প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং ইজরেলগী প্রধান মন্ত্রী, ঐচ.ই. নাফতালি বেন্নেতনা ফোনদা ৱারি শানখ্রে
Posted On:
16 AUG 2021 9:20PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ইজরেলগী প্রধান মন্ত্রী, ঐচ.ই. নাফতেলি বেন্নেতকা ফোনদা ৱারি শানখ্রে৷
হন্দক চহি অসিগী হৌরকপা শরুক্তা ঐচ.ই. বেন্নেতনা ইজরেলগী প্রধান মন্ত্রী ওইনা থৌ পুরকখিবা অদুদা প্রধান মন্ত্রীনা মহাক্কী থাগৎ-ৱাহৈ ফোংদোকখিবশিং অদু হঞ্জিন-হঞ্জিন পনখি৷
হৌখিবা চহিশিংদা লৈবাক অনি অসিগী মরক্তা লৈরিবা মরীগী ফিভম ফগৎলকখিবা অসিদা লিদরশিংনা অপেনবা ফোংদোক্নখি৷ লৌউ-শিংউ, ইশিং, দিফেন্স অমসুং সেক্যুরিতী, অমসুং সাইবর-সেক্যুরিতীগী এরিয়াশিংদা ইজরেলগা নিংথিনা কোওপরেসন পীনরিবা অদুদা ভারতনা মমল লৈনা লৌই হায়না প্রধান মন্ত্রীনা ফোংদোকখি৷
লিদর অনিমক্না হাই-তেক্নোলোজী অমসুং ইন্নোবেসনগী এরিয়াশিং অসিদা মখাতানা কোওপরেসন পীনবগী ওইথোকপা লৈ হায়না য়ানখি৷ হিরম অসিগী মতাংদা লৌখৎপা য়াবা খোঙথাংশিং মখোয়না খন্ন-নৈনখি অমসুং ফোরেন্দ মন্ত্রালয় অনি অসিনা ভারত-ইজরেল স্ত্রাতিজিক পার্তনরশিপ অসি মখাতানা অফবা ফিভম অমদা থম্নবগী রোদমেপ অমা শেম্নবা হোৎনরগনি হায়না ৱারেপখি৷
মথংগী চহি অসিদা ভারত অমসুং ইজরেলগী মরক্তা দিপ্লোমেতিক রিলেসনশিং থম্লকপা চহি ৩০ শুরগনি হায়বসি নিংশিংবা ওইনা, ঐচ.ই. বেন্নেতনা ভারত্তা লাকপিনবগী ইনবাইতেসন অমা প্রধান মন্ত্রীনা পীখি৷
লাক্কদৌরিবা জিৱিশ ফেস্তিবেল রোশ হশানাহ অসিগীদমক প্রধান মন্ত্রীনা ঐচ.ই. বেন্নেত অমসুং ইজরেলগী প্রজা মীয়ামদা য়াইফ মঙ্গোল পীখ্রে৷
*****
(Release ID: 1746532)
Visitor Counter : 185
Read this release in:
Tamil
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Telugu
,
Kannada
,
Malayalam