കോവിഷീല്‍ഡ് വാക്‌സിന്‍ ഡോസുകള്‍ക്കിടയിലെ ഇടവേള 6-8 ആഴ്ചയില്‍ നിന്ന് 12-16 ആഴ്ചയായി വര്‍ധിപ്പിച്ചത് സംബന്ധിച്ച് ചില മാധ്യമ വാര്‍ത്തകള്‍ പുറത്തുവന്നിട്ടുണ്ട്. ഡോസുകളുടെ ഇടവേള സംബന്ധിച്ച് സാങ്കേതിക വിദഗ്ധര്‍ക്കിടയില്‍ വിയോജിപ്പുണ്ടെന്ന് സൂചിപ്പിക്കുന്നതായിരുന്നു വാര്‍ത്തകള്‍.

അഡിനോവെക്ടര്‍ വാക്‌സിനുകളുടെ സ്വഭാവം സംബന്ധിച്ച പ്രാഥമിക ശാസ്ത്രീയ വാദങ്ങള്‍ അടിസ്ഥാനമാക്കിയാണ് കോവിഷീല്‍ഡ് ഡോസിന്റെ ഇടവേള കൂട്ടാനുള്ള തീരുമാനം കൈക്കൊണ്ടത്. മാത്രമല്ല, എന്‍ടിഎജിഐയുടെ കോവിഡ്-19 പ്രവര്‍ത്തക സമിതി, സാങ്കേതിക സ്ഥിര ഉപസമിതി (എസ്ടിഎസ്സി) യോഗങ്ങളില്‍ ഇക്കാര്യം വിശദമായി ചര്‍ച്ച ചെയ്തിട്ടുമുണ്ട്. കോവിഡ്-19 പ്രവര്‍ത്തകസമിതിയിലെ അംഗങ്ങള്‍ ഇനി പറയുന്നവരാണ്: 

ദേശീയ പ്രതിരോധ കുത്തിവയ്പു പരിപാടിയുടെ കീഴില്‍ കോവിഷീല്‍ഡ് വാക്‌സിന്‍ ഡോസുകള്‍ നല്‍കുന്നതിനുള്ള ഇടവേളയില്‍ മാറ്റം വരുത്തുന്നതു സംബന്ധിച്ച നിര്‍ദേശം ഈ കോവിഡ്-19 പ്രവര്‍ത്തക സമിതി പരിഗണിച്ചു. 'യഥാര്‍ത്ഥ ജീവിതത്തില്‍ നിന്നുള്ള സംഭവങ്ങള്‍, പ്രത്യേകിച്ച് യുണൈറ്റഡ് കിങ്ഡത്തില്‍ (യുകെ) നിന്നുള്ളവ, കണക്കിലെടുത്ത് കോവിഷീല്‍ഡ് വാക്‌സിന്റെ രണ്ട് ഡോസുകള്‍ക്കിടയിലുള്ള ഇടവേള 12 മുതല്‍ 16 വരെ ആഴ്ചയായി വര്‍ധിപ്പിക്കുന്നതിന് കോവിഡ് -19 പ്രവര്‍ത്തക സമിതി അംഗീകാരം നല്‍കി' എന്നായിരുന്നു ശുപാര്‍ശ.

കോവിഡ് -19 പ്രവര്‍ത്തക സമിതിയുടെ ഈ ശുപാര്‍ശ വിശദമായ ചര്‍ച്ചയ്ക്കായി എന്‍ടിഎജിഐ സാങ്കേതിക സ്ഥിര ഉപസമിതി (എസ്ടിഎസ്സി) ഏറ്റെടുത്തു. 2021 മെയ് 13 ന് ജൈവസാങ്കേതിക വകുപ്പ് സെക്രട്ടറിയുടെയും ഐസിഎംആര്‍ ഡിഎച്ച്ആര്‍ ആന്‍ഡ് ഡിജി സെക്രട്ടറിയുടെയും സംയുക്താധ്യക്ഷതയില്‍ ചേര്‍ന്ന, സമിതിയുടെ 31-ാമത് യോഗത്തിലാണ് ഇതു ചര്‍ച്ച ചെയ്തത്.

ഇനിപ്പറയുന്നവരാണ് എസ്ടിഎസ്സി അംഗങ്ങള്‍: 

എന്‍ടിഎജിഐ എസ്ടിഎസ്സി ഇനി പറയുന്ന ശുപാര്‍ശ നല്‍കി:- 'കോവിഡ്-19 പ്രവര്‍ത്തക സമിതി ശുപാര്‍ശ പ്രകാരം, രണ്ടു ഡോസ് കോവിഷീല്‍ഡ് വാക്‌സിനുകളുടെ ഇടവേള കുറഞ്ഞത് മൂന്നു മാസമാക്കാന്‍ നിര്‍ദേശിക്കുന്നു'.

രണ്ടു യോഗങ്ങളിലും, അതായത്, കോവിഡ്-19 പ്രവര്‍ത്തകസമിതിയിലും എസ്ടിഎസ്സിയിലും, റോയിട്ടേഴ്‌സ് നല്‍കിയ വാര്‍ത്തയില്‍ പറയുന്ന ഡോ. മാത്യു വര്‍ഗീസ്, ഡോ. എം ഡി ഗുപ്‌തെ, ഡോ. ജെ പി മുളിയില്‍ എന്നീ മൂന്നംഗങ്ങളില്‍ ആരുടെയും എതിര്‍പ്പുണ്ടായില്ല. മാത്രമല്ല, എതിര്‍പ്പുമായി ബന്ധപ്പെട്ട് റോയിട്ടേഴ്‌സുമായി സംസാരിച്ചിട്ടില്ലെന്ന് ഡോ. മാത്യു വര്‍ഗീസ് വെളിപ്പെടുത്തുകയും ചെയ്തു.

*****