পি.এম. নরেন্দ্র মোদীনা কোবিদ-১৯গা মরী লৈনবা ফিভম য়েংশিন্নবা ফম্বা অৱাংবা থাক্কী মীফমদা চেয়র লৌখ্রে। তোপিক অসিদা হৌজিক কোবিদ-১৯গী ওইরিবা ফিভম, হেলথ সিস্তেম ইন্নবা শেম-শাবা, মেদিকেল ওক্সিজেন মরাং কাইনা ফংহনবা অমসুং কোবিদ-১৯ ভেক্সিন পুথোক্লিবা, য়েন্থোক্কদবা অমসুং পীথোক্কদবগী মরী লৈনবশিং য়াওরি।  

 মসি অমসু খন্নখি মদুদি মালেম পুম্বদা, এক্তিব কোবিদ কেসকী মশিং লেপ্পা লৈতনা ৱাংনা লৈবা লৈবাকশিং লৈরি। ভারত্তসু, মহারাস্ত্র অমসুং কেরলাগুম্বা রাজ্যশিংদা লৈরিবা মশিংনা, লায়থোকপা য়াবগী ৱাফম লৈত্রি হায়বা তাক্লি। অদুম ওইনমক থংনবা চয়োল ১০শুবা ফাওবদা চয়োলগী ওইবা পোজিতিবিতীগী চাং অসি ৩%গী মখাদা লৈরি।

মফম খরদা কেসশিং কুংনা লৈবা, তেস্ত পোজিতিবিতী ৱাংনা লৈবা দিস্ত্রীক্তশিং লোয়ননা লৈবাক অসিদা তেস্ত পোজিতিবিতী চয়োল অমদগী চয়োল অমদা ৱাংনা লৈবগী মরমদা পাউদমখি।

ম্যুতেন্ত হেনগৎলক্লিবা অসি য়েংশিন্নবা লেপ্পা লৈতনা জেনোম মফম চানা শিন্দোকপগী তঙাইফদবা লৈবগী মরমদা পি.এম.না হায়খি। ওফিসরশিংনা মঙোন্দা পাউদমখি মদুদি আই.এন.এস.এ.সি.ও.জি. অসি হৌজিক লৈবাক শিনবা থুংনা য়েন্থোক্লিবা লেব ২৮ য়াওনা লৈরে। লেব নেতৱার্ক অসি ক্লিনিকেল ওইবা অমগা অমগা মরী লৈননবা হোস্পিতালগী নেতৱার্কশিংগা শম্নরি। জেনোমগী ওইবা কুপ্না য়েংশিন্নবা সিৱেজ সেমপ্লিংসু তৌরি। পি.এম.না হায়খি মদুদি রাজশিংদা এস.এ.আর.এস. সি.ও.ভি.২গী পোজিতিব সেম্পলশিং আই.এন.এস.এ.সি.ও.জি.দা চাং নাইনা পীনবা হায়জখ্রে।  

পেদিয়াত্রিক কেয়রগী বেদ কেপাসিতী মশিং হেনগৎহনবা অমসুং ‘কোবিদ ইমর্জেন্সী রেস্পোন্স পেকেজ II’গী মখাদা খুদোংচাবগী মতেং হেন্না পীরিবা অসিগী ফিভম পি.এম.না য়েংশিনখ্রে। মসি অমসু খন্নখি মদুদি খুঙ্গংগী মফমশিংদা লৈরিবা ফিভম শিল-লাংনবা মফম অসিগী হেলথ ইনফ্রাস্ত্রকচরশিং প্রাইমারী কেয়র অমসুং ব্লোক্কী থাক্তা অমুক হন্না শেমদোক্নবা পাউতাক পীবা। দিস্ত্রীক্তকী থাক্তা কোবিদ-১৯, ম্যুকোর্মাইকোসিস, এম.আই.এস.-সি.দা শিজিন্নবা দ্রগশিংগী বফর স্তোক নিংথিনা থম্নবা রাজ্যশিংদা হায়খ্রে হায়নসু পি.এম.দা পাউদমখি।

আইসোলেসন বেদশিং, ওক্সিজেন বেদশিং, আই.সি.য়ু বেদশিং অমসুং পিদিয়াত্রিক আই.সি.য়ু.শিং অসমুং পেদিয়াত্রিক ভেন্তিলেতরশিংগী মশিং হেনগৎপগী মরমদা পি.এম.দা পাউদমখি। লাক্লিবা থা খরা অসিদা আই.সি.য়ু. বেদশিং অমসুং ওক্সিজেন বেদশিং মশিং অমা খঙনা মখা তানা হাপচিল্লগনি।

লৈবাক অসিদা মতিক চানা শোইদনা তেস্তিং তৌনবগী মরমদা পি.এম.না হায়খি। পব্লিক হেলথ ফেসিলিতীশিংদা আর.তি.-পি.সি.আর. লেবকী ফেসিলিতী লিংখৎনবা দিস্ত্রীক্ত ৪৩৩দা মতেং পীখিবগী মরমদা ওফিসরশিংনা পি.এম.দা পাউদমখি। 

পি.এম.না হায় মদুদি ইকোসিস্তেম পুম্বনা শোইদনা ওক্সিজেন কন্সেন্ত্রেতরশিং, সিলিন্দর অমসুং পি.এস.এ. প্লান্ত য়াওনা ওক্সিজেন মরাং কাইনা ফংবা হেনগৎনবা য়াম্না থুনা হোৎনবগী তঙাইফদবা লৈ। লিক্বিদ মেদিকেল ওক্সিজেন স্তোরেজ তেঙ্ক ৯৬১ অমসুং মেদিকেল গ্যাস পাইপলাইন সিস্তেম ১,৪৫০ দিস্ত্রীক্ত অমমদা য়ামদ্রবদা অসিগুম্বা য়ুনিৎ অমা থম্নবগী পান্দমদা লিংখৎনবসু হোৎনরি। য়ামদ্রবদা এম্বুলেন্স অমা ব্লোকশিংদা থম্নবা এম্বুলেন্সকী নেতৱার্ক অসিসু হেনগৎলে। লৈবাক অসিদা লৈরক্কদৌরিবা পি.এস.এ. ওক্সিজেন প্লান্তকী ফিভমসু পি.এম.না য়েংশিনখি। রাজ্যশিংদা চাওরাক্না ওক্সিজেন কন্সেন্ত্রেতর লাখ ১ অমসুং ওক্সিজেন সিলিন্দর লাখ ৩ য়েন্থোকখ্রে হায়না পি.এম.না অপদেৎ তৌখি।

ভেক্সিনগী মরমদা, পি.এম.না হায় মদুদি ভারতকী অহল ওইরবা মীশিং চাওরাক্না ৫৮% লোম অহানবা দোজ ফংখ্রে অমসুং অহল ওইরবা মীশিং চাওরাক্না ১৮% অমনা অনিশুবা দোজ ফংখ্রে। ভেক্সিন পাইপলাইন অমসুং ভেক্সিনশিং য়েন্থোকপা হেনগৎলকপগী মরমদা পি.এম.না অপদেৎ তৌখি।   

পি.এম.গী প্রিন্সিপাল সেক্রেতরী, কেবিনেৎ সেক্রেতরী, প্রিন্সিপাল সাইন্তিফিক এদভাইজর, হেলথ সেক্রেতরী, মেম্বর হেলথ এন.আই.তি.আই. আয়োগ অমসুং মরুওইবা ওফিসিএলশিংনা মিতিং অসিদা শরুক য়াখি।

****