হকশেল অমসুং য়াইফ-য়ুম্বাল মন্ত্রালয়

কোবিদ-১৯গী মতাংদা ফমখিবা গ্রুপ ওফ মিনিস্ত্ররশিং (জি.ও.এম.)গী ২৯শুবা মীফমদা দা. হার্শ বর্ধননা শরুক য়াখ্রে


থম্লম্বা অথিংবশিং শেমদোক্লবা মওং অমদা রাজ্যশিংনা হাংদোরকপনা কোবিদ এপ্রোপ্রিয়েত বিহেবিয়র নিংথিনা ইনবা মরু ওই হায়না জি.ও.এম.না ফোংদোকখ্রে

অনিশুবা ৱেব হৌজিক ফাওবা লোইদ্রি; য়েংশিন্নিংঙাই ওইবা মফমশিং পনখ্রে

Posted On: 28 JUN 2021 2:48PM by PIB Imphal

ঙসি মফম অসিদা কোবিদ-১৯গী মতাংদা ফমখিবা গ্রুপ ওফ মিনিস্ত্ররশিংগী(জি.ও.এম.)২৯শুবা অৱাংবা থাক্কী মীফম অদুদা হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ভিদিও কনফরেন্সিংগী খুৎথাংদা শরুক য়াখ্রে৷ মীফম অসিদা সিভিল এবিয়েসনগী মন্ত্রী শ্রী হার্দীপ এস. পুরি, হোম এফিয়র্স মন্ত্রালয়গী রাজ্যগী মন্ত্রী শ্রী নিত্যনন্দ অমসুং হকশেল অমসুং য়াইফ য়ুম্বালগী রাজ্যগী মন্ত্রী শ্রী অশৱিনি কুমার চৌবেহসু শরুক য়াখি৷

নিতি আয়োগকী মেম্বর(হেল্থ) দা. ভিনোদ কে. পোলসু মীফম অসিদা ভর্চুএল্লী শরুক য়াখি৷

 

লৈবাক অসিদা কোবিদ ভেক্সিন খোঙজেল য়াংনা অমসুং পাক-শন্না কাপথোক্ননবগীদমক অমসুং কোবিদ মেনেজমেন্তগীদমক চোকথবা নাইদনা হোৎনরিবা ময়াম পুম্নমক্কী থৌবক-থৌরমশিং অদু গ্রুপ ওফ মিনিস্তরশিংনা রেকোর্দতা থমখ্রে৷

কোবিদ-১৯ শন্দোকপা হৌরকপা মতমদা লাইচৎ অসি লাকশিন্ননবা ভারতনা হোৎনখিবশিং অদুগী স্নেপশোত অমা দা. হার্শ বর্ধননা পীখ্রে: “হৌখিবা পুং ২৪ অসিদা, অনৌবা কেস ৪৬,১৪৮ খক্তমক ঐখোয়দা লাক্তুনা লৈবাক অসিগী এক্তিব মশিং মখাতানা ৫,৭২,৯৯৪দা হন্থখ্রে৷ রিকোভরী রেতসু তপ্ন-তপ্ন হেনগৎলক্তুনা ঙসি ৯৬.৮০% ওইরে৷ হৌখিবা পুং ২৪ অসিদা লাইনা-লাইচৎ অসিদগী মীওই ৫৮,৫৭৮ ফবা ঙমখ্রে৷ নোংমদা লাকপা অনৌবা কেস মশিংদগী নোংমদা লাইনা-লাইচৎ অসিদগী ফরকখিবগী মশিংনা হেনখিবা নুমিৎ ৪৬নি শুরে৷ লাইচৎ অসিদগী শিবগী চাং অসি ১.৩০% ওইরে, নোংমদা পোজিতিব ওইবগী চাং অসি ২.৯৪%নি অমসুং চয়োলগী ওইনা পোজিতিব ওইখিবগী চাংনা ২.৯৪% ওইদুনা ৫%গী মখাদা লৈখিবা নুমিৎ অসি হৌজিক্তি নুমিৎ ২১নি শুরে৷”

কোবিদ-১৯ ভেক্সিনেসন দ্রাইবকী মতাংদা ৱা ঙাংলদুনা, দা. হার্শ বর্ধননা অসুম্না ফোংদোকখ্রে, “ভারতনা কোবিদ-১৯ ভেক্সিনেসনদা অতোপ্পা অৱাংবা থাক অমা য়ৌবা ঙমখ্রে অমসুং ঙসি ফাওবদা কাপখিবা অপুনবা কোবিদ ভেক্সিন দোজ মশিংদা য়ু.এস.এ.দগী হেনখ্রে৷৷ য়ু.এস.এ.না কোবিদ-১৯গী ভেক্সিন কাপ্পা ২০২০গী দিসেম্বর ১৪দগী হৌখ্রে অদুগা ভারত্তনা ভেক্সিনেসন দ্রাইব অসি ২০২১গী জানুৱারী ১৬তা লোঞ্চ তৌখি৷ কোবিদ ভেক্সিনেসনগী অনৌবা পোলিসীগী মখাদা, কেন্দ্র সরকারনা লৈবাক অসিগী ভেক্সিন মেনুফেকচররশিংনা পুথোক্লিবা ভেক্সিনগী ৭৫% লৌশিল্লি অমসুং রাজ্যশিং অমসুং য়ু.তি.শিংদা লেম্না য়েন্থোক্লি৷ ঙসি অয়ুক ফাওবদা(অয়ুক পুং ৮), ঐখোয়না লৈবাক অসিদা লৈরিবা মীয়ামশিং তোঙান তোঙানবা কেতিগোরীশিং খায়দোক্তুনা ভেক্সিন দোজ ৩২,৩৬,৬৩,২৯৭ কাপখ্রে৷ মসিগী মনুং চল্লিবশিং অদুদি অহানবা দোজ কাপখিবা হেল্থকেয়র ৱার্কর(ঐচ.দবল্যু.সি.শিং) ১,০১,৯৮,২৫৭ অমসুং অনিশুবা দোজ কাপখিবা ঐচ.সি.দবল্যু. ৭২,০৭,৬১৭, ফ্রন্তলাইন ৱার্কর ১,৭৪,৪২,৭৬৭(এফ.এল.দবল্যু.শিং)(অহানবা দোজ), এফ.এল.দবল্যু. ৯৩,৯৯,৩১৯(অনিশুবা দোজ) অমসুং চহি কাংলুপ ১৮-৪৪ ফাওবগী মনুংদা লৈরিবা মীওই ৮,৪৬,৫১,৬৯৬(অহানবা দোজ) অমসুং মীওই ১৯,০১,১৯০(অনিশুবা দোজ) কাপখ্রে৷ চহি ৪৫দগী ৬০ ফাওবগী মনুংদা লৈরিবা মীওই ৮,৭১,১১,৪৪৫ (অহানবা দোজ) অমসুং চহি ৪৫দগী ৬০ ফাওবগী মনুংদা লৈরিবা মীওই ১,৪৮,১২,৩৪৯(অনিশুবা দোজ), চহি ৬০গী মথক্তা লৈরিবা মীওই ৬,৭৫,২৯,৭১৩(অহানবা দোজ) অমসুং মীওই ২,৩৪,০৮,৯৪৪(অনিশুবা দোজ) কাপখ্রে৷”

কোবিদ-১৯গী মসিগী ফেস অসিদা থোক্লিবা ম্যুকোর্মাইকোসিস ইনফেক্সনশিংগী ত্রেজেক্তরী অসিগী মতাংদা মহাক্নসু জি.ও.এম. মেম্বরশিংদা ফোংদোকখ্রে: রিপোর্ত তৌরকখিবা অপুনবা কেস ৪০,৮৪৫গী মনুংদা কেস ৩১,৩৪৪দি মহৌশানা রাইনোসেরেব্রেল ওই৷ ইনফেক্সন অসিনা মরম ওইদুনা শিহনখিবগী চাং অসি ৩,১২৯নি৷ মসিগী অপুনবা মশিংশিং অসিগী মনুংদা, পেসেন্ত ৩৪,৯৪০দি কোবিদ নাই(৮৫.৫%), ২৬,১৮৭তি দাইবেতিসকী কো-মোর্বিদ লৈ(৬৪.১১%গী চাং) অদুগা পেসেন্ত ২১,৫২৩দি(৫২.৬৯%) স্তিরোইদনা মরম ওইদুনা নাহনখিবনি৷ চহি কাংলুপ ১৮-৪৫ ফাওবগী মনুংদা লৈরিবা পেসেন্ত ১৩,০৮৩(৩২%), চহি কাংলুপ ৪৫-৬০ ফাওবগী মনুংদা লৈরিবা পেসেন্ত ১৭,৪৬৪(৪২%) অদুগা চহি ৬০গী মথক্তা লৈরিবা পেসেন্ত ১০,০৮২ (২৪%)না ম্যুকোর্মাইকোসিস নাখি৷

কোবিদ এপ্রোপ্রিয়েত বিহেবিয়র তঙাই ফদনা ইন্নবা জি.ও.এম.না অকনবা মওংদা হায়খ্রে৷ আই.ই.সি. কেম্পেন্দশিং শিজিন্নদুনা অৱাংবা থাক্কী এৱার্নেস পাংথোক্নবা হায়খ্রে৷ মাস্ক উপ্পা অমসুং হেন্দ হাইজিনগী কান্নবশিংগী মতাংদা দা. ভি.কে. পোলনা পনখ্রে৷

লৈবাক অসিগী জিলা ৮০দা কোবিদ পোজিতিব ওইবগী চাং য়াম্না ৱাংনা লৈবনা কোবিদ-১৯গী অনিশুবা ৱেব অসি হৌজিক ফাওবা লোইদ্রি হায়না সেক্রেতরী(হেল্থ রিসর্চ) অমসুং দি.জি. (আই.সি.এম.আর.) দা. বালরাম ভর্গবানা চেকশিন্না লৈনবসু হায়খ্রে৷ কোবিদ-১৯গী অল্ফা, বেতা, গম্মা অমসুং দেল্তা বেরিয়েন্তশিংগী ওইনা কোবিদ ভেক্সিন কাপথোকপা অসিনা বেরিয়েন্ত মখলশিং অসিগী ওইনা য়াম্না ইফেক্তিব ওই হায়বসি খঙবা ঙম্লে হায়না মহাক্নসু শন্দোক্না ফোংদোকখ্রে৷

রাজ্যশিং অমসুং য়ু.তি.শিং অসিদা লৈরিবা কোবিদকী ত্রাজেক্তরী অদুগী মতাংদা অকুপ্পা মরোল য়াওবা রিপোর্ত অমা দাইরেক্তর(এন.সি.দি.সি.) দা. সুজীত কে. সিংহনা পুথোকখি৷ মরু ওইবা পেরামিতরশিং খুদম ওইনা কেস হেনগৎলকপা, অখন্নবা জিলাশিংদা কেস কন্সেন্ত্রেত তৌদুনা লৈরিবা অমসুং শোকহল্লিবা রাজ্যশিংদা লৈরিবা কোবিদ-১৯গী বেরিয়েন্তশিং অমসুং ফেতেলিতীগুম্বা অতোপ্পা ত্রেন্দশিং পল্লদুনা রাজ্য খুদিংমক্তা লৈরিবা লাইনা-লাইচৎকী ত্রাজেক্তরীগী ইপিদেমিওলোজিকেল ফাইন্দিংশিং অসিদা বেজ তৌবা গ্রেনুলর এনালাইসিস অমা মহাক্না পুথোকখি৷

রাজ্যশিং মরু ওইনা মহারাস্ত্র, কেরলা, তামিল নাদু, ৱেস্ত বেঙ্গল অমসুং ওরিশাদা এক্তিব কেস মশিং লেপ্পা লৈতনা কন্সেন্ত্রেত তৌদুনা লৈরি৷ হায়রিবা রাজ্যশিং অসিদা লৈরিবা কোবিদকী গ্রোথ রেত অসি নেস্নেল কোবিদ গ্রোথ রেততগী হেন্না ৱাংই৷ রাজ্য ১৯দা লাইচৎ অসিনা মরম ওইদুনা শিবগী চাং অসি সিঙ্গল দিজিৎকী মখাদা লৈখ্রে(১০গী মখাদা), রাজ্য মরি কেরলা, কর্নতাকা, মহারাস্ত্র অমসুং তামিল নাদুদনা নোংমদা মীওই ১০০গী মথক্তা শিরি৷

তোঙান তোঙানবা মেদিয়মশিং শিজিন্নদুনা ভেক্সিন তপ্ন কাপ্পগুম্বা ইসুশিং অসি কমদৌনা থেংনরিবগে হায়বগী মতাংদা ইনফোর্মেসন অমসুং ব্রোদকাস্তিংগী এদিস্নেল সেক্রেতরী শ্রীমতি নীর্জা সেখরনা জি.ও.এম.দা ফোংদোকখি৷

সেক্রেতরী (হেল্থ) শ্রী রাজেশ ভুশন, ফোরেন্দ সেক্রেতরী শ্রী হার্শ বর্ধন শ্রীঙ্গলা, সেক্রেতরী (ফার্ম) শ্রীমতি এস. অপর্ন, সেক্রেতরী(হেল্থ রিসর্চ) অমসুং দি.জি. (আই.সি.এম.আর.)দা. বালরাম ভর্গবা,  ইকোনোমিক এফিয়র্স দিপার্তমেন্তগী সেক্রেতরী শ্রী অজে সেথ, সেক্রেতরী(লেবর) শ্রী অপুর্ভ চন্দ্র, এদিস্নেল সেক্রেতরী(হেল্থ) শ্রী ভিকাশ শীল, নিতি আয়োগকী এদিস্নেল সেক্রেতরী শ্রী রাকেশ সনৱাল, ইনফোর্মেসন অমসুং ব্রোদকাস্তিংগী এদিস্নেল সেক্রেতরী শ্রীমতি নীর্জা সেখর, দি.জি.ঐচ.এস.(এম.ও.ঐচ.এফ.দবল্যু.) দা. সুনিল কুমার, এন.সি.দি.সি.গী দাইরেক্তর সুজীত কে. সিংহ, আর্ম ফোর্সেসকী মীহুৎশিং(আর্ম ফোর্সেস মেদিকেল সর্ভিস),আই.তি.বি.পি. অমসুং অতোপ্পা সেনিয়র গভর্মেন্ত ওফিসিয়েলশিংনা ভিদিও কনফরেন্সিংগী খুৎথাংদা মীফম অসিদা শরুক য়াখি৷

******



(Release ID: 1731053) Visitor Counter : 116