প্রধানমন্ত্রীগী লোইশঙ
পি.এম.না আত্মনির্ভর ভারত স্বয়মপুর্ন গোৱা প্রোগ্রামগী বেনিফিসিয়রীশিং অমদি স্তেকহোল্দরশিংগা লোয়ননা ৱারী-ৱাতায় শাখ্রে
“মহৌশা ফজবা অমদি নুংঙাইবগী মথক্তা গোৱানা চাউখৎ-থৌরাংগী অনৌবা মোদেল অমা, পুন্না হোৎনমিন্নবগী শক্তম অমসুং পঞ্চায়ৎতগী লৈঙাক ফাওবদা চাউখৎপা পুরক্নবা অমত্তা ওইনা লেপ্পী হায়নসু তাক্লি”
“গোৱানা ও.দি.এফ., ইলেক্ত্রিসিতী, তোতি ঈশিং, লায়বগী রাশন পীবা অসিগুম্বা মরু ওইবা স্কীম পুম্নমক্তা ১০০% ফংবা ঙমখি”
“স্বয়মপুর্ন গোৱা অসি তীম গোৱাগী অনৌবা তীম স্পিরিতকী ফলনি”
“গোৱাদা শেমগৎলিবা ইনফ্রাস্ত্রকচর অসিনা লৌমীশিং, শা-শন লোইরিবা মীওইশিং অমসুং ঐখোয়গী ঙামীশিংগী শেন্থোক হেনগৎহনবদা মতেং ওইরগনি”
“তুরিজমদা য়ুম্ফম ওইবা রাজ্যশিং অসিদা ভেক্সিনেসন দ্রাইব চত্থবা মতমদা অখন্নবা মীৎয়েং থমখি অমসুং মসিদগী গোৱানা চাউনা কান্নবা ফংখি”
Posted On:
23 OCT 2021 12:47PM by PIB Imphal
প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী থোংদা আত্মনির্ভর ভারত স্বয়মপুর্ন গোৱা প্রোগ্রামগী থৌরমদা বেনিফিসিয়রীশিং অমদি স্তেকহোল্দরশিংগা লোয়ননা ৱারী-ৱাতায় শাখ্রে।
প্রধান মন্ত্রীনা গোৱা সরকারগী অন্দর সেক্রেতরী ওইনা লৈরিবা শ্রীমতি ইশা সভন্তকা ৱারী শান্নবদা মহাক্না স্বয়মপুর্ন মিত্রা ওইনা থবক তৌবগী অৱা-নুংঙাইগী মতাংদা হংখি। বেনিফিসিয়রীশিংদা মখোয়গী থোংজিলদা সর্ভিসশিং অমসুং সোল্যুসনশিং ফংহনখি হায়না মহাক্না পাউখুম পীখি। সিঙ্গল-পোইন্ত সর্ভিস ৱিন্দোশিং লৈবনা মরম ওইরগা লায়থোকহনখি। প্রধান মন্ত্রীনা তেক্নোলোজী শীজিন্নবগী মতাংদা মঙোন্দা হঙবদা দেতা খোমগৎপা অসি চংশিন্নবা মওং অমদা চত্থবনা মসিদা তেক্নোলোজী শীজিন্নখি হায়না পাউখুম পীখি। মসিনা মথৌ তাবা ফেসিলিতীশিং অদু মেপ্পিং তৌবা ঙমহনখি। নুপীদা শক্তি পীবগী মতাংদা প্রধান মন্ত্রীনা হায়খি ত্রেনিং অমসুং সেল্ফ-হেল্প গ্রুপকী মেকানিজমগী খুত্থাংদা নুপীশিংদা সোসিএল মীদিয়া মার্কেতিং অমসুং ব্রান্দিংগী মতাংদা ইক্বিপমেন্ত অমসুং মতেং ফংহনখি। অতল ইনক্যুবেসন গ্রুপশিংসু শীজিন্নখি। প্রধান মন্ত্রীনা মহাক্না মুখ্য মন্ত্রী ওইরিঙৈ মতমশিং অদু নীংশিংলদুনা চান্না থক্নবা য়েনবা, কেতরিং তৌবা অসিগুম্বা সর্ভিসশিংগীদমক নুপী সেল্ফ হেল্প গ্রুপশিংগী মেম্বরশিং ত্রেন তৌবা অমদি অফবা এনভাইর্নমেন্ত অমা শেমখিবগী মতাংদা ৱারী শাখি। প্রধান মন্ত্রীনা হায়খি প্রদক্তশিংগী মথক্তা সর্ভিসশিংদসু চাউনা পোতেন্সিএল লৈ। প্রধান মন্ত্রীনা লৈঙাক্কী তোঙান-তোঙানবা শরুকশিংদা চেকশিনবা অমসুং অনৌবা ৱাখল্লোন পুথোকপা ওইগদবনি হায়খি অমদি অসিগুম্বা ওফিসরশিংবু থাগৎপা ফোঙদোকখি।
হান্না হেদমাস্তর ওইরম্বা অমসুং সর্পঞ্চ, শ্রী কোনস্তেন্সিয়ো মিরান্দানা হায়খি, স্বয়মপুর্না কেম্পন্না তোঙান-তোঙানবা লমশিংদা আত্মনির্ভর ওইনবগী পান্দমশিং ফংনবা অনৌবা থবক-থৌরমশিংদা মতেং পাংখি। মখোয়না মথৌ তাবগী মতুং ইন্না রাজ্য অমসুং কেন্দ্রগী স্কীমশিং মশক খঙদোকখি অমসুং অমনা অমগী মতেং পাংনদুনা থবক পাইখৎখি। প্রধান মন্ত্রীনা মহাকপু মতম শাংনা পন্দুনা লৈরক্লবা থবকশিং লোইশিনবগীদমক থাগৎলদুনা হায়খি সরকার অসিনা নীংখা তম্লবা মতুংদা নাথৈদুনা মতম শাংনা লোইশিনবা ঙমদনা লৈরুরবা থবকশিং লোইশিন্নবা থবকসু পাইখৎলি।
প্রধান মন্ত্রীনা শ্রী কুন্দন ফলারিগা ৱারী শাখি, মদুদা মহাক অমদি লোকেল এদমিনিস্ত্রেসন্না কাংলুপ অসিগী মীওই খুদিংমক য়ৌশিন্নবা শেম-শাখি হায়না ফোঙদোকখি। মহাক্না লৈরিবা মফম অদুদা স্বনিধি স্কীমগী মতাংদা খঙহন্নবা মহাক্না হোৎনবদা থেংনখিবা অৱা-নুংঙাই অদুসু পাউদমখি। প্রধান মন্ত্রীনা স্ত্রীত ভেন্দরশিং অসিনা দিজিতেল ত্রাঞ্জেক্সন তৌবরা হায়না হংখি মরমদি স্কীম অসিগী পন্দমদি বেঙ্কশিংনা মখোয়দা শেল হেন্না পীথরকপা হেনগৎহন্নবা ত্রাঞ্জেক্সনগী পুৱারী অমা শেম্নবা দিজিতেল ত্রাঞ্জেক্সন তৌবনি হায়না ফোঙদোকখি। প্রধান মন্ত্রীনা হায়খি গোৱা নীংতম্বা ফংখিবগী চহি ৬০গী শরুক ওইনা গোৱাদা কেন্দ্র সরকারনা পঞ্চায়ৎ অমদা লুপা লাখ ৫০ অমসুং ম্যুনিসিপালিতী খুদিংমক্কী ওইনা লুপা করোর ১গী অখন্নবা শেন্থং অমা পীথখি। প্রধান মন্ত্রীনা সরকারনা ফাইনান্সিএল ইনক্লুজন ফংহন্নবা হোৎনরিবশিং অসিগী মতাংদা ফোঙদোকখি অমদি মহাক্না সরকারগী স্কীমশিং অসি ফংহন্নবা মীয়াম্বু পুক্নীং থৌগৎকদবনি হায়না ফোঙদোকখি।
ফিশরিজতা ওন্তপ্রিনোর অমা ওইরিবা শ্রী ল্যুজ কার্দোজোনা সরকারগী স্কীমশিং অমসুং ইন্সুলেতেদ ভেহীকল শীজিন্নবদগী কান্নবশিং ফংখিবগী মতাংদা মহাক্কী ৱারী পাউদমখি। প্রধান মন্ত্রীনা কিসান ক্রেদিত কার্দ, এন.এ.ভি.আই.সি. এপ, হীশিংগী ফাইনান্স, ঙামীগী কাংলুপ্তা মতেং পাংনবা স্কীমশিংগী মতাংদা ৱারী শাখি। প্রধান মন্ত্রীনা ঙামীশিং অমসুং লৌমীশিংদা হেন্না কান্নবা ফংনবা রো প্রদক্তশিংগী মহুৎ প্রোসেস তৌরবা প্রদক্তশিং শীজিন্নবা হেনগৎনবা মহাক্কী অপাম্বা ফোঙদোকখি।
