প্রধানমন্ত্রীগী লোইশঙ

পি.এম.না শ্রীল ভক্তিবেদান্ত স্বামি প্রভুপাতজীগী ১২৫শুবা মপোক কুমওন থৌরমদা অখন্নবা নীংশিং শেনয়েক অমা ফোঙখ্রে

শ্রীল ভক্তিবেদান্ত স্বামি প্রভিপাতজী অসি ভারতকী অথোইবা ভক্তা অমসু ওইরমখি: পি.এম.

ঐখোয়গী য়োগ অমসুং আয়ুর্বেদকী লৌশিংদগী মালেমদা কান্নবা ফংহনবা হায়বা অসি ঐখোয়গী ৱারেপনি: পি.এম.

ভক্তিগী মতমদা খুন্নাইগী ওইবা অওনবা পুরক্লমদবা তারবদি ভারতকী ফীভম অমসুং মওং করম তৌরমগনি হায়বা খন্থবদা অরুবা ওইগনি: পি.এম.

শ্রীল ভক্তিবেদান্ত স্বামি প্রভিপাতজীনা ভক্তি বেদান্তাবু মালেমগী জ্ঞানগা শম্নহনখি: পি.এম.

Posted On: 01 SEP 2021 5:36PM by PIB Imphal

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী থোংদা শ্রীল ভক্তিবেদান্ত স্বামি প্রভুপাতজীগী ১২৫শুবা মপোক কুমওনগী থৌরমদা অখন্নবা নীংশিং শেনয়েক অমা ফোঙখ্রে। কলচর, তুরিজম অমসুং অৱাং-নোংপোক থংবা লমদমগী চাউখৎ-থৌরাং (দোনর)গী কেন্দ্রগী মন্ত্রী শ্রী জি কিশন রেদ্দীনা অমসুং অতৈশিংনা থৌরম অদুদা শরুক য়াখি।

মীতিন অদুদা ৱা ঙাংলদুনা প্রধান মন্ত্রীনা ঙরাং শ্রী কৃষ্ণ জনমাঅস্তমী তাখিবা অমসুং শ্রীল প্রভুপাতকী ১২৫শুবা মপোক কুমওন পুন্না পালন তৌবদা নুংঙাইবা ফোঙদোকখি। ‘মসি সাধনাগী নুংঙাইবা অমসুং অপেনবা অনিমক অমত্তা ওইনা পুনশিনবা ওইনা থোক্লি।’ মহাক্না থৌরম অসি আজাদী কা অমৃত মহোৎসব পাঙথোক্লিঙৈ চৈরক্তা পালন তৌরি হায়নসু ফোঙদোকখি। ‘মসিগী ৱাখল্লোন অসি ঙসি মালেম পুম্বদা লৈরিবা শ্রীল প্রভুপাত স্বামিবু তুং ইল্লিবা মীওই করোর কয়ানা অমসুং কৃষ্ণগী ভক্তা করোর কয়ানা ফাওরি’ হায়না প্রধান মন্ত্রীনা ফোঙদোকখি।

মন্ত্রী প্রভুপাদ স্বামি অসি কৃষ্ণবু থোইদোক হেন্দোক্না নীংজবা ভক্তা অমা ওইবতা নত্তনা মহাক অসি ভারতকী অথোইবা ভক্তা অমসু ওইখি হায়না ফোঙদোকখি। মহাক্না লৈবাক অসিগী নীংতম ইহৌগীদমক লান্থেংনখি। মহাক্না নন-কোওপরেতিব মুফমেন্তবু শৌগৎপা ওইনা স্কোতিশ কোলেজতগী মহাক্কী দিপ্লোমা ফাওবা লৌ হায়বা য়াখিদে, হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি মালেম পুম্বদা ঐখোয়গী য়োগগী লৌশিং, ভারতকী লৈরিবা তুংকোইনা চৎকদবা পুন্সি মহিং, আয়ুর্বেদকুম্বা বিজ্ঞান অসি শন্দোকখি। মসিগী কান্নবা মালেম পুম্বদা ফংহনবা হায়বা অসি ঐখোয়গী ৱারেপনি হায়না শ্রী মোদীনা ফোঙদোকখি। প্রধান মন্ত্রীনা হায়, ঐখোয়না অতোপ্পা লৈবাক অমা হেক্তদা চৎপা মতমদা অমসুং মফম অদুদা মীয়াম্না উনবদা ‘হরে কৃষ্ণ’ হায়না কৌনবা মতমদা ঐখোয়দা ঐখোয়গী মীনি হায়না খল্লি অমসুং চাউথোকচবা পোকই। অসিগুম্বা ঐখোয়গী ওইবা ৱাখল্লোন অসি ঐখোয়গী মেদ ইন ইন্দিয়া প্রদক্তশিংকীদমক লৈরবদি ঐখোয়দা চপ মান্নবা ৱাখল্লোন অসি ফাওগনি হায়না প্রধান মন্ত্রীনা ফোঙদোকখি। ঐখোয়না হীরম অসিদা ইস্কোনদগী তমজনীংঙাই কয়া লৈ।

