প্রধানমন্ত্রীগী লোইশঙ

প্রধান মন্ত্রীনা ওগস্তকী তাং ১০দা উজ্জ্বলা ২.০ লোঞ্চ তৌরগনি

Posted On: 08 AUG 2021 4:56PM by PIB Imphal

২০২১, ওগস্তকী তাং ১০গী নুংথিল পুং ১২:৩০দা প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা উত্তর প্রদেশকী মাহোবাদা এল.পি.জি. কন্নেক্সনশিং খুৎশিন্নদুনা উজ্জ্বলা ২.০ (প্রধান মন্ত্রী উজ্জ্বলা য়োজনা-পি.এম.য়ু.ৱাই.) লোঞ্চ তৌরগনি৷ থৌরম অসিদা, প্রধান মন্ত্রীনা উজ্জ্বলাগী বেনিফিসরীশিংগা ৱারী-ৱতায় শানগনি অমদি লৈবাক অসিদসু ৱা ঙাংগনি৷

উজ্জ্বলা ১.০দগী উজ্জ্বলা ২.০ লাকখিবগী খোঙচৎ

২০১৬তা উজ্জ্বলা ১.০ লোঞ্চ তৌখিবা মতমদা, বি.পি.এল য়ুমথোংশিংগী মেম্বর নুপী কোতি ৫দা এল.পি.জি. কন্নেক্সনশিং পীনবা তার্গেৎ অমা থমখি৷ মতুং তারকপদা, স্কিম অসি ২০১৮গী এপ্রীল থাদা হেন্না চাওথোকহন্দুনা অহেনবা কাংলুপ তরেৎতগী ( এস.সি./এস.তি., পি.এম.এ.ৱাই., এ.এ.ৱাই., খ্বাইদগী শোত্থরবা কাংলুপশিং, তী গার্দেন, ফোরেস্ত দ্যুল্লরশিং, ইথৎশিং) নুপী বেনিফিসরীশিং হাপচিনখি৷ অদুগা তার্গেৎ অদু এল.পি.জি. কন্নেক্সন কোতি ৮দা শেমদোকখি৷ মসিগী তার্গেৎ অসি তার্গেৎ থম্লিবা নুমিৎ অদুদগী নুমিৎ তরেৎনি ৱাৎলিঙৈ ২০১৯গী ওগস্ত থাদা ফংবা ঙমখি৷

এফ.ৱাই. ২১-২২গী য়ুনিয়ন বদজেৎতা, পি.এম.য়ু.ৱাই. স্কিমগী মখাদা অহেনবা এল.পি.জি. কন্নেক্সন কোতি অমগা হাপচিন্নবগী প্রোবিজন লাওথোকখি৷ মসিগী অহেনবা কোতি অমগী পি.এম.য়ু.ৱাই. কন্নেক্সনশিং(উজ্জ্বলা ২.০গী মখাদা) অসিনা পি.এম.য়ু.ৱাই.গী মমাংগী ফেস্তা মনুং চলহৌদ্রবা য়াম্না ইনকম নেম্বা ইমুংশিংদা দিপোজিৎ-ফ্রী এল.পি.জি. কন্নেক্সনশিং পীনবা পান্দম থম্লি৷

দিপোজিৎ ফ্রী এল.পি.জি. কন্নেক্সন অমগা লোইননা, উজ্জ্বলা ২.০না বেনিফিসরীশিংদা লেম্না হোতপ্লেত অমসুং রিফিল তৌরবা গ্যাস পীগনি৷ অদুগা, এনরোলমেন্ত তৌবগী প্রোসিদ্যোর অদুদসু চে-চাংগী থবক য়াম্না চংদে৷ উজ্জ্বলা ২.০দা, মাইগ্রেন্তশিংনা রেসন কার্দশিং নত্রগা লৈফম য়াওবা প্রুফ পীশিনবগী দরকার ওইররোই৷ ‘ফেমিলী দিক্লারেসন’ অমসুং ‘লৈফমগী প্রুফ’ অনিমক্কী সেল্ফ-দিক্লারেসন অমনা মপুং ফারগনি৷ মীপুং খুদিংমক এল.পি.জি. শিজিন্নহনবা হায়বা প্রধান মন্ত্রীগী মংলান অদু মংফাওনহনবদা উজ্জ্বলা ২.০না মতেং পাংলগনি৷

পেত্রোলিয়ম অমসুং নেচরেল গ্যাসকী কেন্দ্রগী মন্ত্রী অমসুং উত্তর প্রদেশকী মুখ্য মন্ত্রীসু থৌরম অসিদা শরুক য়াগনি৷



(Release ID: 1743840) Visitor Counter : 261