প্রধান মন্ত্রী, শ্রী নরেন্দ্র মোদীনা ২০২১গী ওগস্তকী ১২গী নুমিৎয়ুংবা মতুং পুং ১২:৩০ তাবা মতমদা ‘আত্মনির্ভর নারীশক্তি সে সমবাদ’ অমসুং দীনদয়াল অন্ত্যোদয়া য়োজনা- নেস্নেল রুরেল লাইবলিহুদ মিসন (দি.এ.ৱাই.-এন.আর.এল.এম.)গী মখাদা মতেং পীবা নুপীগী সেলফ হেলপ গ্রুপ (এস.ঐচ.জি.)গী মেম্বর/কম্ম্যুনিতীগী মরুওইবা মীওইশিংগা ভিদিও কনফরেন্সকী খুৎথাংদা উনগনি। থৌরম অসিগী মনুংদা, প্রধান মন্ত্রীনা লৈবাক পুম্বগী নুপী এস.ঐচ.জি মেম্বরশিংগী মায় পাকখিবগী ৱারী অমসুং য়ুনিভর্সলাইজেসন ওফ ফার্ম লাইবলিহুৎকী হেন্দবুক অমগা লোয়ননা ফোংগনি।

প্রধান মন্ত্রীনা এস.ঐচ.জি লাখ ৪গী মথক্তা কেপিতেলাইজেসন সপোর্ত ফন্দসু ফোংগনি। মখা তানা মহাক্না ফুদ প্রোসেসিং ইন্দস্ত্রী মিনিস্ত্রীগী পি.এম.এফ.এম.ই. (পি.এম. ফোর্মালাইজেসন ওফ মাইক্রো ফুদ প্রোসেসিং এন্তরপ্রাইসেস)কী মখাদা এস.ঐচ.জি ৭৫০০ মেম্বরগীদমক লুপা কোতি ২৫গী শেনফম অমসুং মিসন অসিগী মখাদা মতেং পীবা এফ.পি.ও. (ফার্মর প্রদুসর ওর্গানাইজেসন)দা ফন্দ ওইনা লুপা কোতি ৪.১৩ থাদোক্কদৌরি।  

রুরেল দিবলপমেন্ত অমসুং পঞ্চায়াতি রাজকী কেন্দ্রগী মন্ত্রী শ্রী গীরিরাজ সিংহ; ফুদ প্রোসেসিং ইন্দস্ত্রীগী কেন্দ্রগী মন্ত্রী শ্রী পশুপতি কুমার পরস; রুরেল দিবলপমেন্তগী রাজ্যগী মন্ত্রী সধবী নিরঞ্জন  জ্যোতি অমসুং শ্রী ফাগ্গান সিংহ কুলাস্তে; এম.ও.এস. - পঞ্চায়াতি রাজ শ্রী কাপিল মোরেশ্বর পতিল অমসুং এম.ও.এস.- ফুদ প্রোসেসিং ইন্দস্ত্রীগী মিনিস্ত্রী , শ্রী প্রহলাদ সিংহ পতেলনা থৌরম অসিদা শরুক য়াগনি।

দি.এ.ৱাই.-এন.আর.এল.এম.গী মরমদা

দি.এ.ৱাই.-এন.আর.এল.এম.না খুঙ্গংগী লায়রবা য়ুম্থোং খুদিংদা ফেজ নাইনা সেলফ হেলপ গ্রুপ (এস.ঐচ.জি.)শিং শেমদুনা মতম শাংনা তেংবাং পীদুনা মখোয়গী পুন্সি মহিং হোংদোকহনবা, মখোয়গী ইনকম ফগৎহনবা অমসুং মখোয়গী পুন্সি মহিং ফগৎহন্নবা পান্দম থম্লি।  মিসন অয়াম্বা কম্ম্যুনিতী রিসোর্স পর্সন (সি.আর.পি.) অমা ওইনা – কৃশি সখিস, পশু সখিস, বেঙ্ক সখিস, বিমা সখিস, বেঙ্কিং করেস্পোন্দেন্ত সখিস অসিনচিংবদা ত্রেন ফংলবা এস.ঐচ.জি. নুপী মখোয় মশানা পীজবনি। মিসন অসিনা  এস.ঐচ.জি. নুপীদা দোমেস্তিক ভাইওলেন্স, নুপীগী মহৈ-মশিং অমসুং নুপা-নুপীগী ওইবা হিরম, চিঞ্জাক, লু-নানবা, হকশেলগী মরমদা পাউজেল পীদুনা মখোয়বু শক্তি লৈনবা থবকশিংসু পায়খৎলি।   

*****