ਭਾਰਤ ਸਰਕਾਰ ਫੂਡ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਕੋਵਿਡ 19 ਮਹਾਮਾਰੀ ਦੌਰਾਨ ਲੋਕਾਂ ਨੂੰ ਮੁਫ਼ਤ ਅਨਾਜ ਵੰਡਣ ਲਈ ਹੁਣ ਤੱਕ ਦਾ ਸੱਭ ਤੋਂ ਵੱਡਾ ਅਭਿਆਸ ਚਲਾ ਰਹੀ ਹੈ । ਕੇਂਦਰ ਸਰਕਾਰ ਨੇ ਪ੍ਰਧਾਨ ਮੰਤਰੀ ਗਰੀਬ ਕਲਿਆਣ ਅੰਨ ਯੋਜਨਾ ਨੂੰ ਹੋਰ 5 ਮਹੀਨਿਆਂ — ਜੁਲਾਈ ਤੋਂ ਨਵੰਬਰ 2021 ਤੱਕ ਵਧਾ ਦਿੱਤਾ ਹੈ ਅਤੇ ਪੀ ਐੱਮ ਜੀ ਕੇ ਏ ਵਾਈ — (ਜੁਲਾਈ — ਨਵੰਬਰ 2021) ਤਹਿਤ 198.79 ਲੱਖ ਮੀਟ੍ਰਿਕ ਟਨ ਅਨਾਜ ਵੰਡਿਆ ਹੈ ।
ਪੀ ਐੱਮ ਜੀ ਕੇ ਏ ਵਾਈ — (ਜੁਲਾਈ — ਨਵੰਬਰ 2021) ਤਹਿਤ 31 ਸੂਬਿਆਂ — ਆਂਧਰ ਪ੍ਰਦੇਸ਼, ਏ ਅਤੇ ਐੱਨ, ਅਰੁਣਾਚਲ ਪ੍ਰਦੇਸ਼, ਅਸਾਮ, ਬਿਹਾਰ, ਛੱਤੀਸਗੜ, ਡੀ ਤੇ ਐੱਨ ਹਵੇਲੀ / ਦਮਨ ਅਤੇ ਦਿਉ, ਦਿੱਲੀ, ਗੁਜਰਾਤ, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਜੰਮੂ ਅਤੇ ਕਸ਼ਮੀਰ, ਝਾਰਖੰਡ, ਕਰਨਾਟਕ, ਕੇਰਲ, ਲੱਦਾਖ, ਮੱਧ ਪ੍ਰਦੇਸ਼, ਮਹਾਰਾਸ਼ਟਰ, ਮਨੀਪੁਰ, ਮੇਘਾਲਿਆ , ਮਿਜ਼ੋਰਮ, ਨਾਗਾਲੈਂਡ, ਓਡੀਸ਼ਾ, ਰਾਜਸਥਾਨ, ਸਿੱਕਮ, ਤਾਮਿਲਨਾਡੂ, ਤੇਲੰਗਾਨਾ, ਤ੍ਰਿਪੁਰਾ, ਉੱਤਰ ਪ੍ਰਦੇਸ਼, ਉਤਰਾਖੰਡ ਅਤੇ ਪੱਛਮ ਬੰਗਾਲ ਅਨਾਜ ਉਠਾ ਰਹੇ ਹਨ ਅਤੇ 12 ਜੁਲਾਈ 2021 ਤੱਕ 15.30 ਲੱਖ ਮੀਟ੍ਰਿਕ ਟਨ ਅਨਾਜ ਉਠਾ ਲਿਆ ਗਿਆ ਹੈ ।
ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ ਨੇ ਪਹਿਲਾਂ ਹੀ ਪੀ ਐੱਮ ਜੀ ਕੇ ਏ ਵਾਈ — IV ਨੂੰ ਸਫਲਤਾਪੂਰਵਕ ਲਾਗੂ ਕਰਕੇ ਸਾਰੇ ਸੂਬਿਆਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਲਈ ਅਨਾਜ ਦੇ ਕਾਫ਼ੀ ਸਟਾਕ ਪਹਿਲਾਂ ਹੀ ਰੱਖੇ ਹਨ । ਇਸ ਵੇਲੇ ਕੇਂਦਰੀ ਪੂਲ ਤਹਿਤ 583 ਲੱਖ ਮੀਟ੍ਰਿਕ ਟਨ ਕਣਕ ਅਤੇ 298 ਲੱਖ ਮੀਟ੍ਰਿਕ ਟਨ ਚੌਲ (ਕੁੱਲ 881 ਲੱਖ ਮੀਟ੍ਰਿਕ ਟਨ ਅਨਾਜ) ਉਪਲਬੱਧ ਹੈ ।
ਪੀ ਐੱਮ ਜੀ ਕੇ ਏ ਵਾਈ — 3 (ਮਈ — ਜੂਨ 2021) ਤਹਿਤ ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ ਨੇ ਸਾਰੇ 36 ਸੂਬਿਆਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ 78.26 ਲੱਖ ਮੀਟ੍ਰਿਕ ਟਨ ਮੁਫ਼ਤ ਅਨਾਜ ਸਪਲਾਈ ਕੀਤਾ ਹੈ । ਐੱਫ ਸੀ ਆਈ ਸਾਰੇ ਸੂਬਿਆਂ / ਕੇਂਦਰ ਸ਼ਾਸਤ ਪ੍ਰਦੇਸ਼ ਸਰਕਾਰਾਂ ਨੂੰ ਨਿਰਵਿਘਨ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਦੇਸ਼ ਭਰ ਵਿੱਚ ਅਨਾਜ ਭੇਜ ਰਹੀ ਹੈ । ਐੱਫ ਸੀ ਆਈ ਦੁਆਰਾ 01 ਅਪ੍ਰੈਲ 2021 ਤੋਂ 4,005 ਅਨਾਜ  ਰੈਕਸ (ਡੱਬੇ) ਲੋਡ ਕੀਤੇ ਗਏ ਹਨ ।
 

**********************

ਡੀ ਜੇ ਐੱਨ / ਐੱਮ ਐੱਸ