থৌরাং অসিগী ওইনা অহানবা খোঙথাং অমা ওইনা প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা মপাল লৈবাক্কী ইন্দিয়ন মিসনশিংগী মকোকশিং অমসুং ত্রেদ অমসুং কম্মর্স সেক্তরগী স্তেকহোল্দরশিংগা লোইননা ৱারী শাখ্রে। ৱারী-ৱাতাই শাবগী থৌরম অসিদা কেন্দ্রগী কম্মর্সকী মন্ত্রী অমসুং মপাল থৌরম মন্ত্রীসু শরুক য়াখি। ৱারী-ৱাতাই শাবা অসিদা বিভাগ কুন হেনবগী সেক্রেতরীশিং, রাজ্য সরকারশিংগী ওফিসিএলশিং, এক্সপোর্ত প্রমোসন কাউন্সিল অমসুং চেম্বর্স ওফ কম্মর্সকী মেম্বরশিংনা শরুক য়াবা উবা ফংখি।

মীতিন অদুদা ৱা ঙাংলদুনা প্রধান মন্ত্রীনা হায় হৌজিক আজাদী কা অমৃত মহোৎসবলী মতমনি। নীংতমখিবগী চহি ৭৫শুরকপগী থৌরম পালন তৌবগা লোইননা আজাদী কা অহোৎসব অসিনা ভারতকী তুংলমচৎকীদমক ময়েক শেংবা পান্দম অমসুং রোদমেপ অমা শেমগৎনবা খুদোংচাবা অমা ওইরি। মসিদা ঐখোয়গী এক্সপোর্তকী মঙলানশিং অমসুং স্তেকহোল্দর পুম্নমক্না অচৌবা থৌদাং অমা লৌরি। মহাক্না মখা তারদুনা হায় ঙসি ফিজিকেল, তেক্নোলোজিকেল অমসুং ফাইনান্সিএল কনেক্তিবিতীনা মরম ওইরগা পীকশিলক্লি মালেম অসিদা ঐখোয়গী এক্সপোর্তশিং হেনগৎহনবগীদমক মালেমগী অকোইবদা অনৌবা ওইথোকপা য়াবশিং পুথোক্লি। থৌরাং অসিগীদমক মহাক্না স্তেকহোল্দরশিংবু থাগৎখি অমসুং এক্সপোর্তশিংগী মতাংদা ঐখোয়গী অচৌবা পান্দমশিং অসি ফংনবা হোৎনবদা মখোয় পুম্নমক্না থৱাই য়াওখিবা, উৎখিবা ওপ্তিমিজম অমসুং কম্মিৎমেন্ত অসি থাগৎখি। ভারতনা মমাংঙৈদা গ্লোবেল ইকনোমীদা খ্বাইদগী চাউবা শিয়র পাইখিবগী মরু ওইবা মরম অসি মাগী মপাঙ্গল কনবা ত্রেদ অমসুং এক্সপোর্তননি হায়না মহাক্না নীংশিংখ্রে। মহাক্না গ্লোবেল ইকনোমীদা ঐখোয়গী অরিবা শিয়র অসি অমুক হন্না ফংনবা ঐখোয়গী এক্সপোর্ত মপাঙ্গল কনখৎহনবগী মথৌ তাবা অদুগী মতাংদা অকনবা ৱাফম ফোঙদোকখি।

