প্রধান মন্ত্রী, শ্রী নরেন্দ্র মোদীনা ঙসি নুপীদা শক্তি পীনবগীদমক সরকারনা লৌখৎলিবা খুমাং চাউশিনবা থবকশিংগী মরমদা হায়খ্রে। মহাক্না হায় তঙাই ফদনা চংদবা য়াদ্রবা য়ুম, মৈ, ঈশিং, অমাংশঙ, গ্যাস, লম্বী-থোং, অনা লায়েংশঙ অমসুং মহৈ তম্ফমশঙশিং অসি লৈতবা মরম্না মরুওইনা লায়রবা নুপীশিংদা য়াম্না শাথিনা চৈথেং পীরি। ঙসিদি ঐখোয়না নিং-খা তম্বগী চহি ৭৫শুবা চংলকপা অসিদা অমসুং দিকেৎ তরেৎ অসিদা ঐখোয়না চাউখৎপা উবা ফংলি, হায়রিবা থেংনরিবা অৱাবশিং অসি দিকেৎ কয়াগী মমাংদা কোকহল্লম্বা য়াবনি, হায়না প্রধান মন্ত্রীনা হায়খি। ঙসি উত্তর প্রদেশকী মহোবাদগী উজ্জ্বলা ২.০ হৌদোকখ্রবা মতুংদা মহাক্না ভিদিও কনফরেন্সকী খুত্থাংদা হায়খি।

প্রধান মন্ত্রীনা হায় মদুদি নোং য়ুবা য়ুম, মৈ ফংদবা, ইমুংদা অনা-অয়েক য়াওরকপা, তোইলেৎকীদমক মম্বা ঙাইবা, স্কুলশিংদা তোইলেৎ লৈতবা অসিনা ঐখোয়গী ইমা ওইবীশিং অমসুং নুপীমচাশিংদা হকথেংননা চৈথেং ফংলি। প্রধান মন্ত্রীনা হায় মদুদি ঐখোয়গী মীরোল অসিনা ঐখোয়গী ইমা ওইবীশিংনা মৈখু অমসুং মৈশা মরক্তা ৱানা হৌরকপা থেংনরক্লি।

প্রধান মন্ত্রীনা ৱাহং অমা ওইনা হংখি মদুদি করিগুম্বা ঐখোয়গী ইনর্জী অসিনা হায়রিবা তঙাইফদবশিং অসিদা শিজিন্নরম্লবা, ঐখোয়গী নিং খা তম্বগী চহি ১০০ অসি কয়াদা মাংজিল থারমগদবনো। তঙাইফদবশিং অসিগী অৱাবা থেংনরিবা মখোয়না মতৌ করম্না মংলান চাউনা শাগৎতুনা মংফাওনবা ঙমগদৌরিবনো। মংলান অমা মংফাওনবা অসি সমাজ অমগী চংদবা য়াদবা অমনি হায়না লৌই। “আত্মাবিস্বাস (ইশানা ইশাবু থাজবা) লৈতনা মতৌ করম্না লৈবাক অমনা আত্মানির্ভর (মরোমদোম লেপচবা) ঙমগদৌরিবনো, হায়না প্রধান মন্ত্রীনা হংখি।   

শ্রী মোদীনা হায় মদুদি ২০১৪দা হায়রিবা ৱাহংশিং অসি ঐখোয় ইথন্তা হংজখি। হায়রিবা অসি ময়েক শেংনা খঙলে মদুদি থেংনরিবা অৱাবা অসি অকক্নবা মতমদা লোইশিনবা মথৌ তাই। মহাক্না হায় মদুদি ঐখোয়গী নুপীমচাশিংনা ইমুং অমসুং চাকখুমদগী থোলক্তুনা লৈবাক অসিবু শেমগৎপদা থৌদাং লৌবা অসি মখোয়না নুপীমচাশিংনা ইমুং অমসুং চাকখুমগা মরী লৈনবা থবকশিং হান্না লৈহনদ্রবা মতমদা ঙমগনি। মরম অদুনা, হৌখিবা চহি ৬-৭ অসিদা, সরকার অসিনা মিসন মোদ অমদা নুপীদা শক্তি পীনবা হোৎনবদা থেংনরিবা হিরমশিং কোক্নবা থবকশিং তৌরকখি। মহাক্না ইন্তর্বেন্সনশিং কয়া অমা পীরি মদুদি    

• স্বচ্ছ ভারত মিসনগী মখাদা লৈবাক শিনবা থুংনা তোইলেৎ কোতি অমা শাখ্রে
• লায়রবা ইমুংশিংগী মরু ওইনা নুপীগী মিংদা য়ুম কোতি ২ হেন্না শাখ্রে
• খুঙ্গংগী লম্বীশিং
• সৌভাগ্যা য়োজনাগী মখাদা ইমুং কোতি ৩ ইলেক্ত্রিসিতী পীখ্রে
• আয়ুশমান ভারতনা মীওই কোতি ৫০দা লুপা লাখ ৫ ফাওবা লেম্না লায়েং পীখ্রে
• মাত্রু বন্দনা য়োজনাগী মখাদা মীরোনবী নুপীশিংদা ভেক্সিনেসন অমসুং চান-থক্নবগীদমক হকথেংননা শেল ত্রান্সফর তৌখি
• কোরোনা মনুংদা সরকারনা জন ধন একাউন্তদা লুপা কোতি লিশিং ৩০ হাপখি
• জল জীবন মিসনগী মখাদা ঐখোয়গী ইচা-ইচলশিংদা পাইপকী ঈশিং ফংহনখি

মহাক্না হায় মদুদি হায়রিবা স্কীমশিং অসিনা নুপীগী পুন্সি মহিংদা য়াম্না চাউবা অহোংবা পুরকখি।

উজ্জ্বলা য়োজনাদগী ইচে-ইচলশিংগী হকশেল, খুদোংচাবা অমসুং শক্তি পীবদা চাউনা ইনোৎ হাপখি হায়না প্রধান মন্ত্রীনা হায়খি। স্কীম অসিগী অহানবা ফেজদা, লায়ররবা, দলিত, শোৎথরবা, বেকৱার্দ অমসুং ত্রাইবেল ইমুংশিংগী নুপী কোতি ৮দা লেম্না গ্যাস কন্নেক্সন পীখি। মহাক্না হায় মদুদি হায়রিবা গ্যাস কন্নেক্সন অসি কোরোনাগী লায়চৎ মনুংদা কান্নবা পীরি। লায়রবা ইমুং কোতি অমনা করবার লেপতুনা লৈরিঙৈ অমসুং চৎথোক-চৎশিন য়াদ্রবা মতমদা থা কয়া অমা লেম্না গ্যাস সিলিন্দর ফংখি। “খন্দুনা য়েংবিয়ু, উজ্জ্বলা অসি লৈরমদ্রবা, লায়ররবা ইচা-ইচলশিংগী ফীভম করি ওইরমগনি,” হায়না প্রধান মন্ত্রীনা হংখি।   

हमारी बेटियां राष्ट्रनिर्माण में व्यापक योगदान तभी दे पाएंगी, जब पहले घर और रसोई से जुड़ी समस्याएं हल होंगी। इसलिए, बीते 6-7 सालों में ऐसे हर समाधान के लिए मिशन मोड पर काम किया गया है। pic.twitter.com/Gi9fM7CXMj

— Narendra Modi (@narendramodi) August 10, 2021

***