শ্রী রুকি অহমদ রাজাসবনা স্বয়মপুর্নাগী মখাদা দিব্যঙ্গ জনগীদমক পাইখৎখিবা থৌরাংশিংগী মতাংদা পাউদমখি। প্রধান মন্ত্রীনা হায়খি সরকার অসিনা দিব্যঙ্গ জনবু ইকাই খুম্ননবা অমসুং নুঙাইহন্নবা থবক পাইখৎলি। মহাক্না ফেসিলিতীশিং স্তেন্দর্দাইজেসন তৌবা অসিগুম্বা খোঙথাংশিং অমসুং হন্দক্কী পেরালিম্পিক্সতা পেরা শান্নরোয়শিংনা মাইপাকখিবা অদু নীংশিংখ্রে।
সেল্ফ হেল্প গ্রুপকী মকোক ওইরিবা শ্রীমতি নিশিতা নমদেব গৱাসকা ৱারী শারদুনা প্রধান মন্ত্রীনা মখোয়গী কাংলুপকী প্রদক্তশিংগী মতাংদা অমসুং মখোয়গী প্রদক্তশিং মার্কেতিং তৌবগী মওংশিংগী মতাংদা হংখি। প্রধান মন্ত্রীনা নুপীশিংবু ইকাই খুম্নবা অমদি মখোয়গী থাজবা হেনগৎহন্নবা উজ্জ্বলা, স্বচ্ছ ভারত, পি.এম. অৱাজ, জন ধন অসিগুম্বা স্কীমশিং সরকার অসিনা পাইখৎলি হায়না ফোঙদোকখি। নুপীশিংনা আর্মদ ফোর্সেস ওইরিবসু লম খুদংদা মীচৎ উরোন খিনবা ঙম্লি হায়না প্রধান মন্ত্রীনা ফোঙদোকখি।
শ্রী দুর্গেশ এম শিরোদকরগা লোয়ননা ৱারী শাবদা প্রধান মন্ত্রীগা মখোয়গী দাইরীগী থবক-থৌরমশিং অদুগী মতাংদা খন্নখি। মহাক্না হায়খি মহাক্কী গ্রুপনা কিসান ক্রেদিত কার্দকী কান্নবা লৌখি। মখোয়না অতোপ্পা লৌমীশিং অমদি দাইরী ওন্তপ্রিনোরশিংদা খুদোংচাবা অসিগী মতাংদা খঙহনখি। প্রধান মন্ত্রীনা শ্রী শিরোদকরনা কিসান ক্রেদিত কার্দ স্কীম মীয়ামদা খঙহন্নবা হোৎনখিবগীদমক থাগৎপা ফোঙদোকখি। প্রধান মন্ত্রীনা হায়খি সরকার অসিনা মরুদগী হৌরগা কৈথেল ফাওবা মতেং পাংদুনা মখোয়গী শেন্থোক হেনগৎনবা ইকোসিস্তেম অমা শেম্নবা হোৎনখি। কিসান ক্রেদিত কার্দ, সোইল হেল্থ কার্দ, য়ুরিয়া নীম কোতিং তবা, ই-নাম, অফবা অমদি অশেংবা মরুশিং, এম.এস.পি.দা লৈবা, অনৌবা এগ্রিকলচর লোশিং অসিগুম্বা স্কীমশিং অসি মাইকৈ অসিদা লৌখৎপা খোঙথাংশিংনি।
থৌরম অসিদা ৱা ঙাংলদুনা প্রধান মন্ত্রীনা গোৱা হায়দি নুংঙাইবা, গোৱা হায়দি মহৌশা, গোৱা হায়দি তুরিজম। অদুবু ঙসি মহাক্না গোৱা হায়দি চাউখৎ-থৌরাংগী অনৌবা মোদেল অমনি, গোৱা হায়দি পুন্না হোৎনবগী শক্তম অমসুং গোৱা হায়দি পঞ্চায়ৎতগী লৈঙাক ফাওবদা চাউখৎপা পুরক্নবা অমত্তা ওইনা লেপ্পনি হায়নসু হাপচিনখি। কেন্দ্র সরকারগী স্কীমশিং ইমপ্লিমেন্ত তৌবদা গোৱানা থোইদোক-হেন্দোকপা পর্ফোর্মেন্স উৎখিবা অসিগী মতাংদা প্রধান মন্ত্রীনা হায়খি ভারতনা লমহাংদা খোঙ হাম্বা অসি তোক্নবা পান্দম থমখি। গোৱানা মসিগী পান্দম অদি চাদা চামা ফংবা ঙমখি। লৈবাক অসিনা য়ুমথোং খুদিংদা মৈগী কনেক্সন ফংহন্নবা পান্দম অমা থমখি। গোৱানা মসি চাদা চামা ফংবা ঙমখি। হর ঘর জল অভিয়ান্দা – গোৱানা গোৱানা ইহান হান্না চাদা চামা ফংবা ঙমখি! লায়রবশিংদা লেম্না রাশন পীবগী হীরমদা – গোৱানা চাদা চামা ফংবা ঙমখিবা অসিদা প্রধান মন্ত্রীনা থাগৎখি।
