প্রধানমন্ত্রীগী লোইশঙ
প্রধান মন্ত্রীনা বরানাসিদা চাওখৎ থৌরাং কয়াগী প্রোজেক্তশিং শঙ্গাখ্রে অমসুং উরেপ উয়ুং তমখ্রে
কাশি অমসুং উত্তর প্রদেশপু লায়চৎ অসি লান্থেংনবদা মখোয়না হোৎনরিবা অসিদা থাগৎপা ফোংদোকখ্রে
কাশি অসি পুর্বনচলগী চাওরবা মেদিকেলগী মফম অমা ওইরক্লি: পি.এম.
ইমা গঙ্গা অমসুং কাশি লু-নান্না শেংদোক্তুনা ফজহনবা অসি আসা অমনি অমসুং হান্না পায়খৎকদবনি: পি.এম.
মফম অসিদা লুপা কোতি ৮০০০ চংগদবা স্কীমশিংগী থবক হৌরে: পি.এম.
উত্তর প্রদেশ অসি লৈবাক অসিগী মকোক থোংনা লৈরিবা ইনভেসমেন্তগী পন্থুং ওইনা ফাওগৎলক্লি: পি.এম.
লোগী চৎন কাংলোন অমসুং চাওখৎ-খোঙথাংদা মিয়েং চংবা অসিনা য়ু.পি.গী মীয়াম্না স্কীমশিংগী কান্নবা ফংবা ঙম্লিবনি: পি.এম.
ভাইরস অসিগী মায়োক্তা মিকুপ-নাহুম শিংনা লৈনবা য়ু.পি.গী মীয়ামদা খঙহল্লি
Posted On:
15 JUL 2021 1:18PM by PIB Imphal
প্রধান মন্ত্রী, শ্রী নরেন্দ্র মোদীনা বরানাসিদা চাওখৎ থৌরাং কয়াগী প্রোজেক্তশিং শঙ্গাখ্রে অমসুং উরেপ উয়ুং তমখ্রে। মহাক্না পব্লিক প্রোজেক্তশিং অমসুং থবক কয়া অমা শঙ্গাখি, হায়রিবা অসিদা বি.ঐচ.য়ু.দা বেদ ১০০ থাবা এম.সি.ঐচ.কী মশা অমা, গোদৌলিয়াদা মল্তি-লেবেল ওইবা পার্কিং, গঙ্গা তুরেলদা তুরিজম চাওখৎনবা রো-রো ভেজেল অমসুং বরানাসি ঘাজিপুর হায়ৱে মথক্তা লেন অহুমগী লৈকং থোং য়াওরি। প্রোজেক্তশিং অসি লুপা কোতি ৭৪৪ চংগদৌরি।
মহাক্না চাওরাক্না লুপা কোতি ৮৩৯ চংগদবা প্রোজেক্তশিং অমসুং পব্লিক্কী থবকশিং উরেপ-উয়ুংসু তমখি। হায়রিবা অসিদা সেন্ত্রেল ইন্সতিত্যুৎ ওফ পেত্রোকেমিকেল ইঞ্জিনিয়রিং এন্দ তেক্নোলোজী (সি.আই.পি.ই.তি.)গী স্কীল অমসুং তেক্নিকেল সপোর্তকী সেম্তর, জল জীবন মিসনগী মখাদা খুঙ্গংগী প্রোজেক্তশিং ১৪৩ অমসুংকার্খিয়াওন্দা হৈনৌ অমসুং মনা-মশিংগী ইন্তিগ্রেতেৎ পেক হাউস য়াওরি।
থৌরমসিদা ৱা ঙাংলদুনা প্রধান মন্ত্রীনা মুতেতেত ওইরবা কোরোনাভাইরস অসিনা লান্দাদুনা অৱাবা তাখিবা থা খর অসিবু নিংশিংখি। মহাক্না উত্তর প্রদেশকী সরকারবু লায়চৎ অসি লান্থেংনবা হোৎনখিবা অদুবু থাগৎপা ফোংদোকখি। মহাক্না অহিং নুংথিল খাক্তনা হোৎনখিবা কাশি তীমগী কোরোনাগী লান্মীশিংবু থাগৎপা ফোংদোকখি। “য়াম্না অৱাবা তারবা মতম ফাওবদা কাশিনা কৈদৌনুংদা চোকথখিদে অমসুং লেপ্পা লৈখিদে” হায়না প্রধান মন্ত্রীনা হায়খি। মহাক্না অনিশুবা ৱেব অসি অমুক্তা থোকখিদ্রিবা মওংদা জাপানীজ এন্সেফালিতিসকী মওংদা পায়খৎখি। ঙসিদি য়ু.পি.না তেস্ত অমসুং ভেক্সিনেসন খ্বায়দগী মশীং য়াম্বা রাজ্য ওইরে হায়না মহাক্না হায়খি।
শ্রী মোদীনা উত্তর প্রদেশতা য়াম্না থুনা ফগৎলক্লিবা মেদিকেল ইনফ্রাস্ত্রকচরবু পনখি। মশীং য়াম্লবা মেদিকেল কয়া অমা চহি মরিদা শরুক মরি থোক্না ফগৎলক্লি। মেদিকেল কোলেজ কয়া অমা লোইশিনবা য়ানা লৈরে। শ্রী মোদীনা ঙসি ১৪ শঙ্গাখিবা ওক্সীজেন ৫৫০গী মরমদা পনখি। রাজ্য সরকারনা পেদিয়াত্রিক আই.সি.য়ু.শিং অমসুং ওক্সীজেনগী খুদোংচাবা ফগৎনবা হোৎনখিবা অসিদা থাগৎপা ফোংদোকখি। মহাক্না হায়খি মদুদি হন্দক্তা লাওথোকখিবা লুপা কোতি ২৩০০০গী পোকেজনা উত্তর প্রদেশতা কান্নবা পীরগনি। মহাকনা হায় মদুদি কাশি অসি পুর্বনচলগী চাওরবা মেদিকেল হব অমা ওইরে। মহাক্না মখা তানা হায় মদুদি লায়না খরগীদমক হান্না দিল্লী অমসুং মুম্বাই চৎলম্বা অদু হৌজিক্তি কাশিদা ফংলে। ঙসি শঙ্গাখিবা প্রোজেক্ত খর অসিনা সহর অসিদা মখা তানা মেদিকেলদা কান্নবা পীরগনি।
প্রধান মন্ত্রীনা হায় মদুদি প্রোজেক্ত কয়া অমা কাশিগী থায়নগী সহরশিংগী মফম কয়া কাইহন্দনা থম্লগনি। মহাক্না হায় হায়ৱে, ফ্লাইওভর, রেলৱেজ, ওভরব্রিদজ, লৈনুংগী তারা, থক্নবা ঈশিংগী অৱাবা কোকহনবা, লমকোইবশিংবু পুক্নিং থৌগৎপা অসি মমাংদা অমুক্তা থোকখিদ্রিবা মওংদা শেমগৎলি। “হৌজিক ফাওবদা, কোতি ৮০০০গী স্কীম পায়খৎলি” হায়না প্রধান মন্ত্রীনা পাউদমখি।
মহাক্না হায়খি মদুদি ইমা গঙ্গা অমসুং কাশি লু-নান্না শেংদোক্তুনা ফজহনবা অসি আসা অমনি অমসুং হান্না পায়খৎকদবনি। মসিগীদমক্তা লম্বী, সিৱেজ ত্রীতমেন্ত, পার্ক অমসুং ঘাত ফজহনবা অসিগী থবক চৎথরি। পঞ্চকোসি মার্গ, বরানাসি ঘাজিপুরগী থোং পাকথোকপা অসিনা খুঙ্গংশিং অমসুং সহর কয়া অমাদা কান্নবা ফংহল্লগনি।
প্রধান মন্ত্রীনা হায়খি মদুদি সহরগী মফমশিংদা চাওরবা এল.ই.দি. স্ক্রীন থম্বা অমসুং খ্বায়দগী নৌরবা তেক্নোলোজী ওইরবা ইনফোর্মেসন বোর্দনা কাশিদা লাকপা মীওইশিংদা য়াম্না চাওনা কান্নবা ফংলগনি। হায়রিবা এল.ই.দি. স্ক্রীন অমসুং খ্বায়দগী ইনফোর্মেসন বোর্দনা পুৱারী, আর্কিতেক্ত, ক্রাফ, আর্ত, কাশিগী মরমদা পুক্নিং চিংশিনবা ৱারীশিং উৎতুনা য়াম্না কান্নগনি। ইমা গঙ্গাগী ঘাত অমসুং কাশি বিশ্বানাথ মন্দিরদা চাওরবা স্ক্রীন্দা আর্তি থাদোক্কনি। ঙসি শঙ্গাখিবা রো-রোগী থবক অমসুং ক্রইজকী থবকশিংনা তুরিজমদা হেন্না কান্নবা পীরগনি অমসুং ঙসি শঙ্গাখিবা রুদ্রাক্স সেন্তরনা সহর অসিগী আর্তিস্তশিংদা মালেমগী থাক্তা প্লেতফোর্ম পীরগনি।
প্রধান মন্ত্রীনা কাশি অসি হৌজিক মতমগী ওইবা মহৈ তম্নবগী সেন্তর ওইবা চাওখৎ-থৌরাংগী মরমদা ৱা ঙাংখি। ঙসিদি কাশিসু মোদেল স্কুল, আই.তি.আই. অমসুং অসিগুম্বা অতৈ ইন্সতিত্যুসনশিং লৈরে। স্কিলিং অমসুং তেক্নিকেল সপোর্তকী সি.আই.পি.ই.তি.গী সেন্তরনা মফম অসিদা ইন্দস্ত্রীগী চাওখৎ থৌরাংদা মতেং পীগনি। প্রধান মন্ত্রীনা হায় মদুদি উত্তার প্রদেশ অসি লৈবাক অসিদা শেন্থং পীবগী মকোক্তা লৈবা মফম অমা ওইনা ফাওগৎলক্লি। মহাক্না মখা তানা হায় মদুদি মতম অমদা য়ু.পিয় অসি করবার তৌবদা য়াম্না ৱাবা মফম অমা ওইরম্মী অদুবু ঙসিদি মেক ইন ইন্দিয়াগী য়াম্ন পাম্নবা মপম অমা ওইরে। প্রধান মন্ত্রীনা য়োগী সরকারবু ইনফ্রাস্ত্রকচরগী চাওখৎ থৌরাংদা মিয়ং চংবগীদমক মনা পীরি। শ্রী মোদীনা দিফেন্স কোরিদোর, পুর্বনচল এক্সপ্রেসৱে, বুন্দেনখান্দ এক্সপ্রেসৱে, গোরাখপুর লিঙ্ক এক্সপ্রেসৱে অমসুং গঙ্গা এক্সপ্রেসৱে অসি হন্দক্তা শেমগৎখিবা ওইনা পল্লি।
প্রধান মন্ত্রীনা হায় মদুদি অখন্নবা লুপা কোতি লাখ ১ লৈবাক অসিদা এগ্রীকলচর ইনফ্রাস্ত্রকচর ফন্দ থম্নবা পুথোক্লে, অমদি হায়রিবা অসিনা লৌউ-শিংউবদা হেন্না কান্নরগনি। মসিনা লৈবাক অসিদা মতমগা চুনবা এগ্রীকলচর মার্কেত শেম্বদা চাওরবা খোঙথাং অমা ওইরগনি।
উত্তর প্রদেশতা পায়খৎলিবা অনৌবা চাওখৎ থৌরাংগী প্রোজেক্তশিং অসি পল্লদুনা, প্রধান মন্ত্রীনা হায় মদুদি হান্নসু রাজ্য অসিদা স্কীম অমসুং ফাইনান্সকী থৌরাংশিং থম্মী অদুবু লখনৌদা অথিংবা লৈখি। প্রধান মন্ত্রীনা উত্তর প্রদেশকী মুখ্য মন্ত্রীবু চাওখৎ থৌরাংশিং মপুং ফাহনবগীদমক হোৎনরিবা অসিদা থাগৎপা ফোংদোকখি।
প্রধান মন্ত্রীনা হায় মদুদি ঙসিদি য়ু.পি.দা লোগী চৎন-কাংলোন লৈরে। মতম অমদা মাফিয়া রাজ অমসুং তেরোরিজম্না পাল্লম্বা অদু ঙসিদি লোগী খুৎতা লৈরে। মতম অমদা মমা মপানা মচানুপী অমসুং মচলগীদমক কিরম্বা অদু ঙসিদি পুম্নমক হোংখ্রে। ঙসিদি য়ু.পি. সরকারদা শেনজা-থুমজা অমসুং নেপোতিজম য়াওদনা চাওখৎ থৌরাং পায়খৎলি। মরম অসিনা য়ু.পি.দা ঙসিদি মীয়ামনা স্কীমশিং অসি হকথেংননা ফংলি। মরম অসিনা য়ু.পি.দা ঙসিদি ইন্দস্ত্রীনা শেল থাদরি অমসুং থবক ফংবগী চাং হেনগৎলক্লি, হায়না প্রধান মন্ত্রীনা হায়খি।
প্রধান মন্ত্রীনা উত্তর প্রদেশকী মীয়ামদা কোরোনানা অমুক হন্না ঙমহন্দনবা থৌদাং লৌগদবনি হায়না নিংশিংদুনা লোইশিনখি। চেকশিন্দবনা য়াম্না চাওবা ৱেব অমা লাকপা য়াই হায়না চেকশিন্নবা হায়খি। চৎন-কাংলোন চেকশিন্না ইনবা অমসুং “ভেক্সিন ফোর এল-ফ্রী ফোর ওল” কেম্পেইনগী মখাদা ভেক্সিন কাপথোকপিয়ু হায়না মহাক্না আপিল তৌখি।
***
(Release ID: 1736036)
Visitor Counter : 143
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam