ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜନସ୍ୱାସ୍ଥ୍ୟ ସଚେତନତା ଓ ପେଣ୍ଟିଂ ପାଇଁ ଯୁବ କଳାକାରଙ୍କୁ ପ୍ରଧାନମନ୍ତ୍ରୀଙ୍କ ପ୍ରଶଂସା
ସୃଜନାତ୍ମକ କ୍ଷେତ୍ରରେ ଯୁବବର୍ଗଙ୍କ ଆଗ୍ରହ ଓ ଧ୍ୟାନ ଦେଖିବା ଆନନ୍ଦଦାୟକ: ପ୍ରଧାନମନ୍ତ୍ରୀ
ତୁମର ଭାବନା, ତୁମର ପେଣ୍ଟିଂ ପରି ଅତିସୁନ୍ଦର: ଶ୍ରୀ ମୋଦୀ
ଟିକାଦାନ ଅଭିଯାନ ଓ ଅନୁଶାସନ ସହିତ ୧୩୦କୋଟି ଭାରତୀୟଙ୍କର ଉଦ୍ୟମ ମହାମାରୀ ବିରୋଧରେ ଲଢିବାକୁ ଆମକୁ ବଳ ଯୋଗାଉଛି: ପ୍ରଧାନମନ୍ତ୍ରୀ
ଆଶା କରୁଛି ଲୋକେ ଷ୍ଟିଭେନଙ୍କ ଉଦ୍ୟମ ଦ୍ୱାରା ଅନୁପ୍ରାଣିତ ହୋଇ ସକାରାତ୍ମକ ବାର୍ତ୍ତା ପ୍ରଚାର କରିବେ: ଶ୍ରୀ ମୋଦୀ
ଷ୍ଟିଭେନ ହ୍ୟାରିସ ପ୍ରଧାନମନ୍ତ୍ରୀଙ୍କ ନିକଟରୁ ଚିଠି ଲେଖିବା ସହ ଶ୍ରୀ ମୋଦୀଙ୍କ ଦୁଇଟି ପେଣ୍ଟି ପଠାଇଥିଲେ
Posted On:
26 AUG 2021 5:40PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବେଙ୍ଗାଲୁରୁର ଜଣେ ୨୦ବର୍ଷ ବୟସ୍କ ଛାତ୍ରଙ୍କ ନିକଟରୁ ଚିଠି ଲେଖି ତାଙ୍କ ଦ୍ୱାରା ପ୍ରସ୍ତୁତ ନିଜର ଦୁଇଟି ପେଣ୍ଟିଂର ଉଚ୍ଚପ୍ରଶଂସା କରିଛନ୍ତି । ଏହି ଛାତ୍ର ଷ୍ଟିଭେନ ହ୍ୟାରିସ ପ୍ରଧାନମନ୍ତ୍ରୀଙ୍କ ନିକଟରୁ ନିଜ ଦ୍ୱାରା ପ୍ରସ୍ତୁତ ମୋଦୀଙ୍କର ଦୁଇଟି ସୁନ୍ଦର ପେଣ୍ଟିଂ ପଠାଇବା ସହ ଏକ ଚିଠି ମଧ୍ୟ ଲେଖିଥିଲେ । ଏହା ପାଇବା ପରେ ପ୍ରଧାନମନ୍ତ୍ରୀ ସେହି ଛାତ୍ରଙ୍କୁ ଉତ୍ସାହିତ କରି ତାଙ୍କ ପାଖକୁ ଏକ ପତ୍ର ଲେଖି ତାଙ୍କ ପେଣ୍ଟିଂ ଓ ଉଦ୍ୟମର ଉଚ୍ଚ ପ୍ରଶଂସା କରିଛନ୍ତି ।
