ആരോഗ്യ, കുടുംബക്ഷേമ മന്ത്രാലയം

രാജ്യത്ത് ചികിത്സയിലുള്ളവരുടെ എണ്ണം കുറഞ്ഞ് 7,60,019 ആയി, 74   ദിവസത്തിനുശേഷം  ഏറ്റവും താഴ്ന്ന നിലയിൽ

Posted On: 19 JUN 2021 10:15AM by PIB Thiruvananthpuram

 

 
 
ന്യൂഡൽഹി , ജൂൺ 19 ,2021
 
പ്രതിദിന കോവിഡ് ബാധിതരുടെ എണ്ണം രാജ്യത്തു കുറഞ്ഞുവരികയാണ്. കഴിഞ്ഞ 24 മണിക്കൂറിനിടെ 60,753 പേര്‍ക്കാണ് പുതുതായി രോഗം സ്ഥിരീകരിച്ചത്. തുടര്‍ച്ചയായ പന്ത്രണ്ടാം    ദിവസവും പുതിയ രോഗബാധിതരുടെ എണ്ണം ഒരു ലക്ഷത്തില്‍ താഴെയാണ്.
 
 
ചികിത്സയില്‍ കഴിയുന്നവരുടെ എണ്ണവും പതിവായി കുറയുകയാണ്. രാജ്യത്തു നിലവില്‍ ചികിത്സയിലുള്ളത് 7,60,019 പേരാണ്. 74  ദിവസത്തിനുശേഷം  ഏറ്റവും താഴ്ന്ന നിലയിൽ.
 
കഴിഞ്ഞ 24 മണിക്കൂറിനിടെ ചികിത്സയിലുള്ളവരുടെ എണ്ണത്തില്‍ 38,637-ന്റെ കുറവാണ് രേഖപ്പെടുത്തിയത്. രാജ്യത്തെ ആകെ രോഗബാധിതരുടെ 2.55% മാത്രമാണ് നിലവില്‍ ചികിത്സയിലുള്ളത്.
 
കൂടുതല്‍ പേര്‍ സുഖം പ്രാപിക്കുന്നതിനാല്‍, തുടര്‍ച്ചയായ 37  -ാം ദിവസവും പ്രതിദിന രോഗമുക്തരുടെ എണ്ണം പുതിയ പ്രതിദിന രോഗബാധിതരേക്കാള്‍ കൂടുതലാണ്. കഴിഞ്ഞ 24 മണിക്കൂറിനിടെ 97,743  പേരാണ് രോഗമുക്തരായത്.
 
പുതിയ പ്രതിദിന രോഗബാധിതരുടെ എണ്ണം കണക്കിലെടുക്കുമ്പോള്‍ കഴിഞ്ഞ 24 മണിക്കൂറിനിടെ, 37  ആയിരത്തില്‍ കൂടുതലാണ്  (36,990) രേഖപ്പെടുത്തിയ രോഗമുക്തരുടെ എണ്ണം.
 
 
രാജ്യത്തിതുവരെ ആകെ 2,86,78,390  പേരാണ്  കോവിഡ്-19 മഹാമാരിയില്‍ നിന്നു സുഖം പ്രാപിച്ചത്. കഴിഞ്ഞ 24 മണിക്കൂറിനിടെ 97,743 പേര്‍ രോഗമുക്തരായി. രോഗമുക്തി നിരക്ക് 96.16% ശതമാനമായി വര്‍ധിച്ചു.
 
 
രാജ്യത്ത് പരിശോധനാശേഷി ഗണ്യമായി വര്‍ധിപ്പിച്ചതോടെ കഴിഞ്ഞ 24 മണിക്കൂറിനുള്ളില്‍ നടത്തിയത് 19,02,009 പരിശോധനകളാണ്. ആകെ 38.92  കോടിയിലേറെ (38,92,07,637) പരിശോധനകളാണ് രാജ്യത്ത് ഇതുവരെ നടത്തിയത്.
 
രാജ്യത്തുടനീളം പരിശോധന വര്‍ധിപ്പിക്കുമ്പോഴും, പ്രതിവാര രോഗസ്ഥിരീകരണ നിരക്ക് തുടര്‍ച്ചയായി കുറയുകയാണ്. പ്രതിവാര രോഗസ്ഥിരീകരണ നിരക്ക് നിലവില്‍ 3.58%  ശതമാനവും പ്രതിദിന രോഗസ്ഥിരീകരണ നിരക്ക് ഇന്ന് 2.98% ശതമാനവുമാണ്. തുടര്‍ച്ചയായ 12   ദിവസമായി ഇത് 5 ശതമാനത്തില്‍ താഴെയാണ്.
 
ദേശീയ പ്രതിരോധ കുത്തിവയ്പു പരിപാടിയുടെ ഭാഗമായി ഇതുവരെ നൽകിയത് 27.23 കോടി വാക്സിൻ ഡോസുകൾ. ഇന്ന് രാവിലെ 7 വരെയുള്ള താല്‍ക്കാലിക കണക്കനുസരിച്ച് 37,48,147 സെഷനുകളിലൂടെ ആകെ 27,23,88,783 വാക്‌സിന്‍ ഡോസുകളാണ് നല്‍കിയത്. കഴിഞ്ഞ 24 മണിക്കൂറിനിടെ 33,00,085  വാക്‌സിന്‍ ഡോസുകള്‍ നല്‍കി.
 


(Release ID: 1728451) Visitor Counter : 138


Read this release in: English , Urdu , Hindi , Marathi , Bengali , Punjabi , Gujarati , Odia , Tamil , Telugu , Kannada