কেন্দ্ৰীয় বিত্ত সচিব ডঃ টি ভি সোমনাথনে আজি চলিত বৰ্ষৰ স্বাধীনতা দিৱসৰ ভাষণত মাননীয় প্ৰধানমন্ত্ৰীয়ে গুৰুত্বসহকাৰে উল্লেখ কৰা সম্প্ৰতি চলি থকা নিয়ম আৰু প্ৰক্ৰিয়াসমূহৰ পৰ্যালোচনা কৰাৰ এক ধাৰাবাহিক প্ৰক্ৰিয়াৰ অংশ হিচাপে সামগ্ৰী আৰু নন-কনছালণ্টেন্সি সেৱা ক্ৰয়ৰ বাবে আদৰ্শ নিবিদা দস্তাবেজ (মডেল টেণ্ডাৰ ডকুমেণ্টছ) মুকলি কৰে।

এম.টি.ডি.-য়ে বিশেষভাৱে ই-ক্ৰয় সম্পৰ্কীয় প্ৰয়োজনীয়তাবোৰ পূৰণ কৰে, যাৰ দ্বাৰা ই-ক্ৰয় গ্ৰহণৰ প্ৰক্ৰিয়াত সহায় হয় আৰু চৰকাৰৰ সুবিধাজনক আৰু দক্ষ ই-গভৰ্ণেন্সৰ লক্ষ্যত উপনীত হোৱাত সহায় কৰে। এনে পদক্ষেপে ৰাজহুৱা ক্ৰয়ৰ ডিজিটাইজেচন প্ৰক্ৰিয়াক সৰল আৰু মানসম্পন্ন কৰি ডিজিটেল ইণ্ডিয়াৰ লক্ষ্যত উপনীত হোৱাতো সহায় কৰিব।

নিবিদা নথিপত্ৰবোৰ উদ্যোগটোৰ লগতে চৰকাৰৰ বাবেও গুৰুত্বপূৰ্ণ দিশ আৰু সেয়েহে, কাৰ্যক্ষেত্ৰত নীতিগত পদক্ষেপ ৰূপায়ণৰ বাবে ই এক গুৰুত্বপূৰ্ণ কাৰক। নিবিদা নথিপত্ৰৰ এক অভিন্ন সংহতিয়ে চৰকাৰক ইয়াৰ নীতিবোৰ কাৰ্যকৰীভাৱে, ধাৰাবাহিকভাৱে আৰু সমানভাৱে প্ৰকাশ কৰিবলৈ অনুমতি দিয়ে। ৰাজহুৱা ক্ৰয় নীতি আৰু পদক্ষেপ তথা প্ৰয়োগৰ একতাৰ ব্যাখ্যাই আবেদনৰ স্পষ্টতা প্ৰতিফলিত কৰে, যাৰ ফলত অনুপালন বৃদ্ধি হয় আৰু ক্ৰয় প্ৰক্ৰিয়াৰ ওপৰত জনসাধাৰণৰ আস্থা বৃদ্ধি হয়। ইয়াৰ উপৰিও, শ্ৰেষ্ঠতম ক্ৰয় পদ্ধতি ভাগ-বতৰা কৰাৰ উপৰিও, অভিন্ন নিবিদা নথিপত্ৰই নীতিগত পদক্ষেপৰ ওপৰত ইতিবাচক প্ৰভাৱ বৃদ্ধি কৰাৰ উপৰিও অৰ্থনীতি টনকিয়াল কৰে আৰু প্ৰতিযোগিতা বৃদ্ধি কৰে। তেওঁলোকে কৰদাতাৰ ধনৰ মূল্য উপলব্ধি কৰিবলৈ অধিক দক্ষ বজাৰৰ পৰিস্থিতি সৃষ্টি কৰে। নিবিদাকাৰীসকলে তেওঁলোকৰ সামগ্ৰীৰ বিস্তৃত বজাৰৰ প্ৰৱেশাধিকাৰো ইয়াৰ যোগেদিয়েই লাভ কৰে।

