত্রী ঐচ.ই. শ্রী নরেন্দ্র মোদীনা বাইলেতরেল মীফম অমা পাংথোকখি৷
২০২০গী নবেম্বর ৬তা ভারত অমদি ইতালীগী মরক্তা হেন্না ফবা পার্তনরশিপ অমা লৈহন্নবগীদমক এক্সন প্লান চৎনরকখিদুনা (২০২০-২৪) বাইলেতরেল রিলেসনশিংদা লাকখিবা প্রোগ্রেস অদু লিদর অনিমক্না য়ানখি৷ রোমগী জি২০ লিদর্স সম্মিত অমদি গ্রাসগোগী সি.ও.পি.২৬ অনিমক্কী য়াম্না মরু ওইরিবা ক্লাইমেত চেঞ্জ লান্থেংননবা ক্লিন ইনর্জী ত্রাঞ্জিসন য়াংখৎহন্নবগী ক্রোস কত্তিং ইসু য়াওনা এক্সন প্লাননা থেংনখিবা স্ত্রাতিজিক সেক্তরশিংদা হেন্না কোওপরেসন পীননবা মখোয়না মখোয়গী ফিরেপ ফোংদোকখি৷
ক্লাইমেত চেঞ্জ, বাইওদাইবর্সিতী লোস অমদি পোলুসনগী ইন্দিপেন্দেন্ত চেলেঞ্জশিং অথুবা মতমদা থেংননবগী তঙাই ফদবা লৈরিবা অদু পল্লদুনা ওফশোর ৱিন্দ ইনর্জীগুম্বা ইন্নোবেতিব রেনিৱেবল তেক্নোলোজীশিং দিপ্লোই তৌবা অমদি গ্রীন হাইদ্রোজেনগী পোতেন্সিয়েল এক্সপ্লোই তৌবা, ইনর্জী ইফিসিয়েন্সী প্রমোত তৌবা, স্মার্ত গ্রিদশিং অমসুং স্তোরেজ তেক্নোলোজীশিং শেমগৎপা, ইলেক্ত্রিসিতী মার্কেৎ মোদর্নাইজ তৌবা য়াওনা রেনিৱেবল ইনর্জী দিপ্লোই তৌবগী খোঙজেল য়াংখৎহনবদা হেন্না কুপথনা কোওপরেসন পীননবা য়ুরোপিয়ন য়ুনিয়ন অমদি ভারতনা য়ানখিবা ২০২১গী মে ৮দা পোর্তোদা পাংথোকখিবা ইন্দিয়া-ই.য়ু. লিদর্স মীফম অদুসু মখোয়না নিংশিংখি৷ 
অসিগীসু মথক্তা, ইনর্জী প্রোবর্তী মুথৎতুনা য়ুনিভর্সেল ইনর্জী এসেস রিইনফোর্স তৌদুনা, জি.দি.পি. গ্রোথ লৈহন্দুনা, থবকশিং ফংহনগদৌরিবা ইফেক্তিব ক্লিন ত্রাঞ্জিসন অমগীদমক য়াম্না মরু ওইবা এসেত অমা ওইনা মখোয় মখোয়গী পৱার সিস্তেমশিংদা রেনিৱেবল ইনর্জীগী গ্রোৱিং এমাউন্তগী কোস্ত ইফেক্তিব ইন্তিগ্রেসনগী তঙাই ফদবা লৈরিবা অদুদা নাকল অনিমক্না য়ানখি৷
হিরম অসিদা, ইতালীগী প্রোম্ত রেতিফিকেসন অমদি ইন্তরনেস্নেল সোলর এলাইন্সতা এক্তিব সপোর্ত পীরিবা অমসুং ২০৩০ ফাওবগী মনুংদা রেনিৱেবল ইনর্জীগী জি.দবল্যু.৪৫০ দিপ্লোই তৌনবা ভারতনা ৱারেপখিবা অমদি ইনর্জী ত্রঞ্জিসনগী দোমেনদা বাইলেতরেল স্ত্রাতিজিক পার্তনরশিপ অমা শেমগৎনবা য়ানখিবা অদু প্রধান মন্ত্রী অনিমক্না থাগৎখি৷
অসিগুম্বা পার্তনরশিপ অমনা ইকোলোজিকেল ত্রাঞ্জিসনগী ইতালিয়ন মন্ত্রালয় অমদি মহাক্কী ইন্দিয়ন কাউন্তরপার্তশিং, মমিং ওইনা হায়রবদা ন্যু অমসুং রেনিৱেবর ইনর্জী মন্ত্রালয়, পৱার মন্ত্রালয় অমদি পেত্রোলিয়ম অমসুং নেচরেল গ্যাস মন্ত্রালয়গী মরক্তা রেনিৱেবল ইনর্জী অমসুং সস্তেনেবল দিবেলপমেন্তদা কোওপরেসন পীনবদা অনৌবা শাফু অমা পীবা য়াওনা হৌজিক লৈরিবা বাইলেতরেল রিলেসনশিং শেমগৎপা ঙম্লগনি৷
ইনর্জী ত্রাঞ্জিসনদা মখোয়গী পার্তনরশিপ প্রমোত তৌননবগীদমক, ইতালী অমদি ভারতনা তৌগদৌরিবা:

  • স্মার্ত সিতীশিং; মোবিলিতী; স্মার্ত-গ্রিদশিং, ইলেক্ত্রিসিতী দিস্ত্রিব্যুসন অমদি স্তোরেজ সোলুসনশিং; গ্যাস ত্রান্সপোর্তেসন অমসুং ব্রিজ ফ্যুল অমা ওইনা নেচরেল গ্যাস প্রমোত তৌবা; ইন্তিগ্রেতেদ ৱেস্ত মেনেজমেন্ত("ৱেস্ত-তু-ৱেল্থ”); অমসুং গ্রীন ইনর্জীশিং (গ্রীন হাইদ্রোজেন; সি.এন.জি. অমদি এল.এন.জি.; বাইও-মিথেন; বাইও-রিফাইনরী; সেকোন্দ-জেনেরেসন বাইও-ইথানোল; কেস্তর ওইল; বাইও-ওইল –ৱেস্ত তু ফ্যুল)গুম্বা এরিয়াশিংদা কোওপরেসন পীননবা ২০১৭গী ওক্তোবর ৩০দা দিল্লীদা শহি পীনখিবা ইনর্জীগী ফিল্দদা কোওপরেসন পীননবগী য়ানা ৱারোল অদুনা শেমগৎখিবা “জোইন্ত ৱার্কিং গ্রুপ” অদু মথৌ তৌরগনি৷
  • ভারত্তা গ্রীন হাইদ্রোজেন অমদি মরী লৈনবা তেক্নোলোজীশিং শেমগৎপা অমদি দিপ্লোই তৌবদা সপোর্ত তৌনবা ৱারি শানরগনি৷
  • ২০৩০ ফাওবগী মনুংদা রেনিৱেবল ইনর্জীগী জি.দবল্যু.৪৫০ পুথোক্নবা অমদি ইন্তিগ্রেত তৌনবা ভারতনা পান্দম থম্লিবা অদু কেপিতেলাইজ তৌনবা ভারত্তা অনৌবা সাইজকী গ্রীন কোরিদোর প্রোজেক্ত অমা সপোর্ত তৌনবা পুন্না থবক তৌমিন্ননবা খন্নরগনি৷
  • নেচরেল গ্যাস সেক্তর, দিকার্বোনাইজেসনগী তেক্নোলোজিকেল ইন্নোবনসন, স্মার্ত সিতীশিং অমদি অতোপ্পা দোমেনশিংদা(আর্বান পব্লিক ত্রান্সপোর্ত ইলেক্ত্রিফিকেসন তৌবা) জোইন্ত প্রোজেক্তশিং শেমগৎনবা ইতালিয়ন অমসুং ইন্দিয়ন কেম্পেনীশিং পুক্নিং থৌগৎলগনি৷
  • ইনর্জী ত্রাঞ্জিসন-মরী লৈনবা ফিন্দশিংদা ইন্দিয়ন অমদি ইতালিয়ন কেম্পেনীশিংগী জোইন্ত ইনবেস্তমেন্তশিং হেনগৎহল্লগনি৷
  • ত্রাঞ্জিসন অসিনা হেন্না ক্লিন অমদি কম্মর্সিয়েল্লী বাইএবল ওইবা ফ্যুলশিং/তেক্নোলোজীশিং শিজিন্নহনবা, লোঙ্গ-তর্ম গ্রিদ প্লানিং, রেনিৱেবল অমসুং ইফিসিয়েন্সী মিজরশিংগী স্কিমশিং ইন্সেন্তিবাইজ তৌবা অমদি ক্লিন ইনর্জী ত্রাঞ্জিসনগী খোঙজেল য়াংখৎহন্নবগী ফাইনান্সিয়েল ইন্সতিত্যুসনশিংদা মরী লৈনবা পোজিবল মিন্স য়াওনা পোলিসী অমসুং রিগুলেতরী ফ্রেমৱার্ক্কী ফিল্দদা ই-পাউ অমদি এক্সপরিয়েন্সশিং সেয়র তৌরগনি৷

******



(Release ID: 1768129) Visitor Counter : 201