સ્વાસ્થ્ય અને પરિવાર કલ્યાણ મંત્રાલય

ભારતે છેલ્લા 24 કલાકમાં 88.13 લાખથી વધુ રસી ડોઝ આપવાની સાથે અત્યાર સુધીના સૌથી વધુ એક દિવસમાં રસીકરણની ટોચ પર પહોંચ્યું


તમામ પુખ્ત ભારતીયોમાંથી 46% ને પ્રથમ ડોઝ મળ્યો છે જ્યારે 13% પુખ્ત ભારતીયોને રસીના બંને ડોઝ મળ્યા છે

Posted On: 17 AUG 2021 1:18PM by PIB Ahmedabad

સીમાચિહ્નરૂપ સિદ્ધિમાં ગઇકાલે 16 ઓગસ્ટ, 2021ના ​​રોજ સૌથી મોટા રસીકરણ અભિયાન હેઠળ લગભગ 88 લાખ (88,13,919) ડોઝ આપવામાં આવ્યા છે.

7 જૂન, 2021ના ​​રોજ રસીકરણના વર્તમાન તબક્કાની જાહેરાત કરતી વખતે માનનીય પ્રધાનમંત્રીએ તમામ નાગરિકોને સ્વયં રસી લેવા અને કોવિડ -19 રસી લેવા માટે પાત્ર અન્ય લોકોને પ્રોત્સાહિત કરવા માટે આહ્વાન કર્યું હતું. આજની સિદ્ધિ કોવિડ-19 રોગચાળા સામેની લડાઈમાં ભારતના લોકો દ્વારા સરકાર પર મુકવામાં આવેલા વિશ્વાસને દર્શાવે છે. કેન્દ્ર સરકાર રાષ્ટ્રવ્યાપી કોવિડ-19 રસીકરણ અભિયાનની ગતિને વધારવા અને વિસ્તૃત કરવા માટે પ્રતિબદ્ધ છે. વધુ રસીઓની ઉપલબ્ધતા, રસીઓની સપ્લાય ચેઇનને વધુ સુવ્યવસ્થિત કરવા માટે રાજ્યો અને કેન્દ્રશાસિત પ્રદેશોને રસીની ઉપલબ્ધતાની 15 દિવસ અગાઉથી દૃશ્યતા દ્વારા રસીકરણ અભિયાનને તીવ્ર બનાવવામાં આવ્યું છે.

88.13 લાખ ડોઝથી વધુ ડોઝના સંચાલન સાથે સંચિત રસીકરણ કવરેજ વધીને 55.47 કરોડ (55,47,30,609) થઈ ગયું છે. આ અંતર્ગત તમામ પુખ્ત ભારતીયોમાંથી 45% ને પ્રથમ ડોઝ મળ્યો છે. તમામ પુખ્ત ભારતીયોમાંથી 13% ને રસીના બંને ડોઝ મળ્યા છે અને તેઓ કોવિડ-19 સામે સુરક્ષિત છે.

 

SD/GP/BT



(Release ID: 1746631) Visitor Counter : 202


Read this release in: English , Urdu , Marathi , Hindi , Bengali , Manipuri , Punjabi , Tamil , Telugu , Kannada , Malayalam