প্রধান মন্ত্রীনা পোস্ত কোবিদকী গ্লোবেল ৱর্ল্দতা গ্লোবেল সপ্লাই চেনদা অহোংবশিং লাকখিবনা পীরিবা অনৌবা খুদোংচাবশিংগী কান্নবা লৌনবা স্তেকহোল্দরশিংদা মখোয়না অঙম্বা থাক্তা হোৎননবা ফোঙদোকখি। ঐখোয়গী শেন্মীৎলোনগী সাইজ, ঐখোয়গী মতিক-ময়াই, ঐখোয়গী মেন্যুফেকচরিং অমসুং সর্ভিস ইন্দস্ত্রী বেজ অসি য়েংলুরবদি মসিদা এক্সপোর্ত গ্রোথকী মতিক-ময়াই য়াম্না লৈ। লৈবাক অসিনা আত্মনির্ভর ভারতকী মিসনগী মাইকৈদা চংশিল্লিবা মতম অসিদা মসিগী পান্দমশিংগী মনুংদা এক্সপোর্ত্তা ভারতকী শিয়র অসি শরুক কয়া থোক্না হেনগৎহনবা হায়বা অসি অমা ওইরি। মহাক্না হায় মসি ফংনবা ঐখোয়না গ্লোবেল সপ্লাই চেনদা ঐখোয়না এক্সেস ফংবা তাই মসিনা ঐখোয়গী বিজিনেসকী স্কেল চাউথোকপা অমসুং চাউখৎপা ঙমগনি। মহাক্না মখা তারদুনা হায় ঐখোয়গী ইন্দস্ত্রীনা খ্বাইদগী অফবা তেক্নোলোজীগী মাইকৈদা চংশিনগদবনি, ইনোভেসনদা মীৎয়েং থমদুনা আর এন্দ দি দা শিয়র হেনগৎহনগদবনি। মহাক্না হায় লম্বী অসিদা চৎলবতদা ঐখোয়না গ্লোবেল ভেল্যু চেন্দা ঐখোয়গী শিয়র হেনগৎহনবা ঙমগনি। কম্পিতিসন অমসুং এক্সিলেন্স থৌগৎপগা লোইননা ঐখোয়না সেক্তর খুদিংমক্তা গ্লোবেল চেম্পিয়নশিং শেমগৎপা তাই হায়না মহাক্না অকনবা ৱাফম ফোঙদোকখি।

প্রধান মন্ত্রীনা এক্সপোর্ত হেনগৎহন্নবা য়াম্না মরু ওইবা ফেক্তর মরি  থমখি। লৈবাক অসিদা মেন্যুফেকচরিং শরুক কয়া থোক্না হেনগৎহনবা অমসুং মদু ক্বালিতেতি ওইবা কম্পিতিসন ওইহনবা। অনিশুবদা, ত্রান্সপোর্তকী, লোজিস্তিক্সকী ওইবা অপনবশিং অসি কোকহনবা, মসিগীদমক কেন্দ্র, রাজ্যশিং অমসুং প্রাইবেৎ স্তেকহোল্দরশিংনা কন্না হোৎনমিন্নবা তাই। অহুমশুবদা – এক্সপোর্তরশিংগা লোইননা সরকারনা খুৎশম্নদুনা চৎপা। অমসুং মরিশুবা অসিনা ভারতকী প্রদক্তশিংগীদমক ইন্তরনেস্নেল মার্কেৎ অমা লৈবা। মহাক্না হায় ফেক্তর মরি অসি সীনর্জাইজ তৌরবা মতমতদা বারতনা মালেমগীদমক মেক ইন ইন্দিয়াগী পান্দম ফংবা ঙমগনি।

ঙসি প্রধান মন্ত্রীনা লৈবাক অসিদা, রাজ্যশিংদা সরকার অসিনা বিজিনেস ৱর্ল্দগী মথৌ তাবশিং অদু খঙলদুনা খুমাং চাউশিল্লি। মহাক্না সরকার অসিনা এম.এস.এম.ই.শিং থৌগৎনবা লৌখৎপা থৌরাংশিং অদু পনখি, খুদম ওইনা আত্মনির্ভর ভারত অভিয়ানগী মখাদা কম্প্লাইন্সশিংদা রেলেক্সেসন কয়া পীবা অমসুং লুপা করোর লাখ ৩গী ইমর্জেন্সী ক্রেদিৎ লাইন গরেন্তী স্কীমগী প্রোভিসিন অসিনি। প্রদক্সন লিঙ্ক ইনসেন্তিব স্কীমনা ঐখোয়গী মেন্যুফেকচরিংগী স্কেলতা নত্তনা গ্লোবেল ক্বালিতী অমসুং ইফিসিয়েন্সীগী চাংসু হেনগৎহনবদা মতেং ওইগনি হায়নসু মহাক্না ফোঙদোকখি। মসিনা আত্মনির্ভর আরতকী অনৌবা ইকোসিস্তেম অমা দিবেলপ তৌবা ঙমহনগনি। লৈবাক অসিনা মেন্যুফেকচরিং অমসুং এক্সপোর্ত্তা অনৌবা গ্লোবেল চেম্পিয়নশিং পুথোকপা ঙম্লগনি। মহাক্না প্রদক্সন লিঙ্ক ইনসেন্তিবসনা মোবাইল ফো শারিবা সেক্তরদা করম্না মপাঙ্গল হাপকনি হায়বগী মতাংদসু ফোঙদোকখি। মোবাইল ফোন সেক্তরদসু ঐখোয়না মসিগী শাফু উবা ফংলি। চহি ৭কী মমাংদা ঐখোয়না দোলর বিলিয়ন ৮রোমগী মোবাইল ফোন ইম্পোর্ত তৌরমখি। হৌজিক্তি মসি দোলর বিলিয়ন ২দা হন্থখ্রে। চহি ৭কী মমাংদা ভারতনা দোলর বিলিয়ন ০.৩ খক্তগী মোবাইল ফোনশিং এক্সপোর্ত তৌরমখি। হৌজিক্তি মসি দোলর বিলিয়ন ৩দা হেনগৎখ্রে।

প্রধান মন্ত্রীনা হায় কেন্দ্র অমসুং রাজ্য অনিমক্তা লৈরিবা সরকার অসিনা লৈবাক অসিগী লোজিস্তিক্সকী মতম অমসুং মমল হন্থহন্নবা হোৎনবদা মীৎয়েং চংলি। মল্তিমোদেল কনেক্তিবিতী লৈহন্নবা মসিগীদমক থাক খুদিংমক্তা থবক খোঙজেল য়াংনা পাইখৎলি।

প্রধান মন্ত্রীনা হায় লাইচৎনা পীবা চৈথেং হন্থহন্নবা সরকার অসিনা লেপ্তনা হোৎনরি। ভাইরস অসি লাকশিনদুনা থম্নবা ঐখোয়না কন্না হোৎনরি। ঙসি লৈবাক অসিদা ভেক্সিনেসনগী থবক খোঙজেল য়াংনা চংশিল্লি। ইরৈবাকচাশিং অমসুং ইন্দস্ত্রীগী সমস্যা পুম্নমক কোকহন্নবা লৌখৎপা য়াবা খোঙথাং খুদিংমক লৌখৎলি। মহাক্না মখা তারদুনা হায়খি, ঐখোয়গী ইন্দস্ত্রী অমসুং বিজিনেসনা মতম অসিগী মনুংদা অনৌবা শীংনবশিং অসি এদাপ্ত তৌদুনা অনৌবশিং পুথোক্লি। ইন্দস্ত্রীনা লৈবাক অসিনা মেদিকেল ইমর্জেন্সী থেংনবদা মতেং পাংখি অমসুং গ্রোথ হিংগৎহনবদা থৌদাং লৌখি। মসিনা মরম ওইরগা ঙসি দ্রগস অমসুং ফার্মাকোতিকেলশিংগা লোইননা ঐখোয়গী এক্সপোর্ত অসি লৌউ-শিংউগুম্বা সেক্তরশিংদা অনৌবা থাক অমা য়ৌবা ঙমখি। মহাক্না হায় ঙসি ঐখোয়না শেন্মীৎলোন ফগৎলকপতা নত্তনা গ্রোথ হেনগৎলকপগী অফবা খুদমশিং উবা ফংলি। মরম অসিনা মসি এক্সপোর্তকী অৱাংবা পান্দমশিং থম্নবা অমসুং মসি থুংহন্নবা চপ চাবা মতম অমা ওইরে। মহাক্না হায় সরকারনা থাক খুদিংমক্তা মসি ফংবা ঙম্নবা মথৌ তাবা খোঙথাংশিং লৌখৎলি। হন্দক্তা সরকারনা এক্সপোর্তরশিংগী মতাংদা অচৌবা ৱারেপ অমা লৌখি। ৱারেপ অসিদগী ঐখোয়গী এক্সপোর্তরশিংনা ইন্সুরেন্দ কভরগী মওংদা চাউরাক্না লুপা করোর লিশিং ৮৮গী বুস্ত ফংলগনি। মসিগা মান্ননা এক্সপোর্ত ইন্সেন্তিবশিং অসি রেস্নেলাইজ তৌবনা, দবল্যু.তি.ও. কম্প্লাইয়েন্ত শেম্বনসু ঐখোয়গী এক্সপোর্ত অসিবু থৌগৎকনি।

প্রধান মন্ত্রীনা বিজিনেস তৌবদা স্তেবিলিতী লৈবগী মরু ওইবা অদু থমখি। মহাক্না হায়, ভারত সরকারনা হান্নগী তেক্সেসন মুত্থৎনবা লৌখিবা ৱারেপ অসিনা ঐখোয়গী কমিতমেন্ত উৎলি, পোলিসীশিংদা লৈরিবা কনসিস্তেন্সী উৎলি অমসুং ইনভেস্তর পুম্নমক্তা ভারতনা অনৌবা ওইথোকপা য়াবশিংগী থোংশিং হাংবতা নত্তনা পুক্নীং লেপ্পা ভারত সরকারনা মখোয়গী ৱাশকশিং থুংহনবগা ঙম্মি হায়বগী ময়েক শেংবা পাউজেল অমা পীখ্রে:

