য়ুনাইতেদ নেসন্স ওফিসকী পর্মেনেন্ত মিসন ওফ ইন্দিয়া অমসুং জেনেভাদা লৈরিবা অতোপ্পা ইন্তরনেস্নেল ওর্গনাইজেসনশিংনা ভারতকী ইনফোর্মেসন তেক্নোলো জী (ইন্তরমেদিয়রী গাইদলাইনশিং অমসুং দিজিতেল মেদিয়া ইথিক্স কোদ) রুলশিং, ২০২১গী মতাংদা হ্যুমেন রাইতস কাউন্সিলগী স্পিসিয়েল প্রোসিদ্যোর ব্রাঞ্চনা পুখৎলক্লিবা ৱাফম অদুগী পাউখুম পীখ্রে৷  পর্মেনেন্ত মিসন ওফ ইন্দিয়ানা ইরিবা চিথী অদুদা অসুম্না পল্লি:

“য়ুনাইতেদ নেসন্স ওফিসকী পর্মেনেন্ত মিসন ওফ ইন্দিয়া অমসুং জেনেভাদা লৈরিবা অতোপ্পা ইন্তরনেস্নেল ওর্গনাইজেসনশিংনা হ্যুমেন রাইতস কাউন্সিলগী স্পিসিয়েল প্রোসিদ্যোর ব্রাঞ্চ অদুদা মহাক্কী থাগৎ-ৱাহৈ ফোংদোকখ্রে অমসুং মশাগী ৱাখল্লোন অদু মপুং-ফানা মনিং-মখা তম্না ফোংদোকচনবগী লৈরিবা রাইত অদু ঙাক শেন্নবা অমসুং য়োকখৎনবা স্পিসিয়েল রেপ্পোর্তরদগী; ফ্রীদম ওফ পিচফুল এসেমব্লী অমসুং এসোসিয়েসন রাইতশিংগী মতাংদা স্পিসিয়েল রেপ্পোর্তরদগী অমসুং ২০২১গী ভারতকী ইনফোর্মেসন তেক্নোলোজী(ইন্তরমেদিয়রী গাইদলাইনশিং অমসুং দিজিতেল মেদিয়া ইথিক্স কোদ) রুলশিংগী মতাংদা অতেনবা ইনফোর্মেসন নোত অমা হাপ্পক্নবা অমসুং প্রাইবেসী রাইতকী মতাংদা লৈরিবা স্পিসিয়েল রেপ্পোর্তরনা ২০২১গী জুন ১১দা থোকখিবা জোইন্ত কম্ম্যুনিকেসন নম্বর ও.এল. আই.এন.দি. ৮/২০২১দা মনিং-মখা তম্না ফোংদোক্নবগী ইকাই খুম্নবা অদু লৈ৷

ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় অমসুং ইনফোর্মেসন অমসুং ব্রোদকাস্তিং মন্ত্রালয়না মীয়ামশিং, সিবিল সোসাইতী, ইন্দস্ত্রী এসোসিয়েসন অমসুং ওর্গনাইজেসনশিং য়াওনা তোঙান তোঙানবা স্তেকহোল্দরশিংগা লোইননা ২০১৮দা পাক-চাওনা খন্ন-নৈনখি অমসুং দ্রাফত রুলশিং অসি শেম্ননবা ময়ামগী মৎশিং কৌখি হায়না পর্মেনেন্ত মিসন ওফ ইন্দিয়ানসু ফোংদোকপা পাম্লি৷ মতুং তারকপদা, লাক্লিবা মৎশিং অদু ইন্তর-মিনিস্তিরিয়েল মীফম অমনা য়াম্না কুপথনা খন্ন-নৈনখি অমসুং মদুগী মতুং ইন্না রুলশিং অদু ফাইনেলাইজ তৌখি৷

ভারতকী দেমোক্রেতিক ক্রিদেন্সিয়েলশিং অসি নিংথিনা রিকোগনাইজ তৌই হায়নসু পর্মেনেন্ত মিসন ওফ ইন্দিয়ানা ফোংদোকপা পাম্লি৷ মীওই অমনা মনিং-মখা তম্না ৱা ঙাংজনবা অমসুং ফোংদোকচনবগী লৈরিবা রাইত অসি ইন্দিয়ন কন্সতিত্যুসনগী মখাদা লৈ৷ ইন্দিপেন্দেন্ত জুদিসিয়রী অমসুং রোবস্ত মেদিয়া অমা অসি ভারতকী দেমোক্রেতিক স্ত্রকচরগী শরুক্নি৷

হাপ্লিবা ই-পাউ অসিনা মরী লৈনবা স্পিসিয়েল রেপ্পোর্তরশিংগী পুক্নিং চিংশিল্লবা য়াই হায়না পর্মেনেন্ত মিসন ওফ ইন্দিয়ানা হায়জরক্লি৷

হ্যুমেন রাইতস কাউন্সিলগী স্পিসিয়েল প্রোসিদ্যোর ব্রাঞ্চ অসি রিন্যু তৌননবা য়ুনাইতেদ নেসন্স ওফিসকী পর্মেনেন্ত মিসন ওফ ইন্দিয়া অমসুং জেনেভাদা লৈরিবা অতোপ্পা ইন্তরনেস্নেল ওর্গনাইজেসনশিংনা মসিগী খুদোংচাবা অসি লৌরি৷”

ভারতকী ইনফোর্মেসন তেক্নোলোজী(ইন্তরমেদিয়রী গাইদলাইনশিং অমসুং দিজিতেল মেদিয়া ইথেক্স কোদ)রুলশিং, ২০২১গী মতাংদা অতেনবা ইনফোর্মেসন নোত

ভারত সরকারনা ইনফোর্মেসন তেক্নোলোজী এক্ত, ২০২০গী সেক্সন ৮৭(২)গী মখাদা মহাক্কী শক্তি শিজিন্নদুনা অমসুং ২০১১গী মমাংগী ইনফোর্মেসন তেক্নোলোজী(ইন্তরমেদিয়রী গাইদলাইনশিং)রুল্শিং শিন্দোক্নবা ২০২১গী ইনফোর্মেসন তেক্নোলোজী(ইন্তরমেদিয়রী গাইদলাইনশিং অমসুং দিজিতেল মেদিয়া ইথিক্স কোদ) রুলশিং(অনৌবা ঐই.তি. রুলশিং) শেমখি অমসুং ২০২১গী ফেব্রুৱারী ২৫দা রুলশিং অদু ফোংখি৷ ৱাহন্থোক চেনবা ইন্তরমেদিয়রীশিংগী ওইনা, রুলশিং অসি ২০২১গী মে ২৬তগী চৎনবা হৌখ্রে৷ অনৌবা আই.তি. রুলশিং অসিগী মরু ওইবা ফিচরশিং হাপ্লি৷

সোসিয়েল মেদিয়াগী ওর্দিনরী য়ুজরশিং অসি এমপৱার তৌননবা রুলশিং অসি শেম্লি৷ সোসিয়েল মেদিয়া প্লেতফোর্মশিংদা এব্যুজ তৌরিবা ভিক্তিমশিংনা মখোয় মখোয়গী পেন্দবা অদু ফোংদোক্নবগী ফোরম অমা ফংলগনি৷

তেরোরিস্তশিং লৌননবা হোৎনবা, ওবসিন কন্তেন্ত সর্কুলেত তৌবা, শান্তি লৈহল্লক্তবা, ফাইনান্সিয়েল ফ্রোদশিং, পব্লিক ওর্দর, হিংশা তৌবদা হেন্না পুক্নিং থৌগৎপা য়াওনা সোসিয়েল মেদিয়া অমসুং দিজিতেল প্লেতফোর্মশিংদা এব্যুজ তৌবগী চাং হেনগৎলকপা অসিগা মরী লৈননা য়েংশিন্নিংঙাই ওইরবা ফিভম হেনগৎলকপা অসিনা মরম ওইদুনা অনৌবা আই.তি. রুলশিং অসি তঙাই ফদনা শেমখিবনি৷

জজমেন্ত অনিদা সুপ্রিম কোর্তনা — ২০১৮গী প্রাজৱালা কেস অমসুং ২০১৯দা য়ুনিয়ন ওফ ইন্দিয়া অমসুং ফেসবুক্কী মরক্তা— ওনলাইন প্লেতফোর্মশিং অমসুং অতোপ্পা এপ্লিকেসনশিংদা থাগৎলিবা চাইল্দ প্রোনোগ্রাফী অমসুং মরী লৈনবা কন্তেন্তশিং লৌথোক্নবা তঙাই ফদবা গাইদলাইনশিং শেম্ননবা ভারত সরকারনা খঙহনখ্রে৷ অনিশুবা কেস্তা, অসিগুম্বা কন্তেন্ত মেসেজশিং অসিগী হৌকফম ওইরিবা মীওইশিং, ইন্সতিত্যুসনশিং অমসুং বোদীশিং অদু খঙদোক্নবা মতিক চাবা রিজিম শেম্বা য়াম্না মরু ওইখি হায়না কোর্তনা ফোংদোকখ্রে৷ অসিগুম্বা ই-পাউ অসি ইন্তরমেদিয়রীশিংদগী লৌননবা হোৎনবদা মসি য়াম্না মরু ওইরকখ্রে৷

লিগেল ফ্রেমৱার্ক অসি হেন্না মপাঙ্গল লৈহন্নবা অমসুং ভারতকী লোশিংগী মখাদা সোসিয়েল মেদিয়া প্লেতফোর্মশিং অসি মথৌ তৌহন্নবা ভারতকী পার্লিয়ামেন্ত(অপ্পর হাউস-রাজ্য সভা)না ভারত সরকারদা হঞ্জিন-হঞ্জিন ফোংদোকপা লৈখ্রে৷

ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয় অমসুং ইনফোর্মেসন অমসুং ব্রোদকাস্তিং মন্ত্রালয়না মীয়ামশিং, সিবিল সোসাইতী, ইন্দস্ত্রী এসোসিয়েসন অমসুং ওর্গনাইজেসনশিং য়াওনা তোঙান তোঙানবা স্তেকহোল্দরশিংগা লোইননা ২০১৮দা পাক-চাওনা খন্ন-নৈনখি অমসুং দ্রাফত রুলশিং অসি শেম্ননবা ময়ামগী মৎশিং কৌখি হায়না পর্মেনেন্ত মিসন ওফ ইন্দিয়ানসু ফোংদোকপা পাম্লি৷ মতুং তারকপদা, লাক্লিবা মৎশিং অদু ইন্তর-মিনিস্তিরিয়েল মীফম অমনা য়াম্না কুপথনা খন্ন-নৈনখি অমসুং মদুগী মতুং ইন্না রুলশিং অদু ফাইনেলাইজ তৌখি৷

২০২১গী ফেব্রুৱারী ২৫দা, অনৌবা আই.তি. রুলশিং অসি ফোংখি অমসুং মরু ওইবা ইন্তরমেদিয়রীশিংদা মসিগী মতুং ইন্না থবক তৌরক্নবা থা অহুমগী মতম পীখিরম্মী৷ গ্রিভেন্স লৈরিবা সোসিয়েল মেদিয়া য়ুজরশিংগী রিদ্রেসেলগী লুরকপা ফিভম অমদা মতেং পাংবা ঙম্ননবগীদমক সোসিয়েল মেদিয়া কম্পেনীশিংনা ভারত্তা বেজ তৌবা রিদ্রেসেল ওফিসর, কমপ্লাইয়েন্স ওফিসর অমসুং নোদেল ওফিসর খনবা তঙাই ফদে৷ রুলশিং অসি ফোংদ্রিঙৈগী মমাংদা, সোসিযেল মেদিযা প্লোতফোর্মশিং অসি লান্না শিজিন্নরকপা নত্রগা এব্যুজ তৌরকপা মতমদা য়ুজরশিংনা কমপ্লেন্ত অমা ফাইল তৌরক্নবগী খুদোংচাবা লৈরমদে৷

য়ুজরশিংগী লাক্লিবা কমপ্লেন্তশিং লৌশিনবা অমসুং মতুং তারকপদা কমপ্লেন্তশিং অদু মফম চানা লোইশিনখিবা অসিনা অনৌবা আই.তি. রুলশিংগী মখাদা খল্লিবা গ্রিভেন্স ওফিসরগী থৌদাংনি৷ অসিগুম্বা কমপ্লেন্তশিং লাকপগী মশিং অসি সরকারদা থা খুদিংগী ওইনা খঙহনবা দরকার ওই৷

ই-পাউগী অহানবা ওরিজিনেতর অদু থিগৎপা মতমদা, অনৌবা আই.তি. রুলশিং অসিনা অকক্নবা ই-পাউ খক্তমক পুথোক্নবা হোৎনৈ হায়না পনবা য়াই৷ মাংজৌননা পব্লিক সর্কুলেসন তৌখ্রবা মেসেজ অমখক্না হিংশা থোকহল্লক্লবা, ভারতকী লিংজেল মান্নবা অমসুং অপুনবগী শকফমদা অকাইবা পীরক্লবা, নুপী অমবু ফৎতবা লম্বীদা উৎলক্লবা, নত্রগা অঙাং অমা সেকচুযেল এব্যুজ তৌরক্লবা অমসুং অতোপ্পা ইন্ত্রুসিব ওপ্সন অমতা মথৌ নিংথিনা তৌরক্তবা মতম খক্তদা, মরু ওইবা সোসিয়েল মেদিয়া ইন্তরমেদিয়রী খক্তনা মেসেজ অদু কনানা হৌদোরকপগা হায়না থিদোক্তুনা কেস অদু লোইশিনবা দরকার ওই৷

কে.এস. পুত্তুসামী কেস্তা ভারতকী সুপ্রিম কোর্তনা লাওথোকখিবগী মতুং ইন্না, ভারত সরকারনা  প্রাইবেসী রাইত মপুং ফানা রিকোগনাইজ তৌই অমসুং ইকাই খুম্নৈ৷ মীওই অমনা হিংবদা প্রাইবেসী অসি খ্বাইদগী মরু ওইবা মচাক অমনি অমসুং মসি য়েংলগা, মাংজৌননা সর্কুলেসন তৌদুনা ওফেন্সতা লৈরিবা মেসেজ অমদা অনৌবা আই.তি. রুলশিং অসিনা ইনফোর্মেসন লৌনবা হোৎনৈ৷ রিজনেবলনেস অমসুং প্রোপোর্সনেলিতীগী প্রিন্সিপলশিং অসি মপুং ফানা খন্নরদুনা আই.তি. এক্তকী স্তেত্যুতরী পৱারশিং শিজিন্নদুনা রুলশিং অসি শেমখিবনি৷

এন্নেক্স

২০২১গী ইনফোর্মেসন তেক্নোলোজী(ইন্তরমেদিয়রী গাইদলাইনশিং অমসুং দিজিতেল মেদিয়া ইথিক্স কোদ) রুলশিংগী মরু ওইবা ফিচরশিং

ইন্তরমেদিয়রীশিংনা ইনগদবা খোঙথাং: সোসিয়েল মেদিয়া ইন্তরমেদিয়রীশিং য়াওনা ইন্তরমেদিয়রীশিংনা শুংশোই শোইদনা ইনগদবা খোথাংশিং রুলশিং অসিনা পীরি৷ করিগুম্বা মতমদা, খোঙথাংশিং অসি ইন্তরমেদিয়রীনা ইল্লক্তবা মতমদা, মখোয়শিংদা সেফ হার্বর প্রোবিজনশিং শিজিন্নরোই৷

গ্রিভেন্স রিদ্রেসেন মেকানিজম: সোসিয়েল মেদিয়া প্লেতফোর্মশিং অসি শিজিন্নরিবা অমসুং ভিক্তিম ওইরিবা মীওইশিং অসিদগী লাক্লিবা কমপ্লেন্তশিং অসি লৌশিন্নবা অমসুং ৱারোইশিন পুরক্নবগীদমক গ্রিভেন্স রিদ্রেসেল মেকানিজম অমা শেমগৎননবা সোসিয়েল মেদিয়া ইন্তরমেদিয়রীশিং য়াওনা ইন্তরমেদিয়রীশিংদা খঙহন্দুনা রুলশিং অসিনা য়ুজরশিং অসিবু হেন্না এমপৱার তৌহন্নবা হোৎনৈ৷ অসিগুম্বা কমপ্লেন্তশিং অসি থেংননবা ইন্তরমেদিয়রীশিংনা গ্রিভেন্স ওফিসর অমা খল্লগনি অমসুং অদুগুম্বা ওফিসর অসিগী মমিং অমসুং কন্তেক্ত দিতেলশিং অদু সেয়র তৌরগনি৷ গ্রিভেন্স ওফিসরনা কমপ্লেন্ত অদু পুং ২৪গী মনুংদা লৌশিল্লগনি অমসুং রিসিপ্ত ককখিবা নুমিৎ অদুদগী হৌদুনা নুমিৎ ১৫নিগী মনুংদা ৱারোইশিন পুরক্লগনি৷

য়ুজরশিং মরু ওইনা নুপী য়ুজরশিং ওনলাইন সেফতী লৈহল্লগনি অমসুং ইকাই খুম্নরগনি: মীওই অমগী প্রাইবেৎ এরিয়াশিং উৎলিবা, অদুগুম্বা মীওইশিংগী ফি থোংদবা হকচাংগী শরুক খরা নত্রগা মপুং ফানা উৎলবা নত্রগা সেক্সুয়েলগী থৌওং চত্থরবা নত্রগা শেমদোক-শাদোক্লবা ফোতোশিং য়াওনা মীওই অমগী নেচর লৌদুনা শিজিন্নবগা মরী লৈননা থাংগৎলক্লিবা কমপ্লেন্তশিং অদু রিসিপ্ত ককখিবা পুং ২৪গী মনুংদা ইন্তরমেদিয়রীশিংনা মদুদা য়াওরিবা কন্তেন্তশিং অদু লৌথোকখ্রগনি নত্রগা চংবা য়াহল্লরোই৷ অসিগুম্বা কমপ্লেন্ত অমা অসি মীওই অদুনা নত্রগা মীওই অদুগী মহুৎ শিন্দুনা অতোপ্পা মীওই অমা হেক্তনা ফাইল তৌরকপা য়াই৷

সোসিয়েল মেদিয়া ইন্তরমেদিয়রীশিংগী কেতিগোরী অনি: ইন্নোবেসনশিং পুথোকপদা হেন্না পুক্নিং থৌগৎনবা অমসুং অপিকপা প্লেতফোর্মশিংদা কমপ্লাইয়েন্স রিক্বেয়রমেন্ত লৈহন্দনা অনৌবা সোসিয়েল মেদিয়া ইন্তরমেদিয়রীশিংগী গ্রোথ লৈহন্নবা, ২০২১গী রুলশিং অসিনা ‘সোসিয়েল মেদিয়া ইন্তরমেদিয়রীশিং’ অমসুং ‘সিগনিফিকেন্ত সোসিয়েল মেদিয়া ইন্তরমেদিয়রীশিং’গী মরক্তা খেন্নবা অমা থম্মী৷ মসিগী থম্লিবা খেন্নবা অসি সোসিয়েল মেদিয়া প্লেতফোর্মদা লৈরিবা য়ুজর মশিং অদুগী মতুং ইল্লি৷ অহেনবা মরু ওইবা খোঙথাংশিং ইলহন্নবা রুলশিং অসিনা মরু ওইবা সোসিয়েল মেদিয়া ইন্তরমেদিয়রীশিং দরকার ওই৷

মরু ওইবা সোসিয়েল মেদিয়া ইন্তরমেদিয়রীনা ইনগদবা অহেনবা খোথাংশিং:

এক্ত অমসুং রুলশিং অসি ইলহন্নবগীদমক অচৌবা থৌদাং লৌগদৌরিবা চীফ কমপ্লাইয়েন্স ওফিসর অমা খনবা৷ অসগুম্বা মীওই অসি ভারত্তা লৈবা মীওই অমা ওইগদবনি৷

লো এনফোর্সমেন্ত এজেন্সীশিংগা লোইননা ২৪x৭তা মতেং পাংননবগীদমক নোদেল কন্তেক্ত পর্সন অমা খনবা৷ অসিগুম্বা মীওই অমা অসি ভারত্তা লৈবা ওইগদবনি৷

গ্রিভেন্স রিদ্রেসেল মেকানিজমগী মখাদা পল্লিবা ফঙ্কসনশিং অসি পাংথোক্কদৌরিবা রিসাইদেন্ত গ্রিভেন্স ওফিসর অমা খনবা৷ অসিগুম্বা মীওই অমা অসি ভারত্তা লৈবা ওইগদবনি৷

লাক্লিবা কমপ্লেন্তশিংগী অকুপ্পা মরোলশিং অমসুং কমপ্লেন্তশিং অদুদা লৌখৎলিবা এক্সন অমসুং মরু ওইবা সোসিয়েল মেদিয়া ইন্তরমেদিয়রীনা লৌথোক্লিবা কন্তেন্তশিংগী অকুপ্পা মরোলশিং অদু পনবা থা খুদিংগী ওইবা রিপোর্ত অমা ফোংবা৷

লৈবাক অসিগী মনিং-মখা তম্বা অমসুং অপুনবগী শক্তম, রাজ্যগী সেক্যুরিতী, মপান লৈবাকশিংগা লৈনরিবা মরুপ-মপাং ওইবগী মরী, নত্রগা পব্লিক ওর্দর কাইহনবগা মরী লৈনবা ক্রাইম অদুগী চৈরাক পীনবা নত্রগা প্রোসিক্যুসন তৌননবা, রেপকা মরী লৈনবা, সেকচুএল্লী এক্সপ্লিসিত মেতরিএল নত্রগা চহি মঙাদগী তাদনা কৈশুমশঙদা থমদুনা চৈরাক পীবা য়ারিবা চাইল্দ সেকচুএল এব্যুজ মেতরিএল থিজিন্নবা, দিতেক্ত তৌনবা অমসুং যেংশিন্নবা মরমশিং অসি খক্তগী ওইনা দরকার ওইরিবা ই-পাউগী অহানবা ওরিজিনেতর অদু মরু ওইনা মেসেজিংগী মওংদা সর্ভিস পীরিবা সোসিয়েল মেদিয়া ইন্তরমেদিয়রীশিংনা খন্দোকপা ঙমহল্লগনি৷ ইন্তরমেদিয়রীনা মেসেজ অমা হেক্তগী নত্রগা অতোপ্পা ই-পাউ অমা হেক্তগী কন্তেন্তশিং অদু অহানবা ওরিজিনেতর অদুদা লোৎশিন্দুনা থম্বগী দরকার ওইররোই৷

সিগনিফিকেন্ত সোসিয়েল মেদিয়া ইন্তরমেদিয়রীনা মহাক্কী ৱেবসাইত নত্রগা মোবাইল এপ নত্রগা অনিমক্তা ফোংদুনা ভারত্তা ফিজিকেল কন্তেক্ত এদ্রেস অমা লৈরগনি৷

বোলুন্তরী য়ুজর বেরিফিকেসন মেকানিজম: বোলুন্তরী ওইনা মশাগী একাউন্তশিং ভেরিফাই তৌবা পাম্লিবা য়ুজরশিংদা মখোয়গী একাউন্তশিং অসি ভেরিফাই তৌনবগী চান্নবা মেকানিজম অমা অমসুং ভেরিফিকেসনগী বিজিবল মার্ক ফংহল্লগনি৷

আইননা য়াদবা ই-পাউ লৌথোকপা: ওথোরাইজ ওফিসরগী খুৎথাংদা মরী লৈনবা সরকার নত্রগা মহাক্কী এজেন্সীশিংনা ফোংলিবা নত্রগা কোর্ত অমনা থোক্লিবা ওর্দর অমগী মওংদা একচুএল নোলেজ ফংলবা ইন্তরমেদিয়রী অমনা ভারতকী মনিং-মখা তম্লিবা অমসুং অপুনবগী শক্তম কাইহন্দবা, পব্লিক ওর্দর, মপান লৈবাকশিংগা মরুপ-মপাং ওইবগী মরীশিং থম্লিবা অসি য়েংলগা লো অমা হেক্তগী মখাদা থিংলিবা ই-পাউ অমতা ফোংলোইদবনি৷

ইনফোর্মেসন অমসুং ব্রোদকাস্তিং মন্ত্রালয়না চলাইরিবা ২০২১গী রুলশিং অসিগী মখাদা লৈরিবা দিজিতেল মেদিয়া অমসুং ও.তি.তি. প্লেতফোর্মশিং অসিগা মরী লৈনরিবা দিজিতেল মেদিয়া ইথিক্স কোদনা মখাগী গাইদলাইনশিং অসি ফোংলি:

কন্তেন্ত সেল্ফ-ক্লাসিফাই তৌবা: রুলশিং অসিদা ওনলাইন ক্যুরেতেদ কন্তেন্তগী পব্লিসরশিংনি হায়না খঙনরিবা ও.তি.তি. প্লেতফোর্মশিং অসিনা কন্তেন্ত অসি এজ বেজ কেতিগোরী মঙাদা-য়ু(য়ুনিভর্সেল), আই.জে./এ. ৭+, য়ু./এ. ১৩+, আই.জে./এ. ১৬+, অমসুং (এদল্ত) সেল্ফ-ক্লাইসিফাই তৌরগনি অমসুং  য়ু./এ. ১৩+নত্রগা হেল্লি হায়না ক্লাসিফাই তৌরিবা কন্তেন্ত, অমসুং “এ”নি হায়না ক্লাসিফাই তৌরিবা কন্তেন্তগী রিলাইএবল এজ বেরিফিকেসন মেকানিজমশিংগীদমক পেরেন্তেল লোকশিং চৎনবা দরকার ওই৷

দিজিতেল মেদিয়াদা ফোংলিবা ন্যুস পব্লিসরশিংনা ওফলাইন(প্রিন্ত,তি.ভি.) অমসুং দিজিতেল মেদিয়াগী মরক্তা লেবেল প্লেইং ফিল্দ অমা ফংহন্দুনা কেবল তেলিভিজন নেতৱার্কস রিগুলেসন এক্তকী মখাদা লৈরিবা প্রোগ্রাম কোদ অমসুং প্রেস কাউন্সিল ওফ ইন্দিয়াগী জর্নেলিস্তিক কন্দক্তকী নোর্মশিং অদু য়েংশিনবা দরকার ওই৷

সেল্ফ-রিগুলেসনগী তোঙান তোঙানবা লেবেলশিংগা লোইননা রুলশিং অসিগী মখাদা লেবেল-অহুমগী গ্রিভেন্স রিদ্রেসেল মেকানিজম অমা শেমখ্রে৷

লেবেল-I:  পব্লিসরনা সেল্ফ-রিগুলেসন তৌবা: পব্লিসরনা ভারত্তা বেজ তৌবা গ্রিভেন্স রিদ্রেসেল ওফিসর অমা খল্লগনি, মহাক্না গ্রিভেন্সশিং রিদ্রেসেল তৌবগী থৌদাং অদু লৌরগনি৷ ওফিসর অসিনা ফংলিবা গ্রিভেন্স খুদিংমক নুমিৎ ১৫নিগী মনুংদা মহাক্না ৱারেপ লৌরগনি৷

লেবেল— Il: সেল্ফ-রিগুলেতরী বোদী: পব্লিসরশিংগী সেল্ফ-রিগুলেতরী বোদী অমা নত্রগা অমদগী হেন্না লৈবা য়াই৷ অসিগুম্বা বোদী অমা অসি সুপ্রিম কোর্ত, হাই কোর্তকী রিতাইয়র্দ জর্জ অমা নত্রগা মশক নাইবা ইন্দিপেন্দেন্ত ওইবা মীওই অমনা লমজিংলগনি অমসুং মেম্বর তরুক্তগী হেন্না লৈবা ওইগদবনি৷ অসিগুম্বা বোদী অমা অসিনা ইনফোর্মেসন অমসুং ব্রোদকাস্তিং মন্ত্রালয়দা রেজিস্তর তৌগদবনি৷ মসিগী বোদী অসিনা কোদ ওফ ইথিক্সতা পব্লিসর অদুনা তৌরিবা অদু য়েংশিল্লগনি অমসুং পব্লিসরনা নুমিৎ ১৫নিগী মনুংদা ৱারোইশিন পুরকপা ঙমদবা গ্রিভেন্সশিং লাওথোক্লগনি৷

লেবেল-111: ওভর্সাইত মেকানিজম: ইনফোর্মেসন অমসুং ব্রোদকাস্তিং মন্ত্রালয়না ওভর্সাইত মেকানিজম অমা শেম্লগনি৷ প্রেক্তিসশিংগী কোদশিং য়াওনা সেল্ফ-রিগুলেতিং বোদীশিংগীদমক চার্তর অমা ফোংলগনি৷ মসিনা গ্রিভেন্সশিং হিয়রিং তৌননবা ইন্তর-দিপার্তমেন্তেল কম্মিতী অমা শেম্লগনি৷

******