প্রধান মন্ত্রীনা হায় মীনাই নাইথাংগী মতমদা ভক্তিনা ভারতকী থৌনা অদুবু য়োখৎতুনা থমখি। মহাক্না হায় করিগুম্বা ভক্তিগী মতমগী সোসিএল রিভোলুসন লৈরমদ্রবদি ভারতকী স্তেতস অমসুং মওং মতৌ অসি তোঙানবা মওং অমদা লৈরমগনি হায়না স্কোলরশিংনা ফোঙদোক্লি। ভক্তিনা থাজবা মাংহনবা, সমাজগী খেন্নবা অমসুং খুদোংচশিংগী মরক্তা খেন্নবা লৈহন্দনা ঐখোইবু শেম্বীরিবা মপুগা ইশ্বরগা শম্নহল্লি। মদিগী লুরবা মতমশিং অদুদা ফাওবদা ঐখোয়গী খুন্নাইদা ভক্তিগী ৱাখল্লোন ফংওহনখিবা, চৈতন্য মহাপ্রভুনা ‘ইশানা ইশাদা থাজবা থম্বগী’ লাইৱা পীবীখি।

প্রধান মন্ত্রীনা হায় মতম অমদা করিগুম্বা স্বামি বিকেকানন্দগুম্বা লাইপোক্না বেদ-বেদান্তনা নোংচুপতা য়ৌহনবা ঙম্লবদি, শ্রীল প্রভুপাত অমসুং ইস্কোন্না ভক্তি য়োগ অসি মালেমদা য়ৌহন্নবা হোৎনবা মতমদা অচৌবা থৌদাং অমা লৌখি। মহাক্না ভক্তি বেদান্তবু মালেমগী জ্ঞানগা শম্নহন্নবা থবক তৌখি হায়না প্রধান মন্ত্রীনা ফোঙদোকখি।

প্রধান মন্ত্রীনা হায় ঙসিদি মালেমগী তোঙান-তোঙানবা লৈবাকদা ইস্কোন লাইশঙ চা কয়ামরুম লৈরে অদুগা গুরুকুল কয়ামরুম্না ভারতকী নাৎ অসি য়োকখৎতুনা থম্মি। ইস্কোন্না ভারতকী ওইনা থাজবা অসি থৌনা, ইনোৎ হাপ্পা অমসুং হরাও তয়াম্বা অমদি মীওইবা খুনাইদা থাজবা থম্বনি হায়না মালেমদা শন্দোক্লি। শ্রী মোদীনা কুচ্ছতা থোকখিবা জ্বার হাবা, উত্তরাখন্দগী অৱাবা, ওরিশা অমসুং বেঙ্গলদা থোকখিবা সাইক্লোনশিংদা ইস্কোন্না পাংখিবা তেংবাংগী মতাংদা পনখি। প্রধান মন্ত্রীনা লাইচৎ অসিগী ইস্কোন্না লৌখিবা থৌদাংবুসু থাগৎপা ফোঙদোকখি।

***



(Release ID: 1751216) Visitor Counter : 101