হেলথ অমসুং ফেমিলী ৱেলফিয়রগী কেন্দ্রগী মন্ত্রী শ্রী মনসুখ মন্দাবিয়ানা ঙসি রাজ্যশিং/য়ু.তি.শিং পুম্বগী রাজ্যগী হেকশেল মন্ত্রীশিং অমসুং প্রিন্সিপাল সেক্রেতরীশিং/এদ্দিসনেল চীফ সেক্রেতরীশিংগা লোয়ননা ফেমিলী ৱেলফিয়রগী রাজ্যগী কেন্দ্রগী মন্ত্রী  দাঃ ভারতী প্রবিন পাৱর য়াওনা, কেন্দ্র সরকার অমসুং রাজ্য পুম্বনা তি.বি.গী মায়োক্তা লান্থেংননবা মিয়েং থম্লিবা অমসুং কন্না হোৎনরিবা অসিদা চংশিল্লিবা থবকশিং য়েংশিনখ্রে।   

হেকশেল মন্ত্রী (ছত্তিসগর), শ্রী তি.এস. সিংহ দিও, হেকশেল মন্ত্রী (বিহার), শ্রী মঙ্গল পান্দে, হেকশেল মন্ত্রী (হারিয়ানা), শ্রী অনিল বিজ, হেকশেল মন্ত্রী (দিল্লী), শ্রী সত্যেন্দ্র কুমার জেন, হেকশেল মন্ত্রী (মহারাস্ত্র), শ্রী রাজেশ তোপে, হেকশেল মন্ত্রী (ওরিশা), শ্রী নবা কিশোর দাস, হেকশেল মন্ত্রী (হিমাচল প্রদেশ), শ্রী রজিব সাইজল, হেলথ অমসুং মেদিকেল এজুকেসন মন্ত্রী (ঝরখন্দ), শ্রী বন্না গুপ্তা, মেদিকেল এজুকেসন মন্ত্রী (কর্নাতকা),দাঃ কে. সুধকর, হেকশেল মন্ত্রী (কেরলা), শ্রীমতি ভীনা জোর্জ, হেকশেল মন্ত্রী (রাজস্থান), শ্রী রঘু শর্ম্মা য়াওনা রাজ্যগী হেকশেল মন্ত্রীশিংনা মখোয়গী রাজ্যগী মহুৎ শিন্দুনা মীফম অদুদা শরুক য়াখি।

কেন্দ্রগী হেকশেল মন্ত্রীনা তি.বি. মুথৎনবা হোৎনবগী পান্দম অপুনবা অমা ওইবগীদমক মহাক্না হরাওবা ফোংদোকখি অমসুং রাজ্যশিং/য়ু.তি.শিংগা ৱা খন্নবা অমসুং মায় পাক্নবা তৎতনা উনবগী অপাম্বা ফোংদোকখি। হায়রিবা অসিনা মান্নবা পোলসীশিং মপুং ফানা হাপ্পগী মিয়ং চংবদা য়াম্না চাউবা থৌদাং অমা লৌগনি অমসুং পন্থুংশিং অসি পুন্না ফংমিন্নবা ঙমগনি। “পুন্না থম্মিন্নবা পন্থুং অমা পুন্না চৎমিন্নবা অমসুং পুন্না খুৎশম্নদুনা চৎমিন্নবনা হেন্না থুনা ফংবা ঙমগনি”, হায়না কেন্দ্রগী হকশেলগী মন্ত্রীনা হায়খি।

মহাক্না পনখি, “তি.বি. মুথৎনবগী মিসন অসিদা ঐখোয়না মীচম প্রজাবু ঐখোয়গা খুৎশম্ননা চৎমিন্ননবা পুক্নিং থৌগৎকদবনি। মসি মীয়ামগী খোঙথাং অমা ওইহনগদবনি”। শ্রী মন্দাবিয়ানা থাজবা থমখি মদুদি ২০২৫দা ভারত অসি তি.বি. লৈতবা লৈবাক অমগী প্রধান মন্ত্রীনা মংলিবা মংলান অসি মংফাওনবগী মিসন্দা রাজ্য/য়ু.তি.শিংনা ত্যুবরকুলোসিসকী মতাংদা পীরকপা অনিং-অপাম্বশিং লৌশিন্নবা কেন্দ্র সরকারনা থোং হাংদুনা লৈরি। মহাক্না রাজ্য অমসুং য়ু.তি.শিংদা কোবিদকী পব্লিক হেলথ মেনেজমেন্ত অমসুং য়ুনিয়ন হেলথ মিনিস্ত্রীনা লৌখৎলিবা খোঙথাংশিংগী মরমদা অনিং-অপাম্বশিং পীবিরক্নবসু পুক্নিং থৌগৎখি।

কোবিদ-১৯না মরম ওইরদুনা তি.বি.গী মশিং হেনগৎলকপা য়াবগী অকিবা লৈরিবা অসিদা, হন্দক নুমিৎ খরনি অসিদা কোবিদ ভেক্সিনেসন হেনগৎখিবগী মরমদা ৱা ঙাংখি। রাজ্যশিংদা অহেনবা দোজশিং লৈরিবা অসি য়েংলগা লাক্লিবা সেপ্তেম্বর ৫দা ওজা পুম্বা ভেক্সিন কাপথোক্নবগী মরুওইবা শ্রী মন্দাবিয়ানা উৎখি। হিরম অসিদা, রাজ্যশিংদা লৈরিবা মীয়ামগা হকথেংননা থবক তৌরিবা কাংলুপশিং হায়বদি মার্কেত্তা মনা-মশীং য়োনবা অমসুং রিক্সো থৌবশিংবু হায়রিবা নুমিৎ অসিদা অখন্নবা ভেক্সিন দ্রাইব অমা চৎথনবগী খোঙথাং লৌখৎনবগী অপাম্বা ফোংদোকখি। মহাক্না রাজ্যগী হকশেল মন্ত্রীশিংদা থাজবা পীখি মদুদি থা খুদিংগী ভেক্সিন পুথোকপা হেনগৎলকপগা লোয়ননা কেন্দ্রনা ভেক্সিন মেনুফেকচররশিংগা লেপ্পা লৈতনা পাউ ফাওনদুনা ভেক্সিন ফংদবগী ওইরকপা য়াবা পুম্বা কোকহন্নবা হোৎনরি। মহাক্না রাজ্যশিংদা শোইদনা পাংথোক্নবা হায়খি মদুদি কোবিদকী প্রোতোকোল লেপ্তনা ইনবা অমসুং লৈবাক অসিদা ফিভম ফগৎলকপদা থৌশাদবা উৎলোইদবনি।   

কোওপরেতিব ফেদেরেলিজমগী ফ্রেমৱার্ক পুথোক্লদুনা, দাঃ পাৱরনা মরুওইবা পীদুনা হায়খি মদুদি লাক্লিবা চহি অহুম অসিদা পুন্না হোৎনমিন্নদুনা তি.বি. মুথৎকদবনি। কোবিদ লায়চৎ মনুংদা খোঙথাং কয়া অমা লৌখৎলিবা তি.বি.গী বাই-দাইরেক্সনেল স্ক্রীনিং অমসুং কোবিদ অমসুং য়ুম্থোং খুদিংদা য়েল্লিবা তি.বি.গী দ্রগ অসিদা থাগৎপা ফোংদোকখি। মহাক্না হেলথ এদমিনিস্ত্রেতরগী তীম্বু এক্তিব কেস পুথোকপদা য়াম্না থাগৎপা ফোংদোকখি অমসুং হায়খি, “জন জন কো জগানা হে, তি.বি. কো ভাগানা হে”।

ইভেন্ত অসিদা শরুক য়াখিবা তি.বি. প্রোগ্রামদা থবক তৌরিবা রাজ্য/য়ু.তি. পুম্বনা হৌখিবা চহি খরদা মখোয়না তৌখিবা থবকশিং ফোংদোক্নখি অমসুং ২০২৫দা তি.বি. মুথৎনবা মখোয়না মতেং পাংনবা পায়খৎলিবা থৌরাংশিং ফোংদোক্নখি।

য়ুনিয়ন হেলথ সেক্রেতরী, শ্রী রাজেশ ভুশন, মিস আর্তি অহুজা এদ্দিসনেল সেক্রেতরী (হেলথ), এদ্দিসনেল সেক্রেতরী (হেলথ), দাঃ মনোহর অঙ্গানি অমসুং মিনিস্ত্রী অসিগী মকোক থোংবা ওফিসিএলশিংনা থৌরম অসিদা শরুক য়াখি।

****