نئی دہلی،28؍ جون  :  ایک اہم  حصولیابی میں  بھارت  کا مجموعی ٹیکہ کاری کا کوریج کل  32 کروڑ  سے تجاوز کر گیا۔ آج  صبح 7  بجے تک کی عبوری رپورٹ کے مطابق  4279210سیشن کے ذریعے  کُل  321760077  ویکسین کی خوراکیں  دی گئیں۔ گزشتہ 24  گھنٹے کے  دوران ملک میں  6425893 ویکسین کی  خوراکیں دی گئیں۔

ان میں شامل ہیں:

سبھی کے لئے  کووڈ – 19 ٹیکہ کاری کا  نیا مرحلہ 21  جون 2021  سے شروع ہوا۔ مرکزی حکومت  ملک بھر میں  کووڈ  - 19  ٹیکہ کاری  کی رفتار  تیز کرنے اور  اس کی توسیع کرنے کے لئے عہد بند ہے۔

گزشتہ 24  گھنٹے کے دوران  ملک میں  50040 نئے معاملات  سامنے آئے ہیں۔

لگا تار  20  ویں دن  ایک لاکھ  سے کم  یومیہ نئے معاملات   درج کئے گئے ۔ یہ مرکز  اور  ریاستوں ؍  مرکز کے زیر انتظام علاقوں  کی مربوط اور  مشترکہ  کوششوں کا نتیجہ ہے۔

بھارت میں زیر علاج مریضوں کی تعداد میں  لگا تار گراوٹ  درج کی جارہی ہے۔ آج ملک میں زیر علاج مریضوں کی کُل تعداد  586403 ہے۔

گزشتہ 24  گھنٹے کے دوران  زیر علاج مریضوں کی تعداد میں  مجموعی طور  پر 9162 کی کمی  آئی۔ جب کہ  ملک میں سامنے آئے  کُل پازیٹیو کیسز میں  زیر علاج مریضوں کی  تعداد اب  صرف  1.94  فیصد  ہے۔

کووڈ – 19  انفیکشن سے  مزید  افراد  کے صحت یاب ہونے کے ساتھ  لگا تار 45  ویں دن  بھارت میں  صحت یاب ہونے والے مریضوں کی کُل تعداد یومیہ نئے معاملات  سے زیادہ رہی۔ گزشتہ 24 گھنٹے کے دوران  کُل  57944 افراد  کووڈ  انفیکشن سے  شفا یاب ہوئے۔

گزشتہ 24 گھنٹے کے دوران  یومیہ نئے معاملات کے مقابلے  تقریبا 8  ہزار  (7904) نئے  مریض  صحت یاب ہوئے ہیں۔

وبا کے  شروع  ہونے کے بعد سے  کووڈ  سے متاثرہ  کُل  مریضوں میں سے  29251029  افراد  کووڈ – 19  سے  شفایاب ہو چکے ہیں۔ گزشتہ 24  گھنٹے کے دوران 57944 مریض  کووڈ  -19  شفا یاب ہوئے ہیں۔ اس طرح  صحت یابی  کی مجموعی  شرح   96.75  فیصد  ہو گئی ہے۔ اس میں لگا تار  بہتری کا رجحان دیکھنے کو مل رہا ہے۔

ملک بھر میں  جانچ کی صلاحیت میں بھی  بتدریج  اضافہ  ہو رہا ہے۔ گزشتہ 24  گھنٹے کے دوران ملک میں  کُل  1777309 افراد کی  جانچ کی گئی۔ مجموعی طور پر  بھارت نے اب تک  40.42 کروڑ  (404265101)  ٹیسٹ کئے ہیں۔

ایک طرف جہاں  ملک میں  جانچ کی صلاحیت میں  اضافہ ہوا ہے، وہیں  ہفتہ واری  متاثرہ پائے  جانے والے افراد کی شرح میں  لگا تار گراوٹ  درج کی جارہی ہے۔ جانچ کے بعد متاثر پائے جانے والے افراد کی  ہفتہ واری شرح فی الحال  2.91 فیصد ہے۔ جب کہ  جانچ  کے بعد  متاثر پائے جانے والے افراد کی  یومیہ شرح آج  2.82 فیصد  رہی۔ اب یہ لگا تار 20  ویں دن  5  فیصد  سے کم  رہی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-م ع - ق ر)

U-5962