প্রধান মন্ত্রীনা এক্সপোর্তকী পান্দমশিং ফংনবা হোৎনবদা অমসুং অওনবশিং অসি ইমপ্লিমেন্ত তৌবদা, ইনভেস্তমেন্ত লাকহনবদা, ইজ ওফ দুইং বিজিনেস লৈহনবদা অমসুং লাস্ত মাইল ইনফ্রাস্ত্রকচর শেমগৎপদা রাজ্যশিংগী থৌদাং লৈ হায়না ফোঙদোকখি। মহাক্না হায় রিগুলেতরীগী ওইবা পোৎলুম অসি হন্থহন্নবা কেন্দ্র সরকারনা রাজ্যশিংগা লোইননা খুৎশম্নদুনা হোৎনরি। রাজ্যশিংদা এক্সপোর্ত হনশিং শেমগৎনবা রাজ্যশিংগী মরক্তা অফবা মওংদা লম্বা তৌননবা থৌগৎলি। রাজ্যশিংদা মখোয়গী জিলা অমমমগী প্রদক্ত অমমমদা মীৎয়েং চংনবা থৌগৎলি।

প্রধান মন্ত্রীনা হায় এক্সপোর্তকা মরী লৈননা ঐখোয়গী অচৌবা পান্দম অসি হোলিস্তিক অমসুং অকুপ্পা এক্সন প্লানগী খুত্থাংদা ফংবা ঙমগনি। মহাক্না স্তেকহোল্দরশিংদা ঐখোয়গী লৈরিবা এক্সপোর্তশিং অসি মথৌ হেনগৎহন্নবা অমসুং কৈথেলশিং শেমগৎনবা থবক পাইখৎনবা, অনৌবা পোত্থোকশিংগী অনৌবা পন্থুংফমশিং শেমগৎনবা পুক্নিং চিংশিনখি। হৌজিক্কী ওইনা ঐখোয়গী এক্সপোর্তরশিংগী তঙ্খাই অমগী অচৌবা পন্থুংফম ৪ খক্তা লৈ। মসিগা মান্ননা ঐখোয়গী এক্সপোর্তকী চাদা ৬০দি ইঞ্জিনিয়রিংগী পোৎলমশিং, মনি মুক্তা অমসুং সনা লুপা, পেত্রোলিয়ম অমসুং কেমিকেলগী পোত্থোকশিং অমসুং ফার্মাকোতিকেলশিংগা মরী লৈনৈ। মহাক্না অনৌবা পন্থুংফমশিং থীনবা অমসুং মালেমদা ঐখোয়গী অনৌবা পোত্থোকশিং য়ৌহন্নবা পুক্নিং চিংশিনখি। মহাক্না মখা তারদুনা হায় মাইনিং, কোল, দিফেন্স, রেলৱেজ গুম্বা সেক্তরশিং হাংদোকরকপনা ঐখোয়গী ওন্তপ্রিনোরশিংদা এক্সপোর্তশিং হেনগৎহন্নবা অনৌবা খুদোংচবশিং ফংহল্লে।

কেন্দ্রগী এক্সতর্নেল এফিয়র্স মন্ত্রালয়গী অম্বেসেদরশিং, ওফিসিএলশিংদা প্রধান মন্ত্রী হায় মখোয়না লৈবাক অমহেক্তগী মহুৎ শিন্দুনা লৈরবসু মখোয়না লৈবাক অদুগী তঙাইফদবা অদু মুন্না খংই। মহাক্না মখোয়না মসিদা কম্মর্স ইন্দ্রস্ত্রীগী মরী অমা শমজিন্নবা থৌদাং লৌনবা খংহনখি। তোঙান তোঙানবা লৈবাকশিংদা লৈরিবা ভারতকী হাউসশিং অসি ভারতকী মেন্যুফেকচরিং পাৱরগী মীহুৎ ওইনসু মথৌ তৌগদবনি। ঐখোয়গী এক্সপোর্তরশিং অমসুং মিসনশিংগী মরক্তা তৎতনা পাউ ফাওননবা সিস্তেম অমা শেমগৎনবা কম্মর্স মন্ত্রালয়দা খংহনখি।

