కొవిడ్-19 పై వీడియో కాన్ఫరెన్స్‌ ద్వారా జరిగిన ఉన్నత స్థాయి మంత్రుల బృందం (జిఓఎం) 29 వ సమావేశంలో కుటుంబ సంక్షేమ శాఖ మంత్రి డాక్టర్ హర్షవర్ధన్ పాల్గొన్నారు. ఆయనతో కలిసి పౌర విమానయాన శాఖ మంత్రి శ్రీ హర్దీప్ ఎస్. పూరి, హోంశాఖసహాయమంత్రి శ్రీ నిత్యానంద్ రాయ్ మరియు ఆరోగ్య, కుటుంబ సంక్షేమ శాఖ సహాయ మంత్రి శ్రీ అశ్విని కుమార్ చౌబే పాల్గొన్నారు.

డాక్టర్ వినోద్ కె పాల్,  నీతి ఆయోగ్ సభ్యుడు (ఆరోగ్యం),వర్చువల్‌గా  హాజరయ్యారు.

కొవిడ్‌ నియంత్రణ కోసం నిర్విరామంగా పనిచేసిన వారితో పాటు దేశవ్యాప్తంగా కొవిడ్‌ టీకా కార్యక్రమాన్ని వేగవంతం చేసిన అధికార యంత్రాంగాన్ని మంత్రుల బృందం ప్రశంసించింది.

డాక్టర్ హర్షవర్ధన్ తవ ప్రారంభ ప్రసంగంలో కొవిడ్‌-19పై పోరాటంలో భారతదేశం చేసిన కృషిని వివరించారు: " గత 24 గంటల్లో 46,148 కేసులు మాత్రమే వచ్చాయి. దేశంలో క్రియాశీల కేసుల సంఖ్య 5,72,994 కు గణనీయంగా తగ్గింది. రికవరీ రేటు క్రమంగా పెరుగుతోంది. మరియు ఈ రోజు 96.80% వద్ద ఉంది. గత 24 గంటల్లో 58,578 రికవరీలు నమోదు చేయబడ్డాయి. ఈ రోజు వరుసగా 46 వ రోజు రోజువారీ రికవరీలు కొత్త కేసుల సంఖ్య కంటే అధికంగా నమోదయ్యాయి. మరణాల రేటు 1.30%, రోజువారీ పాజిటివిటీ రేటు 2.94% మరియు వారపు పాజిటివిటీ రేటు కూడా 2.94% వద్ద ఉంది. ఇది ఇప్పుడు 21 రోజులుగా 5% కంటే తక్కువగా ఉంది." అని తెలిపారు.

కొవిడ్ 19 టీకా డ్రైవ్‌ గురించి మాట్లాడుతూ డాక్టర్ హర్షవర్ధన్ " కొవిడ్‌-19 టీకాలో భారతదేశం మరో మైలురాయిని సాధించింది. ఇప్పటివరకూ అందించిన మొత్తం కోవిడ్ వ్యాక్సిన్ మోతాదులలో అమెరికాను అధిగమించింది. యూఎస్‌ఎ డిసెంబర్ 14, 2020 నుండి కొవిడ్‌కి వ్యాక్సిన్ వేయడం ప్రారంభించింది. భారతదేశంలో టీకా డ్రైవ్‌ జనవరి 16, 2021 న  ప్రారంభించబడింది. కొవిడ్‌ టీకా కొత్త విధానం ప్రకారం దేశంలో టీకా తయారీదారులు ఉత్పత్తి చేస్తున్న 75% వ్యాక్సిన్లను కేంద్రప్రభుత్వం సేకరించి రాష్ట్రాలు మరియు యుటిలకు ఉచితంగా సరఫరా చేస్తోంది. ఈ రోజు ఉదయం (ఉదయం 8 గంటల వరకు) మన దేశస్తులకు వివిధ విభాగాలలో 32,36,63,297 వ్యాక్సిన్ డోసులను అందించాము. వీరిలో 1 వ మోతాదు తీసుకున్న 1,01,98,257 మంది హెల్త్‌కేర్ వర్కర్స్ (హెచ్‌సిడబ్ల్యు), 2 వ మోతాదు తీసుకున్న 72,07,617 హెచ్‌సిడబ్ల్యు, 1,74,42,767 ఫ్రంట్‌లైన్ వర్కర్స్ (ఎఫ్‌ఎల్‌డబ్ల్యు) (1 వ మోతాదు), 93,99,319 ఎఫ్‌ఎల్‌డబ్ల్యు ( 2 వ మోతాదు), మరియు 18-44 సంవత్సరాల వయస్సులో (1 వ మోతాదు) 8,46,51,696 మరియు 2 వ మోతాదు 19,01,190. ఇక 45 ఏళ్లు నుంచి 60 ఏళ్లు (1 వ మోతాదు) 8,71,11,445, 45 ఏళ్లు నుంచి 60 ఏళ్లు నిండిన వారు 1,48,12,349 (2 వ మోతాదు), 60 ఏళ్లు పైబడిన వారికి 6,75,29,713 (1 వ మోతాదు) మరియు 60 ఏళ్లు పైబడిన వారికి 2,34,08,944 (2 వ మోతాదు) అందించబడిందని వివరించారు.
 

                                            
ఈ కొవిడ్‌-19 దశలో సంభవించిన ముకోర్మైకోసిస్ ఇన్ఫెక్షన్‌పై ఆయన జిఓఎం సభ్యులకు వివరించారు: మొత్తం 40,845 కేసులు నమోదయ్యాయి. వీటిలో 31,344 కేసులు రైనోసెరెబ్రల్‌గా ఉన్నాయి. అంటువ్యాధుల నుండి మరణం 3,129 వద్ద ఉంది. మొత్తం సంఖ్యలో 34,940 మంది రోగులకు కొవిడ్ (85.5%), 26,187 (సుమారు 64.11%) మంది మధుమేహ వ్యాధిగ్రస్తులు కాగా సోకిన వారిలో 21,523 (52.69%) మంది స్టెరాయిడ్స్‌పై ఉన్నారు. 13,083 మంది రోగులు 18-45 (32%), 17,464 మంది 45-60 (42%) మధ్య ఉండగా, 10,082 (24%) రోగులు 60+ సంవత్సరాల వయస్సులో ఉన్నారు.

కొవిడ్‌కు సంబంధించి తీసుకోవాల్సిన చర్యల ప్రాముఖ్యతను జిఓఎం గట్టిగా పునరుద్ఘాటించింది. ఐఇసి ప్రచారాల ద్వారా చేపట్టిన నిరంతర అవగాహన కార్యక్రమం హైలైట్ చేయబడింది. మాస్క్‌ ధరించడం మరియు చేతులను శుభ్రపరుచుకోవడం వంటి కార్యక్రమాల వల్ల కలిగే ప్రయోజనాలను డాక్టర్ వి.కె. పాల్ వివరించారు.

దేశంలోని 80 జిల్లాల్లో ఇప్పటికీ అధిక పాజిటివిటీ రేటు ఉన్నందున కొవిడ్‌-19 యొక్క రెండో వేవ్‌ ఇంకా తగ్గలేదని కార్యదర్శి (ఆరోగ్య పరిశోధన) & డిజి (ఐసిఎంఆర్) డాక్టర్ బలరామ్ భార్గవ హెచ్చరించారు.  కొవిడ్‌-19 యొక్క ఆల్ఫా, బీటా, గామా మరియు డెల్టా వేరియంట్‌లకు వ్యతిరేకంగా వ్యాక్సిన్లు ప్రభావవంతంగా ఉన్నాయని ఆయన వివరించారు.

డైరెక్టర్లు (ఎన్‌సిడిసి) డాక్టర్ సుజీత్ కె సింగ్, రాష్ట్రాలు మరియు యుటిలలో కొవిడ్‌ పరిస్థితిపై వివరణాత్మక నివేదికను సమర్పించారు. ప్రతి రాష్ట్రంలో మహమ్మారి యొక్క పథం యొక్క ఎపిడెమియోలాజికల్ ఫలితాల ఆధారంగా ఒక కణిక విశ్లేషణను ఆయన సమర్పించారు. కేసుల పెరుగుదల, ప్రత్యేక జిల్లాల్లో కేసుల తీవ్రత మరియు ప్రాణాంతకత వంటి ఇతర పోకడలు మరియు కొవిడ్‌-19 యొక్క వైవిధ్యాలు సంక్రమణకు కారణమవుతాయి.

ప్రధానంగా మహారాష్ట్ర, కేరళ, తమిళనాడు, పశ్చిమ బెంగాల్ మరియు ఒడిశాలో యాక్టివ్‌ కేసులు అధికంగా ఉన్నాయి. ఇవి జాతీయ కొవిడ్‌ వృద్ధి రేటు కంటే వృద్ధి రేటును ఎక్కువగా నివేదిస్తున్నాయి. 19 రాష్ట్రాలు మరణాల గణాంకాలు సింగిల్‌ డిజిట్‌లోనే (10 కన్నా తక్కువ) నివేదిస్తుండగా, కేరళ, కర్ణాటక, మహారాష్ట్ర, తమిళనాడు నాలుగు రాష్ట్రాలు రోజూ వందకు పైగా మరణాలను నివేదిస్తున్నాయి.

శ్రీమతి నీర్జా శేఖర్, సమాచార, ప్రసార అదనపు కార్యదర్శి టీకా సంకోచం వంటి సమస్యలను వివిధ మాధ్యమాల ద్వారా ఎలా పరిష్కరిస్తున్నారనే దానిపై జిఓఐకు వివరించారు.

శ్రీ రాజేష్ భూషణ్, కార్యదర్శి (ఆరోగ్య), శ్రీ హర్ష్ వర్ధన్ ష్రింగ్లా, విదేశాంగ కార్యదర్శి, శ్రీమతి ఎస్. అపర్ణ, కార్యదర్శి (ఫార్మా), డాక్టర్ బలరామ్ భార్గవ, కార్యదర్శి (ఆరోగ్య పరిశోధన) & డిజి (ఐసిఎంఆర్), కార్యదర్శి శ్రీ అజయ్ సేథ్ ఆర్థిక వ్యవహారాల విభాగం, శ్రీ అపూర్వ చంద్ర, కార్యదర్శి (కార్మిక), శ్రీ వికాష్ షీల్, అదనపు కార్యదర్శి (ఆరోగ్య), శ్రీ రాకేశ్ సన్వాల్, అదనపు కార్యదర్శి, నీతి ఆయోగ్, శ్రీమతి నీర్జా శేఖర్, అదనపు కార్యదర్శి సమాచార, ప్రసార కార్యదర్శి, డాక్టర్ సునీల్ కుమార్, డిజిహెచ్ఎస్ (ఎంఓహెచ్‌ఎఫ్‌డబ్లు), ఎన్సిడిసి డైరెక్టర్ డాక్టర్ సుజీత్ కె. సింగ్, సాయుధ దళాల ప్రతినిధులు (సాయుధ దళాల వైద్య సేవ), ఐటిబిపి మరియు ఇతర సీనియర్ ప్రభుత్వ అధికారులు కార్యదర్శి వీడియో కాన్ఫరెన్స్ ద్వారా  పాల్గొన్నారు.