লৈবাক অসিদা কাপখিবা অপুনবা কোবিদ ভেক্সিন দোজ মশিংনা য়ু.এস.এ.দগী হেনখিবনা ভারতনা কোবিদ-১৯ ভেক্সিনেসন দ্রাইবতা অতোপ্পা অৱাংবা থাক অমা ফংবা ঙমখ্রে৷ ভারতকী কোবিদ ভেক্সিনেসন দ্রাইব অসি ২০২১গী জানুৱারি ১৬তা হৌখি অদুগা য়ু.এস.এ.দা কোবিদ ভেক্সিন কাপ্পা হৌখিবা অসিনা ২০২০গী দিসেম্বর ১৪দনি৷

ভারতকী অপুনবা কোবিদ ভেক্সিনেসন ঙরাং কোতি ৩২.৩৬ হেনখ্রে৷ ঙসি অয়ুক্কী পুং ৭ ফাওবগী মনুংদা ফংখিবা প্রোভিজনেল রিপোর্তকী মতুং ইন্না, সেসন ৪৩,২১,৮৯৮দা ভেক্সিন দোজ পুন্না ৩২,৩৬,৬৩,২৯৭ কাপখ্রে৷ হৌখিবা পুং ২৪ অসিদা ভেক্সিন দোজ ১৭,২১,২৬৮ কাপখি৷

মসিগী মনুং চল্লিবশিং অদুদি:

মীয়াম পুম্নমক কোবিদ-১৯ ভেক্সিন কাপ্পগী অনৌবা ফেস ২০২১গী জুন ২১দগী হৌখ্রে৷ লৈবাক শিনবা থুংনা কোবিদ-১৯ ভেক্সিন কাপ্নবগী খোঙজেল অদু য়াংখৎনবা অমসুং চাওথোক্নবা কেন্দ্র সরকারনা য়াম্না কন্না হোৎনরি৷

হৌখিবা পুং ২৪ অসিদা ভারত্তা অনৌবা কেস ৪৬,১৪৮ লাকখি৷

হৌজিক্তি নোংমদা অনৌবা কেস লাখ ১গী মখাদা লাকখিবা নুমিৎ ২১নি শুরে৷ মসিনা কেন্দ্র অমসুং রাজ্য/য়ু.তি.শিংনা য়াম্না কন্না হোৎনবগী মহৈনি৷

ভারত্তা লেপ্পা লৈতনা মহাক্কী এক্তিবলোদ তারক্লি৷ ঙসিদি লৈবাক অসিগী এক্তিব কেস মশিং অসি ঙসি ৫,৭২,৯৯৪ ওইখ্রে৷

হৌখিবা পুং ২৪ অসিদা কেস ১৩,৪০৯ তারকখি অমসুং হৌজিক লৈরিবা এক্তিব কেস মশিং অসি লৈবাক অসিগী অপুনবা পোজিতিব কেস মশিং অদুগী ১.৮৯% খক্তনি৷

কোবিদ লাইনা-লাইচৎ অসিদগী মীওই কয়া অমা লেপ্পা-লৈতনা ফরকপনা, ভারত্তা নোংমদা লাক্লিবা অনৌবা কেস মশিংদগী নোংমদা লাইনা-লাইচৎ অসিদগী ফরক্লিবা মশিংনা হেনখিবা নুমিৎ ৪৬নি শুরে৷ হৌখিবা পুং ২৪ অসিদা লাইনা-লাইচৎ অসিদগী মীওই ৫৮,৫৭৮ নাবা ফখি৷

নোংমদা লাক্লিবা অনৌবা কেসশিং অসিগা য়েংনবা মতমদা হৌখিবা পুং ২৪ অসিদা লাইনা-লাইচৎ অসিদগী মীওই লিশিং ১২ হেন্না (১২,৪৩০) হেন্না  নাবা ফখ্রে৷

লাইনা-লাইচৎ অসি হেক শন্দোরকপা মতমদগী হৌদুনা হৌজিক ফাওবদা মীওই ২,৯৩,০৯,৬০৭ লাইচৎ অসিদগী নাবা ফখ্রে অমসুং হৌখিবা পুং ২৪ অসিদা মীওই ৫৮,৫৭৮ লাইচৎ অসিদগী নাবা ফখ্রে৷ মসিনা লৈবাক অসিগী রিকোভরী রেত অসি ৯৬.৮০% ওইহন্দুনা লেপ্পা লৈতনা হেনগৎলক্লি৷

লৈবাক অসিদা তেস্ত তৌবগী চাং কা-হেন্না হেনগৎলক্তুনা, হৌখিবা পুং ২৪ অসিদা লৈবাক অসিদা তেস্ত পুন্না ১৫,৭০,৫১৫ তৌখ্রে৷ হৌজিক ফাওবদা ভারততা তেস্ত পুন্না কোতি ৪০.৬৩ হেন্না(৪০,৬৩,৭১,২৭৯) হেন্না তৌখ্রে৷

নাকল অমদা লৈবাক অসিদা তেস্ত তৌবগী চাং অসি হেনগৎলকখিবা অসিদা মরী লৈননা চয়োলগী ওইনা পোজিতিব ওইখিবগী চাংসু লেপ্পা-লৈতনা হন্থরকখ্রে৷ চয়োলগী ওইনা পোজিতিব ওইখিবগী চাং অসি হৌজিক হৌজিক ২.৮১% ওই অদুগা নোংমদা পোজিতিব ওইখিবগী চাং অসি ঙসি ২.৯৪% ওইখ্রে৷ হৌজিক হৌজিক ৫%গী মখাদা লৈখিবা নুমিৎ ২১নি শুরে৷

*****