કોવિશિલ્ડ રસીના બે ડોઝ વચ્ચેના અંતરમાં 6-8 અઠવાડિયાથી 12-16 અઠવાડિયા સુધીના તફાવતને લગતા નિર્ણય અંગેના તકનીકી નિષ્ણાતોમાં અસંમતિ સૂચવતા કેટલાક મીડિયા અહેવાલો પ્રાપ્ત થયા છે.

નોંધનીય છે કે અંતરાલ વધારવાનો નિર્ણય એડેનોવેક્ટર રસીના વર્તણૂક અંગેના વૈજ્ઞાનિક કારણ પર આધારિત છે અને એનટીએજીઆઈની કોવિડ-19 કાર્યકારી જૂથ અને સ્ટેન્ડિંગ ટેક્નિકલ સબ-કમિટી (એસ.ટી.એસ.સી.)ની બેઠકોમાં કોઈપણ સભ્યની અસંમતિ વિના સંપૂર્ણ ચર્ચા કરવામાં આવી છે,

રાષ્ટ્રીય તકનીકી સલાહકાર જૂથ પર ઇમ્યુનાઇઝેશન (એનટીએજીઆઈ)ની કોવિડ-19ની 22મી બેઠક, 10મી મે, 2021ના રોજ યોજવામાં આવી હતી. કોવિડ-19 કાર્યકારી જૂથમાં નીચેના સભ્યો છે :

આ કોવિડ-19 કાર્યકારી જૂથે રાષ્ટ્રીય રસીકરણ નીતિ હેઠળ ઉપયોગમાં લેવાતી કોવિશિલ્ડ માટે ડોઝ અંતરાલમાં ફેરફાર કરવાની દરખાસ્ત પર વિચારણા કરી. તેમાં ભલામણ કરવામાં આવી છે કે ‘ખાસ કરીને યુનાઇટેડ કિંગડમ (યુકે) ના વાસ્તવિક જીવનના પુરાવાના આધારે, કોવિડ-19 કાર્યકારી જૂથ કોવિશીલ્ડ રસીના બે ડોઝ વચ્ચે અંતરાલને 12-16 અઠવાડિયા સુધી વધારવા માટે સંમત થયા છે.

કોવિડ-19 કાર્યકારી જૂથની આ ભલામણને એનટીએજીઆઈની સ્થાયી તકનીકી પેટા સમિતિ (એસટીએસસી)ની 31મી બેઠકમાં ચર્ચા માટે લેવામાં આવી હતી, જે 13 મે 2021ના રોજ સેક્રેટરી, બાયોટેકનોલોજી વિભાગ અને સેક્રેટરી, ડી.એચ.આર. અને ડીજી, આઈસીએમઆર.ની સંયુક્ત અધ્યક્ષતામાં મળી હતી.

એસ.ટી.એસ.સી.ના સભ્યો નીચે મુજબ છેઃ

એનટીએજીઆઈની એસ.ટી.એસ.સી. દ્વારા નીચેની ભલામણ કરાઈ: - ‘કોવિડ -19 કાર્યકારી જૂથની ભલામણ મુજબ, કોવિશિલ્ડ રસીના બે ડોઝ વચ્ચે ઓછામાં ઓછો ત્રણ મહિનાનો અંતરાલ લેવાની ભલામણ કરવામાં આવી હતી.’

બંને બેઠકોમાં એટલે કે કોવિડ-19 કાર્યકારી સમૂહ અને એસટીએસસીમાં, રોઇટર્સના ન્યુઝ રિપોર્ટમાં ટાંકવામાં આવેલા ત્રણ સભ્યોમાંથી કોઈપણ દ્વારા મત આપવામાં આવ્યા ન હતા, એટલે કે, ડૉ. મેથ્યુ વર્ગીઝ, ડૉ. એમ. ડી. ગુપ્તે અને ડૉ.  જે. પી. મુલીયિલ. ઉપરાંત, એ રેકોર્ડ પર છે કે ડૉ. મેથ્યુ વર્ગીઝે તેમની કથિત અસંમતિના મુદ્દે રોઇટર્સ સાથે વાત કરવાનો ઇનકાર કર્યો છે.

SD/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com