প্রধান মন্ত্রীনা ঐখোয়গী এক্সপোর্তশিংদগী য়াম্না চাওনা কান্নবা ফংনবগী মতাংদা ফোঙদোক্লদুনা ঐখোয়গী লৈবাক মনুংদসু অপনবা লৈতবা অমসুং অফবা মখলগী ক্বালিতী চেন অমা শেম্বা মথৌ তাই হায়না ফোঙদোকখি। মসিগীদমক্তা ঐখোয়না অনৌবা মরী অমা অমসুং অনৌবা পার্তনরশীপ অমা শেমগৎপা মথৌ তাই। এক্সপোর্তর খুদিংমক্তা ঐখোয়গী এম.এস.এম.ই.শিং, লৌমীশিং অমসুং ঐখোয়গী ঙামীশিংগা মরী ফগৎহন্নবা অমসুং স্তার্তঅপশিং প্রমোৎ তৌনবা অমসুং মখোয়বু মতেং পাংনবা খংহনখি।  

প্রধান মন্ত্রীনা ক্বালিতী অমসুং রিলাইএবিলিতীগী অনৌবা মশক অমা শেমগৎনবা পুক্নিং চিংশিনখি। মহাক্না হায় মালেমগী কাচিন কোইয়া শিনবা থুংনা ঐখোয়গী মমল য়াম্লবা পোত্থোকশিং ফংহন্নবা মহৌশাগী ওইবা দিমান্দ অমা শেম্বা হায়বসি ঐখোয়গী তঙাইফদ্রবা থৌদাং অমনি। মহাক্না ইন্দস্ত্রী, এক্সপোর্তর খুদিংমক হীরম খুদিংমক্তা সরকারনা মতেং পাংগনি হায়না থাজবা পীখি। মহাক্না আত্মনির্ভর ভারত অমসুং প্রোপেরস ভারত অমা পুরক্নবা ইন্দস্ত্রীশিংগী পুক্নিং চিংশিনখি।   

কেন্দ্রগী এক্সতর্নেল এফিয়র্স মন্ত্রী শ্রী এস. জয়শঙ্করনা থৌরম অসিগী অখন্নবা অদু মীয়াম মমাংদা থমখি। মহাক্না হায় থৌরম অসিগী নুংগী ওইবা ৱারোল অসি লোকেল গোজ গ্লোবেল ওইবনা ইন্দিয়ন মিসন্সনা অকক্নবা লৈবাকশিংগী দিমান্দগা লোইননা ঐখোয়গী পোত্থোক পুথোক্লিবশিংগা কন্নেক্ত তৌবদা মতেং পাংনবা আলেমগী ওইনা লোকেল ওইবা মথৌ তাই।  কেন্দ্রগী কম্মর্স মন্ত্রী শ্রী পিয়ুশ গোয়লনা হায় মালেমগী ইনভাইরনমেন্ত অসি ঐখোয়গা চুনবা ওইরে অমসুং ঐখোয়গী এক্সপোর্তশিং হেনগৎহন্নবা অতোইপ্পা লৈবাকশিংগা য়েংনবদা ঐখোয়গী কম্পেরেতিব অমসুং কম্পিতিতিবকী ওইবা খুদোংচাবশিংদা লেভরেজ পীনবা মীৎয়েং চংগদবনি।   

ইন্দিয়ন মিসনগী মকোকথোংবশিংনা ভারতকী এক্সপোর্তশিং হেনগৎহন্নবা মখোয়গী ইনপুৎ অমসুং সজেসনশিং পীখি। মখোয়না সেক্তর সেমগৎপা অমসুং অকক্নবা মফমগী ললোল-ইতিক্কী তার্গেৎশিং, ভেল্যু এদিসন্দা মীৎয়েং চংবা মথৌ তাবা, প্রদক্তশিংগী ক্বালিতী স্তেন্দর্দশিং, সপ্লাই চেন দাইভর্সিফিকেসন, সপ্লাইশিংদা রিলএলাইবিলিতী পীবা অমসুং কন্নেক্তিবিতী ফগৎহনবগী মতাংদা খন্নখি। মখোয়না হায় অনৌবা কৈথেলশিং অমসুং অকক্নবা মফমগী প্রক্তশিংদা মীৎয়েং চংবা মথৌ তাই অদুগা মসিগা লোইননা মফমশিং অমসুং প্রদক্তশিংদা ঐখোয়না অতোপ্পগা হীদান্নবা অসি হৌজিক্কী ওইনা ঙাক্না থম্লি।

***