প্রধান মন্ত্রীনা হায়খি নুপীশিংদা খুদোংচাবা পীনবা অমসুং ইকাই খুম্নবা ফংহন্নবা কেন্দ্র সরকারনা পাইখৎপা থৌরাংশিং অসি গোৱানা মসি থবক ওইনা ওন্থোক্লি অমসুং মখোয়বু পাকথোক-চাউথোকহল্লি। তোয়লেতশিং, উজ্জ্বলা গ্যাস কনেক্সন নত্ত্রগা জন ধন বেঙ্ক একাউন্ত ওইরবসু গোৱানা নুপীশিংদা খুদোংচাবশিং অসি ফংহন্নবা নীংথিনা থবক লৌখৎখিবগীদমক মহাক্না গোৱা সরকারবু থাগৎখি।
প্রধান মন্ত্রীনা গোৱাবু চাউখৎপগী লম্বীদা পুরক্লম্বা মহাক্কী লৈখিদ্রবা মরুপ মনোহর পর্রিকরজীবু নীংশিংখি। মহাক্না হৌজিক ওইরিবা মুখ্য মন্ত্রী অমদি মহাক্কী তীমনা গোৱাবু চাউখৎপা পুরক্নবা থমোয় শেংনা প্রোজেক্ত পাইখৎপা অমদি অনৌবা পনখৈ তম্না পুখৎনবা হোৎনরিবা অসিবু থাগৎখি। ঙসি গোৱানা মশাদা নৌনা থাজবা থমদুনা মাংদা চংশিল্লি। রাজ্য অসিদা চাউখৎপা পুরক্নবা ইনর্জী অমদি অখাং কনবগা লোয়ননা দবল ইঞ্জিন সরকারনা হোৎনরি। তীম গোৱাগী মসিগী অনৌবা তীম স্পিরিতকী ফল অসি স্বয়মপুর্ন গোৱা ওইহন্নবা ফিরেপ অদুনি হায়না শ্রী মোদীনা ফোঙদোকখি।
প্রধান মন্ত্রীনা হায়খি গোৱাদা শেমগৎলিবা ইনফ্রাস্ত্রকচর অসিনা লৌমীশিং, শা-শন লোইরিবা মীওইশিং অমসুং ঐখোয়গী ঙামীশিংগী শেন্থোক হেনগৎহনবদা মতেং ওইরগনি। মহাক্না মখা তারদুনা হায় রুরেল ইনফ্রাস্ত্রকচর অসি মতমগা চুন্নবা মওংদা শেমগৎনবা চহি অসিগী গোৱাগী ফন্দ অসি মমাংদা চাংদম্নবদা শরুক ৫ হেনগৎহনখ্রে।
প্রধান মন্ত্রীনা হায়খি ঙামীশিংগী হীশিং অসি মতমগা চুন্নবা ওইহন্নবা তোঙান-তোঙানবা মন্ত্রালয়শিংদগী থাক খুদিংমক্তা মতেংশিং পীরি। মহাক্না মখা তারদুনা হায়খি প্রধান মন্ত্রী মতস্য সম্পদা য়োজনাগী মখাদা গোৱাদা লৈরিবা ঙামীশিংনা মতেং কয়া ফংলি।
ভেক্সিনেসন কেম্পেনগী মতাংদা প্রধান মন্ত্রীনা হায়খি গোৱা য়াওনা লৈবাক অসিগী তুরিজমদা য়ুম্ফম ওইবা রাজ্যশিংদা অখন্নবা মতেংশিং পীথখি। মসিদগী গোৱানা চাউনা কান্নবা ফংখি। মহাক্না গোৱা সরকারনা ইলিজিবল ওইবা মীওই পুম্নমক্তা ভেক্সিনগী অহানবা দোজ কাপ্নবা অয়ুক-নুমিদাং খাইদনা হোৎনখিবগীদমক গোৱা সরকারপু থাগৎপা ফোঙদোকখি।
****
(Release ID: 1765981)
Visitor Counter : 176
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam