പ്രധാനമന്ത്രിയുടെ ഓഫീസ്‌
വികസിതവും പുരോഗമനോന്മുഖവുമായ ജമ്മു കശ്മീരിന് വേണ്ടിയുള്ള നിരന്തരമായ ശ്രമങ്ങളുടെ പ്രധാന ഘട്ടമാണ് ജമ്മു കശ്മീരിനെ സംബന്ധിച്ച ഇന്നത്തെ യോഗം : പ്രധാനമന്ത്രി
ജമ്മു കശ്മീരിലെ താഴെത്തട്ടിലുള്ള ജനാധിപത്യത്തെ ശക്തിപ്പെടുത്തുക എന്നതാണ് ഞങ്ങളുടെ മുൻഗണന: പ്രധാനമന്ത്രി
ജമ്മു കശ്മീരിന് ഒരു ഗവണ്മെന്റ് ലഭിക്കാൻ മണ്ഡലപുനർനിർണ്ണയം വേഗത്തിൽ നടക്കേണ്ടതുണ്ട് : പ്രധാനമന്ത്രി
Posted On:
24 JUN 2021 8:41PM by PIB Thiruvananthpuram
കൂടിക്കാഴ്ചയ്ക്ക് ശേഷം തുടർച്ചയായ ട്വീറ്റുകളിൽ പ്രധാനമന്ത്രി പറഞ്ഞു :
"സർവ്വതോമുഖമായ വളർച്ച വര്‍ദ്ധിപ്പിക്കുന്ന, വികസിതവും പുരോഗമനപരവുമായ ജമ്മു കശ്മീരിന് വേണ്ടിയുള്ള നിരന്തരമായ ശ്രമങ്ങളുടെ ഒരു സുപ്രധാന ചുവടുവെപ്പാണ് ജമ്മു കശ്മീരിൽ നിന്നുള്ള രാഷ്ട്രീയ നേതാക്കളുമായി നടത്തിയ ഇന്നത്തെ കൂടിക്കാഴ്ചഎന്ന് പ്രധാനമന്ത്രി ശ്രീ. നരേന്ദ്ര മോദി വിശേഷിപ്പിച്ചു. "
"ജമ്മു കശ്മീരിലെ താഴെത്തട്ടിലുള്ള ജനാധിപത്യത്തെ ശക്തിപ്പെടുത്തുക എന്നതാണ് ഞങ്ങളുടെ മുൻഗണന. ജമ്മു കശ്മീരിന്റെ വികസന യാത്രയ്ക്ക് കരുത്ത് പകരുന്ന തിരഞ്ഞെടുക്കപ്പെട്ട ഒരു ഗവണ്മെന്റ് ലഭിക്കാൻ മണ്ഡലപുനർനിർണ്ണയം വേഗത്തിൽ നടക്കേണ്ടതുണ്ട്. "
നമ്മുടെ ജനാധിപത്യത്തിന്റെ ഏറ്റവും വലിയ ശക്തി ഒരു മേശയ്ക്ക് ചുറ്റുമിരുന്ന് ആശയങ്ങൾ കൈമാറാനുള്ള കഴിവാണ്. ജമ്മു കശ്മീരിലെ നേതാക്കളോട് ഞാൻ പറഞ്ഞു, ജനങ്ങളുടെ പ്രത്യേകിച്ചും യുവാക്കളുടെ അഭിലാഷങ്ങൾ യഥാസമയം നിറവേറ്റുന്നുവെന്ന് ഉറപ്പ് വരുത്താൻ അവർ ജമ്മു കശ്മീരിലെ രാഷ്ട്രീയത്തിനു നേതൃത്വം നൽകണം, "
***
(Release ID: 1730188)
Visitor Counter : 179
Read this release in:
English
,
Urdu
,
Marathi
,
Hindi
,
Bengali
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada