প্রধানমন্ত্রীগী লোইশঙ

পি.এম.না নহা ওইরিবা আর্তিস্তশিংবু মহাক্কী পেন্তিং অমসুং পব্লিক হেলথকী খনবগীদমক থাগৎপা ফোংদোকখ্রে


অসিগুম্বা ৱাখল থোকপা থবক অসিদা নহারোলনা থৱায় য়াওরিবা অমসুং পামজবশিং অসি উবদা য়াম্না নুঙাইজৈ: পি.এম.

অদোমগী ৱাখল্লোলশিং অদোমগী পেন্তিংদৌনা ফজরি: পি.এম.

ভেক্সিন কেম্পেইন, হৌন-লোনচৎ, লোয়ননা ভারত মচা কোতি ১৩০গী পুন্না হোৎনরিবা অসিনা লায়চৎ অসিবু লান্থেংনবদা পাঙ্গল হাপ্লি: পি.এম.

অফবা ৱাখল্লোল অমা ময়ামদা শন্দোক্নবা মীয়ামদা স্তেবনগী হোৎনরিবা অসিনা পুক্নিং থৌগৎকনি হায়না আসা তৌই

স্তেবন হারিসনা প্রধান মন্ত্রীদা চিথী ইখ্রে অমসুং পেন্তিং অনি থাখ্রে

Posted On: 26 AUG 2021 5:40PM by PIB Imphal

প্রধান মন্ত্রী, শ্রী নরেন্দ্র মোদীনা বেঙ্গালুরুগী মহৈরোই স্তেবন হারিসতা চিথী ইখ্রে, অমসুং মহাক্কী পেন্তিংদা থাগৎপা ফোংদোকখ্রে। ইনখৎলক্লিবা নহা ওইরিবা চহি ২০ শুরবা আর্তিস্ত অসিনা প্রধান মন্ত্রীগী ফজরবা পেন্তিং অনি লোয়ননা প্রধান মন্ত্রীদা চিথী অমা থাখি। প্রধান মন্ত্রীনা পুক্নিং থৌগৎপগা লোয়ননা থাগৎপগা লোয়ননা পাউখুম পীখি।

প্রধান মন্ত্রীনা ইখি মদুদি অসিগুম্বা ৱাখল থোকপা থবক অসিদা নহারোলনা থৱায় য়াওরিবা অমসুং পামজবশিং অসি উবদা য়াম্না নুঙাইজৈ। প্রধান মন্ত্রীনা ইখি ‘অদোমগী পেন্তিংনা অদোমগী হৈ-শিংবা নিংথিনা উৎলি। হায়রিবা অসিনা পুক্নিং হুনিঙাই ওই’।

প্রধান মন্ত্রীনা নহা ওইরিবা আর্তিস্তশিংবু পব্লিক হেল্থগীদমক লৈরিবা মখোয়গী মিৎয়েং অমসুং হৌজিক ওিরিবা ফিভম অসিদা থাগৎপা ফোংদোকখি। প্রধান মন্ত্রীনা ইখি “ভেক্সিন কেম্পেইন, হৌন-লোনচৎ, লোয়ননা ভারত মচা কোতি ১৩০গী পুন্না হোৎনরিবা অসিনা লায়চৎ অসিবু লান্থেংনবদা পাঙ্গল হাপ্লি”।  

প্রধান মন্ত্রীনা অফবা ৱাখল্লোল অমা ময়ামদা শন্দোক্নবা মীয়ামদা স্তেবনগী হোৎনরিবা অসিনা পুক্নিং থৌগৎকনি হায়না আসা তৌই হায়না ফোংদোকখি।

স্তেবন্না প্রধান মন্ত্রীদা মহাক্কী চিথীদা হায় মদুদি মহাক্না পেন্তিং অসি চহি ১৫গী মমাংদগী য়েক্লক্লি অমদি থাক কয়াদা এৱার্দ ১০০গী মথক্তা ফংখ্রে। মহাক্না প্রধান মন্ত্রীবু মহাক্কী পুক্নিং থৌগৎপা অমসুং কোরোনা ভাইরস অসি লান্থেংনবদা ভারতকী ওইবা ভেক্সিনেসন থৌরম অসিদা থাগৎপা ফোংদোকখি।

স্তেবন হারিস্না থাখিবা পেন্তিং মখাদা লৈরে।

*****



(Release ID: 1749326) Visitor Counter : 221


Read this release in: English , Urdu , Hindi , Marathi , Assamese , Bengali , Punjabi , Gujarati , Odia , Tamil , Telugu , Kannada , Malayalam