হকশেল অমসুং য়াইফ-য়ুম্বাল মন্ত্রালয়
হৌখিবা পুং ২৪দা ভেক্সিন দোজ লাখ ৮৮.১৩ হেন্না কাপ্তুনা ভারতনা হৌজিক ফাওবগী ওইনা নোংমদা খ্বাইদগী মশিং য়াম্না ভেক্সিন কাপ্পগী অনৌবা পন্দোল লোমখ্রে
অপুনবা ভারত মচা অহল মীশিংগী ৪৬% অহানবা দোজ কাপখ্রে অদুগা ১৩%না দোজ অনিমক কাপখ্রে
Posted On:
17 AUG 2021 1:18PM by PIB Imphal
মশক নাইবা পন্দোল অমা লান্দনা ভারতনা ঙরাং ওগস্ত ১৬, ২০২১দা খ্বাইদগী চাউবা ভেক্সিনেসন দ্রাইব অসিগী মখাদা ভেক্সিন দোজ লাখ ৮৮ (৮৮,১৩,৯১৯) রোম কাপ্পা ঙমখ্রে।
হৌজিক চত্থরিবা ভেক্সিনেসনগী তাঙ্কক অসি জুন ৭, ২০২১দা লাউথোক্লদুনা ইকায়খুম্নরবা প্রধান মন্ত্রীনা মীপুম খুদিংমক্না ভেক্সিন কাপথোক্নবা অমদি কোবিদ-১৯ ভেক্সিন কাপ্পা য়ারবা মী অতৈবুসু ভেক্সিন কাপথোক্নবগীদমক পুক্নিং থৌগৎনবা ৱাফম থমখিবনি। ঙসিগী মায় পাকপা অসিনা কোবিদ-১৯ লাইচৎ অসি থেংনবদা ভারত লৈঙাক্তা মীচম মীয়াম্না থম্লিবা থাজবা অদু উৎলে। কেন্দ্র লৈঙাক্না লৈবাক শিনবা থুংনা কোবিদ-১৯ ভেক্সিনেসনগী খোঙজেল য়াঙ্খৎহনবা অমদি মীৎয়েং পাকথোক চাউথোকহন্নবা ফিরেপ লৌরি। স্তেত অমসুং য়ু.তি.শিংদা মখোয় মশানা হেন্না ফবা মওংদা থৌরাং তৌজনবা অমদি ভেক্সিন সপ্লাই চেন স্ত্রীমলাইন তৌনবা ভেক্সিন হেন্না ফংহন্দুনা অমদি ভেক্সিন লৈবা লৈতবগী ফীভম নুমিৎ ১৫নি মাঙজৌননবা উহন্দুনা ভেক্সিনেসন দ্রাইব অসি হেনগৎহল্লে।
ভেক্সিন দোজ লাখ ৮৮.১৩ হেন্না কাপথোক্তুনা অপুনবা কাপথোকখ্রবা ভেক্সিন দোজ করোর ৫৫.৪৭ (৫৫,৪৭,৩০,৬০৯)দা হেনগৎখ্রে। মসিনা তাকপদি ভারত মচা অহল ওইরবশিংগী ৪৬%না অহানবা দোজ ফংখ্রে। অদুগা ১৩%না দোজ অনিমক কাপথোক্তুনা কোবিদ-১৯দগী শাফনা লৈখ্রে হায়বনি।
****
(Release ID: 1746659)
Visitor Counter : 188
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam