కోవీషీల్డ్ టీకా రెండు మోతాదుల మధ్య అంతరాన్ని 6-8 వారాల నుండి 12-16 వారాలకు పెంచుడుతూ తీసుకున్న నిర్ణయానికి సంబంధించి సాంకేతిక నిపుణుల మధ్య అసమ్మతి ఉందని పేర్కొంటూ, కొన్ని ప్రసార మాధ్యమాల్లో, నివేదికలు వచ్చాయి. 

అడెనోవెక్టర్ టీకాల ప్రవర్తనకు సంబంధించిన శాస్త్రీయ కారణాల ఆధారంగా, టీకాల మధ్య విరామం పెంచాలన్న నిర్ణయం తీసుకోవడం జరిగిందన్న విషయాన్ని గమనించాలి. ఎన్.టి.ఏ.జి.ఐ. కి చెందిన కోవిడ్-19 వర్కింగ్ గ్రూప్ మరియు స్టాండింగ్ టెక్నికల్ సబ్-కమిటీ (ఎస్.టి.ఎస్.సి.) సమావేశాలలో ఈ విషయాన్ని క్షుణ్ణంగా చర్చించడం జరిగింది.  ఈ సందర్భంగా, ఈ విషయమై, ఏ సభ్యుడు, అసమ్మతి వ్యక్తం చేయలేదు.

రోగనిరోధకత పై జాతీయ సాంకేతిక సలహా మండలి (ఎన్‌.టి.ఎ.జి.ఐ) కి చెందిన కోవిడ్-19 వర్కింగ్ గ్రూప్ 22వ సమావేశం 2021 మే నెల, 10వ తేదీన జరిగింది.

కోవిడ్-19 వర్కింగ్ గ్రూప్ లో ఈ దిగువ పేర్కొన్న వ్యక్తులు సభ్యులుగా ఉన్నారు: 

జాతీయ టీకా విధానం క్రింద ఉపయోగించిన కోవీ షీల్డ్ టీకా మోతాదుల మధ్య విరామంలో మార్పు కోసం, ఈ కోవిడ్-19 వర్కింగ్ గ్రూప్, ఒక ప్రతిపాదనను పరిగణించింది.

కోవిడ్-19 వర్కింగ్ గ్రూప్ ఈ విధంగా సిఫార్సు చేసింది:

‘ముఖ్యంగా యునైటెడ్ కింగ్‌డమ్ (యు.కె) నుండి వచ్చిన వాస్తవ జీవిత సాక్ష్యాల ఆధారంగా, కోవీషీల్డ్ టీకా రెండు మోతాదుల మధ్య విరామాన్ని 12-16 వారాలకు పెంచడానికి, కోవిడ్-19 వర్కింగ్ గ్రూప్, అంగీకరించింది’.

2021 మే నెల 13వ తేదీ న జరిగిన ఎన్.టి.ఏ.జి.ఐ. కి చెందిన స్టాండింగ్ టెక్నికల్ సబ్-కమిటీ (ఎస్.టి.సి) 31వ సమావేశంలో కోవిడ్-19 వర్కింగ్ గ్రూప్ చేసిన ఈ సిఫార్సు పై విస్తృతంగా చర్చించడం జరిగింది. ఈ సమావేశానికి, బయోటెక్నాలజీ విభాగం కార్యదర్శి మరియు డి.హెచ్.ఆర్. కార్యదర్శి & డి.జి., ఐ.సి.ఎం.ఆర్. సంయుక్తంగా అధ్యక్షత వహించారు. 

స్టాండింగ్ టెక్నికల్ సబ్-కమిటీ (ఎస్.టి.ఎస్.సి) లో, ఈ దిగువ పేర్కొన్న వ్యక్తులు సభ్యులుగా ఉన్నారు: 

ఎన్.టి.ఏ.జి.ఐ. కి చెందిన ఎస్.టి.ఎస్.సి. ఈ కింది విధంగా సిఫార్సు చేసింది : -

‘కోవిడ్-19 వర్కింగ్ గ్రూప్ సిఫార్సు ప్రకారం, కోవీషీల్డ్ టీకా రెండు మోతాదుల మధ్య కనీసం మూడు నెలల మోతాదు విరామం సిఫార్సు చేయబడింది.’

రెండు సమావేశాలలో, అంటే, కోవిడ్-19 వర్కింగ్ గ్రూప్ మరియు ఎస్.టి.ఎస్.సి. సమావేశాలలో, రాయిటర్స్ ఒక వార్తా నివేదికలో పేర్కొన్న ముగ్గురు సభ్యులు - డాక్టర్ మాథ్యూ వర్గీస్, డాక్టర్ ఎం. డి. గుప్త మరియు డాక్టర్ జె. పి. ములియిల్ లలో ఎవరూ, ఎటువంటి భిన్నాభిప్రాయాన్నీ, వ్యక్తం చేయలేదు. కాగా, డాక్టర్ మాథ్యూ వర్గీస్ తన అసమ్మతి ఆరోపణపై రాయిటర్స్‌ వార్తా సంస్థతో మాట్లాడలేదని కూడా, స్పష్టం చేశారు. 

*****