প্রধানমন্ত্রীগী লোইশঙ

পি.এম. মোদীনা নৌনা ৱাশক লৌখ্রবা মন্ত্রীশিং রাজ্য সভাদা মশক তাক্নবগী থমখিবা ৱারোল

Posted On: 19 JUL 2021 3:15PM by PIB Imphal

ইকাই খুম্নরবা সভাপতিজী,

অদোম্না হাউসতা মন্ত্রী-মন্দলগী নৌনা ৱাশক লৌখ্রবা মেম্বরশিং মশক তাক্নবা ঐঙোন্দা য়াথং পীবীখি।

ঙসি হাউস্তা পাঙথোক্লিবা অসিগুম্বা থৌরম অমদা লৈবাক অসিগী খুঙ্গংদগী হৌরকপা লৌমীগী ইমুং-মনুংগী মচা-মসুনা ইকাই খুম্নরবা হাউস অসিদা ঙসি মন্ত্রী ওইনা মশক তাক্লি, মসিদা মীওই খরা অমনা নুংঙাইতবা ফাওরি।

ঙসি হাউস অসিদা মন্ত্রী ওইনা ৱাশক লৌখ্রবা নুপীশিং মশক তাক্লি। এন্তি-ৱুমেনগী ৱাখল্লোন লৈবনা মরম ওইদুনা হাউস্তা নুপীগী মমিং ফাওবা তানীংলমদে, মসিনা মহাক্না মশাবু মশক তাকচবা ঙমহনখিদে।

ইকাই খুম্নরবা সভাপতিজী,

সেদ্যুল্দ ত্রাইবতগী মশিং য়াম্লবা ঐখোয়গী এম.পি.শিংনা মন্ত্রী ওইরক্লি। ঐখোয়গী আদিৱাসীশিংগী মায়োক্তা লৈবা মখোয়গী অশাউবনা আদিৱাসীশিংবু ইকাই খুম্নরবা হাউস অসিদা মন্ত্রী ওইনা মশক তাকপদা মখোয়না পামদে।

ইকাই খুম্নরবা সভাপতিজী,

মশিং য়াম্লবা দলিত মন্ত্রীশিং হাউস অসিদা মশক তাক্লি। মখোয়না দলিত খুন্নাইগী মীহুৎশিংগী মমিংশিং তাবা পামদে। দলিতশিংবু, আদিৱাসীশিংবু অমসুং লৌমীগী মচাবু চাউথোকচবা পোকহনবা পামদ্রিবা ৱাখল্লোন অসি করিনো। নু্পীশিংবু ইকাই খুম্নবা উৎপা পামদ্রিবা ৱাখল্লোন অসি করিনো। অসিগুম্বা চাউখৎপা ৱাৎপগী ৱাখল্লোন অসি হাউস্তা অহানবা ওইনা উবা ফংখি।

অমসুং মরম অসিনা ইকাই খুম্নরবা সভাপতিজী,

অদোম্না ইশক তাকচনবা খুদোংচাবা পীবীখিবগীদমক ঐহাক্না তৌবীমল খংবা চৎচরি অদুবু ইকাই খুম্নরবা সভাপতিজী রাজ্য সভাদা নৌনা ৱাশক লৌখ্রবা মন্ত্রী-মন্দলগী মেম্বরশিংবু ইন্তর্দ্যুস তৌহনবীয়ু।

*****



(Release ID: 1736863) Visitor Counter : 30