బెంగళూరు కు చెందిన ఒక విద్యార్థి శ్రీ స్టీవెన్ హ్యారిస్ ను ఆయన చిత్రించిన చిత్రలేఖనాలకు గాను ప్రధాన మంత్రి శ్రీ నరేంద్ర మోదీ ప్రశంసిస్తూ తనకు ఒక ఉత్తరాన్ని పంపించారు. 20 యేళ్ల వయస్సు వున్న ఆ చిత్రకారుడు ప్రధాన మంత్రి కి ఒక లేఖ ను రాస్తూ, ప్రధాన మంత్రి తాలూకు సుందర వర్ణచిత్రాలు రెండిటిని ఆ లేఖ తో పాటు పంపారు. దీనికి ప్రధాన మంత్రి సమాధానమిస్తూ ఆ యువకుడి ని పొగడి, ఉత్సాహపరచారు.

సృజనాత్మక రంగాల లో యువత కు గల ఆసక్తి ని, అంకిత భావాన్ని చూసి తనకు సంతోషం వేస్తోందని ప్రధాన మంత్రి తన లేఖ లో పేర్కొన్నారు. ‘విషయాల ను లోతు గా పరిశీలించేటటువంటి మీ యొక్క ప్రతిభ కు మీ చిత్రలేఖనాలు అద్దం పడుతున్నాయి. ఎంతో చిన్న చిన్న భావాల ను సైతం సూక్ష్మ గ్రాహ్యత తో మీరు ఒడిసిపట్టుకున్న తీరు కు మనస్సు ఆనంద తరంగితం అవుతూంది’ అని ప్రధాన మంత్రి తన లేఖ లో రాశారు.

ప్రస్తుత కష్ట కాలం లో ప్రజల ఆరోగ్యం పట్ల, వారి సంక్షేమం పట్ల యువ చిత్రకారుడు వెలిబుచ్చిన అభిప్రాయాల ను ప్రధాన మంత్రి కొనియాడారు. ‘‘అందరికీ టీకాలు ఇప్పించేందుకు ఉద్దేశించిన ప్రచార కార్యక్రమం, క్రమశిక్షణ.. వీటితో పాటు 130 కోట్ల మంది భారతీయుల సమష్టి ప్రయాస లు మహమ్మారి కి వ్యతిరేకంగా మనం చేస్తున్న యుద్ధానికి బలాన్ని ఇస్తున్నాయి’’ అని ప్రధాన మంత్రి రాశారు.

సకారాత్మకత ను వ్యాపింపజేయడం కోసం శ్రీ స్టీవెన్ చేసిన ప్రయాస ను చూసి ప్రజలు ప్రేరణ ను పొందగలరన్న ఆశాభావాన్ని ప్రధాన మంత్రి వ్యక్తం చేశారు.

శ్రీ స్టీవెన్ తన లేఖ లో గత 15 సంవత్సరాలు గా తాను చిత్రలేఖనాన్ని కొనసాగిస్తున్నానని, మరి వివిధ స్థాయిల లో 100 కు పైగా పురస్కారాల ను గెలిచానని తెలియజేశారు. ప్రధాన మంత్రి తన కు ప్రేరణ గా నిలచారని ఆయన అభివర్ణిస్తూ, కరోనా కు వ్యతిరేకం గా పోరాడడం లో భాగం గా భారతదేశం నిర్వహిస్తున్న అందరికీ టీకాలు కార్యక్రమాన్ని ప్రశంసించారు.

స్టీవెన్ హారిస్ పంపించిన చిత్రలేఖనాల ను ఈ కింద చూడవచ్చును.

***