সেই অনুসৰি, সামগ্ৰী ক্ৰয় আৰু নন-কনছাল্টেন্সি সেৱাৰ বাবে এতিয়া মডেল টেণ্ডাৰ ডকুমেণ্ট (এমটিডি) প্ৰকাশ কৰা হৈছে। এই MTD বোৰে নিবিদা নথিপত্ৰৰ গাঁথনি যুক্তিসঙ্গত আৰু সৰল কৰি তোলে। চৰকাৰৰ বিভিন্ন ক্ৰয় নীতিৰ সৈতে ব্যৱস্থাবোৰ সামঞ্জস্য থকা কৰি তোলাৰ উপৰিও, যেনে ক্ষুদ্ৰ আৰু লঘূ উদ্যোগ সম্পৰ্কীয় নীতি, মেক ইন ইণ্ডিয়াক অগ্ৰাধিকাৰ দিয়া আৰু ষ্টাৰ্টআপৰ লাভালাভ, MTD য়ে ৰাষ্ট্ৰীয় আৰু আন্তঃৰাষ্ট্ৰীয় সৰ্বশ্ৰেষ্ঠ পদ্ধতি অন্তৰ্ভুক্ত কৰে। দুটা পৰ্যায়ৰ পিছত MTD বিকশিত কৰা হৈছে, মন্ত্ৰালয়/বিভাগ/কেন্দ্ৰীয় ৰাজহুৱা খণ্ডৰ প্ৰতিষ্ঠান, অন্যান্য সংগঠন আৰু ব্যক্তিগত বিশেষজ্ঞৰ সৈতে ব্যাপক আলোচনা কৰা হৈছে।

বিত্ত মন্ত্ৰালয়ৰ ব্যয় বিভাগে জাৰি কৰা MTD কাৰ্যকৰী কৰা হ'ব। চৰকাৰৰ ডিজিটেল ইণ্ডিয়াৰ গুৰুত্বৰ প্ৰতি লক্ষ্য ৰাখি, ব্যৱহাৰকাৰী বিভাগবোৰৰ দ্বাৰা সহজে সুবিধাজনক কৰাৰ বাবে MTD বোৰ সৰল টেমপ্লেটত মুকলি কৰা হৈছে। মন্ত্ৰালয়/বিভাগে তেওঁলোকৰ স্থানীয়/বিশেষ প্ৰয়োজনীয়তা অনুসৰি এই নথিখন সঠিকভাৱে ব্যৱহাৰ কৰিবলৈ সক্ষম হ'ব। প্ৰতিটো MTD ব্যৱহাৰ কৰাত ক্ৰয় কৰ্তৃপক্ষক সহায় কৰিবলৈ প্ৰতিটো MTD ব্যৱহাৰৰ বাবে এক নিৰ্দেশনা হিচাপে এক পৃথক বিতং নিৰ্দেশনা টোকাও প্ৰস্তুত কৰা হৈছে। বিত্ত মন্ত্ৰালয়ৰ ব্যয় বিভাগে জাৰি কৰা আৰ্হি নিবিদা নথিপত্ৰবোৰে টেমপ্লেটবোৰৰ নিৰ্দেশনা দিব।

চৰকাৰী সংগঠনবোৰে তেওঁলোকৰ দায়িত্ব আৰু সেয়া পালন কৰিবলৈ বিভিন্ন সামগ্ৰী আৰু নন-কনছাল্টেন্সি সেৱা ক্ৰয় কৰে। সুশাসন, স্বচ্ছতা, নিৰপেক্ষতা, প্ৰতিযোগিতা আৰু ৰাজহুৱা ক্ৰয়ত ধনৰ মূল্য উন্নত কৰাৰ বাবে, ভাৰত চৰকাৰে সাম্প্ৰতিক সময়ত ৰাজহুৱা ক্ৰয়ৰ ক্ষেত্ৰত কেইবাটাও গুৰুত্বপূৰ্ণ নীতিগত পদক্ষেপ গ্ৰহণ কৰিছে। ২০১৭ চনৰ মাৰ্চ মাহত এক বিস্তৃত সমীক্ষাৰ পিছত সাধাৰণ বিত্তীয় নিয়ম জাৰি কৰা হৈছিল। ইয়াৰ উপৰিও, তিনিটা ক্ৰয় নিয়ম, সামগ্ৰী ক্ৰয়ৰ বাবে মেনুৱেল, ২০২১৭, পৰামৰ্শ আৰু অন্যান্য সেৱা ক্ৰয়ৰ বাবে মেনুৱেল, ২০১৭, আৰু কাম ক্ৰয়ৰ বাবে মেনুৱেল, ২০১৯ ও কাৰ্যকৰী কৰা হৈছে।

এই আৰ্হিৰ নিবিদা নথিপত্ৰসমূহৰ প্ৰস্তুতি আৰু সেয়া মুকলি কৰাটো চলি থকা নিয়ম আৰু প্ৰক্ৰিয়াসমূহৰ পৰ্যালোচনা কৰাৰ চলিত প্ৰক্ৰিয়াৰ এটা অংশ আৰু কেবিনেট সচিবে ২ অক্টোবৰ, ২০২১ ৰ পৰা ৩১ অক্টোবৰ, ২০২১ লৈ এক বিশেষ অভিযান হিচাপে সেয়া নিৰীক্ষণত ৰাখিছে।

https://doe.gov.in/divisions/general-instructions-procurement-and-project-management 

****

RM/KMN