ସେ ଚିଠିରେ ପ୍ରଧାନମନ୍ତ୍ରୀ ଲେଖିଛନ୍ତି ଯେ ସୃଜନାତ୍ମକ କ୍ଷେତ୍ରରେ ଯୁବକଯୁବତୀଙ୍କର ଆଗ୍ରହ ଓ ଧ୍ୟାନକୁ ଦେଖିବା ବେଶ୍ ଆନନ୍ଦଦାୟକ । “ତୁମ ପେଣ୍ଟିଂ ତୁମର ଗଭୀର ଅନୁଭବର ପ୍ରତିଭାକୁ ସୂଚାଉଛି । ଏଥିରେ ଯେଉଁ ସୂକ୍ଷ୍ମ କଳାତ୍ମକ ପ୍ରଦର୍ଶନ ଅତ୍ୟନ୍ତ ନିଖୁଣଭାବେ ହୋଇଛି ତାହା ବେଶ୍ ହୃଦୟସ୍ପର୍ଶୀ ।
ସାଂମ୍ପ୍ରତିକ ଜଟିଳ ପରିସ୍ଥିତିରେ ଏହି ଯୁବ କଳାକାର ଜଣକ ଜନସ୍ୱାସ୍ଥ୍ୟ ଓ କଲ୍ୟାଣ ପାଇଁ ଯେଉଁ ମତାମତ ଲେଖିଛନ୍ତି ପ୍ରଧାନମନ୍ତ୍ରୀ ତାହାର ଉଚ୍ଚ ପ୍ରଶଂସା କରିଛନ୍ତି । ପ୍ରଧାନମନ୍ତ୍ରୀ ତାଙ୍କ ଚିଠିରେ ଲେଖିଛନ୍ତି,, “ ଟିକାଦାନ ଅଭିଯାନ ଓ ଅନୁଶାସନ ସହିତ ୧୩୦କୋଟି ଭାରତୀୟଙ୍କ ସାମୁହିକ ଉଦ୍ୟମ ମହାମାରୀ ବିରୋଧୀ ଲଢେଇରେ ଆମକୁ ବଳ ଦେଇଛି” । ସକାରରାତ୍ମକ ବାର୍ତ୍ତା ପ୍ରଚାର ପାଇଁ ଷ୍ଟିଭେନଙ୍କ ଉଦ୍ୟମ ଦ୍ୱାରା ଲୋକେ ଅନୁପ୍ରାଣିତ ହେବେ ବୋଲି ପ୍ରଧାନମନ୍ତ୍ରୀ ଆଶା ପ୍ରକାଶ କରିଛନ୍ତି ।
ଷ୍ଟିଭେନ ତାଙ୍କ ଚିଠିରେ ପ୍ରଧାନମନ୍ତ୍ରୀଙ୍କୁ ଲେଖିଥିଲେ ଯେ ସେ ୧୫ବର୍ଷ ଧରି ପେଣ୍ଟିଂ କରି ଆସୁଛନ୍ତି ଏବଂ ବିଭିନ୍ନ ସ୍ତରରେ ୧୦୦ରୁ ଅଧିକ ପୁରସ୍କାର ପାଇଛନ୍ତି । ସେ ପ୍ରଧାନମନ୍ତ୍ରୀଙ୍କୁ ତାଙ୍କ ପ୍ରେରଣାର ଉତ୍ସ ଭାବେ ଉଲ୍ଲେଖ କରିବା ସହିତ କରୋନାର ମୁକାବିଲା ପାଇଁ ଚାଲିଥିବା ଟିକାଦାନ ଅଭିଯାନକୁ ପ୍ରଶଂସା କରିଛନ୍ତି ।
ଷ୍ଟିଭେନ ହ୍ୟାରିସ ପ୍ରଧାନମନ୍ତ୍ରୀଙ୍କର ଯେଉଁ ଦୁଇଟି ପେଣ୍ଟିଂ କରିଛନ୍ତି ତା’ର ଫଟୋ ତଳେ ଦିଆଯାଇଛି ।
****
TM / SLP
(Release ID: 1749434)
Visitor Counter : 153
Read this release in:
English
,
Urdu
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam